Qorao‘zak o‘rmon xo‘jaligida 1,4 million tup ko‘chat yetishtirildi

O‘zbekiston Ekologik partiyasi Markaziy Kengashi bo‘lim boshlig‘i Azizbek Akbarov hamda partiyaning Qoraqalpog‘iston Respublika Kengashi raisi Aysanem Begimova boshlichiligida Qorao‘zak tumani davlat o‘rmon xo‘jaligida amalga oshirilayotgan ishlar bilan tanishildi.

Ma’lumotlarga ko‘ra, 2026-yilda xo‘jalikda 1,4 million tup ko‘chat yetishtirilib, shundan 1,1 million tupi ekishga yaroqli deb topilgan. Shuningdek, 36,8 tonna cho‘l, meva va manzarali o‘simliklar urug‘i terib olingan.

Uchrashuvda kuzgi va kelgusi yilgi bahorgi ko‘chat ekish mavsumlariga tayyorgarlik, Orolbo‘yi hududini ko‘kalamzorlashtirish hamda cho‘llanishning oldini olish masalalariga e’tibor qaratildi.

Tadbir yakunida ishtirokchilar o‘rmon xo‘jaligi hududiga turli ko‘chatlar ekib, agrotexnik qoidalar bo‘yicha o‘zaro tajriba almashdilar.

✅Telegram|✅Facebook | 🌐Instagram |🌐 Web site | 📹You Tube

Ekologik targ‘ibot mahallalarda!

Xalq deputatlari Yangibozor tuman Kengashi raisi A. Matyaqubova, tuman Kengashi deputatlari Sh. Allaberganova, U. Adambayev hamda O‘zbekiston Ekologik partiyasi Yangibozor tuman Kengashi raisi B. Qalandarov ishtirokida tumandagi “Qadiryat”, “Iftixor”, “Shirinlar”, “Istiqlol” va “Yangi-yop” mahallalarida davra suhbatlari tashkil etildi.

Tadbirlar davomida partiya ustavi va dasturiy vazifalarining mazmun-mohiyati, partiyaning jamiyat hayotidagi o‘rni, shuningdek, ekologiya va atrof-muhitni muhofaza qilish borasida amalga oshirilayotgan targ‘ibot-tashviqot ishlari haqida batafsil ma’lumot berildi.

Shuningdek, mamlakatimizning ekologiya sohasidagi ichki va tashqi siyosatini keng targ‘ib etish, fuqarolar, ayniqsa, yoshlar o‘rtasida tabiatga mehr va mas’uliyat hissini shakllantirish, tabiiy resurslardan oqilona foydalanish, resurs tejamkorligini ta’minlash hamda tabiiy boyliklarni qayta tiklash masalalari yuzasidan fikr almashildi.

Davra suhbatlarida ekologik madaniyatni yuksaltirish, atrof-muhitni asrash va ekologik muammolarni hal etishda jamoatchilik faolligini oshirish barqaror kelajakni ta’minlashning muhim omillari ekanligi ta’kidlandi.

✅Telegram|✅Facebook | 🌐Instagram |🌐 Web site | 📹You Tube

Mas’uliyatli qizlar yashil kelajak poydevori

O‘zbekiston Ekologik partiyasi Markaziy Kengashida 11-oktabr — Xalqaro qizlar kuni munosabati bilan "Qizlar va yashil kelajak: bilim, tashabbus va mas’uliyat" mavzusida ma’rifiy tadbir tashkil etildi.

Unda Oliy Majlis Qonunchilik palatasi deputatlari, O‘zbekiston Ekologik partiyasi Markaziy Kengashi Ijroiya qo‘mitasi xodimlari, "Ekologiya va salomatlik" ayollar klubi hamda "Yoshlar qanoti" faollari, shuningdek, oliy ta’lim muassasalarida tahsil olayotgan faol talaba qizlar ishtirok etdi.

Tadbirdan ko‘zlangan maqsad yosh qizlarning ekologik muammolarga daxldorligini oshirish, ularning bilim va salohiyatini qo‘llab-quvvatlash, atrof-muhitni muhofaza qilish borasidagi tashabbuslarini rag‘batlantirish hamda ekologik madaniyatni yuksaltirishdan iborat bo‘ldi.

Oliy Majlis Qonunchilik palatasi deputati Gulchehra Tojiboyeva, O‘zbekiston Ekologik partiyasi Markaziy Kengashi raisi o‘rinbosari Nilufar Matkarimova va boshqalar yosh qizlarning zamonaviy jamiyatdagi o‘rni, ularning mamlakat taraqqiyoti va barqaror kelajakni ta’minlashdagi mas’uliyati xususida fikr-mulohazalarini bildirdilar.

Muloqot jarayonida qizlarning ekologik ta’lim va tarbiyasini kuchaytirish, ularni tabiatni muhofaza qilishga qaratilgan loyihalarga keng jalb etish, suv va energiya resurslaridan tejamkor foydalanish ko‘nikmalarini shakllantirish, shuningdek, jamiyatda ekologik mas’uliyatni oshirish masalalariga alohida e’tibor qaratildi.

✅Telegram|✅Facebook | 🌐Instagram |🌐 Web site | 📹You Tube