EFFECT.UZ | Расмий канал
✔
17.3K subscribers
72K photos
18.9K videos
36 files
73.4K links
🌐 EFFECT.UZ ахборот агентлигининг расмий Telegram канали

Батафсил: @effectuz_live
Сайт: www.effect.uz

Мурожаат ва ҳамкорлик таклифлари учун: @effectgamurojaat

Почта: www.effect.uz@gmail.com

Алоқа учун:
+998971663232
+998979663232
Download Telegram
Media is too big
VIEW IN TELEGRAM
EFFECT.UZ эффекти: аҳоли мурожати ижобий ҳал қилинди

Аввалги видеоларимизда
Қоракўл туманида арзон нархда кўмир тарқатишда юзага келган суистеъмолчиликлар ҳақида лавҳа эълон қилган эдик.

Ҳозирда мурожаатчиларнинг сўзларига кўра, ҳолат масъуллар томонидан ўрганилиб, хато ва камчиликлар бартараф этилган. Шунингдек, аҳолига тоза кўмир тарқатилмоқда.

Telegram I Facebook I YouTube I Instagram
👍4🤔1
Паxтаобод туманида аҳоли билан учрашувлар ва тиббий кўриклар ўтказилмоқда

Андижон вилояти ҳокими ташаббуси билан вилоят бўйлаб аҳоли саломатлигини яхшилаш ва мурожаатларни жойида ҳал этиш мақсадида ўтказилаётган тизимли учрашувлар доирасида Паxтаобод туманида ҳам кенг кўламли ишлар амалга оширилмоқда.

Паxтаобод туман тиббиёт бирлашмаси бошлиғи Рустамжон Фозилов бошчилигида маҳаллаларда фуқаролар билан учрашувлар, суҳбатлар ва соғлом турмуш тарзини тарғиб қилишга қаратилган профилактик тадбирлар ўтказилди.

Telegram I Facebook I YouTube I Instagram
👍2🤔1
Media is too big
VIEW IN TELEGRAM
Шавкат Мирзиёев айни дамда бўлаётган “Президент Олимпиадаси” очилиш маросимида нутқ сўзлаётганда, кутилмаган хушхабар келди, Жавоҳир Синдаровнинг чемпионликка эришганини эълон қилиб, уни табриклади!

Telegram I Facebook I YouTube I Instagram
👍75🔥47👎2
Media is too big
VIEW IN TELEGRAM
Пойтахтда пулли парковкалар жорий этилиш сабаби изоҳланди

Тошкент шаҳар ҳокимлиги пойтахтда пулли парковкаларни жорий этишдан кўзланган мақсад ва унинг заруратини тушунтирди. Таъкидланишича, шаҳарда автомобиллар сони жадал ўсиб бормоқда ва кунлик ҳаракат 5 миллиондан ошиб кетган. Бу ҳолат йўлларда тирбандлик ва ҳаракат қийинлашувига сабаб бўлмоқда.

Маълум қилинганидек, ривожланган давлатлар амалиётида ҳам марказий кўчаларда пулли парковкалар жорий этиш орқали транспорт оқими тартибга солинади. Бундай тизим ноқонуний ва тартибсиз тўхташларни камайтиради, парковка жойларидан оқилона фойдаланишни таъминлайди.

Шу сабабли Тошкентдаги пулли парковкалар шаҳар инфратузилмасини яхшилаш, ҳаракат хавфсизлигини ошириш ҳамда йўллардаги юкламани камайтиришга қаратилгани қайд этилди.

Telegram I Facebook I YouTube I Instagram
👎21👍2🔥1😢1
This media is not supported in your browser
VIEW IN TELEGRAM
"Сендек фарзандим борлигидан фахрланаман" — президент Жавоҳир Синдоровни табриклади

Ўзбекистонлик 19 ёшли шахматчи Жавоҳир Синдоров Ҳиндистоннинг Гоа шаҳрида ўтган Жаҳон кубоги — даъвогарлар турнири финалида хитойлик Вей Ини мағлуб этиб, мусобақа чемпионига айланди. Бу натижа орқали у ушбу нуфузли беллашув тарихида ғолиб чиққан энг ёш иштирокчи сифатида қайд этилди.

Мамлакат президенти Шавкат Мирзиёев ёш спортчини телефон орқали табриклаб, унинг ютуғини юксак баҳолади ва келгуси фаолиятига муваффақият тилади. Суҳбат давомида Жавоҳир Синдоров ҳам Ўзбекистон байроғини жаҳон шахмат аренасида янада баланд кўтариш ниятида эканини билдирди.

Маълум бўлишича, у 2026 йил 28 мартдан 16 апрелгача Кипрда ўтказиладиган даъвогарларнинг асосий турнирида қатнашади. У ерда Жавоҳирга Фабиано Каруана, Хикару Накамура, Аниш Гири, Маттиас Блюбаум, Андрей Есипенко ва Вей И каби кучли рақиблар қарши туради.

Мазкур мусобақа ғолиби эса амалдаги жаҳон чемпиони — ҳиндистонлик Гукеш Доммаражу билан шахмат тожи учун ҳал қилувчи беллашув ўтказади.

Telegram I Facebook I YouTube I Instagram
👍69🔥57
Media is too big
VIEW IN TELEGRAM
Бектемирда аёл 7 қаватдан пастга тушиб кетиб вафот этди

Мусаффо Маскан турар-жой мажмуасида жойлашган кўп қаватли уйларнинг бирида яшовчи аёл 7-қаватнинг кириш йўлагидаги панжара билан ёпилмаган очиқ ҳолатдаги қисмидан пастга тушиб кетган ва ҳалок бўлган.

Унинг нима сабабдан тушиб кетгани ҳақида ҳозирча маълумотлар йўқ.

Ҳолат юзасидан мутасаддилардан изоҳ кутиб қоламиз.

Telegram I Facebook I YouTube I Instagram
😢2👍1
“MAXAM-CHIRCHIQ” АЖ фаолияти экологик қоидабузарликлар сабабли вақтинча тўхтатилди

Экология, атроф муҳитни муҳофаза қилиш ва иқлим ўзгариши вазирлиги томонидан “MAXAM-CHIRCHIQ” АЖ фаолиятида ўтказилган текширувлар давомида бир қатор экологик қонунбузарликлар аниқланди. Жами 11 та ҳолатда меъёрий талабларга риоя қилинмагани, хусусан, чанг-газ тозалаш ускуналарининг самарадорлиги пастлиги, зарарли моддалар меъёрдан ортиқ чиқарилаётгани ва кимёвий моддалар белгиланган ҳудудларда сақланмагани қайд этилди.

Шунингдек, чиқинди сувлар таркибида кимёвий моддалар миқдори белгиланган меъёрлардан ошгани, компенсация тўловлари ўз вақтида ва тўлиқ амалга оширилмагани маълум қилинди. Бу ҳолатлар амалдаги экологик қонунчилик талабларига зид деб топилди.

Мазкур камчиликларни бартараф этиш мақсадида вазирлик судга мурожаат қилган бўлиб, Чирчиқ туманлараро иқтисодий суди 2025 йил 26 ноябрдаги қарори билан корхона фаолиятини барча камчиликлар тўлиқ бартараф этилгунга қадар вақтинча тўхтатишга қарор қилди.

Telegram I Facebook I YouTube I Instagram
🔥4👍1
Media is too big
VIEW IN TELEGRAM
Ашраповнинг қабулида нималар бўлди?

22 ноябрь куни ИИВ Тергав департаменти раҳбари Рамазон Ашрапов сайёр қабул ўтказди.

Қабулда жами 20 900 дан ортиқ мурожаат қабул қилинган, шундан 12 мингдан зиёди жойида ҳал этилган, 182 таси қонуний асосда рад этилган. Масъуллар қуйи бўғинларда муаммолар вақтида ҳал этилмаётганини таъкидлади.


👉 Тўлиқ видео

Telegram I Facebook I YouTube I Instagram
👍6😢2
Media is too big
VIEW IN TELEGRAM
Иш вақтидан ташқари иш учун ҳақ тўлаш тизими такомиллашитирилади

Қонун билан қонун ҳужжатларига миграция агентлигининг ваколатларини аниқлаштириш, ҳусусий бандлик агентликларининг ҳуқуқ ва мажбуриятларини кенгайтириш, шунингдек иш вақтидан ташқари иш учун ҳақ тўлаш тизимини такомиллашитришга қаратилган ўзгартириш ва қўшимчалар киритилди.

Унга кўра, иш вақтидан ташқари ишнинг давомийлиги йилига 120 соатдан ошмаслиги тўғрисидаги талаб чиқариб ташланди.
Шунингдек, иш вақтидан ташқари ишнинг 1 кундаги биринчи 2 соати учун камида 1,5 ҳисса миқдорида, 2 соатдан ортиқ қисми учун камида 2 хисса миқдорида ҳақ тўланиши белгиланди.

Telegram I Facebook I YouTube I Instagram
🔥1
Media is too big
VIEW IN TELEGRAM
Тошкент ҳавоси ёмонлашди, президентдан шошилинч фармон

Сўнгги кунларда пойтахт ҳавоси кескин ёмонлашди. Шу муносабат билан Президент ҳавонинг ифлосланишини камайтириш бўйича шошилинч фармон имзолади.

Фармонда экологик назоратни кучайтириш, зарарли чиқиндиларни кескин камайтириш ва қурилиш ҳамда саноат корхоналарида қатъий талабларни жорий этиш белгиланган.

👉 ТЎЛИҚ ВИДЕО

Telegram I Facebook I YouTube I Instagram
👍49🔥15😢2
Media is too big
VIEW IN TELEGRAM
7 минг АҚШ доллари эвазига ҳайдовчилик гувоҳномаси?

Андижон вилоятининг Асака туманида яшовчи 1997-йилда туғилган шахс Шахриҳон туманида яшовчи 1995-йилда туғилган аёлнинг ўзи ва 3 нафар танишларига ҳайдовчилик гувоҳномасининг А ва Д тоифасини қўшиб бериш ҳамда яна 2 нафар фуқарога ҳайдовчилик гувоҳномаларини имтиҳон олиш маркази ва Андижон вилояти ички ишлар бошқармаси йўл ҳаракати хавфсизлиги бошқармасида ишловчи танишлари орқали олиб беришни вада қилиб жами фуқаролардан 7 минг АҚШ доллари талаб қилган. Ушбу пулларни олаётган вақтда тадбир иштирокчилари томонидан ашёвий далиллар билан қўлга олинди.

Бу ҳолат юзасидан жиноят кодексининг 168-моддаси иккинчи қисми а банди ҳамда 211-модданинг биринчи қисми билан жиноят иши қўзғатилиб, ҳозирда ҳолат юзасидан тергов ҳаракатлари олиб борилмоқда.

Telegram I Facebook I YouTube I Instagram
🤔4🔥2😢1
25 йилдан ортиқ қидирувда бўлган халқаро террорист ташкилот аъзоси Ўзбекистонга олиб келинди

Ўзбекистон Республикаси Давлат хавфсизлик хизмати томонидан чет эл махсус хизматлари билан ҳамкорликда ўтказилган тезкор-қидирув тадбирлари натижасида халқаро террористик ташкилотларга алоқадорлиги учун 25 йилдан ортиқ вақт қидирувда бўлган Ўзбекистон Республикаси фуқароси ушланиб, мамлакатимизга олиб келинди.

Маълум қилинишича, мазкур шахс 1999 йилда Ўзбекистонни тарк этган бўлиб, Афғонистон, Покистон ва Сурия давлатлари ҳудудларидаги халқаро террористик ташкилотлар сафида жанговар ҳаракатларда иштирок этган. У диний экстремистик ғояларни қўллаб-қувватлаб, “ҳижрат” ва “жиҳод” қилишни мақсад қилган.

Шахс бошқа бир инсон номига расмийлаштирилган сохта ҳужжатлардан фойдаланиб, узоқ йиллар давомида яшириниб юрган. У МДҲга аъзо давлатлардан бирида қўлга олинган.

Ҳозирда унга нисбатан Ўзбекистон Республикаси Жиноят кодексининг 154-моддаси (ёлланиш), 155-моддаси (терроризм), 159-моддаси (конституциявий тузумга тажовуз қилиш) ҳамда бошқа моддалари бўйича жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram
👍3
Media is too big
VIEW IN TELEGRAM
27 ҳудуддаги сифатсиз хизмат учун 11 та санитар тозалаш корхонаси жаримага тортилди

Чиқиндиларни бошқариш ва циркуляр иқтисодиётни ривожлантириш агентлиги томонидан 2025 йил апрель–ноябрь ойларида санитар тозалаш корхоналари фаолияти янгиланган мезонлар асосида баҳолаб борилди.

Олиб борилган мониторинг натижаларига кўра, жами 105 та санитар тозалаш корхонаси рейтингдан ўтказилиб, шундан 41 таси “яшил”, 53 таси “сариқ” ва 11 таси “қизил” тоифага киритилди. “Қизил” тоифадаги корхоналар сифатсиз хизмат кўрсатгани учун жавобгарликка тортилди ва уларга нисбатан тегишли чоралар кўрилди.

Агентлик рейтинг тизими тамойиллари асосида яхши натижа кўрсатган “яшил” тоифадаги корхоналарга қўшимча ҳудудлар бириктириш бўйича таклифлар киритмоқда. Бу хизмат сифатини ошириш ва аҳолининг розилигини кучайтиришга қаратилган.

Маълум қилинишича, мазкур йўналишда назорат янада кучайтирилади ҳамда аҳолига сифатли хизмат кўрсатилишини таъминлаш бўйича ишлар изчил давом эттирилади.

Telegram I Facebook I YouTube I Instagram
👍1
Саида Мирзиёева Қорақалпоғистондаги “Karakalpak Basalt Wood” ишлаб чиқариш корхонаси фаолияти билан танишди

Президент администрацияси раҳбари Саида Мирзиёева Қорақалпоғистон Республикасида жойлашган “Karakalpak Basalt Wood” корхонасига ташриф буюрди. Бу ҳақда у ўзининг телеграм саҳифасида ёзди.

Унинг сўзларига кўра, ҳудудда маҳаллий хомашё асосида энергия тежамкор ва экспортга йўналтирилган маҳсулотлар ишлаб чиқараётган янги саноат объектлари босқичма-босқич фаолият бошламоқда. Хусусан, базальт хом ашёсидан иссиқликни сақловчи минерал плиталар тайёрлайдиган мазкур заводда маҳаллийлаштириш даражаси 80 фоизни ташкил этмоқда.

Таъкидланишича, ушбу лойиҳа Қорақалпоғистоннинг экспорт имкониятларини кенгайтириш, аҳоли бандлигини таъминлаш ва ҳудуднинг ижтимоий-иқтисодий тараққиётига хизмат қилади.

Ташриф давомида корхона фаолияти, ишлаб чиқариш жараёнлари ҳамда келгусидаги режалар билан яқиндан танишилди.

Telegram I Facebook I YouTube I Instagram
👍48🔥18👎4😢1