Yoshlar — ekologik kelajak bunyodkorlari!

Chortoq tumani Abu Ali Ibn Sino nomidagi Jamoat salomatligi texnikumida O‘zbekiston Ekologik partiyasi Chortoq tuman Kengashi hamkorligida ochiq muloqot tashkil etildi.

Tadbirda Oʻzbekiston Ekologik partiyasi Namangan viloyat Kengashi raisi Muzaffar Xudoyberdiyev, viloyat Kengashi xodimlari, mahalliy Kengash deputatlari, Xalq deputatlari tuman Kengashi kotibiyati vakillari, partiya faollari hamda talaba-yoshlar ishtirok etdi.

Ochiq muloqotda bugungi kunda yoshlar uchun yaratilayotgan imkoniyatlar, ekologik madaniyatni oshirish, tabiatni asrash va yoshlarning jamiyatdagi faolligini qo‘llab-quvvatlash masalalariga alohida to‘xtalib o‘tildi.

Samimiy va ochiq ruhda o‘tgan muloqot davomida yoshlarning ta’lim olishi, kasbiy rivojlanishi hamda bo‘sh vaqtini mazmunli tashkil etish masalalari yuzasidan fikr almashildi.

✅Telegram|✅Facebook | 🌐Instagram |🌐 Web site | 📹You Tube

Davlat tili taraqqiyotida muhim qadam
 
O‘zbekiston Respublikasi Prezidenti tomonidan 21-oktabr – O‘zbek tili bayrami kunida lotin yozuviga asoslangan o‘zbek alifbosini takomillashtirishga qaratilgan qonunning imzolanishi davlat tili taraqqiyoti tarixidagi muhim voqeadir.
 
Amaldagi yozuvda Ö, Ğ, Ş va Ç harflarining joriy etilishi, shuningdek, alifbo tarkibining takomillashtirilishi yozuv tizimini yaxlitlash va undan foydalanishni qulaylashtirishga xizmat qiladi. Ayniqsa, bugun axborot texnologiyalari, elektron hujjat aylanishi, ma’lumotlar bazalari va sun’iy intellekt jadal rivojlanayotgan bir sharoitda alifboning texnik jihatdan qulayligi ham muhim ahamiyat kasb etadi.
 

Xo‘sh, bu nima uchun muhim?
 
Birinchidan, yozuvdagi noqulayliklarni bartaraf etish va yagona me’yorni mustahkamlash uchun. Alifboning takomillashtirilishi o‘zbek tilidagi matnlarni tayyorlash, qayta ishlash va raqamli tizimlarda saqlash jarayonlarini soddalashtirish uchun imkoniyat yaratadi.
 
Ikkinchidan, davlat tilining raqamli imkoniyatlarini kengaytirish uchun. Bugun tilning taraqqiyoti uning kompyuter, smartfon, qidiruv tizimlari, elektron davlat xizmatlari va sun’iy intellekt texnologiyalarida qay darajada qo‘llanilishi bilan ham belgilanadi. O‘zbek tili zamonaviy texnologiyalar uchun ham qulay va to‘laqonli ishlaydigan tilga aylanishi zarur.
 
Uchinchidan, davlat tili nufuzini oshirish uchun. O‘zbek tili faqat kundalik muloqot tili bo‘lib qolmasligi kerak. U davlat boshqaruvi, ilm-fan, ta’lim, iqtisodiyot va zamonaviy texnologiyalarning ham to‘laqonli tili sifatida rivojlanishi lozim. Alifboni takomillashtirish ana shu maqsadlarga xizmat qilishi mumkin bo‘lgan muhim qadamlardan biridir.

 
Batafsil: 👉 https://ecouz.uz/news/959
 
Islomjon QO‘CHQOROV,
O‘zbekiston Ekologik partiyasi
Markaziy Kengashi raisi o‘rinbosari

✅Telegram|✅Facebook | 🌐Instagram |🌐 Web site | 📹You Tube

Ona tilimiz — milliy o‘zligimiz, ma’naviy merosimiz!

O‘zbekiston Ekologik partiyasi Sirdaryo viloyat Kengashi tashabbusi bilan 21-oktyabr — O‘zbek tiliga davlat tili maqomi berilgan kun munosabati bilan rahbar va yoshlar uchrashuvi tashkil etildi.

Tadbir davomida Prezidentimiz Shavkat Mirziyoyevning ona tilimizni asrab-avaylash va rivojlantirish borasidagi fikrlariga alohida e’tibor qaratildi. Davlatimiz rahbari 2026-yil 21-oktyabr kuni O‘zbekiston xalqiga yo‘llagan bayram tabrigida ona tilimiz xalqimizning xotirasi, bilim va tajribasi, orzu-umidlari mujassam bo‘lgan bebaho ma’naviy meros ekanini ta’kidladi.

Uchrashuvda ona tiliga hurmat, tabiatga ehtirom va ekologik mas’uliyat o‘rtasidagi uzviy bog‘liqlik ham muhokama qilindi. Zero, xalqimizning asrlar davomida shakllangan ekologik qarashlari, tabiatni asrashga doir urf-odatlari va hayotiy tajribasi ham tilimiz orqali avloddan avlodga yetib kelmoqda.

Samimiy va ko‘tarinki ruhda o‘tgan uchrashuv davomida yoshlar o‘zlarini qiziqtirgan savollarga batafsil javob oldilar, fikr va takliflarini bildirish imkoniga ega bo‘ldilar. Tadbir yakunida faol ishtirok etgan yoshlar partiya tomonidan esdalik sovg‘alari hamda tashakkurnomalar bilan taqdirlandi.

✅Telegram|✅Facebook | 🌐Instagram |🌐 Web site | 📹You Tube

“Yashil makon” umummilliy loyihasi doirasida o‘quv seminari o‘tkazildi

Jizzaxda partiya Markaziy Kengashi ishchi guruh ishtirokida “Yashil makon” umummilliy loyihasi doirasida aholining ekologik madaniyatini yuksaltirish, atrof-muhitni muhofaza qilish, yashil hududlarni kengaytirish hamda tabiatga bo‘lgan mas’uliyatni oshirishga qaratilgan o‘quv seminari tashkil etildi.

Seminar davomida “Yashil makon” umummilliy loyihasining mazmun-mohiyati, uning ekologik barqarorlikni ta’minlashdagi ahamiyati, daraxt va buta ko‘chatlarini ekish, ularni parvarishlash hamda yashil maydonlarni asrab-avaylash borasida fikr-mulohazalar bildirildi.

Shuningdek, yoshlarda tabiatga mehr-muhabbat tuyg‘usini shakllantirish, atrof-muhit musaffoligini saqlash va obodonlashtirish ishlarida jamoatchilik faolligini oshirish masalalariga alohida e’tibor qaratildi.

✅Telegram|✅Facebook | 🌐Instagram |🌐 Web site | 📹You Tube

#Munosabat

Alifbo islohoti muhim zarurat edi

Prezidentimiz Şavkat Mirziyoyev özbek tili bayrami kuni lotin yozuviga asoslangan özbek alifbosini takomillaştirişga oid tarixiy qonunni imzoladi. Uşbu hujjat jamiyatda uzoq kutilgan va keng muhokama qilingan masalaga yakuniy nuqtani qöydi.

Batafsil: 👉 https://ecouz.uz/news/961

Bahriddin Xofizov,
Özbekiston Ekologik partiyasi
Markaziy Kengaşi raisining
birinçi örinbosari.

✅Telegram|✅Facebook | 🌐Instagram |🌐 Web site | 📹You Tube