Obod mahalla va ezgu tashabbuslar

“Mahallada obodlik va mehr-saxovat oyligi” doirasida O‘zbekiston Ekologik partiyasi Navoiy viloyat Kengashi tomonidan Karmana tumanidagi Jaloyir mahallasida o‘rganish ishlari olib borildi.

Jarayon davomida mahalla faollari va partiya vakillari xonadonlarda bo‘lib, aholining turmush sharoiti, tomorqadan unumli foydalanish tajribasi hamda hududni obod va ko‘rkam saqlash borasidagi ishlar bilan tanishdilar. Xususan, Qulmatov Hayit aka xonadonidagi namunali obodonlashtirish ishlari e’tirof etildi.

Ijtimoiy ko‘makka muhtoj oilalardan birining holidan xabar olinib, xonadon ahli bilan samimiy suhbat o‘tkazildi. Oila a’zolari gilam to‘qish kabi milliy hunarmandchilik an’analarini davom ettirib kelayotgani, ayniqsa, yoshlarni ushbu kasbga o‘rgatish tashabbusini ilgari surayotgani e’tiborga molik bo‘ldi.

Mahalladagi obodlik va farovonlik aholining faolligi hamda tashabbuskorligi bilan chambarchas bog‘liqligi ta’kidlanib, yoshlarni hunarmandchilikka jalb etish tashabbusi qo‘llab-quvvatlandi.

✅Telegram|✅Facebook | 🌐Instagram |🌐 Web site | 📹You Tube

#Fraksiya_yigilishi

Ekologik barqarorlik — ustuvor vazifa

Oliy Majlis Qonunchilik palatasidagi O‘zbekiston Ekologik partiyasi fraksiyasi yig‘ilishida davlat dasturining suv resurslarini tejash va atrof-muhitni muhofaza qilish yo‘nalishida amalga oshirilgan chora-tadbirlarga alohida e’tibor qaratildi.

Batafsil: 👉 https://ecouz.uz/news/916

✅Telegram|✅Facebook | 🌐Instagram |🌐 Web site | 📹You Tube

Mahalla taraqqiyoti aholi farovonligining muhim omili

O‘zbekiston Ekologik partiyasi Qashqadaryo viloyat Kengashi raisi, Xalq deputatlari viloyat Kengashi deputati Nosir Halimov “Mahallada obodlik va mehr-saxovat oyligi” doirasida Nishon tumanidagi mahallalarda o‘rganish ishlarini olib bordi.

O‘rganishlar davomida “Yuksalish” mahallasida tuman Kengashiga Ekopartiyadan saylangan deputat Sanjar Rahmonov tashabbusi bilan amalga oshirilayotgan istiqbolli loyiha bilan tanishildi.
Mazkur loyiha sanoat usulida qo‘y go‘shti mahsulotlarini ishlab chiqarish, aholini sifatli go‘sht mahsulotlari bilan ta’minlashga qaratilgan.

Loyiha doirasida
- Qozog‘istondan 2 000 bosh qo‘y olib kelinadi;
- 20 ta yangi ish o‘rni yaratiladi;
- yiliga 80 tonna go‘sht ishlab chiqarish rejalashtirilgan.

Deputatlar mahallani obodonlashtirish va ko‘kalamzorlashtirish, ekologik muhitni yaxshilash masalalariga alohida e’tibor qaratdilar. Hudud ko‘chama-ko‘cha ko‘zdan kechirilib, namunali obod xonadonlar tajribasi o‘rganildi.

✅Telegram|✅Facebook | 🌐Instagram |🌐 Web site | 📹You Tube

Obod mahalla — obod yurt!

Taxtako‘pir tumanidagi “Taxtako‘pir” SHFY Berdaq ko‘chasida mustaqilligimizning 35 yilligiga bag‘ishlangan targ‘ibot va obodonlashtirish tadbiri tashkil etildi.

Tadbir “Nuroniy” jamg‘armasi Taxtako‘pir tumani bo‘limi, “Taxtako‘pir” SHFY, Yoshlar ishlari bo‘limi hamda O‘zbekiston Ekologik partiyasi Taxtako‘pir tuman Kengashi hamkorligida o‘tkazildi.

Tadbir doirasida faollar, nuroniylar, yoshlar va mahalla aholisi ishtirokida hashar tashkil etilib, hududni tozalash, obodonlashtirish va ko‘kalamzorlashtirish ishlari amalga oshirildi.

Bunday ezgu tashabbuslar mahallalarda obodlik muhitini mustahkamlash bilan birga, aholida tabiatga mehr, jamoaviy hamjihatlik va yurt ravnaqiga daxldorlik tuyg‘ularini yanada kuchaytiradi.

✅Telegram|✅Facebook | 🌐Instagram |🌐 Web site | 📹You Tube