Har qadamimiz — yashil kelajak uchun!

O‘zbekiston Ekologik partiyasi Surxondaryo viloyat Kengashi tashabbusi bilan Termiz davlat universiteti Tabiiy fanlar fakulteti hamda “Yosh ekologlar” qanoti hamkorligida “Tozalik va ozodalik” dolzarb ikki oyligi doirasida Termiz shahridagi Saxovat va Guliston mahallalari hududida "Har qadamimiz — yashil kelajak uchun" shiori ostida plogging aksiyasi tashkil etildi.

Aksiya davomida ishtirokchilar jamoalarga bo‘lingan holda mahallalar hududidagi ariqlar, ko‘p qavatli uylar atrofi, avtomobil yo‘llari va jamoat joylarini maishiy chiqindilardan tozalab, hududlarni obodonlashtirish ishlariga munosib hissa qo‘shdilar.

Tadbir yakunida faol ishtirok etgan jamoalar viloyat partiya tashkilotining diplom va esdalik sovg‘alari bilan taqdirlandi.

✅Telegram|✅Facebook | 🌐Instagram |🌐 Web site | 📹You Tube

Nurafshonda “Eko-debat” loyihasining viloyat bosqichi bo‘lib o‘tdi

Nurafshon shahrida O‘zbekiston Ekologik partiyasi Toshkent viloyati Kengashi hamda O‘zbekiston Ekologik harakati Toshkent viloyati bo‘linmasi tomonidan “Eko-debat” loyihasining viloyat bosqichi bo‘lib o‘tdi.

Mazkur loyiha yoshlarning ekologik bilimlarini oshirish, ularda mustaqil fikrlash, o‘z nuqtayi nazarini asosli dalillar bilan himoya qilish va dolzarb ekologik muammolarga yechim topish ko‘nikmalarini rivojlantirishga qaratilgani bilan ahamiyatlidir.

Qizg‘in va murosasiz kechgan bellashuv to‘rt bosqichda tashkil etilib, ishtirokchilardan puxta bilim, tezkor fikrlash, mantiqiy tahlil va jamoaviy hamkorlik talab etildi. Har bir bosqich yoshlarning nafaqat nazariy bilimlarini, balki o‘z fikrini aniq ifodalash, dalillar keltirish va muqobil yechimlarni ilgari surish qobiliyatlarini ham namoyon etish uchun imkoniyat yaratdi.

Yakuniy natijalarga ko‘ra, Qibray tumani yoshlari faxrli birinchi o‘rinni egallab, “Eko-debat” loyihasining respublika bosqichida Toshkent viloyati sharafini himoya qilish huquqini qo‘lga kiritdilar.

✅Telegram|✅Facebook | 🌐Instagram |🌐 Web site | 📹You Tube