🔴#Live
#Fraksiya_yigilishi

Partiyamiz fraksiyasining avvalgi yigʻilishlarida "Oʻzbekiston Respublikasining ayrim qonun hujjatlariga davlat xaridlari tizimini yanada takomillashtirishga qaratilgan oʻzgartish va qoʻshimchalar kiritish toʻgʻrisida"qonun loyihasi koʻrib chiqilib, qator taklif va tavsiyalar bildirilgan edi.

Bugungi yigʻilishda mazkur qonun loyihasi ikkinchi oʻqishda yana bir bor koʻrib chiqildi. Ikkinchi oʻqishga tayyorlash jarayonida deputatlarimiz tomonidan bildirilgan takliflar ifoda etilgani va aniqliklar kiritilganiga eʼtibor qaratildi.

✅Telegram|✅Facebook | 🌐Instagram |🌐 Web site | 📹You Tube

🔴#Live
#Fraksiya_yigilishi

Fraksiya yigʻilishida «Parlament nazorati to‘g‘risida»gi O‘zbekiston Respublikasi Qonunining 14-moddasiga muvofiq Chiqindilarni boshqarish va silkulyar iqtisodiyotni rivojlantirish agentligi direktoriga quyidagi masalalar yuzasidan parlament soʻrovi yuborish masalasi koʻrib chiqildi va bir ovozdan maʼqullandi:

1) Chiqindilarni boshqarish, shu jumladan qattiq maishiy chiqindi poligonlarini sanitariya normalari va qoidalariga, ekologik normativlarga hamda zamonaviy andozalarga muvofiqlashtirish bo‘yicha amalga oshirilayotgan ishlar to‘g‘risida;

2) Chiqindi poligonlarini yopish va ularni rekultivatsiya qilish bo‘yicha belgilangan ko‘rsatkichlarga erishish yuzasidan ko‘rilayotgan choralar haqida;

3) Jismoniy va yuridik shaxslarga chiqindilarni to‘plash va olib chiqish bo‘yicha ko‘rsatiladigan xizmatlar qamrovi va sifatini oshirish, sanitar tozalash korxonalarining moddiy-texnika bazasini mustahkamlash, chiqindilarni olib chiqish xizmatlari uchun to‘lov tizimini takomillashtirish va uning barqaror ishlashini ta’minlash hamda ko‘rsatilmagan xizmatlarga to‘lov hisoblanishiga chek qo‘yish borasida amalga oshirilayotgan ishlar haqida;

4) Chiqindilarni saralash, qayta ishlash natijasida energiya resurslarini, xomashyoni va materiallarni ishlab chiqarishni yo‘lga qo‘yish orqali sirkulyar iqtisodiyotni rivojlantirish bo‘yicha amalga oshirilayotgangan chora-tadbirlar to‘g‘risida.

✅Telegram|✅Facebook | 🌐Instagram |🌐 Web site | 📹You Tube

Poytaxt metropoliteni faoliyati va yo‘lovchilarga xizmat ko‘rsatish sharoitlari o‘rganildi

Xalq deputatlari Toshkent shahar Kengashining Qurilish, kommunal, suv xo‘jaligi, ekologiya, sanoat va transport masalalari bo‘yicha doimiy komissiyasi a’zolari Toshkent shahar hokimining transport va yo‘l infratuzilmasi masalalari bo‘yicha o‘rinbosari Abdurahmon Baxtiyev bilan birgalikda jamoat transporti faoliyati va transport infratuzilmasi holati yuzasidan sessiyaoldi o‘rganishlarini davom ettirdi.

O‘rganishlarning navbatdagi manzili tashrif dasturida qayd etilgan Paxtakor/Oybek metro bekati bo‘ldi. Deputatlar va mutasaddilar metropoliten faoliyati, yo‘lovchilarga xizmat ko‘rsatish jarayonlari hamda metro transportidan foydalanish uchun yaratilgan sharoitlar bilan tanishdi.

Jarayonda yo‘lovchilar harakatini tartibli tashkil etish, metro qatnovlarining muntazamligini ta’minlash, bekat infratuzilmasining holati hamda transport xizmatlaridan foydalanishda qulaylik va xavfsizlikni oshirish masalalariga alohida e’tibor qaratildi.

Shuningdek, yo‘lovchilar oqimini boshqarish, metro va boshqa jamoat transporti turlari o‘rtasidagi o‘zaro bog‘liqlikni yaxshilash, fuqarolarning manziliga qulay va o‘z vaqtida yetib borishini ta’minlashga qaratilgan tashkiliy masalalar muhokama qilindi.

“Toshkent metropoliteni” AJ hamda Toshkent shahar transport bosh boshqarmasi mas’ullari bilan metropoliten xizmatlari sifatini oshirish, mavjud infratuzilmadan samarali foydalanish va yo‘lovchilar uchun yanada qulay sharoitlar yaratish yuzasidan fikr almashildi.

✅Telegram|✅Facebook | 🌐Instagram |🌐 Web site | 📹You Tube

Yangi Toshkent haqiqiy “yashil shahar” bo‘lishi kerak

Bu haqda Prezidentimiz Shavkat Mirziyoyev bugun Yangi Toshkent qurilishini jadallashtirish masalalari yuzasidan investor va tadbirkorlar bilan ochiq muloqotda alohida qayd etdi.

✅Yig‘ilishda ishtirok etar ekanman Yangi Toshkent qurilishdagi ekologik talablar ochig‘i juda xursand qildi. Davlatimiz rahbari har doimgidek, mazkur megaloyihada ham ekologik masalalarga jiddiy e’tibor qaratmoqda.

Jumladan, qiymati 50 million dollardan yuqori bo‘lgan noturar joy loyihalari uchun “yashil” sertifikat xarajatlari davlat tomonidan to‘liq qoplanadi. Shuningdek, hududning 30 foizini ko‘kalamzorlashtirish davlat tomonidan ta’minlanib, "yashil bino" standartlari qo‘llaniladi. Bu esa biznesni qo‘llab-quvvatlash bilan birga ekologik mas’uliyatni rag‘batlantirish demakdir.

55 ming o‘rinli xalqaro talablarga mos stadion, mehmonxona va xizmat ko‘rsatish obyektlari Yangi Toshkentning iqtisodiy jozibadorligini namoyon etadi. Har bir yirik loyihaga mas’ul biriktirish va investitsiya bitimlari orqali ishlash esa sarmoyadorlar ishonchini mustahkamlashi aniq.

Eng e’tiborli jihati, Yangi Toshkentning muvaffaqiyati qurilish sur’atigina emas, unda yaratilayotgan muhitning sifati bilan baholanishi to‘g‘riroq bo‘ladi. Kutilayotganidek, iqtisodiy manfaat, ekologik mas’uliyat va inson uchun qulaylik bir-birini to‘ldirib, Yangi Toshkent nafaqat mamlakatimizdagi yirik qurilish loyihasi, balki kelajak shaharsozligi uchun namunaviy tajriba bo‘ladi.

✅Telegram|✅Facebook | 🌐Instagram | 📹You Tube

Buxoro davlat texnika universitetida plogging aksiyasi tashkil etildi

Buxoro davlat texnika universitetida O‘zbekiston Ekologik partiyasi viloyat Kengashi hamkorligida atrof-muhitni muhofaza qilish, hududlar tozaligini ta’minlash hamda sog‘lom turmush tarzini targ‘ib etishga qaratilgan ekologik plogging aksiyasi o‘tkazildi.

Aksiya davomida ishtirokchilar universitet hududini chiqindilardan tozalab, atrof-muhitga ehtiyotkorona munosabatda bo‘lish, tabiatni asrash va ekologik madaniyatni yuksaltirish borasida faol ishtirok etdilar.

Mazkur tashabbus yoshlar o‘rtasida ekologik mas’uliyatni kuchaytirish, jamoat joylarida ozodalikni saqlash hamda sog‘lom turmush tarzini keng targ‘ib etishda alohida ahamiyatga ega.

✅Telegram|✅Facebook | 🌐Instagram |🌐 Web site | 📹You Tube