Фарғонада замонавий қишлоқ хўжалиги техникалари: ишлаб чиқаришдан далагача

«Ўзагролизинг» АЖ томонидан Фарғона вилоятида ташкил этилган пресс-тур давомида иштирокчилар қишлоқ хўжалигида замонавий технологияларнинг қўлланилиши билан яқиндан танишди.

Дастлаб, «Shandong Swan Cotton Industrial Machinery Stock Co. Ltd» корхонасида қишлоқ хўжалиги техникаларини ишлаб чиқариш жараёни кўздан кечирилди. Кейинги манзил — «Мезон» фермер хўжалиги бўлиб, у ерда замонавий техникаларнинг дала шароитидаги амалий самараси намойиш этилди.

Пресс-турдан кўзланган асосий мақсад — техника ишлаб чиқаришдан тортиб, унинг қишлоқ хўжалигидаги амалий қўлланилишигача бўлган жараённи кўрсатиш.

Зеро, замонавий техника ва технологиялардан самарали фойдаланиш қишлоқ хўжалигида иш унумдорлигини оширишнинг муҳим омилларидан биридир.

Telegram I Facebook I YouTube I Instagram

Андижонда юк машинаси уйлар ва автомобилларни вайрон қилди: қурбонлар бор

Андижон вилоятининг Булоқбоши туманида оғир йўл-транспорт ҳодисаси содир бўлди. Оқибатда автомобиллар шикастланган, бинолар қулаган ва инсонлар ҳалок бўлган.

Ҳодиса Нефтчилар қишлоғида юз берган. Дастлабки маълумотларга кўра, адирдан тушаётган юк машинаси ҳайдовчиси бошқарувни йўқотган. Натижада юк машинаси йўлидаги автомобилларни суриб кетган ва биноларга зарар етказган.

Ҳодиса оқибатлари ва қурбонлар сони бўйича расмий маълумот кутилмоқда.

Telegram I Facebook I YouTube I Instagram

Сурхондарёда ўқувчига нисбатан номақбул хатти-ҳаракат содир этган устоз ишдан бўшатилди

Сурхондарё вилояти Жарқўрғон туманидаги 2-сон техникумда ўқувчига нисбатан номақбул хатти-ҳаракат содир этилгани юзасидан хизмат ўрганиши ўтказилди.

Касбий таълим агентлиги маълум қилишича, ҳолатга алоқадор ишлаб чиқариш таълими устаси К. Э. Эрниёзов билан тузилган меҳнат шартномаси қонунчилик талаблари асосида бир томонлама бекор қилинган.

Агентлик ўқувчиларнинг шаъни, қадр-қиммати ва шахсий дахлсизлигига тажовуз қилувчи ҳар қандай хатти-ҳаракатни қоралаб, бундай ҳолатларнинг олдини олиш ва назоратни кучайтириш чоралари кўрилишини билдирди.

Telegram I Facebook I YouTube I Instagram

TIF TN кодлари бўйича таснифлаш хизмати — янги электрон платформада!

🌏 «Ўзбекэкспертиза» АЖ томонидан маҳсулотларни ТИФ ТН кодлари бўйича таснифлаш хизмати янги электрон платформада бугундан тўлиқ форматда ишга туширилди.

🔗 Платформага ҳавола: https://app.expertiza.uz/?direction_id=2⁠

❕ Энди хизмат бўйича хулосалар фақат электрон шаклда тақдим этилади.

📹 Платформадан фойдаланиш бўйича видеоқўлланма билан танишинг.

📞 Қўллаб-қувватлаш хизмати: +998 71 230 23 57

Telegram I Facebook I YouTube I Instagram

Бозорлар нега кетма-кет ёнмоқда? Сабаблар маълум, аммо чоралар етарлими?

Ўзбекистонда бозор ва савдо дўконларидаги ёнғинлар тадбиркорларга миллионлаб зарар келтирмоқда. Бухородаги «Карвон бозори»да юз берган йирик ёнғин эса бу муаммони яна кун тартибига олиб чиқди.

2025 йилда мамлакатда 11 241 та ёнғин содир бўлиб, оқибатда 82 нафар фуқаро ҳалок бўлган ва 249,2 миллиард сўмлик зарар етказилган.

Сўнгги ойларда Тошкентдаги «Изза», «Бешқўрғон», Олмалиқдаги «Ойдин деҳқон бозори» ҳамда бошқа савдо нуқталарида ҳам ёнғинлар кузатилди. Эътиборлиси, «Карвон бозори»да катта ёнғиндан аввал, июль ойида ҳам ёнғин содир бўлган.

Мутахассислар бозорлардаги ёнғинларнинг асосий сабаблари сифатида электр тармоқларига ортиқча юклама тушиши ва газ баллонларидан хавфсизлик қоидаларига зид равишда фойдаланишни кўрсатмоқда. Айрим ҳолларда текширувларда аниқланган камчиликлар ҳам ўз вақтида бартараф этилмаган.

Бу эса муҳим саволни келтириб чиқаради: ёнғин хавфсизлиги талаблари бузилаётгани аниқланса-да, нега бундай фожиаларнинг олдини олиш ҳар доим ҳам уддаланмаяпти?

Тадбиркорларнинг мол-мулки ва инсонлар ҳаётини асраш учун назоратни кучайтириш, аниқланган қоидабузарликларни ўз вақтида бартараф этиш ҳамда хавфсизлик талабларига қатъий риоя қилиш зарур.

Telegram I Facebook I YouTube I Instagram

Томорқадан даромад юқори бўлса, ер солиғининг 90 фоизи қайтарилади

Ўзбекистонда томорқа эгалари белгиланган талабларни бажарган тақдирда, тўланган ер солиғининг 90 фоизини қайтариб олишлари мумкин.

Бунинг учун ҳар бир сотих ердан олинган даромад 25 базавий ҳисоблаш миқдоридан ошиши ва ер солиғи бўйича қарздорлик мавжуд бўлмаслиги керак.

Қайтариладиган маблағ фуқаронинг банк картасига тўғридан-тўғри ўтказилади.

Telegram I Facebook I YouTube I Instagram

Ўзбекистон дунёнинг энг нуфузли мамлакатлари рўйхатида 71-ўринни эгаллади

Марказий Осиё мамлакатлари орасида 34-ўринни эгаллаган Қозоғистон ҳам рўйхатга киритилган.

👉 https://effect.uz/n/259

Telegram I Facebook I YouTube I Instagram

Туркияда зўравонликка учраган 17 ёшли ўзбекистонлик қиз ватанга қайтарилди

Бош консулхона томонидан адвокатлар жалб этилиб, фуқарога консуллик-ҳуқуқий ёрдам кўрсатилган.

👉 https://effect.uz/n/260

Telegram I Facebook I YouTube I Instagram

Булоқбошидаги оғир ЙТҲ: уч киши ҳалок бўлди

Андижон вилояти Булоқбоши туманида юк машинасининг тормоз тизимидаги носозлик оқибатида оммавий йўл-транспорт ҳодисаси содир бўлди. Оқибатда уч киши воқеа жойида ҳалок бўлди, яна тўрт киши жароҳатланди.

Ҳодиса 10 октябрь куни соат 09:40 ларда «Нефтчилар» МФЙ, Кончилар кўчасида юз берган. Дастлабки маълумотларга кўра, тупроқ ортилган «HOWO» юк машинаси ҳайдовчиси бошқарувни йўқотиб, бир нечта автомобилни уриб юборган. Тўқнашув оқибатида йўл бўйидаги дўконларга ҳам зарар етган.

Ҳолат юзасидан жиноят иши қўзғатилиб, дастлабки тергов ҳаракатлари олиб борилмоқда.

Telegram I Facebook I YouTube I Instagram

Самарқандда 1,5 млрд сўмлик газдан ноқонуний фойдаланиш ҳолати аниқланди

Самарқанд шаҳридаги ошхоналардан бирида табиий газдан ноқонуний фойдаланиш ҳолати фош этилди.

👉 https://effect.uz/n/262

Telegram I Facebook I YouTube I Instagram

Ўзбекистон 8 ойда 1,4 млн тоннадан ортиқ мева-сабзавот экспорт қилди

Миллий статистика қўмитасининг дастлабки маълумотларига кўра, 2026 йилнинг январь–август ойларида Ўзбекистондан хорижга 1 437,7 минг тонна мева-сабзавот маҳсулотлари экспорт қилинган.

Экспорт қилинган мева-сабзавот маҳсулотлари қиймати 1,2 млрд АҚШ долларини ташкил этган.

Экспорт таркиби:

Сабзавотлар — 551,3 минг тонна;

мева ва резаворлар — 332,8 минг тонна;

тарвуз ва қовун — 198,5 минг тонна;

мош — 36,2 минг тонна;

ерёнғоқ ва ёнғоқлар — 14,7 минг тонна;

бошқа маҳсулотлар — 304,2 минг тонна.

Telegram I Facebook I YouTube I Instagram

Буюк Британия Қирғизистоннинг учта компаниясига санкция жорий этди

Британия томони ушбу компаниялар фаолияти Россия расмийларига наф келтириши ёки уларни қўллаб-қувватлаши мумкин, деб ҳисоблайди.

👉 https://effect.uz/n/263

Telegram I Facebook I YouTube I Instagram