EFFECT.UZ | Расмий канал
✔
17.2K subscribers
71.9K photos
18.9K videos
36 files
73.3K links
🌐 EFFECT.UZ ахборот агентлигининг расмий Telegram канали

Батафсил: @effectuz_live
Сайт: www.effect.uz

Мурожаат ва ҳамкорлик таклифлари учун: @effectgamurojaat

Почта: www.effect.uz@gmail.com

Алоқа учун:
+998971663232
+998979663232
Download Telegram
Media is too big
VIEW IN TELEGRAM
Солиқ қўмитаси собиқ биринчи ўринбосари 8 йилга қамалди

Шайхонтоҳур туман судида Солиқ қўмитаси раисининг собиқ биринчи ўринбосари Мубин Мирзаев ва яна 8 нафар шахсга нисбатан жиноят иши кўриб чиқилиб, суд ҳукми эълон қилинди.

Суд ҳукмига кўра, Мубин Мирзаев Жиноят кодексининг 168-моддаси 4-қисми «а» банди, 205-моддаси 2-қисми «а» банди ва 208-моддасида назарда тутилган жиноятларни содир этганликда айбдор деб топилди.

Унга 3 йил муддатга муайян ҳуқуқдан маҳрум қилиш билан бирга 8 йил 2 ой озодликдан маҳрум қилиш жазоси тайинланди.

У билан бирга судланган бошқа шахслар ҳам 4 йилдан 9 йилгача бўлган муддатларга озодликдан маҳрум этилди. Шунингдек, етказилган зарарларни ундириш белгиланди.

Мубин Мирзаев 2026 йил 27 январь куни Президент раислигидаги видеоселектор йиғилишида лавозимидан озод этилганди. Бунга Солиқ қўмитасида қўшилган қиймат солиғидан сунъий ортиқча тўлов ҳосил қилиш орқали бюджетдан маблағларни ноқонуний қоплаш ҳолатлари кўпайгани сабаб бўлган.

Қайд этилишича, 2025 йилда мазкур йўналиш бўйича 20 нафар солиқ ходимига нисбатан жиноят иши қўзғатилган.


Telegram I Facebook I YouTube I Instagram
👍3🤔3
Ҳарбий формага ўхшаш кийимлар учун жарима солиниши мумкин

Депутатлар ҳарбий ва идора формасига ўхшатиб кийинишга қарши янги чорани маъқуллади.


Ўзбекистонда давлат органларининг ҳарбий ёки идора формасига ўхшаш кийимларни кийганлик учун жавобгарлик жорий этилиши мумкин.

Депутатлар томонидан маъқулланган қонун лойиҳасига кўра, тасдиқланган махсус кийим-бошни адаштириб юбориш даражасида ўхшатиб тайёрланган ёки кийилган кийимлардан фойдаланиш учун жарима қўллаш таклиф этилмоқда.

Янги тартиб давлат органлари ходимларининг хизмат формаларини ҳимоя қилиш ва улардан ноқонуний фойдаланишнинг олдини олишга қаратилган.

Telegram I Facebook I YouTube I Instagram
👍5👎2🤔1
FIFA президенти Трамп алоқалари бўйича текширилмоқда

Конгресс FIFA раҳбаридан Трамп билан муносабатлари ҳақида изоҳ талаб қилди.


АҚШ Конгресси FIFA президенти Жанни Инфантинонинг Дональд Трамп билан алоқалари бўйича текширув бошлади.

Конгрессмен Жейми Раскин Инфантинони 9 августга қадар Конгрессга маълумот тақдим этишга чақирди.

Ундан Трамп билан бўлган ёзишмалар, учрашувлар, совғалар ва эҳтимолий молиявий муносабатлар ҳақида маълумот бериш талаб қилинмоқда.

Текширув доирасида Инфантинонинг Майами ва Нью-Йоркдаги учрашувлари ҳам ўрганилади.

Telegram I Facebook I YouTube I Instagram
Оғир аҳволдаги беморлар текин даволанади

Президентнинг 2026 йил 21 майдаги қарорига кўра, оғир беморларда тиббий текширув, даволаш ва жарроҳлик амалиёти ўтказилмоқда.

Бундай ёрдамлар оғир касалликка чалинганлар, онкологик ва гематологик беморлар ҳамда жигар-буйрак кўчириб ўтказишга муҳтож фуқароларга кўрсатилади.

Беморлар операция қилинади, даволанади ҳамда транслантация амалга оширилади. Барчаси бепул, давлат ҳисобидан.

Бу ёрдамларни олиш учун Соғлиқни сақлаш вазирилигининг Dmed иловаси, Ижтимоий ҳимоя миллий агентлиги ёки Президент Халқ қабулхонасига мурожаат қилиш мумкин.

Telegram I Facebook I YouTube I Instagram
👍62🔥11🤔1
Media is too big
VIEW IN TELEGRAM
Сергелида лойиҳага зид равишда қурилаётган клиника аниқланди

Пойтахтдаги қурилиш объектларида Қурилиш ва уй-жой коммунал хўжалиги соҳасида назорат қилиш инспекцияси томонидан кучайтирилган тартибдаги назорат тадбирлари давом этмоқда.

Жумладан, Сергели туманида барпо этилаётган хусусий клиника биносида ўтказилган текширувда лойиҳавий талаблардан чекиниш ҳолатлари аниқланди. Амалда бинонинг ер ости (подвал) қисмидаги автотураргоҳ ўрнига ўзбошимчалик билан алоҳида хоналар ажратилгани маълум бўлди.

Бундан ташқари, бино хавфсизлигига жиддий хавф туғдириши мумкин бўлган яна бир ҳолат — 5-қават террасасида лойиҳада умуман назарда тутилмаган бассейн қурилаётгани фош этилди.

Қоидабузарликлар сабабли объектда барча қурилиш ишлари зудлик билан тўхтатилди. Бартараф этиш бўйича мажбурий кўрсатмалар берилиб, лойиҳага зид равишда қурилган қисмларни демонтаж қилиш ишлари бошланди.

Telegram I Facebook I YouTube I Instagram
👍5🔥1
Ўзбекистон Кореяга қарши ўйнайди

Терма жамоа кучли рақиб билан навбатдаги синовга тайёрланмоқда.

Ўзбекистон миллий терма жамоаси 6 октябрь куни Жанубий Кореяга қарши ўртоқлик учрашуви ўтказади.

Учрашув ФИФА кунлари доирасида Жанубий Кореяда бўлиб ўтади. Баҳснинг аниқ вақти ва стадиони ҳозирча маълум эмас.

ФИФА рейтингида Ўзбекистон 60-ўринда, Жанубий Корея эса 32-ўринда қайд этилган.

Жамоалар сўнгги 9 учрашувда ўзаро тўқнаш келган. Ўзбекистон ҳали Кореяни мағлуб эта олмаган: 6 та ғалаба Корея ҳисобига, 3 та ўйин дуранг билан якунланган.

Сўнгги учрашув 2018 йилда бўлиб ўтган ва Жанубий Корея 4:0 ҳисобида ғалаба қозонган.

Telegram I Facebook I YouTube I Instagram
🤷‍♂1
Ижтимоий тармоқларда Косон тумани ҳокими ўринбосари Убайдулло Очилов эканлиги айтилаётган видео кенг тарқалмоқда.

Видеода фуқаро ва мутасадди ўртасидаги тортишувни кўриш мумкин

Telegram I Facebook I YouTube I Instagram
👎10👍3
Media is too big
VIEW IN TELEGRAM
Ўзбекистонда энергетика тизими амалда нолдан қурилади — Сардор Исақулов

«Ҳудудий электр тармоқлари» АЖнинг янги бошқарув раиси Сардор Исақуловнинг маълум қилишича, мамлакатда электр таъминоти сифати ва узилишлар билан боғлиқ вазият «аянчли аҳволда».

Унинг таъкидлашича, Президент томонидан энергетика соҳасини амалда нолдан қайта қуриш вазифаси қўйилган. Бунинг учун электр тармоқларини модернизация қилиш, инфратузилмани янгилаш ва аҳолини барқарор электр таъминоти билан таъминлаш бўйича кенг кўламли ишлар амалга оширилади.

Telegram I Facebook I YouTube I Instagram
👎6👍1🔥1🤔1
Тошкентда йўл безорилиги қилган 17 ёшли ҳайдовчи жазоланди

Тошкент шаҳрида ижтимоий тармоқларда Monza автомобилида хавфли манёврлар бажарилгани акс этган видео тарқалди. Ҳолат юзасидан Тошкент шаҳар ИИББ ЙҲХБ ходимлари томонидан суриштирув ўтказилиб, ҳайдовчининг шахси аниқланди.

Маълум бўлишича, автомобилни ижарага олган 17 ёшли йигитда ҳайдовчилик гувоҳномаси бўлмаган ва транспорт воситасига оид ҳужжатларсиз ҳаракатланган. У хавфли манёврларни шунчаки қизиқиш учун қилганини тан олган.

Ҳуқуқбузарга нисбатан маъмурий баённома расмийлаштирилди. Шунингдек, автомобиль вақтинча сақлаш учун жарима майдончасига жойлаштирилди.

Мазкур моддага мувофиқ, ҳуқуқбузарлик учун БҲМнинг 50 баравари миқдорида жарима ёки 15 суткагача маъмурий қамоқ жазоси қўлланилиши мумкин.

Telegram I Facebook I YouTube I Instagram
🔥1
Please open Telegram to view this post
VIEW IN TELEGRAM
👍1
Media is too big
VIEW IN TELEGRAM
Ҳоким қарорларининг ярми маблағлар билан боғлиқ — жамоатчиликдан нега яшириляпти?

Маълумотларга кўра, жамоатчилик учун эълон қилинмаган ҳоким қарорларининг қарийб ярми маблағлар билан боғлиқ масалаларни қамраб олади.

Кузатувчиларнинг таъкидлашича, молиявий қарорларнинг очиқ эълон қилинмаслиги давлат маблағларининг сарфланиши устидан жамоатчилик назоратини чеклаши мумкин.

Telegram I Facebook I YouTube I Instagram
🤔1😢1
Болаларга нисбатан зўравонлик ҳақида хабар бериш учун 1246 call-маркази ишга тушди

Ўзбекистонда болаларга нисбатан жисмоний, руҳий ёки жинсий зўравонлик, шунингдек бепарволик ва шафқатсиз муносабат ҳолатлари ҳақида хабар қабул қилувчи 1246 қисқа рақамли call-марказ ишга туширилди. Бу ҳақда Ижтимоий ҳимоя миллий агентлиги маълум қилди.

Унга кўра, фуқаролар боланинг ҳаёти ва соғлиғига хавф туғдирувчи ҳар қандай ҳолатга гувоҳ бўлса, мазкур рақам орқали мурожаат қилиши мумкин.

Қайд этилишича, call-марказга келиб тушган барча мурожаатлар қабул қилинади ва мурожаат қилувчининг шахси сир сақланиши кафолатланади.

Айни пайтда 1246 call-маркази синов режимида фаолият юритмоқда.

Telegram I Facebook I YouTube I Instagram
👍2
Media is too big
VIEW IN TELEGRAM
Нурафшонда 800 млрд сўмлик замонавий тиббиёт маркази қурилади

Тошкент вилоятида аҳолига юқори технологияли тиббий хизмат кўрсатиш имкониятларини кенгайтириш мақсадида 700 ўринли кўп тармоқли тиббиёт маркази қурилишига старт берилди.

Президентнинг Тошкент вилоятига ташрифи доирасида Нурафшон шаҳридаги “Nurafshon Biznes City” ҳудудида барпо этиладиган мазкур лойиҳанинг умумий қиймати 800 миллиард сўмни ташкил этади.
Янги марказда кардиожарроҳлик, қон-томир жарроҳлиги, трансплантация, торакал жарроҳлик, онкология, радиология, кимё ва нур терапияси каби юқори технологияли тиббий хизматлар йўлга қўйилади. Шунингдек, МРТ, МСКТ, ангиография ва гемодиализ каби замонавий диагностика хизматлари ҳам ташкил этилади.

Лойиҳа доирасида бир кунда 800 нафаргача бемор қабул қила оладиган поликлиника ҳам фаолият юритади. Марказда йилига 15 минггача юқори технологияли жарроҳлик амалиёти ўтказиш ва 40 мингдан ортиқ беморни даволаш имконияти яратилиши режалаштирилган.

Қурилиш ишлари 2026–2028 йиллар давомида амалга оширилиши кўзда тутилган. Мутасаддиларга кўра, мазкур мажмуа республикадаги илк шундай йирик тиббиёт лойиҳаларидан бири бўлади.
👍1
Media is too big
VIEW IN TELEGRAM
49 йиллик ижара ерда уй ёки бино қуриш мумкинми?

Қишлоқ хўжалиги учун 49 йилга ижарага берилган ер участкасида уй-жой ёки бошқа бино-иншоот қуриш масаласи кўпчиликни қизиқтирмоқда. Президентнинг 2025 йилдаги 322-сон қарори бу борада қандай ҳуқуқларни белгилашига оид ҳуқуқий тушунтириш берилди.

Telegram I Facebook I YouTube I Instagram
👍2
Павел Дуровга терроризмга кўмаклашиш бўйича айблов қўйилди

Россия ФСХ маълумотига кўра, Telegram асосчиси Павел Дуровга терроризмга кўмаклашиш моддаси бўйича айблов қўйилган ва унга нисбатан халқаро қидирув эълон қилинган.

Идора даъвосига кўра, Telegram маъмурияти Украина махсус хизматлари томонидан фойдаланилгани айтилган айрим каналлар, чатлар ва ботларни ўчирмаган. Шунингдек, ФСХ ушбу платформа орқали содир этилган ҳужумлар кўплаб қурбонлар ва йирик иқтисодий зарарга сабаб бўлганини билдирган. Бу даъволар Россия расмийларининг позициясини акс эттиради ва ҳозирча мустақил манбалар томонидан тасдиқланмаган.

Telegram I Facebook I YouTube I Instagram
😢1
Please open Telegram to view this post
VIEW IN TELEGRAM
👍2