Davlatobodda ichimlik va oqova suv tizimlari o‘rganildi

O‘zbekiston Ekologik partiyasi Markaziy Kengashi Ijroiya qo‘mitasi raisining birinchi o‘rinbosari Baxriddin Xofizov viloyat partiya tashkiloti vakillari hamda mahalliy Kengash deputatlari ishtirokida “O‘zsuvtaminot” korxonasining Davlatobod tuman bo‘limi faoliyati bilan tanishdi.

O‘rganish davomida ichimlik suvi va oqova suv tarmoqlarini ta’mirlash hamda yangilash, mavjud nosozliklarni bartaraf etish va aholi murojaatlarini ko‘rib chiqish bo‘yicha amalga oshirilgan ishlar tahlil qilindi.

Jumladan, 37 km ichimlik suvi tarmog‘i ta’mirlangan va yangilangan, 23 km oqova suv tarmog‘i rekonstruksiya qilingan. Shuningdek, 125 ta suv tarmog‘idagi nosozlik bartaraf etilgan, 224 ta xonadonning suv ta’minotiga oid murojaatlari ko‘rib chiqilgan hamda suv sizib chiqishining 20 ta holati yuzasidan tegishli ishlar tashkil etilgan.

Shuningdek, suvi ta’minotini yaxshilash, eskirgan tarmoqlarni yangilash, oqova suv tizimi samaradorligini oshirish va suv resurslaridan oqilona foydalanish masalalariga alohida e’tibor qaratildi. Mavjud muammolar muhokama qilinib, aholiga ko‘rsatilayotgan xizmatlar sifatini oshirish yuzasidan taklif va tavsiyalar bildirildi.

✅Telegram|✅Facebook | 🌐Instagram |🌐 Web site | 📹You Tube

Abdushukur XAMZAYEV,

Tabiatga munosabat – xalqning madaniyati, davlatning mas’uliyati va taraqqiyotning sifat ko‘rsatkichidir

To‘rtinchi milliy dastur sharhi

Milliy dasturning to‘rtinchisi suv va tabiatga munosabatni tubdan o‘zgarti rishga bag‘ishlangan. Bu esa ekologik ma salalarga endi muayyan soha doirasidagi vazifa emas, balki milliy taraqqiyoti mizning alohida yo‘nalishi sifatida qa ralayotganini ko‘rsatadi.

"Yangi O'zbekiston" gazetasining
2026-yil 13-oktabr, 211-sonida

✅Telegram|✅Facebook | 🌐Instagram | 📹You Tube

Suv ta’minotida energiya tejamkorligi

O‘zbekiston Ekologik partiyasi Markaziy Kengashi Ijroiya qo‘mitasi raisining birinchi o‘rinbosari B.Xofizov ishtirokida Davlatobod tumanini ichimlik suvi bilan ta’minlovchi inshoot faoliyati bilan tanishildi.

O‘rganish davomida inshootning faoliyati, ichimlik suvini aholiga yetkazib berish jarayonlari va mavjud imkoniyatlariga e’tibor qaratildi. Xususan, inshootda quyosh panellari o‘rnatilgani ijobiy baholanib, qayta tiklanuvchi energiya manbalaridan foydalanishning energiya tejamkorligi va ekologik barqarorlikni ta’minlashdagi ahamiyati ta’kidlandi.

Shuningdek, suv resurslaridan oqilona foydalanish va muqobil manbalarni ishga solish yuzasidan takliflar bildirildi. Jumladan, yomg‘ir suvlarini yig‘ish uchun maxsus hovuz tashkil etish, to‘plangan suvni tegishli texnologiyalar asosida tozalash va sifat ko‘rsatkichlari talabga javob bergan taqdirdagina aholi ehtiyojlari uchun foydalanish imkoniyatini ko‘rib chiqish taklif etildi.

Mazkur yondashuv suv resurslarini tejash, muqobil suv manbalaridan foydalanish imkoniyatlarini kengaytirish hamda hududda ekologik barqarorlikni mustahkamlashga xizmat qilishi mumkin.

✅Telegram|✅Facebook | 🌐Instagram |🌐 Web site | 📹You Tube

Ekologik bilim va tafakkur maydonida yoshlar bellashuvi

Samarqand davlat universitetida yoshlarning ekologik bilim va dunyoqarashini yuksaltirish, atrof-muhitni muhofaza qilish jarayonlaridagi faolligini oshirish, shuningdek, mustaqil va tanqidiy fikrlash ko‘nikmalarini rivojlantirishga qaratilgan “Eko-Zakovat” intellektual loyihasining Samarqand viloyat bosqichi bo‘lib o‘tdi.

Unda Samarqand davlat universiteti, Samarqand texnika universiteti, Samarqand agroinnovatsiyalar va tadqiqotlar instituti, Samarqand veterinariya meditsinasi, chorvachilik va biotexnologiyalar universiteti hamda Samarqand pedagogika institutining faol yoshlari g‘oliblik uchun bellashdilar.

Turnirda 9 ta jamoa ekologik muammolar va atrof-muhitni muhofaza qilishga oid savollarga tezkorlik bilan javob berib, o‘z bilim va salohiyatlarini namoyish etdilar.

Yakuniy natijalarga ko‘ra, Samarqand pedagogika instituti qoshidagi “Fisteria” jamoasi tanlov g‘olibi deb topildi.

✅Telegram|✅Facebook | 🌐Instagram |🌐 Web site | 📹You Tube

Ogohlik — xavfsizlik garovi!

13-oktabr — Xalqaro tabiiy ofatlar xavfini kamaytirish kuni munosabati bilan O‘zbekiston Ekologik partiyasi Navoiy viloyat Kengashi hamda Karmana tumani Favqulodda vaziyatlar bo‘limi hamkorligida talaba-yoshlar ishtirokida davra suhbati o‘tkazildi.

Tadbirda tabiiy ofatlarning oldini olish, ularning oqibatlarini kamaytirish va favqulodda vaziyatlarda to‘g‘ri harakat qilish ko‘nikmalarini shakllantirish masalalari muhokama qilindi. Ta’kidlanganidek, tabiiy ofatlar nafaqat inson hayoti va salomatligiga, balki iqtisodiyot hamda atrof-muhitga ham jiddiy zarar yetkazishi mumkin. Shu bois, xavf-xatarlarga tayyor turish, xavfsizlik qoidalarini bilish va ularga qat’iy amal qilish muhim ahamiyatga ega.

Suhbat davomida favqulodda vaziyatlarda shaxsiy va jamoaviy xavfsizlikni ta’minlash bo‘yicha zarur tavsiyalar berildi.

✅Telegram|✅Facebook | 🌐Instagram |🌐 Web site | 📹You Tube