Bolalar xavfsizligi: Yevropada ijtimoiy tarmoqlar uchun yosh cheklovlari kuchaytirilishi taklif qilinmoqda

Yevropa Komissiyasi bolalarni ijtimoiy tarmoqlardagi xavflardan himoya qilish boʻyicha yangi yondashuvni taklif qilmoqda.

Taklifga koʻra, 13 yoshgacha boʻlgan bolalarning ijtimoiy tarmoqlardan foydalanishi cheklanishi, 15 yoshgacha esa shaxsiy akkaunt ochishga yoʻl qoʻyilmasligi mumkin. 13–15 yoshdagi oʻsmirlar uchun ota-ona nazorati ostidagi cheklangan **“mini-akkaunt”**lar joriy etilishi taklif qilinmoqda.

Bunday akkauntlardan foydalanish kuniga bir soatgacha cheklanishi, 15–18 yoshdagilar uchun esa platformalarda bolalar xavfsizligini taʼminlaydigan maxsus “safe design” talablari qoʻllanishi koʻzda tutilmoqda.

Yevropa Komissiyasi rahbari Ursula fon der Lyayen ijtimoiy tarmoqlardagi qaramlikka olib keluvchi funksiyalar, bolalarni tobora keskin kontentga jalb qilish va sunʼiy intellekt orqali qizlarning fotosuratlaridan seksuallashtirilgan soxta tasvirlar yaratilishiga alohida eʼtibor qaratdi.

Yangi yondashuvda asosiy tamoyillardan biri — platformalar oʻz xizmatlari bolalar uchun xavfsiz ekanini isbotlashi kerak.

Telegram I Facebook I YouTube I Instagram

Oila boshqa shaharga ko’chadi, kerak bo’lsa qizaloqning familiyasi ham o’zgaradi – Shahnoza Mirziyoyeva
 
Ijtimoiy himoya milliy agentligi direktorining birinchi o’rinbosari Shahnoza Mirziyoyeva Namangandagi voqeaga munosabat bildirdi.
Namanganda besh yoshli qizaloq bilan bog'liq fojia yuz berganidan beri ljtimoiy himoya milliy agentligi vaziyatni nazorat qilib kelmoqda. Ilk kunlardan mutaxassislarimiz va psixologlar qizaloq bilan, uning onasi bilan ishlamoqda. Bu og'ir damda oilaga barcha zarur yordam va ko'mak ko'rsatilmoqda.

Oila boshqa shaharga ko'chib o'tadi, uy-joy va zarur reabilitatsiya bilan ta'minlanadi. Oilaga to'liq ijtimoiy yordam ko'rsatiladi, xususan, qizaloqning onasi o'qish va ishga joylashishiga yordam beriladi. Zarur bo'lsa, familyasini o'zgartirishga ham ko'maklashiladi. Eng muhimi, bolajon va uning yaqinlari xavfsiz joyda yangi hayot boshlashlari uchun barcha zarur sharoitlar yaratiladi.

Prezident Administratsiyasi bu masalani alohida nazoratga olgan. Barcha mas'ul idoralar ilk kunlardanoq ishga jalb qilingan. Mazkur jinoyat aslo jazosiz golmaydi!

Telegram I Facebook I YouTube I Instagram

«BELROSSAVDO» ишида янги бурилиш: тергов Юнусободдан Сергелига ўтказилди

«BELROSSAVDO» МЧЖ вакили Аюбхон Ходжаевга нисбатан қамоққа олиш ҳақидаги прокуратура илтимосномаси 15 август куни Юнусобод туман суди томонидан рад этилган.

Суд ажримида Ходжаевни ушлаб туриш муддати Юнусобод туман ИИО ФМБ тергов бўлими катта терговчиси Ж. Мамирзаевнинг масъулиятсизлиги натижасида тугагани қайд этилган.

Шунингдек, қамоққа олиш ҳақидаги илтимоснома ушлаб туриш муддати тугашидан камида 8 соат олдин судга тақдим этилмагани бўйича терговчига нисбатан муносабат билдириш лозимлиги кўрсатилган.

Суд прокуратуранинг илтимосномасида Ходжаевнинг терговдан бўйин товлагани, ҳақиқатни аниқлашга тўсқинлик қилгани ёки гувоҳларга таъсир ўтказишга уринганини тасдиқловчи маълумотлар тақдим этилмаганини ҳам қайд этган.

Энди иш бўйича янги маълумот: 24 август куни Тошкент шаҳар прокуратураси жиноят ишини ҳар томонлама, тўлиқ ва холисона тергов қилишни таъминлаш мақсадида Сергели тумани ИИО ФМБ ҳузуридаги тергов бўлимига юборилганини маълум қилди.

Прокуратура жавобида иш 2025 йил 17 декабрда «BELROSSAVDO» МЧЖ мансабдор шахсларига нисбатан Жиноят кодексининг 168-моддаси 4-қисми «а» банди билан қўзғатилгани ҳам қайд этилган.

❗️Нега иш Юнусободдан Сергелига ўтказилди? Суд терговчи масъулиятсизлигини қайд этганидан кейин унга нисбатан қандай чора кўрилади? Тергов натижаси қандай бўлади?

Effect.uz мазкур ишни кузатиб боради.

Батафсил мақола

Telegram I Facebook I YouTube I Instagram

Юнусободда катта терговчи пора билан ушланган
 
Тошкент шаҳар ИИББ ШХБ ходимлари томонидан Юнусобод тумани ИИО ФМБ Тергов бўлими катта терговчиси, майор Ҳ.Ҳ пора билан қўлга олинган.
 
Маълумотда қайд этилишича, терговчи Тошкент шаҳар ИИББ ШХБ ходимлари томонидан ўтказилган тезкор тадбир давомида қўлга олинган.
 
Бироқ ҳозирча у қандай масала юзасидан ва қанча миқдорда пул олгани ҳақида маълумот берилмаган. Шунингдек, пора беришда гумон қилинаётган шахс ёки ҳолатнинг бошқа тафсилотлари ҳам очиқланмаган. Мазкур ҳолат бўйича қўшимча маълумот берилиши кутилмоқда.

Telegram I Facebook I YouTube I Instagram

«Ўлим жазоси — зарурат» – Алишер Қодиров

Намангандаги беш ёшли қизалоқ билан боғлиқ фожиа ортидан ўлим жазоси масаласи яна жамоатчилик муҳокамасига чиқди.

«Миллий тикланиш» ДП Марказий кенгаши раиси Алишер Қодиров ўз муносабатида «Ўлим жазоси заруратдир», деган фикрни билдирди. Унинг таъкидлашича, айрим тоифадаги жиноятчиларни умрбод қамоқда сақлашнинг ўзи жамият хавфсизлиги учун етарли бўлмаслиги мумкин.

Қодиров, айниқса, рецидивистлар, бола қотиллари ва педофиллар ҳақида гапирар экан, бундай шахсларнинг жамиятга қайта қайтиши янги жиноятлар учун хавф туғдириши мумкинлигини айтган.

«Беайб инсонни қасддан ўлдирган, айниқса бола қотиллари ўзини нима кутаётганини аниқ билиши керак!»

Унинг фикрича, ўлим жазоси масаласига ёндашув турлича: айримлар жиноятчини умрбод жамиятдан ажратишни етарли деб ҳисобласа, бошқалар бундай жазони кейинги жиноятларнинг олдини олиш ва огоҳлантириш воситаси сифатида кўради.

Қодиров шунингдек, «ўлим жазоси заруратдир», деган позициясини очиқ билдирди. Айни пайтда Ўзбекистон Конституциясининг 25-моддасига кўра, мамлакатда ўлим жазоси тақиқланган. Демак, мазкур масала бўйича билдирилаётган сиёсий позициялар амалдаги қонунчиликдан алоҳида тушунилиши лозим.

Telegram I Facebook I YouTube I Instagram

Саида Мирзиёеванинг ўлим жазоси ҳақидаги муносабати қандай тушунилиши керак?

Наманганда беш ёшли қизга нисбатан содир этилган жиноят жамоатчиликда кескин муҳокамаларга сабаб бўлди. Ҳодиса юзасидан жиноят иши қўзғатилиб, гумонланувчи қамоққа олинган. Айни пайтда жамиятда бундай жиноятлар учун жазони янада кучайтириш, жумладан, ўлим жазосини қайтариш масаласи ҳам муҳокама қилинмоқда.

Президент Администрацияси раҳбари Саида Мирзиёева ҳам фожиа юзасидан муносабат билдириб, бундай ваҳший жиноятлар учун ўлим жазоси қўлланилиши керак, деган фикрни билдирди.

Шу билан бирга, у Ўзбекистоннинг амалдаги қонунчилигида ўлим жазоси мавжуд эмаслигини қайд этди. Саида Мирзиёеванинг билдиришича, тегишли идораларга зарур кўрсатмалар берилган, жиноят содир этган шахс қонун доирасидаги энг оғир жазога тортилиши, шунингдек, болани ҳимоя қила олмаган масъулларнинг ҳаракатларига ҳам ҳуқуқий баҳо берилиши керак.

У, шунингдек, бундай жиноятлар учун жавобгарликни максимал даражада кучайтириш бўйича қонунчиликка ўзгартиш киритиш таклифи тайёрланаётганини маълум қилди.

Шу нуқтаи назардан, Саида Мирзиёеванинг баёноти ўлим жазоси Ўзбекистонда қайта жорий этилганини англатмайди. Бу — жиноятнинг оғирлигига нисбатан билдирилган сиёсий-ҳуқуқий позиция ва амалдаги қонунчиликни ўзгартириш бўйича таклиф тайёрланаётгани ҳақидаги баёнотдир.

Айни пайтда Ўзбекистон Республикаси Конституциясининг 25-моддасида: «Ўзбекистон Республикасида ўлим жазоси тақиқланади», деб белгиланган.

Шу сабабли бу масалада икки ҳолатни алоҳида ажратиш муҳим: амалдаги қонун бўйича қандай жазо қўлланиши ва келгусида қонунчиликка қандай ўзгартишлар таклиф этилиши.

Адвокат Зафарбек Солижонов ҳам ўз муносабатида айнан ўлим жазоси, унинг ҳуқуқий мақоми ва Саида Мирзиёеванинг баёноти юзасидан фикр билдирган.

Telegram I Facebook I YouTube I Instagram

Ўзбекистон иккинчи марта жаҳон шахмат Олимпиадаси ғолибига айланди

Самарқанддаги ҳал қилувчи баҳсда Украина мағлуб этилди — Ўзбекистон чемпионликни расмийлаштирди.

Ўзбекистон эркаклар миллий терма жамоаси Самарқандда ўтказилаётган Бутунжаҳон шахмат Олимпиадасининг 11-турида Украина терма жамоасини 2,5:1,5 ҳисобида мағлуб этди.

Ҳал қилувчи турда Нодирбек Якуббоев, Жавоҳир Синдаров ва Нодирбек Абдусатторов ўз партияларини дуранг билан якунлаган. Муҳиддин Мадаминов эса ғалаба қозониб, жамоага муҳим очкони тақдим этди.

Шу тариқа Ўзбекистон эркаклар терма жамоаси Бутунжаҳон шахмат Олимпиадасида яна чемпионликни қўлга киритди.
Эслатиб ўтамиз, Ўзбекистон терма жамоаси 2022 йилда Ҳиндистонда ўтказилган Бутунжаҳон шахмат Олимпиадасида ҳам ғолиб бўлган.

Telegram I Facebook I YouTube I Instagram

⚡️Намангандаги фожиа: жамиятни ларзага солган воқеа ва ўлим жазоси ҳақидаги баҳс

Учқўрғон туманидаги давлат мактабгача таълим ташкилотида беш ёшли қизга нисбатан содир этилган жинсий зўравонлик жамоатчиликда катта резонанс уйғотди.

Ҳодиса ортидан нафақат жиноятни содир этган шахснинг жазоси, балки бундай ҳолатга йўл қўйган масъулларнинг жавобгарлиги, болалар хавфсизлиги ва ҳатто Ўзбекистонда ўлим жазосини қайтариш масаласи ҳам муҳокамага чиқди.

👉 https://effect.uz/n/245

Telegram I Facebook I YouTube I Instagram

Бухорода APK-файл ниқобида миллионлаб маблағларга кўз олайтирган кибергруппа фош этилди

Бухорода ижтимоий тармоқлар орқали зарарли APK-файлларни тарқатиб, фуқароларнинг маблағларини ноқонуний ўзлаштириб келган жиноий гуруҳ фаолияти фош этилди.

Telegram I Facebook I YouTube I Instagram

Эҳсон пулини тотализаторга тиккан 19 ёшли йигит ушланди

Фарғонада 19 ёшли йигит хайрия учун йиғилган маблағларни ўзлаштириб, уларни тотализаторга тиккани аниқланди.

Тошкентлик йигит криптоактивлар савдоси билан боғлиқ қонунчилик талабларини ҳам мунтазам равишда бузиб келган. Унинг ноқонуний муомалага киритган криптоактивлари қиймати 408 минг доллардан ошган.

Шунингдек, у ижтимоий тармоқларда оғир аҳволдаги фуқаролар учун ёрдам сифатида йиғилган маблағларни ўзлаштирган.
Ҳолат юзасидан унга нисбатан жиноят иши қўзғатилган.

Telegram I Facebook I YouTube I Instagram

Тошкентда автобус ва метро йўлкираси қимматлайди

1 октябрдан Тошкент шаҳрида жамоат транспортидан фойдаланиш нархи оширилади.
Энди автобус ва метрода карта орқали тўлов қилганда бир марталик йўл ҳақи 2 500 сўм бўлади. Ҳозирги тариф 1 700 сўмни ташкил этади.

Нақд тўловда йўл ҳақи 3 000 сўм, багаж ташиш учун эса 4 000 сўм белгиланган.

Telegram I Facebook I YouTube I Instagram

Суюлтирилган газ етказиб беришда FaceID: фуқароларга янада қулай шароит яратиш таклиф қилинди

Суюлтирилган газ баллонларини етказиб беришда FaceID тизимидан фойдаланиш билан боғлиқ айрим муаммолар муҳокама қилинди.

Ўзбекистон Халқ демократик партияси йиғилишида Олий Мажлис депутати Анвархон Темиров иштирокида газ баллонларини аҳолига етказиб бериш жараёнидаги ортиқча бюрократик талаблар кўриб чиқилди.

Хусусан, баллонни қабул қилишда хонадон эгасининг шахсан ҳозир бўлиши ва ID-картасини тақдим этиши талаб қилинаётгани айрим ҳолатларда қийинчилик туғдираётгани таъкидланди.

Шунингдек, эркак киши уйда бўлмаган пайтда аёлларнинг газ етказиб берувчи ходим олдида FaceID тасдиғидан ўтишига тўғри келаётгани ҳам муҳокама қилинди.

Йиғилишда фуқароларга ўз номидаги газ баллонини иш жойидан туриб ҳам мобил илова орқали тасдиқлаш имкониятини яратиш таклиф этилди.

Telegram I Facebook I YouTube I Instagram

1 октябрдан нималар ўзгаради?

1 октябрдан Ўзбекистонда фуқаролар, тадбиркорлар ва айрим соҳалар учун бир қатор янги тартиблар кучга киради.

🔹 my.gov.uz орқали фуқаролар ўз номидаги телефон рақамлари ва банк карталари ҳақида маълумот олиши, уларни блоклаш ёки ёпиш учун ариза бериши мумкин бўлади.

🔹 Қурилишда янги талаб: ягона идентификатор рақами берилмаган объектда қурилишни бошлашга рухсат этилмайди.

🔹 Тадбиркорларга енгиллик: молиявий жариманинг 50 фоизини бир ойда тўлаганлар қолган қисмидан озод этилади ёки жаримани 6 ойга бўлиб тўлаш имкониятига эга бўлади.

🔹 Бепул ваучерлар: ҳар йили 500 минг нафар ўқитувчи, шифокор, давлат хизматчиси, фаол ўқувчи ва талабага театр, кино ва концертларга бепул ваучер берилади.

🔹 Бухорода чеклов: Арк–Пойи Калон–Лаби-ҳовуз ҳудудида айрим транспорт ва индивидуал ҳаракатланиш воситаларидан фойдаланиш чекланади.

🔹 Экспорт: айрим божхона ва сертификатлаш хизматлари учун йиғимлар 30 фоизга камайтирилади.

Шунингдек, Андижонда суюлтирилган газни маиший баллонларда тўғридан-тўғри истеъмолчиларга етказиб бериш бўйича янги тажриба бошланади.

Telegram I Facebook I YouTube I Instagram

Тошкент вилоятида 3,6 магнитудали зилзила қайд этилди

Бугун, 28 сентябрь куни соат 09:03 да Тошкент вилояти ҳудудида 3,6 магнитудали зилзила содир бўлди.

Зилзила эпицентри Пискент туманида, 15 километр чуқурликда жойлашган. Эпицентр Тошкент шаҳридан 66 километр жануби-шарқда.

Зилзила:
Олмалиқ шаҳрида — 3 балл;
Пискент туманида — 2–3 балл;
Оҳангарон туманида — 2 балл;
Нурафшон шаҳрида — 2 балл;
Ангрен шаҳрида — 2 балл куч билан сезилган.

Telegram I Facebook I YouTube I Instagram

Qariyb bir yildan buyon adolat eshiklarini qoqib, sarson-sargardon yurgan oila faryodi...

Tahririyatimizga Toshkent shahri, Yunusobod tumanida istiqomat qiluvchi, 1992-yildan beri mushaklar torayishi xastaligi bilan kurashib kelayotgan 2-guruh nogironi Nargiza Irgasheva murojaat qildi.

To‘rtinchi qavatga chiqib-tushish jismonan imkonsiz bo‘lib qolgan bemor ayol o‘z xonadonini sotib, pastki — 1-qavatdan uy olish ilinjida firibgarlik qurboni bo‘lganini aytmoqda. Bunga ishonish qiyin, ammo oila o‘z peshona teri bilan to‘plagan naqd 80 400 AQSh dollaridan ayrilib, na uy, na pullarini qaytarib ololmay ko‘chada qolish arafasida turibdi.

Voqea tafsilotlari : Hammasi 2025-yilning fevral oyida boshlangan. Yunusobod tumani 10-mavzedagi ko‘p qavatli uyning 62-xonadoniga osilgan e’lon Nargiza opaning e’tiborini tortadi. Xonadon egasi Anvar Sobirov va uning turmush o‘rtog‘i — ichki ishlar xodimi, mayor Feruza Sobirova bilan uyni 88 ming AQSh dollariga sotib olishga kelishiladi.

Mayor unvonidagi xodimning gap-so‘zlariga, obro‘siga ishongan jabrlanuvchi tomon bosqichma-bosqich, guvohlar va tilxatlar orqali umumiy hisobda 80 400 dollar pulni beradi: 2025-yil 5-fevralda — 100 dollar dastlabki garov, 6-fevralda — 5 000 dollar tilxat asosida, 26-fevralda — 3 000 dollar tilxat asosida, 15-mayda — 2 000 dollar, 16-iyulda — 65 000 dollar tilxat asosida, 26-iyulda notarius oldida — yana 5 400 dollar miqdoridagi pullar berilgan.

Biroq vaqt o‘tgani sari turli bahonalar boshlanadi. Uy nomga rasmiylashtirilmaydi, olingan ulkan mablag‘ ham qaytarilmaydi.

2025-yil 29-iyul kuni ichki ishlarning «102» raqamiga qilingan murojaatdan so‘ng ish tergov organlariga o‘tadi.

Natijada, 2026-yil 20-yanvarda Yunusobod tuman prokuraturasi tomonidan A.Sobirovga nisbatan O‘zbekiston Respublikasi JKning 168-moddasi 4-qismi “a” bandi (juda ko‘p miqdorda firibgarlik) bilan jinoyat ishi qo‘zg‘atiladi. Ammo tergov davomida tushunarsiz holatlar yuzaga keladi

Tergov Yunusoboddan Olmazor tuman IIO FMB Tergov bo‘limiga o‘tkaziladi. Jabrlanuvchining so‘zlariga ko‘ra, tuman mas’ullari huzuriga borganida muammo tez orada hal bo‘lishi va’da qilingan. Eng qizig‘i, 2026-yilning 22-sentyabrida Prezident Xalq qabulxonasidan kelgan javob xatida jinoyat ishi 2026-yil 18-maydayoq Olmazor tuman prokurori tomonidan JPKning 83-moddasi 2-bandiga (qilmishida jinoyat tarkibi bo‘lmaganligi) asosan tugatilgani ma’lum bo‘ladi.

Naqd 80 400 dollar mablag‘ tilxatlar va guvohlar ishtirokida olinib, evaziga na uy berilmasa, na pul qaytarilmasa — qanday qilib bu yerda jinoyat tarkibi bo‘lmasligi mumkin?

Ishda gumonlanuvchining turmush o‘rtog‘i ichki ishlar mayori ekanligi tergovning boshqa tumanga o‘tib, oxir-oqibat jinoyat ishining shubhali tarzda to‘xtatilishiga ta’sir ko‘rsatdimi?

Ikkinchi guruh nogironi, qariyb bir yildan beri sarson bo‘layotgan oilaning qonuniy huquqlarini kim tiklaydi?

Savollar ko’p ammo javoblar hali topilgani yo’q

Bosim o‘tkazish holatiga qanday izoh beriladi? Oilaning turmush o‘rtog‘idan 21-sentabr kuni olingan majburiy tilxat qay darajada protsessual normalarga mos ravishda rasmiylashtirilgan?

Bugun soat 16:00 da ushbu xonadonda qanday harakatlar amalga oshiriladi? Adolat faqat qog‘ozdagi moddalarda emas, insonlar hayotida ham aks etishi kerak. Bosh prokuratura va Majburiy ijro byurosi rahbariyatidan ushbu masalani shaxsan nazoratga olishlarini so‘raymiz.

To'liq reportajni bugun kun davomida ko'rib borishingiz mumkin.

Telegram I Facebook I YouTube I Instagram

Боғчада яна фожиа: Оҳангаронда 3 ёшли бола боғчада заҳарланиб, вафот этди

Тошкент вилоятининг Оҳангарон шаҳрида 3 ёшли бола боғчада ҳашаротларга қарши қўлланиладиган кимёвий воситани ичиб юбориб, вафот этгани хабар қилинди.

Ҳодиса 28 август куни 6-сонли давлат мактабгача таълим ташкилотида содир бўлган.
Маълум қилинишича, 27 август куни боғчада дезинфекция ишлари ўтказилган. Ишлардан ортиб қолган кимёвий аралашма белгиланган тартибда сақланмаган. Оқибатда бола уни сув деб ўйлаб ичиб юборган.

Шундан сўнг 3 ёшли бола оғир аҳволда шифохонага ётқизилган. Бироқ шифокорлар саъй-ҳаракатларига қарамай, унинг ҳаётини сақлаб қолишнинг иложи бўлмаган.

Ҳолат юзасидан тегишли тартибда текширув олиб борилмоқда.

Telegram I Facebook I YouTube I Instagram

Саида Мирзиёева Абу-Дабида БАА Президенти билан учрашди

Президент Администрацияси раҳбари Саида Мирзиёева Абу-Даби шаҳрида Бирлашган Араб Амирликлари Президенти Шайх Муҳаммад бин Зоид Ол Наҳаён билан учрашди.

Telegram I Facebook I YouTube I Instagram

Болаларга тажовуз қилганларга умрбод қамоқ таклиф этилди

Вояга етмаганларга нисбатан жинсий зўравонлик содир этган шахсларга жазони кучайтириш бўйича таклифлар илгари сурилмоқда.

Қонунчиликка тегишли ўзгартиришлар киритиш бўйича таклифлар тайёрланиб, кўриб чиқиш учун тақдим этилган. Унда бундай жиноятлар учун умрбод озодликдан маҳрум қилиш жазосини жорий этиш масаласи кўтарилган.

Шунингдек, болалар хавфсизлигига бепарво муносабатда бўлган ота-она ва педагогларнинг жавобгарлигини кучайтириш ҳам таклиф қилинмоқда.

Telegram I Facebook I YouTube I Instagram