EFFECT.UZ | Расмий канал
✔
17.2K subscribers
71.9K photos
18.9K videos
36 files
73.3K links
🌐 EFFECT.UZ ахборот агентлигининг расмий Telegram канали

Батафсил: @effectuz_live
Сайт: www.effect.uz

Мурожаат ва ҳамкорлик таклифлари учун: @effectgamurojaat

Почта: www.effect.uz@gmail.com

Алоқа учун:
+998971663232
+998979663232
Download Telegram
Тошкент вилоятида ҳам боғчалар вақтинча ёпилди

Мамлакатда кузатилаётган аномал иссиқ сабабли 2026 йил 16 июлдан бошлаб Тошкент вилоятидаги барча давлат, хусусий ва идоравий мактабгача таълим ташкилотлари фаолияти вақтинча тўхтатилди.

Қарор Бош давлат санитария врачининг 2026 йил 14 июлдаги 01-7609-сонли кўрсатма хати асосида қабул қилинган.

Маълум қилинишича, мактабгача таълим ташкилотлари фаолияти 20 июлдан қайта тикланади ва таълим-тарбия жараёни белгиланган тартибда давом эттирилади.

Telegram I Facebook I YouTube I Instagram
🤔3
Шаҳарсозлик ҳужжатларини ишлаб чиқиш тартиби такомиллаштирилади

Президентнинг “Урбанизация ва уй-жой қурилиши соҳасида ислоҳотларни янада жадаллаштириш чора-тадбирлари тўғрисида”ги қарорига мувофиқ, 2026 йил 1 ноябрдан Урбанизация ва уй-жой бозорини барқарор ривожлантириш миллий қўмитаси томонидан мастер режаларнинг ягона электрон реестри юритилади.

Унга кўра, барча мастер режаларнинг рақамлаштирилган нусхалари Миллий қўмитада сақланади. Реестрдан ўтказилмаган мастер режаларни амалга ошириш, шунингдек, улар асосида шаҳарсозлик, қурилиш, инвестиция ва бошқа фаолиятни олиб боришга йўл қўйилмайди.

Шунингдек, аҳоли пунктининг бош режаси тасдиқланганидан сўнг 3 ой ичида уни амалга ошириш бўйича комплекс дастур ишлаб чиқилиб, тасдиқланади. Дастур 3–5 йил муддатга мўлжалланади ва унда молиялаштириш манбалари ҳамда амалга ошириш муддатлари аниқ белгиланади.

Бош режаси мавжуд бўлмаган ёки ишлаб чиқилганига 10 йилдан ортиқ бўлган аҳоли пунктлари учун янги бош режалар ва батафсил режалаштириш лойиҳалари республика бюджети ҳисобидан ишлаб чиқилади.

Telegram I Facebook I YouTube I Instagram
👍23🔥12🤔2
Собиқ МФЙ раиси фуқаролар номига кредит расмийлаштирди

Бош прокуратура ҳузуридаги Департаментнинг Қарши тумани бўлими томонидан ўтказилган терговга қадар текширувда, “Янги Хонобод” МФЙнинг собиқ раиси К.Р. ва унинг ўғли И.Н. маҳаллага мурожаат қилган 6 нафар фуқаронинг паспорт маълумотларидан ноқонуний фойдалангани аниқланган.

Тергов маълумотларига кўра, улар фуқароларнинг имзоларини қалбакилаштириб, онлайн савдо дўконлари орқали кредит эвазига турли маиший техникалар харид қилган. Кейин эса ушбу техникаларни нақд пулга сотиб, 187,4 миллион сўмлик кредит маблағларини шахсий эҳтиёжлари учун ишлатган.

Мазкур ҳолат юзасидан жиноят иши қўзғатилган. Ҳозирда тергов ҳаракатлари давом этмоқда.

Telegram I Facebook I YouTube I Instagram
🔥3
Паспорт ва ID-картани йўқотганлик учун жаримани бекор қилиш таклиф этилди

Президент қарорига мувофиқ, паспорт, ID-карта ёки хорижга чиқиш учун биометрик паспортни йўқотган ёки яроқсиз ҳолга келтирган шахсларга нисбатан маъмурий жавобгарликни бекор қилиш таклиф этилди.

Шунингдек, ушбу тартиб Ўзбекистонда доимий яшовчи хорижий фуқаролар ҳамда фуқаролиги бўлмаган шахсларнинг яшаш гувоҳномаси (ID-карта) ва йўл ҳужжатларига ҳам татбиқ этилиши режалаштирилмоқда.

Таклифга кўра, бундай ҳолатларда янги ҳужжат маъмурий жазосиз, аммо оширилган миқдордаги давлат божи тўланганидан сўнг расмийлаштирилади.

Ички ишлар вазирлиги ва Адлия вазирлигига мазкур масала юзасидан 2026 йил октябрь ойига қадар Вазирлар Маҳкамасига тегишли таклифларни киритиш вазифаси юклатилган.

Айни пайтда амалдаги тартибга кўра, паспорт ёки ID-картани йўқотганлик учун 1 БҲМ (412 минг сўм) миқдорида жарима белгиланган.

Telegram I Facebook I YouTube I Instagram
👍19🔥10
This media is not supported in your browser
VIEW IN TELEGRAM
⚡️Effect.uz Воҳада!

Effect.uz ахборот агентлигининг ижодий жамоаси айни кунларда Қашқадарё вилоятида журналистик суриштирув ишларини олиб бормоқда.

Шу боис бизнинг ижодий жамоамиз аҳоли мурожаатларини ўрганишда ҳамда журналистик суриштирув ишларини олиб боришда давом этади.

Мурожаат учун телефон рақамлар:
+998909107732
+998979663232
+998909053332

Телеграм орқали ҳам ўз мурожаатларингизни @effectgamurojaat профилига қолдиришингиз мумкин. Йўлланган мурожаатлар 3 кун давомида кўриб чиқилади.

Telegram I Facebook I YouTube I Instagram
👍3
Марказий банкнинг Тошкент вилояти бўйича бошқармасига янги раҳбар тайинланди

Бекзод Нуралиев Марказий банк тизимидаги фаолияти давомида молия ва банк соҳасида турли раҳбарлик лавозимларида ишлаган. Энди у Марказий банкнинг Тошкент вилояти бўйича Бош бошқармасига раҳбарлик қилади.

Telegram I Facebook I YouTube I Instagram
👍2
Самарқанддаги йирик кўргазма: биринчи куннинг ўзида 490 миллиард сўмлик шартномалар имзоланди

Самарқанд вилоятида транспорт соҳасига бағишланган “Миллий саноат занжири” кўргазмасининг биринчи куни якунланди. Мазкур тадбирдан кўзланган асосий мақсад маҳаллий ишлаб чиқарувчиларни йирик давлат буюртмачилари билан бевосита боғлаш, саноат кооперациясини кенгайтириш ва янги маҳаллийлаштириш лойиҳаларини шакллантиришдан иборат.

Кўргазма доирасида 2 мингдан зиёд маҳсулот ва технологик ечимлар намойиш этилиб, давлат буюртмачилари, ишлаб чиқарувчилар ва инвесторлар иштирокида фаол музокаралар олиб борилди.

Биринчи кун якунларига кўра, тадбирда 80 дан ортиқ корхона иштирок этди ва унга 1200 нафардан зиёд киши ташриф буюрди. Кун давомида 30 та B2B ҳамда 20 та B2G учрашувлари ўтказилиб, янги алоқаларни йўлга қўйиш мақсадида 81 та ҳамкорлик меморандуми имзоланди. Энг муҳими, давлат харидлари орқали жами 490 миллиард сўмлик 4 778 та шартнома тузилди.

Кўргазма эртага ҳам ўз ишини давом эттиради. Иккинчи кун дастурида ҳамкорлик меморандумлари ва шартномаларини имзолаш, янги ишлаб чиқариш лойиҳалари бўйича музокаралар ҳамда амалий учрашувлар давом эттирилиши кўзда тутилган.

Telegram I Facebook I YouTube I Instagram
🤔4
Media is too big
VIEW IN TELEGRAM
Бектемир туманида катта миқдордаги гиёҳванд моддалар мусодара қилинди

Ҳуқуқни муҳофаза қилувчи органлар томонидан ўтказилган тезкор тадбирда катта миқдордаги героин ҳамда синтетик гиёҳванд моддалар мусодара қилинди. Ҳолат юзасидан тегишли тартибда тергов ҳаракатлари олиб борилмоқда.

Telegram I Facebook I YouTube I Instagram
🔥4
This media is not supported in your browser
VIEW IN TELEGRAM
Автомобиль капотига номақбул белги ёпиштирган ҳайдовчи аниқланди

Ижтимоий тармоқларда тарқалган ҳолат юзасидан ҳайдовчи топилди. Маълум бўлишича, иш судга оширилган.

Ҳайдовчининг айтишича, у номақбул элементни атайин ёпиштирмаган. Уни олиб ташлаш учун уста томон йўл олган пайтда автомобиль тасвирга олинган.
Ҳолат юзасидан тегишли ҳужжатлар расмийлаштирилиб, иш судга юборилган.

Telegram I Facebook I YouTube I Instagram
🤔3🔥2
This media is not supported in your browser
VIEW IN TELEGRAM
“Миллий саноат занжири”: биринчи кунда 490 млрд сўмлик шартномалар имзоланди

Самарқанд вилоятида транспорт соҳасига бағишланган “Миллий саноат занжири” кўргазмасининг биринчи куни якунланди.

Кўргазманинг асосий мақсади — маҳаллий ишлаб чиқарувчиларни йирик давлат буюртмачилари билан бевосита боғлаш, саноат кооперациясини кенгайтириш ва янги маҳаллийлаштириш лойиҳаларини шакллантиришдан иборат.

Кўргазмада 80 дан ортиқ корхона иштирок этиб, 2 мингдан зиёд маҳсулот ва технологик ечимлар намойиш этилди. Тадбир давомида давлат буюртмачилари, ишлаб чиқарувчилар ва инвесторлар ўртасида B2B ва B2G учрашувлари ўтказилди.

Биринчи кун якунларига кўра:
кўргазмага 1 200 нафардан ортиқ иштирокчи ташриф буюрди;
30 та B2B учрашуви ўтказилди;
20 та B2G учрашуви ташкил этилди;

давлат харидлари доирасида 4 778 та шартнома имзоланди. Уларнинг умумий қиймати 490 млрд сўмни ташкил этди;

ҳамкорликни ривожлантириш мақсадида 81 та меморандум имзоланди.


Telegram I Facebook I YouTube I Instagram
👍2🤔1
Маҳалла банкирлари фаолияти янги тизим асосида ташкил этилади

Энди маҳалла банкирларининг иш услуби тубдан ўзгаради. Улар ҳар бир маҳалланинг иқтисодий ўсиш нуқталарини аниқлаб, даромадли лойиҳаларни кўпайтиришга масъул бўлади.

Президент йиғилишида қайд этилишича, Ангор туманидаги Янгиобод маҳалласида 2 километр зовур усти ёпилиб, 110 та сервис объекти ишга туширилган. Бу 1 225 нафар аҳолининг доимий даромад манбаига эга бўлишига хизмат қилди.

Арнасой туманидаги Бахтли маҳалласида эса 20 та хонадонга 50 миллион сўмдан кредит ажратилиб, меҳмон уйлари ташкил этилди. Ҳар бир хонадон бир мавсумда 100 миллион сўмгача даромад олмоқда. Бу тажриба ортидан яна 80 та оила ҳам шундай фаолиятни бошлашга киришди.

Янги тартибга кўра, бир нафар маҳалла банкирига энг кўпи билан учта маҳалла бириктирилади. Шунингдек, икки ҳафта ичида 400 нафар янги маҳалла банкири танлаб олиниб, улар намунавий маҳаллаларда бир ойлик амалий тажриба ўтайди.

Telegram I Facebook I YouTube I Instagram
👍30🔥10🤔1