Nurafshonda “Eko-debat” loyihasining viloyat bosqichi bo‘lib o‘tdi

Nurafshon shahrida O‘zbekiston Ekologik partiyasi Toshkent viloyati Kengashi hamda O‘zbekiston Ekologik harakati Toshkent viloyati bo‘linmasi tomonidan “Eko-debat” loyihasining viloyat bosqichi bo‘lib o‘tdi.

Mazkur loyiha yoshlarning ekologik bilimlarini oshirish, ularda mustaqil fikrlash, o‘z nuqtayi nazarini asosli dalillar bilan himoya qilish va dolzarb ekologik muammolarga yechim topish ko‘nikmalarini rivojlantirishga qaratilgani bilan ahamiyatlidir.

Qizg‘in va murosasiz kechgan bellashuv to‘rt bosqichda tashkil etilib, ishtirokchilardan puxta bilim, tezkor fikrlash, mantiqiy tahlil va jamoaviy hamkorlik talab etildi. Har bir bosqich yoshlarning nafaqat nazariy bilimlarini, balki o‘z fikrini aniq ifodalash, dalillar keltirish va muqobil yechimlarni ilgari surish qobiliyatlarini ham namoyon etish uchun imkoniyat yaratdi.

Yakuniy natijalarga ko‘ra, Qibray tumani yoshlari faxrli birinchi o‘rinni egallab, “Eko-debat” loyihasining respublika bosqichida Toshkent viloyati sharafini himoya qilish huquqini qo‘lga kiritdilar.

✅Telegram|✅Facebook | 🌐Instagram |🌐 Web site | 📹You Tube

#Kongil_ekologiyasi

Toshkent davlat Transport universitetida o‘tkazilgan rasmlar tanlovining rasmiy ochilish marosimida Oliy Majlis Qonunchilik palatasidagi partiyamiz Fraksiyasi a’zolari, Dildora Kamolova, Oybek Otamuratov, partiyamiz Toshkent shahar Kengashi raisi Sevara Fayziyeva so‘zga chiqib, ishtirokchilar tomonidan atrof-muhitni asrashga undovchi, ekologik madaniyatni yuksaltirishga sabab bo‘luvchi, estetik zavq ulashadigan suratlar yaratilishidan umidvor ekanliklarini aytdilar.

Bunday rasmlar albatta barchani tabiat tarovatini his qilish va uni asrab-avaylashga undashi ta’kidlandi.

✅Telegram|✅Facebook | 🌐Instagram |🌐 Web site | 📹You Tube