EFFECT.UZ | Расмий канал
✔
17.2K subscribers
71.9K photos
18.9K videos
36 files
73.3K links
🌐 EFFECT.UZ ахборот агентлигининг расмий Telegram канали

Батафсил: @effectuz_live
Сайт: www.effect.uz

Мурожаат ва ҳамкорлик таклифлари учун: @effectgamurojaat

Почта: www.effect.uz@gmail.com

Алоқа учун:
+998971663232
+998979663232
Download Telegram
Media is too big
VIEW IN TELEGRAM
Фарғона прокуратураси нега жим? Асосий саволларга ҳали жавоб йўқ

Effect.uz томонидан Фарғона шаҳри “Истиқлол” МФЙ, Абдулла Қодирий кўчаси, 66/1-уйдаги қурилиш юзасидан журналистик суриштирув тайёрланган эди.

Шундан сўнг 2026 йил 13 июль куни Фарғона вилояти прокуратурасига прокурор назорати тартибида комплекс текширув ўтказиш сўраб расмий мурожаат киритилди.

Мурожаатда ер участкаси қайси ҳоким қарори асосида ажратилгани, ерга бўлган ҳуқуқ қандай вужудга келгани, олди-сотди шартномаси қайси ҳужжатларга асослангани, қурилиш учун зарур рухсатномалар мавжуд ёки мавжуд эмаслиги каби масалаларга ҳуқуқий баҳо бериш сўралган.

Кадастр органи эса мазкур масалалар уларнинг ваколатига кирмаслигини билдирган. Демак, ер ажратилиши ва қурилиш қонунийлигига ҳуқуқий баҳо бериш прокуратура ваколати доирасида қолмоқда.

Бироқ мурожаат киритилганига қарамай, ҳозирга қадар ушбу саволлар бўйича прокуратуранинг очиқ ҳуқуқий хулосаси эълон қилинмади. Айни пайтда эса объектда қурилиш ишлари давом этаётгани кузатилмоқда

Жамоатчилик кутayotgan асосий жавоблар оддий:
— Ер участкаси қайси асосда ажратилган?
— Ҳоким қарори мавжудми?
— Қурилиш учун барча рухсат ҳужжатлари расмийлаштирилганми

Effect.uz ҳеч кимни олдиндан айбламайди. Мақсад — қонун устуворлиги, очиқлик ва жамоатчилик назорати таъминланишини сўраш.

Ҳужжатларга асосланган холис текширув ва очиқ ҳуқуқий хулоса ушбу масалага аниқлик киритиши мумкин.

Telegram I Facebook I YouTube I Instagram
👍3🤔2
Media is too big
VIEW IN TELEGRAM
Чирчиқда дайди ҳайвонларни овқатлантирган аёл вафот этди

Чирчиқ шаҳрида дайди ит ва мушукларни овқатлантиргани учун маъмурий жавобгарликка тортилган аёл уйидан вафот этган ҳолда топилди.

Бу ҳақда Чирчиқ шаҳар ҳокимлиги маълум қилди.
Ижтимоий тармоқларда фуқаро Н.С.нинг ҳайвонларни овқатлантиргани учун жазолангани ва орадан бир неча кун ўтиб вафот этгани ҳақида хабарлар тарқалган эди.

Ҳокимлик маълумотига кўра, Н.С. бир неча йил давомида кўп қаватли уй ҳовлиси ва йўлакларида дайди ит ҳамда мушукларни мунтазам овқатлантириб келган. Бу ҳолат ҳудуд санитарияси ёмонлашиши ва аҳолининг эътирозларига сабаб бўлган.

Маҳалла ва профилактика инспектори томонидан аёл билан бир неча бор тушунтириш ишлари олиб борилган. Бироқ огоҳлантиришларга қарамай, бу ҳаракатлар давом этган.

Шундан сўнг аҳоли мурожаати асосида унга нисбатан Маъмурий жавобгарлик тўғрисидаги кодекснинг 110-моддаси (ҳайвонларни сақлаш қоидаларини бузиш) бўйича маъмурий баённома расмийлаштирилган.

Ҳокимлик маълум қилишича, 22 июль куни волонтёрлар аёлнинг ҳолидан хабар олиш учун унинг уйига борган. Эшик очилмаганидан сўнг Фавқулодда вазиятлар хизмати чақирилган ва хонадондан аёлнинг вафот этгани аниқланган.

Суриштирувда Н.С.да ёши билан боғлиқ саломатлик муаммолари бўлгани ва у узоқ вақт даволаниб келгани маълум қилинган.

Ҳокимлик жамоатчиликни тасдиқланмаган хабарларга эмас, балки расмий маълумотларга таянишга чақирди.

Telegram I Facebook I YouTube I Instagram
👎4😢3
Энди болаларга хориж паспорти олиш учун розиликни онлайн бериш мумкин бўлади

1 августдан Ўзбекистонда E-Rozilik платформасини ишга тушириш режалаштирилмоқда. Янги тизим орқали бир қатор давлат хизматлари учун бошқа шахснинг розилигини электрон шаклда расмийлаштириш имкони яратилади.

Хусусан, платформа орқали:
вояга етмаганларга хорижга чиқиш биометрик паспортини расмийлаштириш учун ота-она ёки васийнинг розилигини бериш;

15–18 ёшли вояга етмаганларнинг мустақил равишда хорижга чиқишига розилик бериш;

16 ёшга тўлмаган болаларга ID-карта расмийлаштириш учун ота-она ёки қонуний вакил розилигини бериш;

фуқароликдан чиқишда ота-она ва турмуш ўртоғининг розилигини расмийлаштириш;

яшаш ёки турган жой бўйича рўйхатга қўйиш ва рўйхатдан чиқаришда уй-жой эгаси ёки манфаатдор шахслар розилигини олиш;

17-шакл маълумотномасини олиш учун уй-жой эгасининг розилигини расмийлаштириш мумкин бўлади.

Электрон розиликни Passport-visa мобил иловаси орқали расмийлаштириш учун 206 минг сўм (БҲМнинг 50 фоизи), миграция бўлимига шахсан мурожаат қилинганда эса 123 минг 600 сўм (БҲМнинг 30 фоизи) миқдорида йиғим ундирилади.

Telegram I Facebook I YouTube I Instagram
👍3
Ислом цивилизацияси маркази ҳақида 3 та ҳужжатли фильм жаҳон экранларига чиқди

24 июл куни нуфузли халқаро телеканалларда президент Шавкат Мирзиёев ташаббуси билан барпо этилаётган Ўзбекистондаги Ислом цивилизацияси марказига бағишланган учта ҳужжатли фильм премьераси бўлиб ўтди:

* «Россия 24»: «Мастерская» кинокомпанияси томонидан суратга олинган «Мовароуннаҳр цивилизацияси» филми (41 дақиқа);


* «Россия Культура»: «ДиВи» телекомпанияси тайёрлаган «Ўзбекистон. Янги коинот» филми (39 дақиқа);


* Euronews: Мажмуанинг яратилиш тарихи ва халқаро аҳамиятига бағишланган махсус фильм (8 дақиқа).


Суратга олинган фильмларда давлатимиз раҳбарининг 2017 йилда БМТ минбаридан илгари сурган ташаббуси, қурилиш босқичлари, ноёб музей экспозицияси ва замонавий илмий инфратузилманинг шаклланиши, бебаҳо маданий бойликларнинг Ватанга қайтарилиши ҳамда «Ислом цивилизацияси: тинчлик, бағрикенглик ва маърифат сари» Биринчи халқаро форуми ҳақида ҳикоя қилинади.

Шунингдек, картиналарда дунё етакчилари, халқаро ташкилотлар раҳбарлари ва нуфузли олимларнинг Ўзбекистоннинг умуминсоний меросни асраш ҳамда маърифат ва мулоқотни мустаҳкамлаш борасидаги саъй-ҳаракатларига берган юксак баҳолари ўрин олган.

Ушбу премьералар марказнинг жаҳон миқёсидаги эътирофи ва ката қизиқиш рамзига айланди.

Telegram I Facebook I YouTube I Instagram
🤔2
Media is too big
VIEW IN TELEGRAM
АҚШ Эронга қарши уруш учун янги маблағ изламоқда — Bloomberg

АҚШ маъмурияти Эронга қарши ҳарбий операцияни давом эттириш учун қўшимча маблағ изламоқда. Бу ҳақда Bloomberg хабардор манбаларга таяниб маълум қилди.

Нашрга кўра, Конгрессда қўшимча молиялаштириш пакетининг маъқулланиши боши берк кўчага кириб қолган. Шу сабабли Оқ уй зарур маблағни бошқа манбалардан топиш имкониятларини кўриб чиқмоқда.

АҚШ мудофаа вазири Пит Хегсет Эронга қарши операция харажатлари 37,5 миллиард долларга етганини маълум қилган. Оқ уй эса Конгрессдан қарийб 90 миллиард доллар қўшимча маблағ сўраган.

Бироқ сенаторлар урушнинг мақсади, давомийлиги ва маблағларнинг сарфланиши юзасидан қўшимча изоҳ талаб қилмоқда. Шу билан бирга, Конгрессдаги айрим қонун чиқарувчилар президент Дональд Трампдан Эронга қарши ҳарбий ҳаракатларни давом эттиришдан аввал парламент розилигини олишни талаб қилмоқда.

Telegram I Facebook I YouTube I Instagram
Media is too big
VIEW IN TELEGRAM
Жинсий тегажоғликда айбланган Карим Хон лавозимидан четлатилди

Халқаро жиноий суд (ХЖС) бош прокурори Карим Хон жинсий тегажоғликка оид айбловлар юзасидан ўтказилган интизомий суриштирувдан сўнг лавозимидан четлатилди.

Бу ҳақда Бирлашган Миллатлар Ташкилоти маълум қилди.
Маълум қилинишича, 24 июль куни БМТнинг Нью-Йоркдаги қароргоҳида ўтказилган шошилинч йиғилишда Халқаро жиноий судга аъзо давлатлар мазкур масалани муҳокама қилган.

Карим Хон 2021 йилда ХЖС бош прокурори этиб тўққиз йиллик муддатга сайланган эди. Уни лавозимидан четлатиш тўғрисидаги қарор суднинг 125 та аъзо давлати иштирок этган ёпиқ овоз бериш жараёнида кўпчилик овоз билан қабул қилинган.

Ассамблея раисига кўра, 82 та аъзо давлат прокурор Карим Хоннинг жиддий қилмиш содир этгани ва хизмат мажбуриятларини қўпол равишда бузгани ҳақидаги қарорни қўллаб-қувватлаган. Шу асосда у лавозимидан четлатилган.

Telegram I Facebook I YouTube I Instagram
👍1🤔1
Таиланддан олиб келинган 34 кг наркотикнинг Ўзбекистонга киритилишига чек қўйилди

Наркокурьерлар божхона назоратини чалғитиш мақсадида Таиланддан тўғридан-тўғри эмас, балки бир нечта давлат орқали Тошкентга йўналтирилган. Аммо бу усул ҳам уларни жавобгарликдан қутқара олмаган.


Маълум қилинишича, наркотик воситаларни Ўзбекистонга олиб кириш учун наркокурьерлар аввал Вьетнам, Жанубий Корея, БАА ва Ҳиндистон орқали ҳаракатланиб, шундан кейин Тошкентга учирилган.

Қайд этилишича, айрим ҳолатларда йўловчилар учтагача давлат божхонасидан ўтган бўлса-да, уларнинг юкидаги бир неча килограмм наркотиклар аниқланмаган.

Божхона органлари томонидан амалга оширилган тезкор тадбирлар натижасида қуруқ сут, шоколад пастаси, зиравор ва шампун қадоқлари ичига яширилган жами 34 килограмм наркотик воситаларнинг мамлакатга олиб кирилиши олди олинди.

Telegram I Facebook I YouTube I Instagram
🤔2🔥1
Media is too big
VIEW IN TELEGRAM
ЭГАЛИК ҲУҚУҚИ БОРМИ? ТОШКЕНТДАГИ ХОНАДОН АТРОФИДАГИ БАҲС

Қашқадарё вилояти Китоб туманида туғилган Қўлдашова Хилола таҳририятимизга мурожаат қилиб, ўз номидаги Тошкент шаҳри Чилонзор тумани, 20-мавзе, 37-хонадонда ҳозирда Қ.Б. исмли шахс ҳеч қандай қонуний асосларсиз яшаб келаётганини маълум қилди.

Мурожаатчининг таъкидлашича, мазкур хонадонга нисбатан унинг эгалик ҳуқуқини тасдиқловчи ҳужжатлари, жумладан ишончномаси мавжуд.

Дастлаб мурожаатчи Қўлдашова Хилоланинг айтишича, унга нисбатан Чилонзор тумани прокуратураси томонидан Ўзбекистон Республикаси Жиноят кодексининг 168-моддаси 4-қисми "а" банди билан жиноят иши қўзғатилган.

Шунингдек, мурожаатчининг таъкидлашича, ўзининг "овсиним" деб атаётган П.Н. исмли шахсга нисбатан дастлаб қамоққа олиш тарзидаги эҳтиёт чорасини қўллаш учун санкция олиниб, иш судга киритилган.

Бироқ суд томонидан унга нисбатан қамоққа олиш эмас, балки 10 кун муддатга уй қамоғи тарзидаги эҳтиёт чораси қўлланилган.

Хўш, ушбу уй Қўлдашова Хилола томонидан қандай шароитда олинган? Унинг эгалик ҳуқуқи нималарга асосланади? Қарама-қарши томоннинг позицияси қандай?

Ушбу саволларга батафсил жавобни Effect.uz тайёрлаган махсус видео лавҳада томоша қилишингиз мумкин.

👉 ТЎЛИҚ ВИДЕО

Telegram I Facebook I YouTube I Instagram
🤔5🤷‍♂2👍1🔥1
Исроилдаги Ўзбекистон элчихонаси фуқароларни огоҳлантирди

Яқин Шарқдаги вазият кескинлашиши эҳтимоли муносабати билан Исроилдаги Ўзбекистон элчихонаси мамлакатда бўлиб турган юртдошларга муҳим огоҳлантириш билан чиқди. Фуқаролардан хавфсизлик қоидаларига қатъий амал қилиш сўралди.

Элчихона маълумотига кўра, Исроилда бўлиб турган Ўзбекистон фуқаролари расмий хавфсизлик кўрсатмаларига қатъий риоя қилиши, яқин атрофдаги бошпаналар жойлашувини олдиндан аниқлаб қўйиши ҳамда эҳтиёткорлик билан ҳаракатланиши лозим.

Шунингдек, аҳолига фақат расмий ахборот манбаларига таяниш тавсия этилди.

Фавқулодда ҳолатларда Ўзбекистон элчихонасининг қуйидаги тезкор алоқа рақамига мурожаат қилиш мумкин: +972 54 485 1397

Telegram I Facebook I YouTube I Instagram
🔥4
Please open Telegram to view this post
VIEW IN TELEGRAM
👎3
Тошкентда эркакнинг ўлими юзасидан текширув олиб борилмоқда

Тошкент шаҳрининг Юнусобод туманида 32 ёшли эркак вафот этди. Дастлабки маълумотларга кўра, у банкдан қарздор бўлган.

25 июль куни соат 15:00 атрофида Тошкент шаҳри Юнусобод туманида 1994 йилда туғилган фуқаро М.М. вафот этган.

Суд-тиббий экспертизанинг дастлабки хулосасига кўра, ўлим механик асфикция оқибатида юз берган. Марҳум танасида бошқа тан жароҳатлари аниқланмаган.

Ҳодиса юзасидан тегишли процессуал ҳаракатлар амалга оширилмоқда. Марҳумнинг яқин қариндошлари сўроқ қилинган бўлиб, дастлабки маълумотларга кўра, унинг банк олдида қарздорлиги бўлгани аниқланган.

Айни пайтда ҳолат юзасидан Юнусобод туман прокуратураси томонидан терговга қадар текширув ҳаракатлари давом эттирилмоқда.

Telegram I Facebook I YouTube I Instagram
🤔3
This media is not supported in your browser
VIEW IN TELEGRAM
Андижонда давлат ерини 39 минг долларга сотмоқчи бўлган шахс ушланди

Марҳамат туманида давлат захирасидаги ер майдонини ноқонуний сотишга уринган шахс қўлга олинди.

Андижон вилоятининг Марҳамат туманида давлат захирасидаги 24 сотих ер майдонини 39 минг долларга сотмоқчи бўлган фуқаро ҳуқуқни муҳофаза қилувчи органлар томонидан ушланди.

Маълум қилинишича, гумонланувчи мазкур ер майдонини турар жой тоифасига ўтказиб, расмийлаштириб бериш имконияти борлигини айтиб, харидордан пул талаб қилган.

У 25 минг долларни олган вақтда тезкор тадбир давомида қўлга олинган.

Мазкур ҳолат юзасидан Жиноят кодексининг фирибгарликка оид моддаси билан жиноят иши қўзғатилган.

Telegram I Facebook I YouTube I Instagram
Please open Telegram to view this post
VIEW IN TELEGRAM
🤔4👍1
Тошкентнинг 10 та модернистик иншооти ЮНЕСКО Бутунжаҳон мероси рўйхатига киритилди

Тошкентнинг модернистик меъморчилигига оид 10 та машҳур иншоот ЮНЕСКОнинг Бутунжаҳон мероси рўйхатига расман киритилди. Бу қарор пойтахтнинг XX аср иккинчи ярмида шаклланган ноёб архитектура меросини халқаро миқёсда эътироф этишда муҳим қадам бўлди.

Рўйхатга қуйидаги иншоотлар киритилди:

«Марварид» турар жой мажмуаси;
Ўзбекистон тарихи давлат музейи;
Халқлар дўстлиги саройи;
Давлат санъат музейи;
Тошкент давлат цирки;
Бадиий академия Марказий кўргазмалар зали;
Алишер Навоий номидаги кино саройи;
«Чорсу» бозори;
«Космонавтлар» метро бекати;
«Қуёш» институти.

Telegram I Facebook I YouTube I Instagram
👍43🔥8