📝 ANARIN " KEÇƏN İLİN SON GECƏSİ" əsərinin təhlili:

💙 Əsər dramatik növdə, dram janrındadır.
💙 Hadisələrin təsvirində göstərmə üsulundan istifadə olunub.
💙 Ailə-məişət mövzusunda yazılan bu əsər iki hissəli dramdır.
💙 Dramaturq bir ailənin ilin son günündəki həyatının timsalında ciddi mənəvi-əxlaqi  problemlərə toxunur.
💙 Əsərdə eynəkli kişi ilə müqayisədə Həmidə xalanın mənəvi üstünlüyü daha qabarıq görünür.
💙 Əsərdə birbaşa iştirak etməyən QƏZƏNFƏR obrazının səsi nəsillər arasındakı münasibətlərin incəliyinin açılmasında mühüm rol oynayır.
💙 Övlad ömrü valideyn ömrünün davamıdır fikri əsərdə ifadə olunan əsas fikirlə uyğundur.
💙 Həmidə xala dörd övlad böyütməsinə baxmayaraq, yeni il gecəsi evdə tək qalır.
💙 Qəzənfərin fikrincə övladların önəmli günlərdə valideynlərinin yanında olmaması faciə DEYİL.
💙 Poçtalyon Bəşir- eynəkli kişi Həmidə xalaya qara qutudan- televizordan bərk yapışmağı məsləhət görür.
💙 Bəşirin gətirdiyi məktub insanlara vəfalı olmağı, çəkilən zəhməti unutmamağı aşılayır.
💙 Əsər şifahi xalq ədəbiyyatı nümunəsi- laylay ilə yekunlaşır. Əsərdə həmçinin oxşamadan da istifadə olunub.
💙 Rüstəm anasının təkidi ilə nişanlısı ilə barışır.
💙 Qəzənfərin səsinə Həmidə xala yalnız özü qulaq asır.
💙 Əsərdə Bülbülün " Sənsiz" mahnısı səsləndirilir.
💙 Direktor müsabiqəyə Dilarəni də dəvət etmək üçün onun ardınca Leylanı göndərir.
💙 Süleyman obrazı ətrafdakı hər kəsə qarşı mehriban davranmaması, nəzakətli olmaması, ünsiyyətdə olduğu qohumları barədə istehzalı fikirlər söyləməsi ilə fərqlənir.
💙 Həmidənin oxumağına Qəzənfər narazı olur. Üzeyir Hacıbəyov isə buna görə onu danlayır. Qəzənfər bundan sonra Həmidənin oxumasına razılaşır.
💙 Eynəkli kişidən fərqli olaraq Həmidə xala evdə tək qalsa da, övladlarından şikayət etmir.
💙  Həmidə xala eynəkli kişiyə acı-acı danışmağı,kobud cavab verməyi irad tutur.