#Наманганда_ёшлар_куни

Изланувчан ёшлар: янги лойиҳалар, талабаликни нақд қилиб қўйган йигит-қизлар сони ортмоқда.

Наманган вилояти ҳокими Шавкатжон Абдуразоқов "Ёшлар куни"да “Паст Қиёт” МФЙ ҳудудида фаолият олиб бораётган ёш тадбиркорлар фаолияти билан танишди.

Хусусан, давлат-хусусий шерикчилик асосида ташкил этилган “Меҳрли нурлар” номли кундузги парвариш марказида бўлди.

Ёш тадбиркор Ирода Анварбекова томонидан яқинда фаолияти йўлга қўйилган мазкур марказга айни вақтда 18 нафар ногиронлиги бўлган болалар қамраб олинган. Улар билан малакали мутахассислар томонидан реабилитация, парвариш ва ижтимоий мослашувга қаратилган машғулотлар мунтазам олиб борилмоқда.

Болаларнинг соғлом ривожланиши, жамиятга мослашуви ҳамда уларнинг қобилиятларини ривожлантиришга алоҳида эътибор қаратилмоқда. Марказда яратилган меҳр-муҳаббатга тўла муҳит эса уларнинг ҳар бир ютуғига илҳом бағишламоқда.

Шу маҳаллада жойлашган “EDUCATIONAL WORLD” ўқув марказида ҳам бўлиб, иш жараёни кўздан кечирилди.

Мазкур ўқув марказида ёшларга замонавий билим бериш, хорижий тилларни ўргатиш ва турли фанлар бўйича сифатли таълим ташкил этилган. Битирувчиларнинг аксарияти кимё фани бўйича халқаро сертификатларни қўлга киритиб, юқори натижалар билан тиббиёт йўналишидаги нуфузли олийгоҳларга ўқишга кирмоқдалар.

Таъкидланганидек, ёшларнинг билимли ва рақобатбардош мутахассис сифатида камол топишлари учун бундай таълим масканларининг аҳамияти беқиёс.

Наманган вилояти ҳокимлиги Ахборот хизмати.
______

#Namanganda_yoshlar_kuni

Izlanuvchan yoshlar: yangi loyihalar, talabalikni naqd qilib qo‘ygan yigit-qizlar soni ortmoqda.

Namangan viloyati hokimi Shavkatjon Abdurazoqov "Yoshlar kuni"da “Past Qiyot” MFY hududida faoliyat olib borayotgan yosh tadbirkorlar faoliyati bilan tanishdi.

Xususan, davlat-xususiy sherikchilik asosida tashkil etilgan “Mehrli nurlar” nomli kunduzgi parvarish markazida bo‘ldi.

Yosh tadbirkor Iroda Anvarbekova tomonidan yaqinda faoliyati yo‘lga qo‘yilgan mazkur markazga ayni vaqtda 18 nafar nogironligi bo‘lgan bolalar qamrab olingan. Ular bilan malakali mutaxassislar tomonidan reabilitatsiya, parvarish va ijtimoiy moslashuvga qaratilgan mashg‘ulotlar muntazam olib borilmoqda.

Bolalarning sog‘lom rivojlanishi, jamiyatga moslashuvi hamda ularning qobiliyatlarini rivojlantirishga alohida eʼtibor qaratilmoqda. Markazda yaratilgan mehr-muhabbatga to‘la muhit esa ularning har bir yutug‘iga ilhom bag‘ishlamoqda.

Shu mahallada joylashgan “EDUCATIONAL WORLD” o‘quv markazida ham bo‘lib, ish jarayoni ko‘zdan kechirildi.

Mazkur o‘quv markazida yoshlarga zamonaviy bilim berish, xorijiy tillarni o‘rgatish va turli fanlar bo‘yicha sifatli taʼlim tashkil etilgan. Bitiruvchilarning aksariyati kimyo fani bo‘yicha xalqaro sertifikatlarni qo‘lga kiritib, yuqori natijalar bilan tibbiyot yo‘nalishidagi nufuzli oliygohlarga o‘qishga kirmoqdalar.

Taʼkidlanganidek, yoshlarning bilimli va raqobatbardosh mutaxassis sifatida kamol topishlari uchun bunday taʼlim maskanlarining ahamiyati beqiyos.

Namangan viloyati hokimligi Axborot xizmati.

Sayt | Telegram | Instagram | Facebook |Twitter | YouTube