Ekologik targ‘ibot va ezgu tashabbuslar

O‘zbekiston Ekologik partiyasi Surxondaryo viloyat Kengashi tomonidan Termiz shahridagi “Amudaryo” bolalar sog‘lomlashtirish oromgohida 2026-yilgi yozgi sog‘lomlashtirish mavsumining yakuniy yopilish marosimiga bag‘ishlangan targ‘ibot tadbiri tashkil etildi.

Unda partiya vakillari tomonidan yoshlar bilan suhbat o‘tkazilib, atrof-muhitni asrash, tabiiy boyliklardan oqilona foydalanish, ekologik madaniyatni yuksaltirish va tabiatga mas’uliyatli munosabatda bo‘lish masalalari yuzasidan zarur ma’lumotlar berildi.

Mavsum davomida ekologik targ‘ibot tadbirlarini tashkil etish va yoshlar bilan ishlashda faol ishtirok etgani hamda samarali hamkorlik qilgani uchun oromgoh direktori, tarbiyachilari va "Yosh ekologlar" qanoti a'zolariga viloyat partiya tashkilotining esdalik sovg‘alari topshirildi.

✅Telegram|✅Facebook | 🌐Instagram |🌐 Web site | 📹You Tube

Mustaqillikka munosib tuhfa — Yangi O‘zbekiston taraqqiyotiga mustahkam poydevor

Bugun Prezidentimiz ishtirokida o‘tkazilgan mamlakatimiz Mustaqilligining 35 yilligi munosabati bilan hududlarda yangi obyektlarni ishga tushirish marosimida ishtirok etdim.

❗️Umumiy qiymati qariyb 50 trillion so‘m bo‘lgan 72 ta yirik investitsiya loyihasi va 91 ta ijtimoiy soha obyektining foydalanishga topshirilishi kabi juda katta ko‘lamdagi ishlarning amalga oshishi, ochig‘ini aytish kerak, tasavvurimizga ham sig‘magan. Bugun esa buning guvohi bo‘lib turibmiz.

Albatta, bularning bari davlatimiz rahbari boshchiligida olib borilayotgan oqilona siyosatning amaldagi natijasidir.

Yangi korxonalarning tashkil etilishi, minglab ish o‘rinlarining yaratilishi, ta’lim va tibbiyot infratuzilmasining kengayishi inson qadrini yuksaltirishga qaratilgan islohotlarning amaliy ifodasidir.

☝️Mazkur loyihalarning ekologik jihatlari ham alohida ahamiyat kasb etadi. Xususan, Sirdaryo va Qoraqalpog‘istonda yangi elektr energiyasi ishlab chiqarish quvvatlarining, jumladan shamol elektr stansiyasi va energiya saqlash tizimining ishga tushirilishi “yashil” energetikani rivojlantirish, uglerod chiqindilarini kamaytirish va ekologik barqarorlikni ta’minlash yo‘lidagi muhim qadamdir.

✅Mustaqilligimizning 35 yilligi arafasida ishga tushirilayotgan ushbu obyektlar Yangi O‘zbekiston taraqqiyoti va farovon kelajagining mustahkam poydevori bo‘lib xizmat qilishi aniq.

✅Telegram|✅Facebook | 🌐Instagram | 📹You Tube

#Mustaqillikka_35_yil

Mustaqillik — tinchlik, do‘stlik va hamjihatlik timsoli

O‘zbekiston Ekologik partiyasi Yashnobod tuman partiya tashkiloti hamda “Katta Qo‘yliq” mahalla fuqarolar yig‘ini hamkorligida O‘zbekiston Respublikasi davlat mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz!” shiori ostida keng qamrovli bayram tadbiri o‘tkazildi.

Bayram tadbirida O‘zbekiston Ekologik partiyasi vakillari, mahalliy Kengash deputatlari, mahalla faollari, nuroniylar, yoshlar va keng jamoatchilik vakillari ishtirok etdi. Tadbirda ta’kidlanganidek, mustaqillik xalqimizning tinch va osoyishta hayoti, milliy qadriyat va an’analarimizning erkin rivoji, farzandlarimizning yorug‘ kelajagidir.

Tadbir davomida turli millat vakillari tomonidan Vatanimizni madh etuvchi kuy-qo‘shiqlar, milliy raqslar va sahna ko‘rinishlari namoyish etildi. Har bir chiqishda yurtga muhabbat, tinchlik, do‘stlik va hamjihatlik g‘oyalari o‘z ifodasini topdi. Ayniqsa, yoshlarning faol ishtiroki bayramga ko‘tarinki ruh bag‘ishladi.

Shuningdek, “Mahallada obodlik va mehr-saxovat oyligi” doirasida homiylar tomonidan ijtimoiy himoyaga muhtoj oilalarga bayram sovg‘alari topshirildi.

✅Telegram|✅Facebook | 🌐Instagram |🌐 Web site | 📹You Tube