🗣 Ruslan Salaxutdinov:
“Men ham siz kabi shu yerda ulg‘ayganman. Mahalliy maktabda o‘qidim va men uchun ilk motivatsiya — bu ta’lim edi. Avvaliga matematikaga qiziqdim, keyin kompyuter fanlariga oshno bo‘ldim.
O‘sha paytlarda ko‘pchilik biznes sohasiga kirib borar edi, lekin men STEM yo‘nalishini tanladim — ya’ni fan, texnologiya, muhandislik va matematika. Bugungi kunda dunyodagi yetakchi sun’iy intellekt tadqiqotchilariga nazar tashlasangiz, ularning poydevori ham STEM va kompyuter fanlari, chuqur dasturlash bilimlariga asoslanganini ko‘rasiz.
Men yaxshi bilaman, sizning yoshingizda oilaning sizdan umidi bois bosimlar tabiiy hol. Ammo ishonchim komilki, bugungi O‘zbekistonda shu sohaga qiziqqan talabalar uchun juda yaxshi muhit yaratilgan. Agar sizda qat’iyat va motivatsiya bo‘lsa, "IT" va "AI" sohasida muvaffaqiyat qozonishingiz uchun barcha sharoit mavjud.
Carnegie Mellon universitetida men dunyoning turli mamlakatlaridan kelgan talabalarni uchrataman. Ularning barchasini birlashtirib turadigan yagona jihat — bu motivatsiya. Bu — muvaffaqiyatning birinchi va eng muhim omili.
Talabalarga beradigan maslahatlarimdan biri: nimanidir yaratishdan qo‘rqmang. Xavfga tik qarang va uni sinab ko‘ring. Men ulg‘aygan davrimda ko‘pchilik faqat barqaror ish topish haqida o‘ylardi. Lekin "Silikon vodiysi"da boshqacha fikrlashadi. U yerda odamlar startaplar qurishga harakat qiladilar. Agar muvaffaqiyatsizlikka uchrasa, bu salbiy narsa emas — balki tajriba sifatida qaraladi. Aslida, dunyodagi eng yirik kompaniyalarning ko‘pi shunday madaniyat — “urinish, yiqilish va yana urinib ko‘rish” ruhi tufayli paydo bo‘lgan.
Masalan, "Silikon vodiysi"da hazil tariqasida shunday gap bor: "Startapingiz o'xshamadimi? Qayg'urmang, keling, mening startapimga qo‘shiling!” Ana shu bardoshlilik, urinishdan qo‘rqmaslik madaniyati innovatsiyani oldinga olib chiqadi.
Apple, Meta yoki Google kabi kompaniyalarda odamlarning imkoniyatiga baho berganda, biz muvaffaqiyatsiz startapni ularning kamchiligi sifatida ko‘rmaymiz. Aksincha, bu sizning biror narsani yaratishga uringaningizni ko‘rsatadi, bu esa juda qadrli tajriba.
Shuning uchun mening maslahatlarim:
• Yaxshi (qattiq) o‘qing;
• Har doim motivatsiyani saqlang;
• Xavf qilishdan qo‘rqmang;
• Nimadir qurishga, yaratishga urinib ko‘ring.
O‘zbekistondagi universitetlar rivojlanib bormoqda. Talabalar tobora ko‘proq ingliz tilini o‘rganayotgani esa sizga bilim, tadqiqotlar va global imkoniyatlarga to‘g‘ridan-to‘g‘ri yo‘l ochadi.
Sun’iy intellekt sohasi yo‘qolib ketmaydi — u bundan keyin ham bo'ladi. Ha, raqobat kuchayadi. Ammo bu — yaxshi narsa. Chunki bu sizni o‘sishga undaydi.
Rahmat."

Prezident Shavkat Mirziyoyev "IT-Park" loyihasining ikkinchi bosqichini boshlab berdi.
—
Президент Шавкат Мирзиёев дал старт второму этапу проекта "IT-Park".

Prezident.uz|Facebook|Instagram|YouTube|X