EFFECT.UZ | Расмий канал
✔
17.2K subscribers
72K photos
18.9K videos
36 files
73.3K links
🌐 EFFECT.UZ ахборот агентлигининг расмий Telegram канали

Батафсил: @effectuz_live
Сайт: www.effect.uz

Мурожаат ва ҳамкорлик таклифлари учун: @effectgamurojaat

Почта: www.effect.uz@gmail.com

Алоқа учун:
+998971663232
+998979663232
Download Telegram
Фарғонада яширин алкоголь цехи фош этилди

Бош прокуратура ҳузуридаги Департаментнинг Қўқон шаҳри бўлими ходимлари томонидан ўтказилган тезкор тадбирда фуқаро А.Х. фуқарога 300 дона қўлбола усулда тайёрланган қалбаки акциз маркали алкоголь маҳсулотларини 5,1 млн сўмга сотган вақтида ушланиб, давом этган тадбирда А.Х.га қўлбола алкоголь маҳсулотларини фуқаролар М.Х. ва Ю.Э. етказиб турганликлари аниқланиб, Ю.Э.нинг Данғара тумани, “Аравон” МФЙ ҳудудидаги хонадонидаги яширин цехдан 24 932 дона қопқоқ, 18 402 дона этикеткалар, 4 270 дона пластик пакетлар, 1 590 дона бўш шиша идишлар, 957 дона QR кодлар, 800 дона қалбаки акциз маркалар, 627 дона алкоголь маҳсулотлари, 440 литр спирт ва ишлаб чиқаришда фойдаланилган бошқа маҳсулотлар ашёвий далил сифатида олинган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram
🔥2
Media is too big
VIEW IN TELEGRAM
Қурбон ҳайити намози сабаб Тошкентда айрим кўчалар вақтинча ёпилади

Байрам куни масжидлар атрофидаги қатор кўчаларда соат 00:00 дан 08:00 гача транспорт ҳаракати чекланади.

Ёпиладиган кўчалар рўйхати видеода маълум қилинди.

Telegram I Facebook I YouTube I Instagram
This media is not supported in your browser
VIEW IN TELEGRAM
Қурбон ҳайити арафасида Президент туҳфаси: Минглаб беморларга юқори технологияли тиббий ёрдам кўрсатилади

Соғлиқни сақлаш вазирлиги маълумотига кўра, жорий йилда 10 минг нафар болада жарроҳлик амалиётлари ўтказиш режалаштирилган.

Шунингдек:
— 2,3 минг нафар беморда юқори технологик операциялар амалга оширилади;
— 350 нафар юртдошимизда буйрак ва жигар трансплантацияси ўтказилади.

Қайд этилишича, тиббий текширув ва даволаш билан боғлиқ харажатлар давлат мақсадли жамғармалари ҳамда бошқа манбалар ҳисобидан молиялаштирилмоқда.

Telegram I Facebook I YouTube I Instagram
👍32🔥32😢1
Фейк «пенсияга қўшимча тўловлар»: фуқаролар огоҳлантирилди

Ижтимоий тармоқларда гўёки пенсияга «қўшимча маблағ» ажратилаётгани ҳақидаги сохта хабарлар тарқалмоқда.

Мутахассислар таъкидлашича, бундай хабарларда фирибгарлар одамларда «шошилинчлик» ҳиссини уйғотиб, уларни шубҳали ҳаволаларга ўтишга ундайди.

Натижада:
— шахсий маълумотлар;
— банк картаси реквизитлари;
— аккаунтларга кириш ҳуқуқи ўғирланиши мумкин.

Фирибгарликдан ҳимояланиш учун:
🟣 маълумотларни фақат расмий манбалар орқали текширинг;
🟣 шубҳали Telegram-каналлар ва ҳаволаларга ўтманг;
🟣 номаълум сайтларга шахсий ёки банк маълумотларини киритманг;
🟣 «шошилинч тўлов» ва вақт чеклови каби босимларга алданманг.

Telegram I Facebook I YouTube I Instagram
👍3🤷‍♂1
Қурбон ҳайити кунлари Ўзбекистонда меҳмонхоналар 20%гача чегирма тақдим этади

Қурбон ҳайити муносабати билан Ўзбекистонда ички туризмни рағбатлантириш чоралари кўрилмоқда. 27–31 май кунлари мамлакат бўйлаб меҳмонхоналар фуқаролар учун нархларни пасайтиради.
Айрим жойларда чегирмалар 20%гача етиши мумкин.

Шунингдек, ушбу кунларда ногиронлиги бўлган шахслар, кексалар ҳамда болалар учун айрим пуллик зиёратгоҳ ва муқаддас қадамжоларга кириш бепул бўлади.

Telegram I Facebook I YouTube I Instagram
😢2
Тошкентда чанг бўрони кузатилмоқда

Айрим ҳудудларда кучли шамол ва чанғ-тўзон кузатилмоқда. Аҳолига эҳтиёт чораларига амал қилиш тавсия этилди.

Хавфсизлик учун:
• дарахтлар,
• қурилиш объектлари,
• беқарор конструкциялар,
• реклама баннерлари яқинида турмаслик;
шунингдек, автомобилларни дарахт, устун ва реклама қурилмалари ёнида қолдирмаслик сўралмоқда. Кучли шамол оқибатида улар қулаши мумкин.

Telegram I Facebook I YouTube I Instagram
😢2
Ташқи ишлар вазирининг янги ўринбосари тайинланди

2026 йил 26 май куни бўлиб ўтган йиғилишда Мирвоҳид Мирилёс ўғли Азимов Ўзбекистон ташқи ишлар вазирининг ўринбосари сифатида жамоатчиликка таништирилди.

У Президентнинг 26 майдаги қарорига мувофиқ ушбу лавозимга тайинланган.

Мирвоҳид Азимов мазкур тайинловга қадар Туркий давлатлар ташкилоти бош котиби ўринбосари лавозимида фаолият юритган.

Telegram I Facebook I YouTube I Instagram
👍53🔥11
Кичик бизнес учун янги енгилликлар: солиқ ва текширувлар бўйича қатор ўзгаришлар

Президент Шавкат Мирзиёев кичик бизнес субъектлари фаолиятини қўллаб-қувватлаш ва улар учун янада қулай муҳит яратишга қаратилган таклифларни маъқуллади.

Асосий ўзгаришлар:
— 2026 йил 1 июндан кичик бизнеснинг умумий солиқ режимига ўтиш чегараси 1 миллиард сўмдан 5 миллиард сўмгача оширилади.

— Умумий овқатланиш, савдо ва хизмат кўрсатиш соҳалари учун 6 фоизли соддалаштирилган ҚҚС тизими жорий этилади. Бунда тадбиркорлар фойда солиғидан озод қилинади ёки амалдаги тартибда ишлашни танлаши мумкин.

— Паст хавфли тадбиркорлар учун ҚҚСнинг салбий фарқи автоматик қайтарилади, ҚҚС гувоҳномасини тўхтатиб туриш амалиёти бекор қилиниши режалаштирилмоқда.

— Солиқ хавфи 500 миллион сўмгача бўлган ҳолатларда солиқ аудити, 100 миллион сўмгача бўлганда эса сайёр текширув ўтказилмайди.

— Умумий овқатланиш ва меҳмонхона соҳасида алкоголь ҳамда тамаки маҳсулотларини нақд пулда сотишга рухсат бериш, айрим ходимларни соддалаштирилган тартибда расмийлаштириш ҳам кўзда тутилган.

Telegram I Facebook I YouTube I Instagram
👍47🔥22
Media is too big
VIEW IN TELEGRAM
Қарийб 2500 турдаги дори воситалари нархи пасайтирилади

Аввалроқ, 2026 йил 1 мартдан бошлаб қарийб 2000 турдаги рецепт асосида бериладиган дори воситалари учун нархлар қайта шакллантирилган эди. Натижада айрим дори воситалари дорихоналарда анча арзон нархларда сотила бошлаган.

Энди мазкур жараённинг навбатдаги босқичи амалга оширилмоқда. 1 июлдан бошлаб яна қарийб 2500 турдаги рецепт асосида бериладиган дори воситалари нархи пасайтирилади.

Бу эса аҳоли учун қуйидаги қулайликларни яратади:
➡️ дори воситаларининг янада ҳамёнбоп бўлиши;
➡️ тасдиқланган нархлар асосида харид қилиш имконияти;
➡️ сунъий нарх оширилишининг олдини олиш.

Шунингдек, фуқаролар PharmUz мобил иловаси орқали:
✅ дори воситаларининг тасдиқланган нархларини текшириши;
✅ қиммат нархда сотилиш ҳолатлари бўйича мурожаат қолдириши мумкин.

Telegram I Facebook I YouTube I Instagram
👍52🔥16🤔1
This media is not supported in your browser
VIEW IN TELEGRAM
"Зарядка"даги электромобиль ёниб кетди

​Сурхондарё вилояти Денов туманида электромобиль билан боғлиқ кўнгилсиз ҳодиса қайд этилди. Гап шундаки, электр қувватлаш ускунасига улаб қўйилган "Leapmotor" автомобилида тўсатдан ёнғин чиққан.

​Қисқа фурсат ичида аланга кучайиб, машинанинг техник қисми ва салони ёниб кетган. 

Ҳозирда ўт ўчирувчилар ёнғинни бартараф этишган. Ёнғин сабаблари ва етказилган зарар миқдори ўрганилмоқда. Жабрланганлар бор йўқлиги ҳақида эса расмий хабар берилмаган.

Telegram I Facebook I YouTube I Instagram
😢4🤔2
Ўзбекистонда 5 та янги сел-сув омбори қурилади

Бу ҳақда Президент томонидан 25 май куни имзоланган 201-сонли қарорда белгиланган.

Унга кўра, мамлакатда жами 5 та сел-сув омбори барпо этилади. Уларнинг:
➡️ 3 таси — Самарқанд вилоятида;
➡️ 1 таси — Жиззах вилоятида;
➡️ 1 таси — Тошкент вилоятида қурилиши режалаштирилган.

Шунингдек, қарорда Тошкент ва Самарқанд вилоятларида катта ер майдонларини ўзлаштириш, минглаб гектар ҳудудларда сув таъминоти ва мелиоратив ҳолатни яхшилаш вазифалари ҳам белгиланган.

Илмий ишланмалар ва мутахассислар тавсиялари асосида республика бўйлаб қарийб 60 та ҳудудда кичик сув тўплаш ҳавзаларини қуриш режалаштирилмоқда.

Лойиҳалар сув ресурсларидан самарали фойдаланиш, сел хавфини камайтириш ҳамда қишлоқ хўжалиги ерларининг унумдорлигини оширишга хизмат қилиши кутилмоқда.

Telegram I Facebook I YouTube I Instagram
👍59🔥10
This media is not supported in your browser
VIEW IN TELEGRAM
Қурбон ҳайитида йўлларда хавфсизлик чоралари кучайтирилди

Қурбон ҳайити муносабати билан магистраль йўлларда фуқаролар хавфсизлигини таъминлаш мақсадида ЙҲХХ томонидан кечиктириб бўлмас чора-тадбирлар амалга оширилди.

Байрамни яқинлари даврасида нишонлаш учун пойтахтдан ҳудудларга йўл олган фуқароларнинг хавфсиз етиб боришини таъминлаш ҳамда ноқулайликларнинг олдини олиш мақсадида:
➡️ халқаро аҳамиятга эга йўллардаги бир томонлама ҳаракат ташкил этилган 8 та йўл участкасида таъмирлаш ишлари вақтинча тўхтатилди;
➡️ мавжуд 65 та автобус рейсига қўшимча равишда яна 67 та рейс йўлга қўйилди ва 18 та автобус захирага тайёрланди;
➡️ 372 нафар ЙҲХХ ходими ҳудудларни боғловчи автомобиль йўлларида кучайтирилган тартибда хизматга жалб этилди.

Telegram I Facebook I YouTube I Instagram
👍3
Тошкент вилояти тез тиббий ёрдам хизматига янги раҳбар тайинланди

Турсунпўлат Умарович Ахтамов Республика тез тиббий ёрдам маркази Тошкент вилояти филиали директори этиб тайинланди.

Т. Ахтамов 2008 йил Бухоро давлат тиббиёт институтини тамомлаган. У мазкур тайинловга қадар тизимнинг Бухоро вилояти филиалига раҳбарлик қилиб келаётган эди.

Бугун Тошкент вилояти филиалида янги раҳбарни жамоага таништириш тадбири бўлиб ўтди. Унда вилоят ҳокимлиги, Соғлиқни сақлаш бошқармаси ва Марказ раҳбарияти иштирок этиб, ҳудудда тез тиббий ёрдам хизматини янада ривожлантириш бўйича галдаги вазифаларни белгилаб берди.

Telegram I Facebook I YouTube I Instagram
👍3👎2🤔1
🇺🇿EFFECT.UZ жамоаси барча юртдошларимизни муборак Қурбон Ҳайити билан самимий табриклайди!

Ушбу улуғ ва файзли айём хонадонларимизга тинчлик-хотиржамлик, меҳр-оқибат ва барака олиб кирсин. Яқинлар билан бирга ўтаётган ҳар бир шукронали лаҳза қалбларингизга нур ва қувонч бағишласин.

Байрам кунлари дастурхонларингиз тўкин, хонадонларингиз файзли, қалбларингиз эса доимо меҳр ва илиқликка тўла бўлишини тилаймиз!

Қурбон Ҳайитингиз муборак бўлсин!

🇷🇺 Команда EFFECT.UZ искренне поздравляет всех соотечественников с праздником Курбан Хайит!

Пусть этот светлый и благословенный праздник принесёт в каждый дом мир, добро и благополучие. Пусть каждая минута, проведённая рядом с близкими людьми, наполнит ваши сердца теплом, радостью и светом.

Желаем вашим семьям счастья и уюта, вашим столам — изобилия, а вашим сердцам — душевного спокойствия и добра!

С праздником Курбан Хайит!

Telegram I Facebook I YouTube I Instagram
👍16
Президент Шавкат Мирзиёев Ўзбекистон халқига Қурбон ҳайити муносабати билан байрам табригини йўллади

Давлат раҳбари ўз табригида Қурбон ҳайити тинчлик, меҳр-оқибат ва саховат байрами эканини таъкидлаб, мамлакатимизда инсон қадрини улуғлаш, эҳтиёжмандларни қўллаб-қувватлаш, маҳалла ва хонадонларни обод қилишга қаратилган ишлар ушбу улуғ айёмнинг эзгу ғоялари билан ҳамоҳанг эканини қайд этди.

Шунингдек, кейинги йилларда Ислом цивилизацияси маркази, Имом Бухорий ёдгорлик мажмуаси ва Бурҳониддин Марғиноний мажмуаси каби йирик маърифий обидалар барпо этилгани таъкидланди.
Маълум қилинишича, бу йил илк бор “Президент ҳожилари” дастури жорий этилиб, 100 нафар юртдош ҳаж сафарига юборилди.

Табрик сўнгида давлат раҳбари барча ватандошларни Қурбон ҳайити билан қутлаб, юртимизга тинчлик, фаровонлик ва барака тилади.

Telegram I Facebook I YouTube I Instagram
👍55🔥15