EFFECT.UZ | Расмий канал
✔
17.2K subscribers
72K photos
18.9K videos
36 files
73.3K links
🌐 EFFECT.UZ ахборот агентлигининг расмий Telegram канали

Батафсил: @effectuz_live
Сайт: www.effect.uz

Мурожаат ва ҳамкорлик таклифлари учун: @effectgamurojaat

Почта: www.effect.uz@gmail.com

Алоқа учун:
+998971663232
+998979663232
Download Telegram
Олмалиқ кон-металлургия комбинатига қарашли қувур ёрилиб кетди

Олмалиқ кон-металлургия комбинатига қарашли Мис бойитиш фабрикасининг чиқинди сақлаш омборига олиб борувчи қувурда носозлик юзага келди.

ОКМК Ахборот хизматининг маълум қилишича, бугун соат 11:55 да чиқинди сақлаш омборига олиб борувчи қувурда ёрилиш содир бўлган.

Носозлик мутахассислар томонидан тезкорлик билан бартараф этилган.

Айни пайтда ҳудудни тозалаш ва оқибатларни бартараф этиш ишлари олиб борилмоқда.

Ҳодиса оқибатида жабрланганлар ёки бошқа зарарлар ҳақида қўшимча маълумот берилмаган.

Telegram I Facebook I YouTube I Instagram
😢3👎1
This media is not supported in your browser
VIEW IN TELEGRAM
Тошкент шаҳар ҳокимлиги аҳоли мурожаатларига бефарқми?

Effect.uz таҳририяти Тошкент шаҳар ҳокимлигига мурожаат юзасидан келганига 5 соат бўлди. Аммо шу вақт ичида битта масъул шахс билан учрашишнинг ҳам имкони бўлмади.

Энг ажабланарлиси, беш соат давомида масъулни чақириб бериш ҳам уддаланмаяпти.

Тошкент шаҳар ҳокимлигида мурожаатларни эшитадиган масъул борми? Ёки фуқаро ва журналистлар соатлаб кутишга маҳкумми?

Telegram I Facebook I YouTube I Instagram
👍7🤔3
Миграция агентлигида ишламаган ходимларга 931,6 млн сўм тўланган

Миграция агентлигида икки ходимга амалда ишламаган даври учун қарийб 932 млн сўм иш ҳақи тўлаб берилгани аниқланди.

Ўтказилган текширув давомида Миграция агентлигининг масъул шахслари томонидан икки нафар ходимга улар амалда ишламаган давр учун 931,6 млн сўм миқдорида иш ҳақи ҳисобланиб, тўлангани аниқланган.

Шунингдек, интизомий жазога тортилган 8 нафар ходимга 88,5 млн сўм маблағ тўлаб берилгани маълум бўлган.

Мазкур ҳолат юзасидан маблағларни талон-торож қилиш билан боғлиқ жиноят аломатлари бўйича жиноят иши қўзғатилган.

Ҳозирда ҳолат юзасидан тергов ҳаракатлари олиб борилмоқда.

Telegram I Facebook I YouTube I Instagram
👍3🤔2
Ўзбекистон чорвадорлари учун янги уюшма ташкил этилиши мумкин

Президентга чорвачилик ва паррандачиликни ривожлантириш, гўшт-сут маҳсулотлари ишлаб чиқаришни ошириш бўйича янги режалар тақдим этилди.

Режага кўра:

➖ Мўғулистондан 150 минг бош қўй, Хитой ва Европа давлатларидан 100 минг бош наслли қорамол олиб келинади;

➖ аҳоли хонадонларида 11 мингта молхона қурилиб, 421 минг бош қорамол парваришланади;

➖ 13 та туманда 200 бош қорамолга мўлжалланган хўжаликлар ташкил этилади;

➖ фермерлар учун «Smart Fermer» рақамли ёрдамчиси ишга туширилади.

Шунингдек, чорвадорлар манфаатини ҳимоя қилиш, наслчиликни ривожлантириш ва молиявий кўмак бериш мақсадида Ўзбекистон чорвадорлари уюшмасини ташкил этиш таклифи ҳам кўриб чиқилди.

Telegram I Facebook I YouTube I Instagram
👍86🔥8👎3
This media is not supported in your browser
VIEW IN TELEGRAM
Тошкентда Ислом Каримов мемориали атрофида 37 гектарлик парк барпо этилади

Пойтахтда Ислом Каримов номидаги мемориал мажмуа атрофидаги 37 гектар ҳудуд замонавий жамоат боғига айлантирилади.

Ҳудудни ободонлаштириш ишлари бошланди. Лойиҳа доирасида янги яшил зоналар, сайр қилиш ва дам олиш учун очиқ майдонлар ҳамда замонавий инфратузилма яратилади.

Янги жамоат боғи шаҳар аҳолиси учун қулай дам олиш маскани бўлиши режалаштирилган.

Telegram I Facebook I YouTube I Instagram
👍5👎4🤔1
795 мингдан ортиқ биринчи синф ўқувчисига «Президент совғаси» берилади

Янги ўқув йилида биринчи синфга қадам қўядиган 795 мингдан ортиқ болага «Президент совғаси» топширилади.

Мактабгача ва мактаб таълими вазирлиги томонидан тўпламларни ҳудудларга етказиб бериш бошланди.

«Президент совғаси» таркибида 12 турдаги мактаб анжомлари бор: сумка, дафтарлар, ручка ва қаламлар, рангли қаламлар, рангли қоғоз, пластилин, альбом, ўчирғич, акварель бўёқлари, елим ва пенал.

Тўпламлар 15 августга қадар барча ҳудудларга етказилади. 25 августгача эса мактаблар ўртасида тақсимланади.

Telegram I Facebook I YouTube I Instagram
👍2🤔1😢1
Media is too big
VIEW IN TELEGRAM
#Премьера

"DIZAYN" кулги жамоасининг 2025 йилги концерт дастури

Telegram I Facebook I YouTube I Instagram
👍2👎2
Media is too big
VIEW IN TELEGRAM
Маҳаллаларга «Шармандали маҳалла» ва «Уятли хонадон» ёзувлари илинади

Тошкент вилоятининг Чиноз туманида ҳудуди ободонлаштирилмаган ва тартибга келтирилмаган маҳаллалар ҳамда хонадонларга огоҳлантирувчи ёзувлар илиниши режалаштирилаётгани ҳақида хабар тарқалди.

Унга кўра, ободонлаштириш талабларига жавоб бермайдиган маҳаллаларга «Шармандали маҳалла», айрим хонадонларга эса «Уятли хонадон» деган плакатлар жойлаштирилиши мумкин.

Мазкур ташаббус ижтимоий тармоқларда турлича муносабатларга сабаб бўлмоқда.

Telegram I Facebook I YouTube I Instagram
👎39😢1
Media is too big
VIEW IN TELEGRAM
Нархозга киритиб қўйиш учун 20 минг доллар сўраган шахс ушланди

Тошкентда муқаддам судланган шахс фуқарони Тошкент давлат иқтисодиёт университетига ўқишга киритиб қўйишни ваъда қилиб, 20 минг доллар талаб қилган. У 13 минг долларни олаётган вақтда қўлга олинган.

Самарқанд вилоятида эса туман электр таъминоти корхонаси раҳбари тадбиркорни жиноий жавобгарликдан қутқариш ва унга етказилган зарар миқдорини камайтириб кўрсатиш эвазига 5 минг доллар талаб қилган.

Маълум қилинишича, мансабдор шахс июль ойи охирларида келишилган пулнинг 4 минг долларини олган. Кейинчалик қолган 1 минг долларни ҳам тезроқ беришни талаб қилган. Ушбу маблағни олаётган вақтда ашёвий далиллар билан ушланган.

Шунингдек, Тошкент шаҳрида муқаддам судланган шахс фуқарони Тошкент давлат иқтисодиёт университетига ўқишга киритиб қўйишни ваъда қилиб, бунинг эвазига 20 минг доллар сўраган. У келишилган маблағнинг 13 минг долларини олаётган пайтда қўлга олинган.

Ҳар икки ҳолат юзасидан жиноят ишлари қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram
Қорақалпоғистонда бир қатор прокурорлик лавозимларига тайинловлар амалга оширилди

Ўзбекистон Республикаси Бош прокурорининг буйруғига асосан Қорақалпоғистонда туман ва шаҳар прокурорлари лавозимларига янги тайинловлар амалга оширилди.

Жумладан:

— Якубов Сардорбек Баходирович — Тўрткўл тумани прокурори вазифасини бажарувчи этиб тайинланди. У тайинловга қадар Қорақалпоғистон Республикаси прокуратураси бўлим бошлиғи лавозимида хизмат қилган.

— Ибрагимов Айбек Рустамович — Элликқалъа тумани прокурори вазифасини бажарувчи этиб тайинланди. У ҳам тайинловга қадар Қорақалпоғистон Республикаси прокуратураси бўлим бошлиғи бўлган.

— Бауаддинов Равшанбек Имамаддинович — Амударё тумани прокурори лавозимига тайинланди. У бунга қадар Нукус шаҳар прокурори сифатида фаолият юритган.

— Атаджанов Музаффар Зарипбаевич — Нукус шаҳар прокурори лавозимига тайинланди. У тайинловга қадар Элликқалъа тумани прокурори лавозимида хизмат қилган.

Telegram I Facebook I YouTube I Instagram
🤔2
This media is not supported in your browser
VIEW IN TELEGRAM
Таиландда футболчи ўйин вақтида чақмоқ уриши оқибатида ҳалок бўлди

Таиландда футбол учрашуви вақтида чақмоқ ургани оқибатида бир нафар футболчи вафот этди. Яна тўққиз нафар ўйинчи жароҳатланган.

Bangkok Post маълумотига кўра, воқеа Таиланд ва Малайзия жамоалари иштирокидаги Golok FA Cup 2026 минтақавий турнири доирасида содир бўлган.

Чақмоқ уриши оқибатида футболчилардан бири ҳалок бўлган, яна тўққиз нафар ўйинчи турли даражада жароҳат олган.

Ҳодиса юзасидан тегишли маълумотлар ўрганилмоқда.

Telegram I Facebook I YouTube I Instagram
😢4👎1
«Қўйлиқ» бозори фаолияти чекланди

Ёнғин хавфсизлиги талаблари бузилгани сабаб бозорнинг бир қисми ишдан тўхтатилди.

Шундан сўнг бозор ҳудудининг бир қисми фаолияти чекланиб, электр таъминоти узилган. ФВББ маълум қилишича, аниқланган камчиликлар бартараф этилгач, бозор тўлиқ ишлашни давом эттиради.


Telegram I Facebook I YouTube I Instagram
🤔1
This media is not supported in your browser
VIEW IN TELEGRAM
Фарғонада беморларнинг пули ва тилла тақинчоқларини ўғирлаган аёл ушланди

Фарғона вилоятидаги тиббиёт муассасаларида беморларнинг пул ва қимматбаҳо буюмларини ўғирлашда гумонланаётган 46 ёшли аёл қўлга олинди.

Тошкент шаҳрида яшовчи аёл Фарғона шаҳридаги клиникалардан бирида даволанаётган беморнинг хонасига кириб, унинг сумкасидан 300 доллар, 34,8 млн сўм пул ва 51,3 млн сўмлик тилла тақинчоқларни ўғирлаганликда гумонланмоқда.

У ашёвий далиллар билан ушланган. Маълум бўлишича, аёл аввал ҳам ўғирлик ва фирибгарлик жиноятлари учун бир неча бор судланган.

Шунингдек, унинг 2024 йил июль ойида Қўқон шаҳридаги болалар шифохонаси ҳамда Фарғона туманидаги эндокринология марказида беморларнинг пулларини ўғирлаш ҳолатларига алоқадорлиги текширилмоқда.

Ҳолатлар юзасидан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram
🔥2
Миллий боғда 5 ёшли қиз чўкиб вафот этди

Тошкентдаги Миллий боғ пляжида бола ҳаёти фожиали якун топди.

Ҳодиса 5 август куни содир бўлган. Воқеа жойида ўрганишлардан сўнг пляж фаолияти вақтинча тўхтатилгани маълум қилинди.

Telegram I Facebook I YouTube I Instagram
😢3👎2