Qibray tumanidagi zamonaviy suv tozalash inshooti o‘rganildi

O‘zbekiston Ekologik partiyasi Toshkent viloyat Kengashi raisi Furqatjon Ahmedjanov boshchiligidagi viloyat ishchi guruhi tomonidan Qibray tumanining “Baytqo‘rg‘on” MFY hududida joylashgan Chirchiq shahri suv tozalash inshooti o‘rganildi.

O‘rganish davomida mazkur inshoot O‘zbekiston-Turkiya hamkorligida barpo etilayotgani, hozirda Chirchiq shahri va Bo‘stonliq tumaniga xizmat ko‘rsatayotgani ma’lum bo‘ldi. Ayni paytda inshootda qurilish ishlari davom etayotgan bo‘lib, ishlarning qariyb 90 foizi yakunlangan. Obyektni joriy yilning oktabr oyida to‘liq foydalanishga topshirish rejalashtirilgan.

Umumiy maydoni 45,5 gektarni tashkil etuvchi hududning qariyb 50 foizi yashil maydon bilan qoplangani qayd etildi. Bu esa yirik infratuzilma obyektlarida ekologik muvozanat va ko‘kalamzorlashtirish masalalariga ham e’tibor qaratilayotganidan dalolat beradi.

Mazkur inshootning ishga tushirilishi aholining sifatli ichimlik suviga bo‘lgan ehtiyojini ta’minlash, suv resurslaridan oqilona foydalanish hamda hududning ekologik barqarorligini mustahkamlashda muhim ahamiyat kasb etadi.

✅Telegram|✅Facebook | 🌐Instagram |🌐 Web site | 📹You Tube

Xonadonlar obodligi — mahalla ko‘rki

“Mahallalarda obodlik va mehr-saxovat oyligi” doirasida Arnasoy tumanidagi xonadonlarda amalga oshirilayotgan ko‘kalamzorlashtirish va obodonlashtirish ishlari bilan tanishildi.

Jumladan, G‘aniyev Navro‘z xonadonida bo‘lib, xonadon atrofi obodonchiligi, ko‘kalamzorlashtirish ishlari hamda tomorqadan samarali foydalanish holati o‘rganildi.

Bunday tashabbuslar mahallalarda obodlikni ta’minlash va yashil hududlarni kengaytirishga xizmat qiladi.

✅Telegram|✅Facebook | 🌐Instagram |🌐 Web site | 📹You Tube

Bugungi islohot — kelajak avlodlar uchun mustahkam energetik poydevor!

Yurtimizdagi daryo va kanallar tarmog‘ining umumiy uzunligi 173 ming kilometrdan ziyod. Ana shu ulkan tabiiy imkoniyatdan oqilona foydalanib, kichik va mikro GESlarni ko‘paytirish — mavjud resurslardan samarali foydalanish, hududlarni barqaror elektr energiyasi bilan ta’minlash va “yashil” iqtisodiyot sari dadil qadam tashlash demakdir.

Eng muhimi, bu borada aniq maqsadlar belgilangan. 2030-yilga qadar kichik va mikro GESlar quvvatini 204,8 megavattga yetkazish va yiliga 620 million kilovatt-soat ekologik toza elektr energiyasi ishlab chiqarish rejalashtirilgan. Bu esa 350 mingta xonadonni “yashil” energiya bilan ta’minlash, har yili 187 million kub metr tabiiy gazni tejash va atmosferaga 311 ming tonna karbonat angidrid chiqarilishining oldini olish imkonini beradi.

Bu raqamlar ortida xalqimiz farovonligi, tabiiy boyliklarimizni asrab-avaylash va kelajak avlodlar oldidagi mas’uliyatimiz mujassam.

Bugun qurilayotgan har bir kichik GES — ertangi kunga qo‘yilgan sarmoya.

Bugun tejalgan har bir tabiiy resurs — kelajak avlodga qoldirilgan boylik.

Bugun ishlab chiqarilgan toza energiya — farzandlarimiz uchun musaffo muhit va farovon hayot demakdir.

Shu ma’noda, gidroenergetika sohasidagi bu islohotlar nafaqat energetik loyiha, balki mamlakatimizning iqtisodiy barqarorligi, ekologik xavfsizligi va kelajak taraqqiyotiga xizmat qiladigan strategik ahamiyatga ega tashabbuslardir.

✅Telegram|✅Facebook | 🌐Instagram | 📹You Tube

Aholi murojaatlari deputat e’tiborida

Xalq deputatlari Buxoro viloyat Kengashi deputati Jahongir Sharipov tomonidan saylovchilar bilan uchrashuv va sayyor qabul o‘tkazildi.

Uchrashuv davomida deputatning Kengashdagi faoliyati, sessiyalar va doimiy komissiyalar ishida ishtiroki, hududni ijtimoiy-iqtisodiy rivojlantirish hamda aholi manfaatlarini himoya qilish borasida amalga oshirilayotgan ishlar yuzasidan axborot berildi.

Fuqarolarning ijtimoiy himoya, moddiy ko‘mak, ichki yo‘llarni ta’mirlash, elektr energiyasi ta’minoti, elektr kuchlanishining pastligi, sug‘orish ariqlarini betonlashtirish hamda suv ta’minotini yaxshilash bilan bog‘liq murojaatlari tinglandi.

Murojaatlar tuman hokimligi, Mahallalar uyushmasi, elektr, gaz hamda suv xo‘jaligi va melioratsiya sohasi mas’ullari ishtirokida muhokama qilinib, aniqlangan muammolarni o‘rganish va ularni qonuniy tartibda hal etish yuzasidan tegishli mutasaddilar bilan joyiga chiqib o‘rganish ishlari amalga oshirildi.

✅Telegram|✅Facebook | 🌐Instagram |🌐 Web site | 📹You Tube

Hamjihatlikda farovon mahalla va musaffo muhit sari

Mustaqilligimizning 35 yilligi munosabati bilan O‘zbekiston Ekologik partiyasi Sirdaryo viloyat Kengashi raisi O.Karimov tomonidan Guliston shahrining "Sayqal" MFY hududida nuroniylar bilan uchrashuv tashkil etildi.

Samimiy suhbat davomida nuroniylarning ijtimoiy sharoiti, hududdagi mavjud kamchiliklar, obodonlashtirish va tozalik masalalari yuzasidan fikrlari so‘raldi. Ularning murojaatlari, talab va takliflari diqqat bilan tinglanib, muammolarni bartaraf etish bo‘yicha tegishli masalalar muhokama qilindi.

Muloqotning muhim yo‘nalishlaridan biri ekologik barqarorlik masalasi bo‘ldi. Xususan, hududlarda yashil maydonlarni kengaytirish, daraxt va butalarni asrab-avaylash, chiqindilarni belgilangan tartibda tashlash, mahallalarda sanitariya va obodonlashtirish ishlarini kuchaytirish, aholi o‘rtasida ekologik madaniyatni yuksaltirish kabi dolzarb masalalar yuzasidan fikr almashildi.

Mustaqillik yillarida yurtimizda amalga oshirilayotgan bunyodkorlik va obodonlashtirish ishlari, avvalo, inson qadri va farovon hayotini ta’minlashga qaratilgan. Bunday samimiy uchrashuvlar esa xalq bilan muloqotni mustahkamlashda muhim ahamiyat kasb etadi.

✅Telegram|✅Facebook | 🌐Instagram |🌐 Web site | 📹You Tube