Yashil energiyadan foydalanish ko‘lami kengaymoqda

O‘zbekiston Ekologik partiyasi Toshkent viloyat Kengashi raisi Furqatjon Ahmedjanov boshchiligidagi viloyat ishchi guruhi tomonidan olib borilgan o‘rganishlar davomida Toshkent viloyatida qayta tiklanuvchi energiya manbalaridan foydalanish holati, mavjud imkoniyatlar hamda bu boradagi ijobiy tajribalarni ommalashtirishga qaratilgan ishlar tahlil qilindi.

O‘rganishlar natijasiga ko‘ra, bugungi kunda viloyat hududida jismoniy va yuridik iste’molchilar bilan qayta tiklanuvchi energiya manbalarini joriy etish bo‘yicha jami 7 591 ta shartnoma tuzilgan bo'lib, mazkur shartnomalar doirasida o‘rnatilgan qayta tiklanuvchi energiya manbalarining jami quvvati 161 334 kVtni tashkil etmoqda.

Ma'lmot o'rnida, yuqoridagi jadvalda qayta tiklanuvchi energiya manbalaridan foydalanish bo‘yicha tuzilgan shartnomalar va mavjud quvvat hisoblarini (kilovattda) tuman va shaharlar kesimida keltirilgan jadval orqali batafsil tanishishingiz mumkin.

Bu ko‘rsatkichlar hududlarda quyosh va boshqa qayta tiklanuvchi energiya manbalaridan foydalanishga bo‘lgan qiziqish tobora ortib borayotganini ko‘rsatadi. Ayniqsa, xonadonlar, tadbirkorlik subyektlari hamda ijtimoiy soha obyektlarida quyosh panellaridan foydalanish bo‘yicha amaliy tajribalar kengayib bormoqda.

✅Telegram|✅Facebook | 🌐Instagram |🌐 Web site | 📹You Tube

Tadbirkorlik — iqtisodiy taraqqiyotning muhim tayanchi

Davlatimiz rahbarining Xorazmda tadbirkorlar bilan ochiq muloqotida ilgari surilgan tashabbuslar mamlakatimizda biznes muhitini yanada yaxshilash, yangi ish o‘rinlari yaratish va iqtisodiy o‘sishni ta’minlashga qaratilgani bilan ahamiyatlidir.
 

Bugun yurtimizda 1 million 200 mingdan ziyod tadbirkorlik subyekti faoliyat yuritmoqda. So‘nggi besh yilda biznes uchun kredit portfeli qariyb 3 barobar oshib, 450 trillion so‘mga, tadbirkorlar foydalangan soliq va bojxona imtiyozlari esa 650 trillion so‘mga yetgani sohadagi islohotlar samarasini ko‘rsatadi.

 
❗️Ayniqsa, tadbirkorlikni har bir bosqichda qo‘llab-quvvatlaydigan “Biznes start”, “Biznes lift” va “Biznes yuksalish” dasturlarining joriy etilishi, yangi tadbirkorlarga 200 million so‘mgacha garovsiz kredit ajratilishi, 10 milliard so‘mgacha kreditlarda “kontr-kafolat” tizimining yo‘lga qo‘yilishi muhim qadamdir.
 

✅Eng muhim jihati, iqtisodiy o‘sish bilan birga “yashil” iqtisodiyot, energiya samaradorligi va zamonaviy texnologiyalarni joriy etish masalalarga alohida e’tibor qaratilayotganidir.  “10 ming korxona uchun — sun’iy intellekt hamkor” dasturi doirasida sun’iy intellekt joriy etish xarajatlarining 50 foizini qoplash, “yashil” energetika va ekologik texnologiyalarni rivojlantirish tashabbuslari resurslardan oqilona foydalanish hamda ekologik barqarorlikni ta’minlash uchun yangi imkoniyatlar ochadi.

 
Tadbirkorlarga ma’muriy bosimni kamaytirish, kichik biznesda ayrim tekshiruvlarga uch yillik moratoriy joriy etish, “Tadbirkorning haqliligi prezumpsiyasi”, “Birinchi xato uchun ogohlantirish” qoidalarini belgilash kabi choralar esa biznesda ishonch va qonuniylikni mustahkamlaydi.

✅Telegram|✅Facebook | 🌐Instagram | 📹You Tube

Xorazmda tadbirkorlik va yashil iqtisodiyot uchun yangi imkoniyatlar
 
Bugun Prezident Shavkat Mirziyoyevning Xorazm viloyatida tadbirkorlar bilan ochiq muloqoti mamlakatimizda biznesni qo‘llab-quvvatlash, yangi ish o‘rinlari yaratish va hududlar iqtisodiy salohiyatini oshirish bilan bir qatorda, ekologik barqaror va “yashil” iqtisodiyotga o‘tish masalalariga ham alohida e’tibor qaratilayotganini yana bir bor ko‘rsatdi.
 

Tadbirkorlikni rivojlantirish endilikda faqat iqtisodiy ko‘rsatkichlarni oshirish bilan cheklanmasligi kerak. Yangi korxonalar, ishlab chiqarish quvvatlari va infratuzilma loyihalari atrof-muhitga minimal ta’sir ko‘rsatishi, tabiiy resurslardan oqilona foydalanishi va energiya samaradorligi tamoyillariga javob berishi muhim.

 
Batafsil: 👉 https://ecouz.uz/news/908

✅Telegram|✅Facebook | 🌐Instagram |🌐 Web site | 📹You Tube

🔴#Live
#Ayollar_forumi

Forumda O‘zbekiston Ekologik partiyasi Markaziy Kengashi Ijroiya qo‘mitasi xodimlari, Oliy Majlis Qonunchilik palatasi deputatlari, Senat, Oila va xotin-qizlar qo‘mitasi, hududiy partiya tashkilotlarining mas’ul vakillari, “Ekologiya va salomatlik” ayollar klubi vakillari, shuningdek, turli sohalarda faoliyat yuritayotgan mutaxassis va ekspertlar ishtirok etmoqda.

Tadbir xotin-qizlarning jamiyat hayotidagi siyosiy va ijtimoiy faolligini yanada oshirish, ularning yetakchilik salohiyatini rivojlantirish, zamonaviy bilim va ko‘nikmalarini mustahkamlash, siyosiy jarayonlardagi ishtirokini kengaytirishga qaratilgan.

✅Telegram|✅Facebook | 🌐Instagram |🌐 Web site | 📹You Tube