O‘zbekiston–Xitoy: o‘zaro manfaatli sheriklikning yangi bosqichi
 
Bugun Pekinda Prezident Administratsiyasi rahbari Saida Mirziyoyevaning Xitoy Kommunistik partiyasi Markaziy Qo‘mitasi Siyosiy byurosi Doimiy qo‘mitasi a’zosi, Butunxitoy xalq vakillari kengashi Doimiy qo‘mitasi raisi Chjao Letszi bilan o‘tkazgan uchrashuvi O‘zbekiston–Xitoy munosabatlari qay darajada mustahkam va istiqbolli ekanini yana bir bor ko‘rsatdi.
 
Davlat rahbarlarimizning izchil va uzoqni ko‘zlagan siyosati natijasida ikki mamlakat aloqalari bugun ishonch, o‘zaro hurmat va teng manfaatdorlikka asoslangan yangi davr sherikligiga aylandi. Ikki tomonlama munosabatlar yangi davr uchun har tomonlama strategik sheriklik darajasiga ko‘tarildi — bu quruq bayonot emas, balki O‘zbekiston milliy manfaatlariga xizmat qilayotgan aniq jarayonning ifodasidir.
 

Parlamentlararo muloqotning yangi bosqichga ko‘tarilayotgani ham strategik sheriklikning muhim institutsional asosidir. Qonunchilik organlari o‘rtasida tajriba almashish, ekologik qonunchilikni takomillashtirish, iqlim o‘zgarishiga qarshi kurashish, suv va tabiiy resurslardan oqilona foydalanish borasidagi hamkorlik ikki mamlakatning barqaror taraqqiyotiga munosib hissa qo‘shishiga ishonamiz. Bu kabi muloqotlar strategik kelishuvlarning huquqiy va amaliy poydevorini yanada mustahkamlaydi.

 
Saida Mirziyoyeva ta’kidlaganidek, «Oldimizda mushtarak rejalar ko‘p, asosiy vazifa esa — ularni izchil hayotga tatbiq etishdir». Bu fikr O‘zbekiston–Xitoy munosabatlarining bugungi mazmun-mohiyatini to‘liq ifodalaydi.

✅Telegram|✅Facebook | 🌐Instagram | 📹You Tube

Yoshlar o‘rtasida shaxmat musobaqasi o‘tkazildi

O‘zbekiston Respublikasi Mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz” shiori ostida Buxoro shahridagi Yoshlar markazida ko‘ngilli yoshlar ishtirokida shaxmat bo‘yicha birinchilik musobaqasi o‘tkazildi.

Musobaqani tashkil etishdan ko‘zlangan asosiy maqsad yoshlarning faolligi va tashabbuskorligini qo‘llab-quvvatlash, ular o‘rtasida sog‘lom turmush tarzini targ‘ib qilish, yoshlarni sport musobaqalariga keng jalb etish hamda intellektual salohiyatini rivojlantirishdir.

Musobaqa davomida yoshlar shaxmat bo‘yicha o‘z bilim va mahoratlarini namoyon etib, qiziqarli hamda murosasiz kechgan bahslarda o‘zaro kuch sinashdilar.

Tadbir yakunida yoshlarga atrof-muhitni muhofaza qilish va ekologiyaning dolzarb masalalari yuzasidan tushuntirishlar berildi. Shuningdek, musobaqada faol ishtirok etib, munosib o‘rinlarni egallagan ko‘ngilli yoshlar partiyaning tashakkurnomalari va esdalik sovg‘alari bilan taqdirlandilar.

✅Telegram|✅Facebook | 🌐Instagram |🌐 Web site | 📹You Tube

#Mustaqillikka_35_yil

“O‘zbekiston Respublikasi mustaqilligining 35 yilligi” esdalik nishonlari topshirildi

Mamlakatimiz bo‘ylab O‘zbekiston Respublikasi davlat mustaqilligining 35 yilligi munosabati bilan ma’naviy-ma’rifiy tadbirlar keng ko‘lamda davom etmoqda.

📍Xuddi shunday O‘zbekiston Ekologik partiyasi Markaziy Kengashi Ijroiya qo‘mitasida ham “Yagona Vatan, yagona xalq bo‘lib, yangi hayot va kelajak yaratamiz!” shiori ostida bayram tadbiri tashkil etildi.

Unda so‘zga chiqqan O‘zbekiston Ekologik partiyasi Markaziy Kengashi Ijroiya qo'mitasi raisi Abdushukur Xamzayev tabrik avvalida davlatimiz rahbari boshchiligida mamlakatimizni yanada yuksaltirish, inson qadrini ulug‘lash, ijtimoiy adolat hamda farovon hayotni ta’minlash, eng muhimi, ekologik barqarorlik yo‘lida katta ko‘lamdagi ishlar olib borilayotganini ta’kidlab o‘tdi.

Mustaqillik xalqimizning ko‘p asrlik orzu-intilishlari ro‘yobga chiqqan, milliy davlatchiligimiz tiklangan, o‘z taqdirimiz va kelajagimizni o‘zimiz belgilash imkonini bergan buyuk tarixiy ne’mat, deya qo‘shimcha qildi partiya rahbari.

Tadbirda Prezidentimizning tegishli farmoniga ko‘ra “O‘zbekiston Respublikasi mustaqilligining 35 yilligi” esdalik nishoni bilan taqdirlangan partiya Markaziy Kengashi Ijroiya qo‘mitasi apparatining bir guruh xodimlariga esdalik nishonlari tantanali ravishda topshirildi.

Shuningdek, partiya faoliyatini rivojlantirishga hissa qo‘shib kelayotgan bir guruh xodimlar partiyaning esdalik sovg‘alari bilan taqdirlandi.

✅Telegram|✅Facebook | 🌐Instagram |🌐 Web site | 📹You Tube