🔴#Live
#Ayollar_forumi

Forumda O‘zbekiston Ekologik partiyasi Markaziy Kengashi Ijroiya qo‘mitasi xodimlari, Oliy Majlis Qonunchilik palatasi deputatlari, Senat, Oila va xotin-qizlar qo‘mitasi, hududiy partiya tashkilotlarining mas’ul vakillari, “Ekologiya va salomatlik” ayollar klubi vakillari, shuningdek, turli sohalarda faoliyat yuritayotgan mutaxassis va ekspertlar ishtirok etmoqda.

Tadbir xotin-qizlarning jamiyat hayotidagi siyosiy va ijtimoiy faolligini yanada oshirish, ularning yetakchilik salohiyatini rivojlantirish, zamonaviy bilim va ko‘nikmalarini mustahkamlash, siyosiy jarayonlardagi ishtirokini kengaytirishga qaratilgan.

✅Telegram|✅Facebook | 🌐Instagram |🌐 Web site | 📹You Tube

🔴#Live
#Ayollar_forumi

Xotin-qizlar liderligi va faolligini oshirish — zamonaviy taraqqiyot omili

Forum davomida kasbiy faoliyatda etika me’yorlariga rioya qilish, xotin-qizlar uchun yaratilayotgan imkoniyatlar va qonunchilikda belgilangan imtiyozlardan samarali foydalanish, ayollarning shaxsiy brendini rivojlantirish hamda ijtimoiy tarmoqlardan samarali foydalanish masalalariga alohida e’tibor qaratildi.

Shuningdek, sun’iy intellekt davrida ayol liderning zamonaviy siyosiy kommunikatsiyasi, ta’sirchan nutq va ommaviy muloqot ko‘nikmalarini rivojlantirish, siyosiy partiyalarda xotin-qizlar faolligini yanada oshirish hamda ayollar tadbirkorligini qo‘llab-quvvatlash kabi dolzarb mavzularda ma’ruzalar tinglandi.

Forumda bildirilgan fikr va takliflar xotin-qizlarning siyosiy, ijtimoiy va iqtisodiy faolligini yuksaltirishda zamonaviy bilim va ko‘nikmalar, kuchli kommunikatsiya, huquqiy savodxonlik, liderlik salohiyati hamda kasbiy kompetensiyalarni rivojlantirish muhim ahamiyatga ega ekanini yana bir bor namoyon etdi.

✅Telegram|✅Facebook | 🌐Instagram |🌐 Web site | 📹You Tube

Mustaqillik bayrami arafasida ezgu tashabbus: e’tiborga muhtoj oilalar qo‘llab-quvvatlandi

Senatning Fan, taʼlim va sogʻliqni saqlash masalalari qoʻmitasi aʼzosi Gulnora Marufova, Xalq deputatlari Toshkent shahar Kengashi deputati Sevara Fayziyeva, Ekopartiyadan saylangan Xalq deputatlari Chilonzor tuman Kengashi deputati Oybek Tuganbekovlar Toshkent shahrining Chilonzor tumanidagi “Kichik Xirmontepa” mahallasida saylovchilar bilan uchrashuv oʻtkazdilar.

Uchrashuvda Senat yalpi majlisida maʼqullangan qonunlarning mazmun-mohiyati, davlatimiz mustaqilligining 35 yilligi munosabati bilan joylarda olib borilayotgan bunyodkorlik va obodonlashtirish ishlari haqida maʼlumot berildi.

Shundan so’ng, mahalla raisi va O’zbekiston Ekologik partiyasi faollari bilan birgalikda, davlatimiz mustaqilligining 35 yilligi munosabati bilan fuqarolarda bayramona kayfiyatni yanada kuchaytirish, ayniqsa, e’tibor va ko‘makka muhtoj oilalarni qo‘llab-quvvatlash maqsadida deputat Oybek Bahrombekovich tomonidan mahallada istiqomat qiluvchi nogironligi bo‘lgan hamda ijtimoiy himoyaga muhtoj oilalar holidan uyma-uy yurib xabar olindi. Ularning yashash sharoiti, ehtiyoj va muammolari o‘rganilib, zarur ijtimoiy yordamlar ko‘rsatildi.

Bu kabi amaliy ishlar deputatning o‘z saylovchilari bilan doimiy aloqada bo‘lishi, ayniqsa, e’tibor va ko‘makka muhtoj fuqarolarni qo‘llab-quvvatlashga qaratilgan faoliyatining muhim qismi hisoblanadi.

✅Telegram|✅Facebook | 🌐Instagram |🌐 Web site | 📹You Tube

Yashil va obod mahallalar sari

O‘zbekiston Ekologik partiyasi Jizzax viloyati Kengashi raisi Akram Raxmonqulov mustaqilligimizning 35 yilligi munosabati bilan Paxtakor va Arnasoy tumanlarida bo‘lib, hududlarda amalga oshirilayotgan obodonlashtirish ishlari, xonadonlar va tomorqalarning holati bilan tanishdi.

Tumanlardagi Nuroniylar maskani faollari bilan birgalikda mahallalardagi mavjud holat o‘rganilib, nuroniylarning holidan xabar olindi.

Hududlarni ko‘kalamzorlashtirish, xonadonlar hamda tomorqalardan samarali foydalanish, atrof-muhitni asrash va aholining ekologik madaniyatini yuksaltirish masalalariga alohida e’tibor qaratildi.

✅Telegram|✅Facebook | 🌐Instagram |🌐 Web site | 📹You Tube