Ekologik muammolar yoshlar nigohida

Qarshi shahrida yoshlarning ekologik bilim va dunyoqarashini yuksaltirishga qaratilgan “Eko-debat” loyihasining Qashqadaryo viloyat bosqichi bo‘lib o‘tdi.

Unda ishtirok etgan jamoalar o‘zaro bahs va munozaralar orqali ekologik muammolarga nisbatan o‘z pozitsiyalarini ilgari surib, ularni dalillar asosida himoya qildilar.

Yakuniy natijalarga ko‘ra, Qarshi shahrining “Yosh ekologlar” jamoasi turnirning respublika bosqichiga yo'llanma oldi.

Yakunida g‘olib jamoa vakillari hamda faol ishtirokchilar munosib taqdirlandi.

✅Telegram|✅Facebook | 🌐Instagram |🌐 Web site | 📹You Tube

Xalqaro universitetda yoshlar bilan muloqot o'tkazildi

O'zbekiston Ekologik partiyasi Buxoro viloyat partiya tashkiloti tomonidan Osiyo Xalqaro Universitetida talaba-yoshlar bilan ochiq muloqot tashkil etildi.

Muloqot davomida partiyaning maqsad va vazifalari, mamlakatimizda mavjud ekologik muammolar, atrof-muhitni muhofaza qilish, tabiiy resurslardan oqilona foydalanish hamda yoshlar o‘rtasida ekologik madaniyatni yuksaltirish borasida amalga oshirilayotgan ishlar haqida so‘z yuritildi.

Shuningdek, yoshlarning ekologik muammolar yechimiga daxldorligini oshirish, ularni tabiatni asrashga qaratilgan tashabbuslarda faol ishtirok etishga undash hamda ekologik mas’uliyatni kuchaytirish masalalariga alohida e’tibor qaratildi.

✅Telegram|✅Facebook | 🌐Instagram |🌐 Web site | 📹You Tube

Maqsadlar mushtarakligi umumiy muammolarga birgalikda yechim topish asosidir

Davlatimiz rahbari Osiyoda hamkorlik va ishonch choralari bo‘yicha kengashning yettinchi sammitida mintaqaviy hamkorlikni mustahkamlash, barqaror taraqqiyotni ta’minlash va global muammolarga birgalikda yechim topish borasida juda muhim tashabbuslarni ilgari surdi.

Bugun dunyoda kechayotgan murakkab geosiyosiy jarayonlar davlatlardan o‘zaro ishonch, hamjihatlik va amaliy hamkorlikni yanada kuchaytirishni talab etmoqda. Ayniqsa, ekologik muammolarning chegara bilmasligi, tabiiy resurslarga bo‘lgan bosimning ortishi va iqlim o‘zgarishlarining iqtisodiyot hamda aholi turmushiga ta’siri mintaqaviy hamkorlikni hayotiy zaruratga aylantirdi.

Shu nuqtai nazardan, Prezidentimiz tomonidan Osiyoda ishonch infratuzilmasini shakllantirish, shuningdek, iqlim barqarorligi bo‘yicha hamkorlikni yo‘lga qo‘yish tashabbuslari alohida ahamiyatga ega. Zero, bugungi ekologik tahdidlarga qarshi samarali kurashish uchun har bir davlatning sa’y-harakatlari bilan cheklanib qolmasdan, umumiy maqsadlar va muvofiqlashtirilgan chora-tadbirlar asosida harakat qilish zarur.

Sammitda ilgari surilgan sun’iy intellekt va texnologik taraqqiyotdan mas’uliyat bilan foydalanish tashabbusi ham dolzarbdir. Zamonaviy texnologiyalar ekologik monitoringni takomillashtirish, suv va energiya sarfini maqbullashtirish, chiqindilarni boshqarish hamda tabiiy ofatlarni oldindan prognoz qilishda keng imkoniyatlar yaratadi.

Prezidentimiz tomonidan ilgari surilgan tashabbuslar Osiyo mamlakatlari o‘rtasida o‘zaro ishonchni mustahkamlash, ekologik hamkorlikni yangi bosqichga olib chiqish va umumiy muammolarga birgalikda yechim topishga xizmat qiladi.

✅Telegram|✅Facebook | 🌐Instagram | 📹You Tube

Tozalik ostonadan boshlanadi!

O‘zbekiston Ekologik partiyasi Paxtakor tuman Kengashi raisi F. Niyazmetova boshchiligida 21-sonli umumta’lim maktabida “Tozalik oyligi” doirasida plogging aksiyasi tashkil etildi.

Aksiya davomida maktabning yosh ko‘ngilli volontyorlari ishtirokida ta’lim muassasasi hududi hamda unga tutash atrof-muhitni tozalash va obodonlashtirish ishlari amalga oshirildi.

Mazkur tashabbusdan ko‘zlangan asosiy maqsad yoshlar va o‘quvchilar o‘rtasida ekologik madaniyatni yuksaltirish, atrof-muhitga nisbatan mas’uliyat hissini kuchaytirish, “Tozalik ostonadan boshlanadi” tamoyilini kundalik hayotga tatbiq etish hamda yoshlar orasida volontyorlik harakatini keng targ‘ib qilishdan iborat.

Ushbu kabi ekologik aksiyalar yoshlarni tabiatni asrashga va jamiyat obodligiga o‘z hissasini qo‘shishga undaydi.

✅Telegram|✅Facebook | 🌐Instagram |🌐 Web site | 📹You Tube