Ozoda mahalla — obod maskan

O‘zbekiston Ekologik partiyasi Navoiy viloyat Kengashi tomonidan “Tozalik va ozodalik” oyligi doirasida Navbahor tumani Beshrabot mahalla fuqarolar yig‘ini hududidagi aholi gavjum joyda chiqindilarni yig‘ish va hududni obodonlashtirish aksiyasi tashkil etildi.

Aksiya davomida yo‘l yoqalarida to‘planib qolgan plastik paketlar, turli maishiy chiqindilar va boshqa tashlandiq chiqindilar yig‘ib olindi. To‘plangan chiqindilar maxsus idishlarga joylashtirilib, belgilangan tartibda maxsus chiqindi tashuvchi avtomashinalarga ortildi.

Aksiya davomida tozalikni saqlash faqat tegishli tashkilotlarning emas, balki har bir fuqaroning ham kundalik vazifasi ekani alohida ta'kidlandi.

✅Telegram|✅Facebook | 🌐Instagram |🌐 Web site | 📹You Tube

Ko‘chatlarni to‘g‘ri ekish, parvarishlash va saqlab qolish — asosiy masala

O‘zbekiston Ekologik partiyasi Qoraqalpog‘iston Respublikasi partiya tashkiloti tomonidan "Yashil makon" umummilliy loyihasining kuzgi mavsumi doirasida ko‘chatlarni to‘g‘ri ekish, parvarishlash va saqlab qolish, shuningdek, "Tozalik va ozodalik" dolzarb ikki oyligini tashkil etishga bag‘ishlangan o‘quv-seminar o‘tkazildi.

Tadbirda O‘zbekiston Ekologik partiyasi Markaziy Kengashi bo‘lim boshlig‘i Azizbek Akbarov, o‘rmon xo‘jaligi mutaxassislari, mahalla fuqarolar yig‘inlari raislari va partiya faollari ishtirok etdi.

Seminarda "Yashil makon" loyihasini yangi bosqichga olib chiqish, mahallalarda qulay ekologik muhit yaratish, ko‘chat ekish ishlarini to‘g‘ri tashkil etish hamda ekilgan nihollarni asrab-avaylash masalalari muhokama qilindi.

Tadbir yakunida ishtirokchilarning savollariga mutaxassislar tomonidan javoblar berilib, mavjud muammolar va ularning yechimlari yuzasidan fikr almashildi.

✅Telegram|✅Facebook | 🌐Instagram |🌐 Web site | 📹You Tube

Yangi Toshkent — bu shunchaki yangi shahar emas, tabiat uyg‘unligiga asoslangan taraqqiyot madaniyatidir
 
Bugun Yangi Toshkentda amalga oshirilayotgan ishlar mamlakatimiz taraqqiyotida yangi bosqich boshlanayotganini namoyon etmoqda. Davlatimiz rahbarining yangi inshootlarni foydalanishga topshirish, yirik investitsiya loyihalariga start berish marosimidagi ishtiroki hamda investor va tadbirkorlar bilan ochiq muloqoti Yangi Toshkentning strategik ahamiyatini yanada yaqqol ochib berdi.
 

Yangi Toshkentni oddiy qurilish loyihasi sifatida baholash mumkin emas. Bu — iqtisodiy taraqqiyot, ekologik barqarorlik, zamonaviy infratuzilma va aholi farovonligini yagona makonda uyg‘unlashtirishga qaratilgan ulkan tashabbusdir. Uning asosiy g‘oyasi esa inson va tabiat o‘rtasidagi mutanosiblikka asoslangan, kelajak avlodlar uchun ham qulay hayot muhitini yaratishdan iborat.

  ➡️Batafsil

✅Telegram|✅Facebook | 🌐Instagram |🌐 Web site | 📹You Tube

Tabiiy ofatlar xavfini kamaytirish — umumiy mas’uliyat

13-oktabr — Xalqaro tabiiy ofatlar xavfini kamaytirish kuni munosabati bilan University of Business and Science oliygohida O‘zbekiston Ekologik partiyasi Namangan viloyat Kengashi raisi Muzaffar Xudoyberdiyev hamda talabalar ishtirokida davra suhbati tashkil etildi.

Tadbir davomida tabiiy ofatlar xavfini kamaytirish, atrof-muhitni muhofaza qilish, tabiiy resurslardan oqilona foydalanish va aholining ekologik madaniyatini yuksaltirish masalalari muhokama qilindi. Shuningdek, yoshlar ongida tabiatga nisbatan mas’uliyatli munosabatni shakllantirish, ekologik muammolarga befarq bo‘lmaslik hamda ularning oldini olish va bartaraf etishda faol ishtirok etish muhimligi alohida ta’kidlandi.

Davra suhbati davomida talabalarga partiyaning maqsad va vazifalari, mamlakatimizda ekologik muammolarni hal etish borasidagi faoliyati hamda yoshlarning partiya tashabbuslaridagi ishtiroki haqida ma’lumot berildi.

Tadbir yakunida tashabbuskor yoshlar tabiatni asrash, ekologik muammolar yechimiga hissa qo‘shish hamda atrof-muhitni muhofaza qilishga qaratilgan tashabbuslarda faol qatnashishga chorlandi.

✅Telegram|✅Facebook | 🌐Instagram |🌐 Web site | 📹You Tube

Qorao‘zak o‘rmon xo‘jaligida 1,4 million tup ko‘chat yetishtirildi

O‘zbekiston Ekologik partiyasi Markaziy Kengashi bo‘lim boshlig‘i Azizbek Akbarov hamda partiyaning Qoraqalpog‘iston Respublika Kengashi raisi Aysanem Begimova boshlichiligida Qorao‘zak tumani davlat o‘rmon xo‘jaligida amalga oshirilayotgan ishlar bilan tanishildi.

Ma’lumotlarga ko‘ra, 2026-yilda xo‘jalikda 1,4 million tup ko‘chat yetishtirilib, shundan 1,1 million tupi ekishga yaroqli deb topilgan. Shuningdek, 36,8 tonna cho‘l, meva va manzarali o‘simliklar urug‘i terib olingan.

Uchrashuvda kuzgi va kelgusi yilgi bahorgi ko‘chat ekish mavsumlariga tayyorgarlik, Orolbo‘yi hududini ko‘kalamzorlashtirish hamda cho‘llanishning oldini olish masalalariga e’tibor qaratildi.

Tadbir yakunida ishtirokchilar o‘rmon xo‘jaligi hududiga turli ko‘chatlar ekib, agrotexnik qoidalar bo‘yicha o‘zaro tajriba almashdilar.

✅Telegram|✅Facebook | 🌐Instagram |🌐 Web site | 📹You Tube