#Kongil_ekologiyasi

Tabiatga bo‘lgan munosabat ijodiy ishlarda ifoda etildi

Taqdim etilgan asarlar hakamlar hay’ati tomonidan xolisona baholandi. Har bir yo‘nalish bo‘yicha 1-, 2- va 3-o‘rin g‘oliblari aniqlanib, ular O‘zbekiston Ekologik partiyasi Toshkent shahar Kengashi Ijroiya qo‘mitasi tomonidan diplom va esdalik sovg‘alari bilan taqdirlandi.

Taqdirlash marosimida so‘z olganlar talabalarning ijodiy ishlari nafaqat badiiy jihatdan, balki mazmun jihatidan ham yuqori darajada ekanligi ta’kidladi. Shuningdek, yoshlar o‘rtasida ekologik ong va madaniyatni oshirishda, ularning tabiatga bo‘lgan munosabatini ijod orqali ifoda etishlarida muhim ahamiyat kasb etgani aytib o‘tildi.

Ishtirokchilarning tabiatni asrash, chiqindilarni saralash, suv resurslaridan oqilona foydalanish kabi mavzulardagi asarlari yuksak saviyadagi ijodiy ish bo‘lgani alohida e’tirof etildi.

✅Telegram|✅Facebook | 🌐Instagram |🌐 Web site | 📹You Tube

Ko‘kalamzorlashtirish va aholi bandligida o‘zaro uyg‘un tizim

Prezident Shavkat Mirziyoyev Qashqadaryo viloyatiga tashrifi doirasida G‘uzor tumanidagi “Yashil makon” umummilliy loyihasi asosida tashkil etilgan ko‘chatchilik markazi faoliyati bilan tanishdi.

Qiymati 9,5 milliard so‘m bo‘lgan, 65 gektar maydonni egallagan ushbu majmuada sifatli ko‘chatlar yetishtirish, mahallalarni ko‘kalamzorlashtirish va aholi bandligini ta’minlashning o‘zaro uyg‘un tizimi yaratilmoqda.

Markazning birinchi bosqichida 1,6 million dona, keyingi bosqichda esa 5 million dona nihol va ko‘chat yetishtirish imkoniyatiga ega bo‘lishi mamlakatimizda ko‘kalamzorlashtirish ishlarini sifat va miqdor jihatidan yangi bosqichga olib chiqish uchun muhim zamin yaratadi. Ayniqsa, 41 turdagi manzarali va ignabargli daraxt ko‘chatlarining yetishtirilishi hududlarning iqlim sharoitiga mos yashil maydonlarni shakllantirish imkoniyatlarini kengaytiradi.

Majmuada 20 gektar maydonga tomchilatib sug‘orish tizimining o‘rnatilishi, 4,2 ming kub metr sig‘imga ega uchta suv havzasining tashkil qilinishi, kompost va mulcha tayyorlash texnologiyalari hamda quyosh panellaridan foydalanish resurs tejamkorligi nuqtai nazaridan muhimdir. An’anaviy usullarga nisbatan ko‘chat yetishtirish hajmini 8–10 barobar oshirish, suv sarfini uch baravar kamaytirish va tannarxni 30–40 foizga pasaytirish ko‘zda tutilayotgani esa zamonaviy agrotexnologiyalarning ekologik va iqtisodiy samarasini namoyon etadi.

Mazkur markazining yana bir muhim jihati, aholini kooperatsiya asosida ko‘chat yetishtirishga jalb etish orqali yangi daromad manbalarini yaratishidir. Fuqarolarga nihollar yetkazib berilishi, ularning xonadonlarda parvarishlanishi va tayyor ko‘chatlarning kafolatli sotib olinishi ekologik tashabbuslarni aholi farovonligi bilan bog‘laydi.

✅Telegram|✅Facebook | 🌐Instagram |🌐 Web site | 📹You Tube