#Dayjest #Дайжест #Digest

Yakuniga yetgan hafta davomida O‘zbekiston Ekologik partiyasi tomonidan amalga oshirilgan ishlar haqida haftalik dayjest.
__

Еженедельный дайджест работы Экологической партии Узбекистана за прошедшую неделю.
____

A weekly digest of the work carried out by the Ecological Party of Uzbekistan during the past week.

✅✅Telegram|✅Facebook | 🌐Instagram |🌐 Web site | 📹You Tube

Abadiy do‘stlik va ittifoqchilik timsoli

Ko‘ksaroy qarorgohida ikki qardosh xalq tarixida muhim voqea ro‘y berdi. O‘zbekiston va Ozarbayjon Prezidentlari o‘zaro oliy davlat mukofotlari bilan taqdirlandilar.

Prezidentimiz Shavkat Mirziyoyev Ozarbayjon Prezidenti Ilhom Aliyevga O‘zbekistonning oliy davlat mukofoti — «Oliy Darajali Do‘stlik» ordenini topshirdi. O‘z navbatida, yurtboshimiz Ozarbayjonning oliy mukofoti — «Haydar Aliyev» ordeni bilan taqdirlandi. Bu mukofotlar oddiy tantana emas.

Ular ikki xalq o‘rtasidagi samimiy hurmat, strategik sheriklik va haqiqiy ittifoqchilik munosabatlarining yorqin ifodasidir. Prezidentimiz ta’kidlaganidek, «Haydar Aliyev» ordeni butun umrini Vataniga xizmatga bag‘ishlagan ulug‘ davlat arbobi nomi bilan atalgani uni alohida qadrli qiladi.

Quvonarlisi, bu yuksak mukofotga turli yillarda Jak Shirak, Rejep Tayib Erdo‘g‘an, Serjo Mattarella kabi dunyo arboblari sazovor bo‘lgan.

Prezidentimizning ushbu qatorda turishi O‘zbekistonning xalqaro maydondagi obro‘-e’tibori va rahbarimizning mamlakatimizga ko‘rsatayotgan fidoyi xizmatlarining e’tirofidir.

Ikki qardosh davlat o‘rtasidagi do‘stlik kundan-kunga mustahkamlanib, barcha sohalarda amaliy hamkorlik bilan boyib borayotganidan faxrlanamiz!

Ishonamizki, bu ittifoqchilik atrof-muhitni muhofaza qilish, barqaror rivojlanish va «yashil» tashabbuslar yo‘nalishida ham samarali hamkorlik uchun mustahkam zamin yaratadi.

✅Telegram|✅Facebook | 🌐Instagram |🌐 Web site | 📹You Tube

Ijtimoiy ko‘mak — inson qadri va e’tibor ifodasi

“Mahallada obodlik va mehr-saxovat oyligi” doirasida O‘zbekiston Ekologik partiyasi Andijon viloyat Kengashi tomonidan Marhamat tumanida navbatdagi xayriya va ijtimoiy ko‘mak tadbiri o‘tkazildi.

Unda partiya faollari hamda hamkor tashkilotlar vakillari Shahriston MFY, Ipak yo‘li ko‘chasida istiqomat qiluvchi, ijtimoiy reyestrga kiritilgan fuqarolar Ominahon Imonqulova va Gulsanam Berdiyevalarning xonadonlaridan xabar oldilar. Samimiy suhbatlar davomida fuqarolarning kundalik ehtiyojlari bilan qiziqilib, ularga oziq-ovqat mahsulotlari yetkazib berildi. Shuningdek, O‘zbekiston Respublikasi Mustaqilligining 35 yilligi munosabati bilan bayram sovg‘alari topshirildi.

Bunday amaliy tashabbuslar aholining ijtimoiy himoyaga muhtoj qatlamlarini qo‘llab-quvvatlash bilan birga, mahallalarda mehr-oqibat, saxovat va birdamlik muhitini yanada mustahkamlashga xizmat qiladi.

✅Telegram|✅Facebook | 🌐Instagram |🌐 Web site | 📹You Tube

🔴#Live
#Fraksiya_yigilishi

Yig‘ilishda dastlab davlatimiz rahbarining energetika sohasida amalga oshirilayotgan ishlar taqdimoti bilan tanishgani hamda Xiva shahrida tadbirkorlar bilan o‘tkazgan uchrashuvi borasida so'z yuritildi.

Fraksiya rahbari Abdushukur Xamzayev olib borilayotgan islohotlatlar “yashil” iqtisodiyot, qayta tiklanuvchi energiya, chiqindilarni qayta ishlash va ekologik barqarorlikni taʼminlashda g‘oyat muhim ekanligini qayd etdi.

Fraksiya a’zolari ushbu yo‘nalishlarda belgilangan vazifalarning ijrosini parlament nazorati doirasida izchil kuzatib borish hamda ekologik manfaatlarni ta’minlash  zarurligini ta’kidladilar.

✅Telegram|✅Facebook | 🌐Instagram |🌐 Web site | 📹You Tube

Mahalla — obodlik va hamjihatlik maskani

O‘zbekiston Ekologik partiyasi Namangan viloyat Kengashi raisi Muzaffar Xudoyberdiyev boshchiligida tuman Kengashi raisi Marg‘uba O‘rinboyeva, Xalq deputatlari To‘raqo‘rg‘on tuman Kengashi deputatlari hamda mahalla yettiligi vakillari ishtirokida Birlashgan mahallasida amaliy o‘rganish va uchrashuvlar o‘tkazildi.

Jarayon davomida mahalladagi mavjud holat, aholi bilan ishlash, hududni obodonlashtirish va ko‘kalamzorlashtirish, ekologik muhitni yaxshilash masalalariga e’tibor qaratildi. Shuningdek, “Shabnam” maktabgacha ta’lim tashkilotida bolajonlar uchun yaratilgan sharoitlar, sanitariya va xavfsizlik holati o‘rganildi.

Mahalla hududi ko‘chama-ko‘cha ko‘zdan kechirilib, namunali obod xonadonlar tajribasi bilan tanishildi. Aholining murojaat va takliflari tinglanib, mavjud muammolarni amaliy hal etish bo‘yicha fikr almashildi.

Shuningdek, “Mahallada obodlik va mehr-saxovat oyligi” doirasida ehtiyojmand oilalar holidan xabar olinib, ularga amaliy ko‘mak ko‘rsatildi.

✅Telegram|✅Facebook | 🌐Instagram |🌐 Web site | 📹You Tube