Ekologik madaniyatni yuksaltirishda xotin-qizlar faolligi

Kogon tuman “Taraqqiyot” MFYda O'zbekiston Ekologik partiyasi viloyat partiya tashkiloti vakillari, mahalliy Kengash deputatlari hamda tuman “Ekologiya va salomatlik” ayollar klubi faollari ishtirokida “Tabiat uchun birlashaylik” shiori ostida “Tabiatni asrashda xotin-qizlarning o‘rni” mavzusida davra suhbati tashkil etildi.

Unda ekologik muammolarning oldini olish, tabiiy resurslardan oqilona foydalanish, yashil hududlarni kengaytirish va atrof-muhit musaffoligini ta’minlashda xotin-qizlarning ijtimoiy faolligini oshirish masalalariga alohida e’tibor qaratildi.

Ta’kidlanganidek, tabiatga munosabat, avvalo, oilada shakllanadi. Xotin-qizlarning ekologik tashabbuslardagi ishtiroki, farzandlarni tabiatga mehr va mas’uliyat ruhida tarbiyalashi, mahallalarda obodonlashtirish hamda ko‘kalamzorlashtirish ishlarini qo‘llab-quvvatlashi ekologik madaniyatni yuksaltirishda muhim omil hisoblanadi.

Shuningdek, tadbir davomida faol xotin-qizlar tomonidan yangi oila qurayotgan yoshlarning xonadonlarida ramziy daraxt ko‘chatlarini ekish, farzand tug‘ilganida uning nomiga atab yangi ko‘chatlar ekish, xonadonlarda kichik bog‘lar tashkil qilish va chiqindilarni turlari bo‘yicha yig‘ish masalalari muhokama qilindi.

Tadbir ishtirokchilari mahalla hududidagi ko‘chalar va xonadonlarda amalga oshirilayotgan tozalik va ozodalik ishlari bilan tanishdilar.

✅Telegram|✅Facebook | 🌐Instagram |🌐 Web site | 📹You Tube

Bog‘otda ko‘kalamzorlashtirish ishlari davom etmoqda

O‘zbekiston Ekologik partiyasi Bog‘ot tumani Kengashi tomonidan "Obod" mahalla 17-son umumiy o‘rta ta’lim maktabida “Yashil makon” umummilliy loyihasi doirasida ko‘chat ekish aksiyasi tashkil etildi.

Tadbirda O‘zbekiston Ekologik partiyasi Bog‘ot tumani Kengashi raisi hamda Xalq deputatlari Bog‘ot tumani Kengashi deputati ishtirok etdi.

Tadbir davomida maktab hududiga ko‘chatlar ekilib, o‘quvchilar o‘rtasida daraxtlarni asrab-avaylash, ularni parvarish qilish, atrof-muhitni muhofaza etish va ekologik madaniyatni yuksaltirish yuzasidan tushuntirish ishlari olib borildi.

Mazkur tadbir hududlarni ko‘kalamzorlashtirish, yashil maydonlarni kengaytirish hamda yoshlarni tabiatga ehtiyotkorona munosabatda bo‘lish ruhida tarbiyalashga qaratildi.

✅Telegram|✅Facebook | 🌐Instagram |🌐 Web site | 📹You Tube

Har qadamimiz — yashil kelajak uchun!

O‘zbekiston Ekologik partiyasi Surxondaryo viloyat Kengashi tashabbusi bilan Termiz davlat universiteti Tabiiy fanlar fakulteti hamda “Yosh ekologlar” qanoti hamkorligida “Tozalik va ozodalik” dolzarb ikki oyligi doirasida Termiz shahridagi Saxovat va Guliston mahallalari hududida "Har qadamimiz — yashil kelajak uchun" shiori ostida plogging aksiyasi tashkil etildi.

Aksiya davomida ishtirokchilar jamoalarga bo‘lingan holda mahallalar hududidagi ariqlar, ko‘p qavatli uylar atrofi, avtomobil yo‘llari va jamoat joylarini maishiy chiqindilardan tozalab, hududlarni obodonlashtirish ishlariga munosib hissa qo‘shdilar.

Tadbir yakunida faol ishtirok etgan jamoalar viloyat partiya tashkilotining diplom va esdalik sovg‘alari bilan taqdirlandi.

✅Telegram|✅Facebook | 🌐Instagram |🌐 Web site | 📹You Tube