Yoshlar tabiat himoyachilari!

O‘zbekiston Ekologik partiyasi Namangan viloyat Kengashi tashabbusi bilan “Biz tabiat himoyachilarimiz!” shiori ostida tashkil etilgan “Eko zakovat” intellektual o‘yini ko‘tarinki ruhda bo‘lib o‘tdi.

Tadbirni O‘zbekiston Ekologik partiyasi Namangan viloyat Kengashi raisi Muzaffar Xudoyberdiyev ochib berib, bellashuvning mazmun-mohiyati, ekologik bilim va yoshlarning atrof-muhitga mas’uliyatli munosabatini oshirishdagi ahamiyati haqida so‘z yuritdi. Shundan so‘ng jamoalar ekologiya va atrof-muhit muhofazasiga oid savollar asosida o‘z bilim, tezkor fikrlash va zukkoliklarini sinovdan o‘tkazdilar.

🏆 Bellashuv yakunlariga ko‘ra:
🥇 1-o‘rin — Namangan davlat pedagogika jamoasi
🥈 2-o‘rin — “Sophomore” jamoasi
🥉 3-o‘rin — Namangan davlat universiteti jamoasi

Tadbir yakunida sovrindorlarga diplom va esdalik sovg‘alari topshirildi.

✅Telegram|✅Facebook | 🌐Instagram |🌐 Web site | 📹You Tube

Tabiiy ekotizimlarni asrash dolzarb vazifa!

O‘zbekiston Ekologik partiyasi Sirdaryo viloyat Kengashi tomonidan "6-oktyabr — Butunjahon tabiiy yashash muhitini himoya qilish kuni" munosabati bilan rahbar va yoshlar uchrashuvi tashkil etildi.

Uchrashuvda tabiiy ekotizimlarni asrash, biologik xilma-xillikni muhofaza qilish, atrof-muhitga ehtiyotkorona munosabatni shakllantirish hamda yoshlarning ekologik madaniyatini yuksaltirish masalalariga alohida e’tibor qaratildi.

Muloqot davomida inson va tabiat o‘rtasidagi uzviy bog‘liqlik, tabiiy resurslardan oqilona foydalanish, yashil hududlarni kengaytirish, chiqindilarni kamaytirish va tabiatga salbiy ta’sirni oldini olish borasida fikr almashildi.

Ayniqsa, yoshlarning ekologik tashabbuslarini qo‘llab-quvvatlash va ularni tabiatni muhofaza qilish jarayonlariga faol jalb etish muhim vazifa ekani ta’kidlandi.

✅Telegram|✅Facebook | 🌐Instagram |🌐 Web site | 📹You Tube

Xonqada ko‘chatchilik xo‘jaliklari faoliyati o‘rganildi

O‘zbekiston Ekologik partiyasi Xorazm viloyat Kengashi tomonidan tashkil etilgan “Yashil makon” umummilliy loyihasi ijrosiga bag‘ishlangan ekologik o‘quv-seminar doirasida ishtirokchilar Xonqa tumanidagi ko‘chatchilik xo‘jaliklari faoliyati bilan tanishdilar. Dastlab, tumandagi ko‘chatchilik fermer xo‘jaligida mavjud ko‘chat zaxirasi o‘rganildi.

Hududning iqlim sharoitiga mos daraxt turlarini tanlash, daraxt ekish agrotexnikasi hamda ko‘chatlarni ekish usullari yuzasidan fikr almashildi.

Shuningdek, umumiy maydoni 10 gektardan ortiq bo‘lgan “Suroj gulchi” tadbirkorlik obyektidagi gul ko‘chatlarini yetishtirish jarayoni, ularni parvarishlash va yetishtirish sharoitlari bilan yaqindan tanishildi.

✅Telegram|✅Facebook | 🌐Instagram |🌐 Web site | 📹You Tube

Hamkorlikning ustuvor yo‘nalishlari belgilab olindi
 

Prezidentimiz Markaziy Osiyo va Ozarbayjon davlat rahbarlarining sakkizinchi Maslahat uchrashuvida tarixiy, iqtisodiy va transport aloqalari mushtarak bo‘lgan mintaqalar o‘rtasida yagona hamkorlik makonini shakllantirish zarurligini qayd etdi. Mavjud imkoniyatlardan samarali foydalanish, o‘zaro bog‘liqlikni mustahkamlash, savdo, transport, energetika, sanoat va zamonaviy texnologiyalar sohalaridagi hamkorlikni amaliy mazmun bilan boyitish ustuvor vazifalar sifatida belgilandi.

 
 Batafsil: 👉 https://ecouz.uz/news/956

✅Telegram|✅Facebook | 🌐Instagram |🌐 Web site | 📹You Tube

“Yangi Avayxon” mahallasida favqulodda vaziyatlar profilaktikasi va mahalla “yettiligi” faoliyati o‘rganildi

Xalq deputatlari Toshkent shahar Kengashining Qurilish, kommunal, suv xo‘jaligi, ekologiya, sanoat va transport masalalari bo‘yicha doimiy komissiyasi a’zolari, Kengash deputatlari hamda Toshkent shahar Favqulodda vaziyatlar bosh boshqarmasi mutasaddilari ishtirokidagi o‘rganishlar davom ettirildi.

O‘rganishlarning navbatdagi manzili “Yangi Avayxon” mahalla fuqarolar yig‘ini bo‘ldi. Deputatlar mahallada aholi bilan ishlash tizimi, mahalla “yettiligi” faoliyati hamda fuqarolarning xavfsizligini ta’minlashga qaratilgan profilaktik tadbirlar bilan yaqindan tanishdi.

Jarayonda mahalla “yettiligi” vakillari bilan suhbatlashilib, hududdagi mavjud muammolarni aniqlash, aholi murojaatlari bilan ishlash, fuqarolarning ijtimoiy-maishiy sharoitlarini o‘rganish hamda mas’ul tashkilotlar bilan hamkorlikni tashkil etish masalalari muhokama qilindi.

Shuningdek, mahallaga biriktirilgan favqulodda vaziyatlar profilaktikasi inspektorining ish faoliyati va xizmat xonasi bilan tanishildi. Inspektor tomonidan aholi o‘rtasida yong‘in xavfsizligi qoidalarini targ‘ib qilish, favqulodda vaziyatlarning oldini olish hamda xavf-xatarlarni barvaqt aniqlashga qaratilgan ishlar yuzasidan masalalar ko‘rib chiqildi.

Ayniqsa, kuz-qish mavsumida xonadonlarda isitish moslamalaridan xavfsiz foydalanish, elektr va gaz jihozlarini ishlatishda ehtiyot choralariga rioya etish hamda aholi o‘rtasida tushuntirish-profilaktika tadbirlarini kuchaytirish masalalariga alohida e’tibor qaratildi.

Toshkent shahar Favqulodda vaziyatlar bosh boshqarmasi faoliyati yuzasidan o‘rganish ishlari davom etmoqda.

✅Telegram|✅Facebook | 🌐Instagram |🌐 Web site | 📹You Tube