#Raqamlaştiriş #Reyting

⚡️Vazirlik raqamli transformatsiya reytingida respublika bo‘yicha yuqori natijani qayd etdi

Davlat taşkilotlarining raqamli transformatsiya holatini baholaş böyiça 2026-yilning birinçi yarim yilligi yakunlariga köra, vazirlik yuqori natijani qayd etdi.

Reyting natijalariga köra, vazirlik 95 foiz natija bilan “yaşil” toifadan joy oldi va davlat organlari orasida 2-örinni, vazirliklar kesimida esa 1-örinni egalladi.

Baholaş jarayonida taşkilotlar faoliyati 6 ta asosiy yönaliş böyiça tahlil qilindi:

▪️Oçiqlik va elektron iştirok — 17,2 ball (95,4 foiz);
▪️Elektron davlat xizmatlari — 17,0 ball (94,3 foiz);
▪️Axborot xavfsizligi — 17,2 ball (95,4 foiz);
▪️Faoliyatning raqamlaştirilganligi — 20,3 ball (92,5 foiz);
▪️Taşkiliy yönaliş — 11,7 ball (97,6 foiz);
▪️Sun’iy intellekt — 12,0 ball (100 foiz).

Erişilgan natijalarga vazirlik huzuridagi Raqamli ta’lim va sun’iy intellektni rivojlantiriş markazi tomonidan ta’lim tizimiga zamonaviy axborot texnologiyalarini keng joriy etiş va raqamli infratuzilmani rivojlantiriş borasida amalga oşirilayotgan işlar ham munosib hissa qöşmoqda.

Kelgusida ham raqamli texnologiyalarni keng joriy etiş, sun’iy intellekt imkoniyatlaridan samarali foydalaniş hamda ta’lim va boşqaruv jarayonlarida raqamli yeçimlar kölamini kengaytiriş orqali yanada yuqori natijalarga erişiş maqsad qilingan.

Facebook | Instagram | YouTube | Telegram

#rasmiy_munosabat

Özbekiston Respublikasi Prezidenti va nomli davlat stipendiyalari tanlovlari doirasida ötkazilgan test sinovlari yuzasidan

Amaldagi qonunçilikka muvofiq, Özbekiston Respublikasi Prezidenti va nomli davlat stipendiyalariga talabgorlar tanlovning respublika bosqiçida "Axborot texnologiyalari", "Özbekiston tarixi" va "Xorijiy tillar" fanlaridan Bilim va malakalarni baholaş agentligida (hududlar böyiça) maxsus test sinovlarini topşirişlari belgilangan.

Qarorda test sinovlari böyiça ötiş balining quyi çegarasi töplaş mumkin bölgan eng yuqori ballning 55 foizi etib belgilangan bölib, uşbu çegaradan past ball töplagan yoki test sinovlarida iştirok etmagan talabgorlar Özbekiston Respublikasi Prezidenti va nomli davlat stipendiyalariga tavsiya etilmasligi belgilangan.

Uşbu qarorga muvofiq, 2026-yilning 10-oktabr kuni 2026/2027-öquv yili uçun Prezident va nomli davlat stipendiyalari tanlovining respublika bosqiçiga tavsiya etilgan talabgorlar uçun Bilim va malakalarni baholaş agentligi tomonidan hududlar kesimida belgilangan fanlardan test sinovlari ötkazildi. Mazkur test sinovlarida jami 1 460 nafar talabgor iştirok etdi.

Test sinovlari natijalaridan norozi bölgan talabgorlardan vazirlikning “my.edu.uz” elektron tizimidagi şaxsiy kabinetlari orqali apellyatsiya arizalari qabul qilingan. Har bir apellyatsiya arizasida keltirilgan eʼtirozlar va ularga asos bölgan test savollari apellyatsiya komissiyasi tomonidan belgilangan tartibda körib çiqiladi. Eʼtirozlar asosli deb topilgan taqdirda, tegişli apellyatsiya arizalari qanoatlantiriladi. Körib çiqiş natijalari böyiça tegişli maʼlumotlar talabgorlarning “my.edu.uz” elektron tizimidagi şaxsiy kabinetlari orqali maʼlum qilinadi.

Vazirlik Prezident va nomli davlat stipendiyalari tanlovlarini belgilangan talablar asosida taşkil etiş, talabgorlarning murojaatlarini xolisona körib çiqiş hamda tanlov jarayonining şaffofligini taʼminlaydi.

Talabalardan rasmiy xabarlarni faqat vazirlikning rasmiy sayti va “my.edu.uz” elektron tizimidagi şaxsiy kabinetlari orqali kuzatib borişlarini söraymiz.

Facebook | Instagram | YouTube|Telegram

#SavolJavob

Milliy sertifikat imtihonlarida qaysi alifbodan foydalaniladi❓

Yaqinda yangi özbek alifbosini joriy etişga oid qonun imzolandi. Oldinda esa milliy sertifikat imtihonlari turibdi. Endi uşbu sinovlarda qaysi alifbodan foydalaniladi va javoblar qaysi yozuvda yozilişi lozim?

Imtihon qaçon bölib ötadi❓

2026-yil 24–26-oktyabr kunlari barça hududlarda ona tili va adabiyot fanidan milliy sertifikat imtihonlari bölib ötadi.

Test materiallari qaysi alifboda tayyorlangan❓

Test materiallari amaldagi lotin yozuviga asoslangan özbek alifbosida tayyorlangan.

Javoblar qaysi yozuvda yozilişi kerak❓

Quyidagilar ham amaldagi alifboda yozilişi lozim:
1️⃣ oçiq turdagi test topşiriqlarining javoblari;
2️⃣ yozma iş (esse)lar.

Nega yangi alifbo emas❓

Yangi alifboni joriy etiş töğrisidagi Qonunda yangi alifbo 6 oydan söng kuçga kirişi belgilangan.

Ya’ni:
— hozirgi imtihonlarda amaldagi alifbo;
— yangi alifbo esa 6 oydan söng kuçga kiradi.

Şu sababli Agentlik tomonidan ötkaziladigan imtihonlarda yangi alifbodan emas, amaldagi alifbodan foydalaniladi.

Facebook | Instagram | YouTube|Telegram

Xorijiy va nodavlat oliy ta’lim tashkilotlariga maqsadli qabul kvotalari uchun imtihonlarga ruxsatnomalar e’lon qilindi

Xorijiy va nodavlat oliy taʼlim taşkilotlari hamda ularning filiallariga ajratilgan 1 452 ta, şuningdek, qoraqalpoğistonlik yoşlarga xorijiy va nodavlat oliy taʼlim taşkilotlari hamda ularning filiallariga ajratilgan 200 ta maqsadli kvota uçun bölib ötadigan imtihonlarga ruxsatnomalar eʼlon qilindi.

Test sinovlari 2026-yil 28-oktabr (çorşanba) kuni bölib ötadi.

Test sinovida iştirok etuvçi talabgorlar test sinovlarida iştirok etiş uçun ruxsatnomani my.uzbmb.uz saytidagi şaxsiy kabinetlari orqali yuklab olişlari mumkin.

Ruxsatnomada test sinovi ötkaziladigan sana, manzil va vaqt körsatilgan bölib, talabgorlardan test sinovlariga ruxsatnomada körsatilgan vaqtdan keçikmagan holda kelişi söraladi.

Talabgorlar test sinovlari bölib ötadigan binoga şaxsini tasdiqlovçi hujjat (pasport yoki ID-karta) asosida kiritiladi.

Talabgorlardan imtihonga ortiqça buyumlar (elektron qurilmalar, sumka, kitob, daftar, yozuv qurollari, içimlik, ovqat, şaxsiy buyumlar va boşqalar) olib kelmaslik söraladi.

Facebook | Instagram | YouTube | Telegram