#Dayjest #Дайжест #Digest

Yakuniga yetgan hafta davomida O‘zbekiston Ekologik partiyasi tomonidan amalga oshirilgan ishlar haqida haftalik dayjest.
__

Еженедельный дайджест работы Экологической партии Узбекистана за прошедшую неделю.
____

A weekly digest of the work carried out by the Ecological Party of Uzbekistan during the past week.

✅Telegram|✅Facebook | 🌐Instagram |🌐 Web site | 📹You Tube

“Mustaqillik kubogi” uchun jamoalar maydonga tushdi!

“Tabiat uchun birlashaylik!” shiori ostida mustaqilligimizning 35 yilligi munosabati bilan O‘zbekiston Ekologik partiyasi Farg‘ona viloyati Kengashi tashabbusi bilan vodiy viloyatlari — Farg‘ona, Andijon va Namangan partiya tashkilotlari xodimlari o‘rtasida futbol bo‘yicha “Mustaqillik kubogi” musobaqasi tashkil etildi.

Musobaqa oldidan Andijon va Namangan viloyatlari Kengashlari xodimlari Bag‘dod tumanida kutib olinib, tuman hokimligida yangi tashkil etilgan “Situatsion markaz” faoliyati bilan tanishtirildi. Shuningdek, ishtirokchilar bilan uchrashuv o‘tkazilib, hududdagi ijtimoiy, ekologik va yoshlar bilan bog‘liq tashabbuslar haqida ma’lumotlar berildi.

Partiya xodimlari “Chuvalanchi” MFY faoliyati, mahalla yettiligi ishlari va hududdagi ekologik muhit bilan yaqindan tanishdilar. Shuningdek, tumanda istiqomat qiluvchi Sayyodbek Murodov xonadonida amalga oshirilayotgan innovatsion loyiha bilan tanishib, yoshlar uchun tabiiy ekologik muhitda yaratilgan baydarka va kanoeda eshkak eshish sport imkoniyatlarini ham ko‘zdan kechirdilar.

Shundan so‘ng “Mustaqillik kubogi” uchun futbol bahslari boshlandi. Qizg‘in va murosasiz kechgan uchrashuvlarda jamoalar nafaqat sportdagi mahoratini, balki jamoaviylik, hamjihatlik, iroda va g‘alabaga bo‘lgan ishonchini ham namoyon etdilar.

🏅 Musobaqa yakunlariga ko‘ra:
🥇 1-o‘rin — Namangan viloyati jamoasi
🥈 2-o‘rin — Andijon viloyati jamoasi
🥉 3-o‘rin — Farg‘ona viloyati jamoasi

G‘olib va sovrindor jamoalar munosib taqdirlandi.

✅Telegram|✅Facebook | 🌐Instagram |🌐 Web site | 📹You Tube

🔴#Live
#Fraksiya_yigilishi

Sirdaryo viloyatining ayrim tuman va shaharlarining chegaralari o‘zgarmoqda

O‘zbekiston Respublikasi Oliy Majlisi Qonunchilik palatasining "Sirdaryo viloyatining Guliston, Shirin, Yangiyer shaharlari, Guliston Boyovut, Mirzaobod, Oqoltin, Sardoba, Sayxunobod, Sirdaryo, Xovos tymanlari ma’muriy-hududiy chegaralarini o‘zgartirish to‘g‘risida"gi qarori loyihasi ko‘rib chiqildi.

✅Telegram|✅Facebook | 🌐Instagram |🌐 Web site | 📹You Tube

🔴#Live
#Fraksiya_yigilishi

Moliyaviy jarimalarni qo‘llashning yagona protsessual tartibi belgilanmoqda

Yig‘ilishda shuningdek, “O‘zbekiston Respublikasining ayrim qonun hujjatlariga moliyaviy jarimalarni qo‘llash tartibini belgilash, ular ustidan shikoyat qilish hamda noqonuniy undirilgan mablag‘larni qaytarishga qaratilgan o‘zgartirish va qo‘shimchalar kiritish to‘g‘risida”gi Qonun loyihasi muhokama qilindi.

Qonun loyihasi bilan:

moliyaviy jarimalarni qo‘llashning yagona protsessual tartibi belgilanmoqda;

huquqbuzarlikni rasmiylashtirishda dalolatnoma tuzish, uni imzolash, imzolash rad etilgan hollarda videoyozuv yoki xolislar ishtirokida tasdiqlash tartibi aniqlashtirilmoqda;

huquqbuzarga moliyaviy jarimani ixtiyoriy ravishda yengillashtirilgan tartibda to‘lash yoki bo‘lib-bo‘lib to‘lash imkoniyati yaratilmoqda;

moliyaviy jarima qo‘llash to‘g‘risidagi qaror ustidan yuqori turuvchi organga yoki sudga shikoyat qilish huquqi hamda shikoyat berilganda qaror ijrosini to‘xtatib turish kafolati mustahkamlanmoqda;

sud tomonidan qaror bekor qilinganda yoki haqiqiy emas deb topilganda noqonuniy undirilgan mablag‘larni belgilangan muddatda qaytarish, shuningdek, ularni qaytarish kechiktirilgan taqdirda foiz hisoblash tartibi joriy etilishi ko‘zda tutilmoqda.

✅Telegram|✅Facebook | 🌐Instagram |🌐 Web site | 📹You Tube