EFFECT.UZ | Расмий канал
✔
17.2K subscribers
71.9K photos
18.9K videos
36 files
73.3K links
🌐 EFFECT.UZ ахборот агентлигининг расмий Telegram канали

Батафсил: @effectuz_live
Сайт: www.effect.uz

Мурожаат ва ҳамкорлик таклифлари учун: @effectgamurojaat

Почта: www.effect.uz@gmail.com

Алоқа учун:
+998971663232
+998979663232
Download Telegram
«Самарқанд-2028» сунъий йўлдоши космосдан илк тасвирларни узатди

Ўзбекистоннинг «Самарқанд-2028» сунъий йўлдоши космосдан илк тасвирларни Ерга узатди.

Хитойдан учирилган мазкур сунъий йўлдош томонидан цивилизация бешикларидан бири ҳисобланган Афина шаҳрининг тасвирлари олинган.

Лойиҳа Ўзбекистоннинг космик технологиялар соҳасидаги имкониятларини кенгайтиришга қаратилган.

Telegram I Facebook I YouTube I Instagram
👍3
Ўзбекистонда барча маҳаллаларнинг энергетик паспорти яратилади

Мамлакатдаги ҳар бир маҳалланинг электр энергияси ва табиий газ таъминоти ҳолатини акс эттирувчи ягона энергетик паспорт шакллантирилади.

Энергетика вазири Шерзод Хўжаевнинг маълум қилишича, тизим орқали маҳаллалардаги истеъмолчилар сони, электр ва газ тармоқларининг ҳолати, уларни модернизация қилиш учун зарур маблағ ҳамда ишлар ҳажми аниқ ҳисоблаб чиқилади.

Шунингдек, соҳада рақамли технологиялар ва мобил иловалар жорий этилиб, фуқаролар электр ёки газ таъминотидаги узилишлар ҳақида тезкор хабар бериш имкониятига эга бўлади.

Вазирлик олдига энергия йўқотишлари ва қарздорликни камайтириш, инфратузилмани модернизация қилиш ҳамда суюлтирилган газ бозорини ривожлантириш вазифалари ҳам қўйилган.

Telegram I Facebook I YouTube I Instagram
👍2👎2🤔2
Сунъий интеллект соҳасида янги мақсадлар белгиланди

Ўзбекистонда жорий йилнинг ўзида иқтисодиёт ва ижтимоий соҳаларда сунъий интеллект асосидаги 100 дан ортиқ лойиҳани амалга ошириш режалаштирилмоқда.

Президент сунъий интеллект экотизимини ривожлантириш бўйича тақдимот билан танишди. Унда 2030 йилгача Ўзбекистонни сунъий интеллектга тайёрлик бўйича халқаро рейтингда энг илғор 50 давлат қаторига олиб чиқиш вазифаси белгиланди.

Шунингдек, сунъий интеллект асосидаги дастурий маҳсулот ва хизматлар ҳажмини 1,5 млрд долларга, IT-Parkда ушбу йўналишда фаолият юритувчи резидентлар сонини 300 тага, уларнинг экспортини эса 160 млн долларга етказиш мақсад қилинган.

Келгуси икки йилда «Беш миллион сунъий интеллект етакчилари» лойиҳасини тўлиқ амалга ошириш ҳам режалаштирилмоқда.

Давлат раҳбари ҳисоблаш қувватларини ошириш, сифатли маълумотлар базасини яратиш, стартапларни қўллаб-қувватлаш ва халқаро ҳамкорликни кенгайтириш бўйича масъулларга топшириқлар берди.

Telegram I Facebook I YouTube I Instagram
👍77🔥15👎2
Пенсияни қайта ҳисоблаш ҳам автоматик бўлади

I ёки II гуруҳ ногиронлиги белгиланган фуқароларга ногиронлик пенсияси проактив тарзда тайинланиши мумкин.

Сенат ялпи мажлисида пенсия тайинлаш тартибини такомиллаштиришга қаратилган қонун муҳокама қилинди.

Унга кўра, фуқарога I ёки II гуруҳ ногиронлиги белгилангани муносабати билан ногиронлик пенсиясини фуқаронинг алоҳида мурожаатисиз проактив шаклда тайинлаш тартиби жорий этилмоқда.

Шунингдек, пенсия тайинланганидан кейин камида бир йил иш стажига эга бўлган фуқаронинг ногиронлик пенсияси ҳар икки йилда бир марта мурожаат талаб этилмаган ҳолда автоматик қайта ҳисоблаб чиқилади.

Янги тартиб фуқаролар учун пенсия расмийлаштириш жараёнини соддалаштириш ва ортиқча оворагарчиликларни камайтиришга қаратилган.

Telegram I Facebook I YouTube I Instagram
👍3🤔2
Ўзбек киносини баҳолашда янги мезонлар жорий этилади

Кино соҳасида асосий мезон расмий ҳисоботлар эмас, фильмнинг сифати ва томошабин эътирофи бўлиши керак.

Кинематография агентлигида киноижодкорлар иштирокида очиқ мулоқот ўтказилиб, миллий кино саноатининг бугунги ҳолати, мавжуд муаммолар ва соҳани ривожлантириш бўйича таклифлар муҳокама қилинди.

Унда кино соҳасида фаолият самарадорлигини баҳолашда янги ёндашувларни жорий этиш зарурлиги таъкидланди. Хусусан, фильмларнинг натижадорлиги бажарилган топшириқлар ёки расмий ҳисоботлар билан эмас, асар сифати, томошабин эътирофи ва ҳақиқий натижаси билан баҳоланиши кераклиги қайд этилди.

Шунингдек, томошабинни кинотеатрларга қайтариш, халқаро майдонда рақобатлаша оладиган фильмлар яратиш ва ислоҳотларни киноижодкорлар билан ҳамкорликда амалга ошириш устувор вазифалар сифатида белгиланди.

Кинематография агентлиги раҳбари Жаҳонгир Аҳмедов даврида соҳадаги баҳолаш мезонларини қайта кўриб чиқишга алоҳида эътибор қаратилаётгани айтилмоқда.

Янги ёндашув миллий кинони ижодий натижа, сифат ва томошабин талаби асосида ривожлантиришга қаратилган.

Telegram I Facebook I YouTube I Instagram
👎3🤔1
Бухорода фуқарони 4-курсдан ўқишга киритиб қўйиш ваъдаси билан 26 млн сўм олган шахс ушланди

Бухорода фуқарони Қозоғистондаги олийгоҳда 1–3-курсларни ўқигани ҳақида қалбаки ҳужжатлар тайёрлаб, университетга 4-курсдан киритиб қўйишни ваъда қилган шахс 26 млн сўм олган вақтида ушланди.

Маълум қилинишича, у фуқаронинг ишончига кириб, танишлари орқали Бухоро инновацион таълим ва тиббиёт университетининг тиббиёт йўналишига 4-курсдан ўқишга киритиб беришини айтган.

Бунинг эвазига 26 млн сўм олган вақтида қўлга олинган.

Ҳолат юзасидан Жиноят кодексининг 25, 168-моддаси (фирибгарлик) ҳамда 28, 211-моддаси (пора бериш) билан жиноят иши қўзғатилган. Ҳозирда тергов ҳаракатлари олиб борилмоқда.

Telegram I Facebook I YouTube I Instagram
Президент Администрацияси фаолияти ҳуқуқий жиҳатдан тартибга солинади

Президент Администрациясининг ҳуқуқий мақоми, вазифалари ва ваколатларини белгилаб берувчи қонун Сенатда маъқулланди.

Қонун Конституция талабларидан келиб чиқиб ишлаб чиқилган бўлиб, Президент Администрациясининг давлат бошқаруви тизимидаги ўрнини ҳуқуқий жиҳатдан мустаҳкамлашга қаратилган.

Ҳужжатда Администрациянинг мақоми, асосий вазифалари, ваколатлари, тузилмаси ва ишлаш тартиби аниқ белгилаб берилмоқда. Шунингдек, унинг давлат органлари ва ташкилотлари билан ҳамкорлик қилиш механизмлари ҳам ҳуқуқий тартибга солинади.

Қонунда Администрация мансабдор шахслари, бошқарув ва хизмат кўрсатувчи ходимларининг фаолиятига оид кафолатлар ҳам назарда тутилган.

Telegram I Facebook I YouTube I Instagram
👍94🔥11👎3🤔1
This media is not supported in your browser
VIEW IN TELEGRAM
30 йилдан ортиқ хизмат қилган ҳарбийларнинг пенсияси оширилади

Сенатда маъқулланган қонунга кўра, 30 йилдан ортиқ хизмат qilgan ҳарбий хизматчиларнинг пенсиясини ҳисоблаш тартиби ўзгаради.

Янги тартибга мувофиқ, пенсияни ҳисоблашдаги энг юқори миқдор 75 фоиздан 100 фоизгача оширилади. Шунингдек, пенсия ҳисоб-китобида қўлланиладиган база 10 баравардан 12 бараваргача кўтарилади.

Муҳими, ўзгаришлар фақат келгусида пенсияга чиқадиган ҳарбий хизматчиларга эмас, балки 30 йил ва ундан ортиқ хизмат стажига эга бўлиб, ҳозирда пенсия олаётган шахсларга ҳам татбиқ этилади.

Қонун кучга кириши билан мазкур тоифадаги ҳарбий хизматчилар ва тегишли ходимларнинг пенсия таъминоти яхшиланиши кутилмоқда.

Telegram I Facebook I YouTube I Instagram
👍4👎2
Media is too big
VIEW IN TELEGRAM
Хоразмга «опий» олиб борган шахс ушланди

Урганч шаҳрида Самарқанд вилояти Ургут туманида яшовчи, муқаддам судланган шахс гиёҳвандлик воситасини сотиш мақсадида олиб келганликда гумонланиб ушланди.

Маълум қилинишича, у жорий йилнинг 27 июль куни Урганч шаҳрида тўхтатилган. Унинг ёнидан 30 грамм «опий» топилган.

Дастлабки маълумотларга кўра, гумонланувчи гиёҳвандлик воситасини Самарқанддан Хоразмга сотиш мақсадида олиб келганини билдирган.

Ҳолат юзасидан унга нисбатан жиноят иши қўзғатилиб, дастлабки тергов ҳаракатлари олиб борилмоқда. Гумонланувчи процессуал тартибда ушланган.

Айбдорлик масаласи суд томонидан қонунчиликда белгиланган тартибда ҳал этилади.

Telegram I Facebook I YouTube I Instagram
🔥2
This media is not supported in your browser
VIEW IN TELEGRAM
Тошкентда «закладка» орқали гиёҳвандлик воситаларини тарқатганлар ушланди

Сергели туманида гиёҳвандлик воситаларини яширин жойларга қолдириш («закладка») орқали тарқатиш билан шуғулланган шахслар қўлга олинди.

Тезкор тадбир давомида 1,1 килограмм альфа-PVP, 1,9 килограмм марихуана, 65 грамм героин ва 16 грамм 5F-APINACA мусодара қилинган.

Шунингдек, гиёҳвандлик воситаларини тарқатиш бўйича топшириқ берган, муқаддам судланган аёл ҳам ушланган.

Ҳолат юзасидан икки нафар шахсга нисбатан жиноят иши қўзғатилиб, уларга нисбатан қамоққа олиш эҳтиёт чораси қўлланган.

Айни вақтда тергов ҳаракатлари давом этмоқда.

Telegram I Facebook I YouTube I Instagram
🔥2👍1
«AZELIT» ва «CLEAR» номи остида сохта косметика ишлаб чиқараётган цех аниқланди

Зангиота туманида таниқли брендлар номи туширилган гигиеник косметика ва маиший кимёвий воситаларни қўлбола усулда ишлаб чиқариш билан шуғулланган яширин цех фош этилди.

Бош прокуратура ҳузуридаги Департаментнинг Зангиота тумани бўлими ходимлари томонидан ўтказилган тезкор тадбирда Найман МФЙ ҳудудидаги бинода фуқаролар Н.Ш. ва муқаддам судланган Қ.Н. томонидан ташкил этилган яширин ишлаб чиқариш цехи аниқланган.

Тадбир давомида ашёвий далил сифатида:

▪️ 2 тонна «AZELIT» суюқлиги;
▪️ 200 литр «CLEAR» шампуни;
▪️ «Elseve» ёзуви туширилган 4 800 дона бўш идиш;
▪️ «AZELIT» номли 2 040 дона;
▪️ «CLEAR» номли 1 400 дона бўш идиш;
▪️ 79 та ўрамда 6 турдаги товар белгиси этикеткалари;
▪️ ишлаб чиқаришда фойдаланилган бошқа маҳсулотлар олинган.

Мазкур ҳолат юзасидан жиноят иши қўзғатилган. Айни вақтда тергов ҳаракатлари олиб борилмоқда.

Telegram I Facebook I YouTube I Instagram
🤔3🔥1
Бухорода таълим қамровини 95 фоизга етказиш режалаштирилмоқда

Мактабгача ва мактаб таълими вазири Эъзоза Каримова Бухорода таълим сифати ва самарадорлигини оширишга қаратилган таклифлар тақдимоти билан танишди.

Тақдимотда вилоятда мактабгача таълим қамровини кенгайтириш, педагоглар салоҳиятини ошириш, мактабларда таълим сифатини яхшилаш ҳамда ходимларни ишга қабул қилиш жараёнларини янада шаффофлаштириш масалалари муҳокама қилинди.

Айни пайтда Бухорода мактабгача таълим қамрови 91,3 фоизни ташкил этмоқда. Йил якунига қадар бу кўрсаткични 95 фоизга етказиш режалаштирилган.

Шунингдек, давлат мактабгача таълим ташкилотларида олий маълумотли педагоглар улушини ошириш ва қувватидан тўлиқ фойдаланилмаётган умумтаълим мактабларида мажбурий тайёрлов гуруҳларини ташкил этиш орқали 6 ёшли болаларни мактабгача таълим билан тўлиқ қамраб олиш таклифлари билдирилди.

Педагогларни ишга қабул қилишда электрон тизим
Тақдимотда педагогларни ишга қабул қилишнинг янги электрон тизими натижалари ҳам маълум қилинди.

Тизим дастлаб Бухоро туманида февраль ойидан синов тариқасида ишга туширилган. Июль ойидан эса у вилоятнинг барча шаҳар ва туманларида босқичма-босқич жорий этилмоқда.

Бир ой давомида электрон тизим орқали:
▪️ 1 510 та бўш иш ўрни эълон қилинган;

▪️ 4 552 нафар талабгор ариза топширган;

▪️ 3 096 нафар номзод тест синовларида иштирок этган;

▪️ 550 нафар номзод ишга қабул қилинган.
Тизим орқали ишга қабул қилиш жараёнларини очиқ ва шаффоф электрон платформа асосида ташкил этиш кўзда тутилган.

Шунингдек, умумтаълим мактабларида пуллик таълим хизматларини ривожлантириш бўйича таклифлар ҳам кўриб чиқилди.

Вазир Эъзоза Каримова тақдим этилган таклифларни қўллаб-қувватлаб, Бухорода таълим тизимини янада ривожлантириш бўйича амалга оширилаётган ислоҳотларни юқори баҳолади.

Telegram I Facebook I YouTube I Instagram