#Dayjest #Дайжест #Digest

Yakuniga yetgan hafta davomida O‘zbekiston Ekologik partiyasi tomonidan amalga oshirilgan ishlar haqida haftalik dayjest.
_______________________________

Еженедельный дайджест работы Экологической партии Узбекистана за прошедшую неделю.
_________________________________

A weekly digest of the work carried out by the Ecological Party of Uzbekistan during the past week.

✅Telegram|✅Facebook | 🌐Instagram |🌐 Web site | 📹You Tube

Birgalikda toza va obod muhit sari!

O‘zbekiston Ekologik partiyasi Navoiy viloyat Kengashi raisi, Xalq deputatlari Navoiy viloyat Kengashi deputati A. Jalilov tashabbusi bilan Navoiy davlat universitetining volontyor talabalari ishtirokida Farovon mahallasida ekologik tozalik aksiyasi tashkil etildi.

“Tozalik va ozodalik” dolzarb ikki oyligi doirasida o‘tkazilgan aksiya davomida mahalla hududini obodonlashtirish va tozalikni ta’minlashga alohida e’tibor qaratildi.

Aksiya davomida partiyaning besh yilligi munosabati bilan tashkil etilgan bog‘, piyodalar yo‘laklari, ariqlar va mahallaning boshqa hududlari maishiy chiqindilardan tozalandi. Yig‘ilgan chiqindilar belgilangan tartibda maxsus chiqindi konteynerlariga joylashtirildi.

✅Telegram|✅Facebook | 🌐Instagram |🌐 Web site | 📹You Tube

🔴#Live
#Fraksiya_yigilishi

Tadbirkorlik subyektlarining huquqiy himoyasi kuchaytirilmoqda

Mamlakatimizda tashqi savdo faoliyati bilan shug‘ullanuvchi tadbirkorlik subyektlarining huquq va qonuniy manfaatlarini sud orqali himoya qilish kafolatlarini kuchaytirishga qaratilgan qonunchilik o‘zgartishlari kiritilmoqda.

Fraksiyamizning bugungi yig‘ilishida ko‘rib chiqilgan Qonun loyihasiga ko‘ra, tashqi savdo operatsiyalari bo‘yicha aktivlarni repatriatsiya qilishni ta’minlamagan rezidentlarga nisbatan jarima qo‘llashda iqtisodiy sudlar javobgarlikni yengillashtiruvchi holatlar va tadbirkor tomonidan ko‘rilgan choralarni inobatga oladi.

Qonunga muvofiq, javobgarlikni yengillashtiruvchi holatlardan hech bo‘lmaganda bittasi mavjud bo‘lganda, belgilangan jarima miqdori ikki baravarga kamaytiriladi. Bunda rezidentning aktivlarni qaytarish bo‘yicha vijdonan harakat qilgani, o‘z huquqlarini himoya qilish choralarini ko‘rgani, aktivlarning kamida 50 foizi repatriatsiya qilingani yoki xorijiy davlatlardagi sanksiyalar va to‘lov tizimidagi cheklovlar sababli aktivlarni qaytarish imkoniyati cheklangani inobatga olinadi.

Mazkur tartib davlat ulushi 50 foiz va undan ortiq bo‘lgan ayrim yuridik shaxslarga nisbatan tatbiq etilmaydi. Qonun tadbirkorlarning huquqiy himoyasini kuchaytirish va moliyaviy jarimalarni qo‘llashda ishning haqiqiy holatlarini hisobga olishga xizmat qiladi.

✅Telegram|✅Facebook | 🌐Instagram |🌐 Web site | 📹You Tube

🔴#Live
#Fraksiya_yigilishi

Chiqindilarni boshqarish sohasida huquqiy mexanizmlar takomillashtirilmoqda

O‘zbekistonda chiqindilarni boshqarish tizimini takomillashtirish, hududlarning sanitariya va ekologik holatini yaxshilash hamda sohadagi munosabatlarni zamon talablariga muvofiq huquqiy tartibga solish maqsadida "Chiqindilar to‘g‘risida"gi yangi qonun loyihasi ishlab chiqilib, deputatlarimiz tomonidan bugun birinchi o‘qishda ko‘rib chiqildi.

Yangi qonun loyihasini ishlab chiqish zarurati amaldagi "Chiqindilar to‘g‘risida"gi Qonunning bugungi talablarga to‘liq javob bermasligi bilan bog‘liq. Mazkur qonun 24 yil avval qabul qilingan bo‘lib, uni tahlil qilish natijasida ayrim huquqiy bo‘shliqlar va havola normalari mavjudligi aniqlangan. Shuningdek, so‘nggi yillarda sohada amalga oshirilayotgan islohotlar, ilg‘or xorijiy tajriba hamda xalqaro hujjatlarda belgilangan vazifalar amaldagi qonunda to‘liq aks etmagan.

Qonun loyihasining asosiy maqsadi chiqindilar bilan bog‘liq ishlarni amalga oshirish sohasidagi munosabatlarni tartibga solishdan iborat. Hujjat ushbu sohadagi huquqiy asoslarni takomillashtirish, chiqindilarni boshqarish tizimining samaradorligini oshirish va ekologik xavfsizlikni ta’minlashga xizmat qilishi ko‘zda tutilgan.

Shu bilan birga, qonunning amal qilish doirasi ham aniq belgilab berilgan. U atmosfera havosiga ifloslantiruvchi moddalarni chiqarish, shuningdek, oqova suvlarni chiqarib yuborish tarmoqlari orqali oqizish bilan bog‘liq munosabatlarga nisbatan tatbiq etilmaydi.

Yangi qonun loyihasi chiqindilarni boshqarish sohasidagi huquqiy mexanizmlarni takomillashtirish, atrof-muhitni muhofaza qilish va mamlakatda ekologik barqarorlikni ta’minlashga qaratilgan muhim hujjatlardan biri hisoblanadi.

✅Telegram|✅Facebook | 🌐Instagram |🌐 Web site | 📹You Tube