Bugungi islohot — kelajak avlodlar uchun mustahkam energetik poydevor!

Yurtimizdagi daryo va kanallar tarmog‘ining umumiy uzunligi 173 ming kilometrdan ziyod. Ana shu ulkan tabiiy imkoniyatdan oqilona foydalanib, kichik va mikro GESlarni ko‘paytirish — mavjud resurslardan samarali foydalanish, hududlarni barqaror elektr energiyasi bilan ta’minlash va “yashil” iqtisodiyot sari dadil qadam tashlash demakdir.

Eng muhimi, bu borada aniq maqsadlar belgilangan. 2030-yilga qadar kichik va mikro GESlar quvvatini 204,8 megavattga yetkazish va yiliga 620 million kilovatt-soat ekologik toza elektr energiyasi ishlab chiqarish rejalashtirilgan. Bu esa 350 mingta xonadonni “yashil” energiya bilan ta’minlash, har yili 187 million kub metr tabiiy gazni tejash va atmosferaga 311 ming tonna karbonat angidrid chiqarilishining oldini olish imkonini beradi.

Bu raqamlar ortida xalqimiz farovonligi, tabiiy boyliklarimizni asrab-avaylash va kelajak avlodlar oldidagi mas’uliyatimiz mujassam.

Bugun qurilayotgan har bir kichik GES — ertangi kunga qo‘yilgan sarmoya.

Bugun tejalgan har bir tabiiy resurs — kelajak avlodga qoldirilgan boylik.

Bugun ishlab chiqarilgan toza energiya — farzandlarimiz uchun musaffo muhit va farovon hayot demakdir.

Shu ma’noda, gidroenergetika sohasidagi bu islohotlar nafaqat energetik loyiha, balki mamlakatimizning iqtisodiy barqarorligi, ekologik xavfsizligi va kelajak taraqqiyotiga xizmat qiladigan strategik ahamiyatga ega tashabbuslardir.

✅Telegram|✅Facebook | 🌐Instagram | 📹You Tube

Aholi murojaatlari deputat e’tiborida

Xalq deputatlari Buxoro viloyat Kengashi deputati Jahongir Sharipov tomonidan saylovchilar bilan uchrashuv va sayyor qabul o‘tkazildi.

Uchrashuv davomida deputatning Kengashdagi faoliyati, sessiyalar va doimiy komissiyalar ishida ishtiroki, hududni ijtimoiy-iqtisodiy rivojlantirish hamda aholi manfaatlarini himoya qilish borasida amalga oshirilayotgan ishlar yuzasidan axborot berildi.

Fuqarolarning ijtimoiy himoya, moddiy ko‘mak, ichki yo‘llarni ta’mirlash, elektr energiyasi ta’minoti, elektr kuchlanishining pastligi, sug‘orish ariqlarini betonlashtirish hamda suv ta’minotini yaxshilash bilan bog‘liq murojaatlari tinglandi.

Murojaatlar tuman hokimligi, Mahallalar uyushmasi, elektr, gaz hamda suv xo‘jaligi va melioratsiya sohasi mas’ullari ishtirokida muhokama qilinib, aniqlangan muammolarni o‘rganish va ularni qonuniy tartibda hal etish yuzasidan tegishli mutasaddilar bilan joyiga chiqib o‘rganish ishlari amalga oshirildi.

✅Telegram|✅Facebook | 🌐Instagram |🌐 Web site | 📹You Tube

Hamjihatlikda farovon mahalla va musaffo muhit sari

Mustaqilligimizning 35 yilligi munosabati bilan O‘zbekiston Ekologik partiyasi Sirdaryo viloyat Kengashi raisi O.Karimov tomonidan Guliston shahrining "Sayqal" MFY hududida nuroniylar bilan uchrashuv tashkil etildi.

Samimiy suhbat davomida nuroniylarning ijtimoiy sharoiti, hududdagi mavjud kamchiliklar, obodonlashtirish va tozalik masalalari yuzasidan fikrlari so‘raldi. Ularning murojaatlari, talab va takliflari diqqat bilan tinglanib, muammolarni bartaraf etish bo‘yicha tegishli masalalar muhokama qilindi.

Muloqotning muhim yo‘nalishlaridan biri ekologik barqarorlik masalasi bo‘ldi. Xususan, hududlarda yashil maydonlarni kengaytirish, daraxt va butalarni asrab-avaylash, chiqindilarni belgilangan tartibda tashlash, mahallalarda sanitariya va obodonlashtirish ishlarini kuchaytirish, aholi o‘rtasida ekologik madaniyatni yuksaltirish kabi dolzarb masalalar yuzasidan fikr almashildi.

Mustaqillik yillarida yurtimizda amalga oshirilayotgan bunyodkorlik va obodonlashtirish ishlari, avvalo, inson qadri va farovon hayotini ta’minlashga qaratilgan. Bunday samimiy uchrashuvlar esa xalq bilan muloqotni mustahkamlashda muhim ahamiyat kasb etadi.

✅Telegram|✅Facebook | 🌐Instagram |🌐 Web site | 📹You Tube

#Rahbar_va_yoshlar
 
Yoshlar bilan uchrashuv: islohotlar va ekologik madaniyat masalalari muhokama qilindi

O‘zbekiston Ekologik partiyasi Xorazm viloyat Kengashi raisi K.Jumaniyozov Innovatsion rivojlanish agentligi huzuridagi Urganch yoshlar texnoparkida yoshlar bilan uchrashuv o‘tkazdi.

Mamlakatimiz mustaqilligining 35 yilligi munosabati bilan tashkil etilgan uchrashuvda yurtimizda amalga oshirilayotgan keng ko‘lamli islohotlar, yoshlar uchun yaratilayotgan imkoniyatlar hamda ularning tashabbuslarini qo‘llab-quvvatlash borasidagi ishlar haqida ma’lumot berildi.

Uchrashuv davomida yoshlar o‘rtasida ekologik madaniyatni yuksaltirish, atrof-muhitga mas’uliyatli munosabatni shakllantirish va ekologik tashabbuslarni qo‘llab-quvvatlash masalalari yuzasidan fikr almashildi.

Tadbir yakunida yoshlarning taklif va tashabbuslari tinglanib, ularni hayotga tatbiq etish yuzasidan fikrlar bildirildi.

✅Telegram|✅Facebook | 🌐Instagram |🌐 Web site | 📹You Tube

Yoshlar bilan ochiq muloqot

Oliy Majlis Qonunchilik palatasi deputati, partiyamiz fraksiyasi a’zosi Navro‘zbek Yusupov ishtirokida Yoshlar parlamenti a’zolari bilan O‘zbekiston Respublikasi davlat mustaqilligining 35 yilligi munosabati bilan uchrashuv tashkil etildi.

Muloqot davomida mamlakatimiz mustaqilligining tarixiy ahamiyati, uning milliy taraqqiyotimizdagi o‘rni, shuningdek, yosh avlod hayotida yaratayotgan keng imkoniyatlari haqida fikr almashildi. Yurtimizda yoshlarni qo‘llab-quvvatlash, ularning huquq va manfaatlarini himoya qilish, jamiyat va davlat boshqaruvidagi faol ishtirokini yanada kengaytirish masalalariga alohida e’tibor qaratildi.

Uchrashuvda Yoshlar parlamenti a’zolari qonun ijodkorligi jarayonida yoshlarning ishtiroki, parlament faoliyatida ularning rolini kuchaytirish hamda yoshlar tashabbuslarini qo‘llab-quvvatlash yuzasidan fikr va takliflarini bildirdi. Ochiq va samimiy muloqot yoshlarning huquqiy va siyosiy bilimlarini oshirish, ularning faol fuqarolik pozitsiyasini mustahkamlashga xizmat qiladi.

✅Telegram|✅Facebook | 🌐Instagram |🌐 Web site | 📹You Tube