Суюлтирилган газ етказиб беришда FaceID: фуқароларга янада қулай шароит яратиш таклиф қилинди

Суюлтирилган газ баллонларини етказиб беришда FaceID тизимидан фойдаланиш билан боғлиқ айрим муаммолар муҳокама қилинди.

Ўзбекистон Халқ демократик партияси йиғилишида Олий Мажлис депутати Анвархон Темиров иштирокида газ баллонларини аҳолига етказиб бериш жараёнидаги ортиқча бюрократик талаблар кўриб чиқилди.

Хусусан, баллонни қабул қилишда хонадон эгасининг шахсан ҳозир бўлиши ва ID-картасини тақдим этиши талаб қилинаётгани айрим ҳолатларда қийинчилик туғдираётгани таъкидланди.

Шунингдек, эркак киши уйда бўлмаган пайтда аёлларнинг газ етказиб берувчи ходим олдида FaceID тасдиғидан ўтишига тўғри келаётгани ҳам муҳокама қилинди.

Йиғилишда фуқароларга ўз номидаги газ баллонини иш жойидан туриб ҳам мобил илова орқали тасдиқлаш имкониятини яратиш таклиф этилди.

Telegram I Facebook I YouTube I Instagram

1 октябрдан нималар ўзгаради?

1 октябрдан Ўзбекистонда фуқаролар, тадбиркорлар ва айрим соҳалар учун бир қатор янги тартиблар кучга киради.

🔹 my.gov.uz орқали фуқаролар ўз номидаги телефон рақамлари ва банк карталари ҳақида маълумот олиши, уларни блоклаш ёки ёпиш учун ариза бериши мумкин бўлади.

🔹 Қурилишда янги талаб: ягона идентификатор рақами берилмаган объектда қурилишни бошлашга рухсат этилмайди.

🔹 Тадбиркорларга енгиллик: молиявий жариманинг 50 фоизини бир ойда тўлаганлар қолган қисмидан озод этилади ёки жаримани 6 ойга бўлиб тўлаш имкониятига эга бўлади.

🔹 Бепул ваучерлар: ҳар йили 500 минг нафар ўқитувчи, шифокор, давлат хизматчиси, фаол ўқувчи ва талабага театр, кино ва концертларга бепул ваучер берилади.

🔹 Бухорода чеклов: Арк–Пойи Калон–Лаби-ҳовуз ҳудудида айрим транспорт ва индивидуал ҳаракатланиш воситаларидан фойдаланиш чекланади.

🔹 Экспорт: айрим божхона ва сертификатлаш хизматлари учун йиғимлар 30 фоизга камайтирилади.

Шунингдек, Андижонда суюлтирилган газни маиший баллонларда тўғридан-тўғри истеъмолчиларга етказиб бериш бўйича янги тажриба бошланади.

Telegram I Facebook I YouTube I Instagram

Тошкент вилоятида 3,6 магнитудали зилзила қайд этилди

Бугун, 28 сентябрь куни соат 09:03 да Тошкент вилояти ҳудудида 3,6 магнитудали зилзила содир бўлди.

Зилзила эпицентри Пискент туманида, 15 километр чуқурликда жойлашган. Эпицентр Тошкент шаҳридан 66 километр жануби-шарқда.

Зилзила:
Олмалиқ шаҳрида — 3 балл;
Пискент туманида — 2–3 балл;
Оҳангарон туманида — 2 балл;
Нурафшон шаҳрида — 2 балл;
Ангрен шаҳрида — 2 балл куч билан сезилган.

Telegram I Facebook I YouTube I Instagram

Qariyb bir yildan buyon adolat eshiklarini qoqib, sarson-sargardon yurgan oila faryodi...

Tahririyatimizga Toshkent shahri, Yunusobod tumanida istiqomat qiluvchi, 1992-yildan beri mushaklar torayishi xastaligi bilan kurashib kelayotgan 2-guruh nogironi Nargiza Irgasheva murojaat qildi.

To‘rtinchi qavatga chiqib-tushish jismonan imkonsiz bo‘lib qolgan bemor ayol o‘z xonadonini sotib, pastki — 1-qavatdan uy olish ilinjida firibgarlik qurboni bo‘lganini aytmoqda. Bunga ishonish qiyin, ammo oila o‘z peshona teri bilan to‘plagan naqd 80 400 AQSh dollaridan ayrilib, na uy, na pullarini qaytarib ololmay ko‘chada qolish arafasida turibdi.

Voqea tafsilotlari : Hammasi 2025-yilning fevral oyida boshlangan. Yunusobod tumani 10-mavzedagi ko‘p qavatli uyning 62-xonadoniga osilgan e’lon Nargiza opaning e’tiborini tortadi. Xonadon egasi Anvar Sobirov va uning turmush o‘rtog‘i — ichki ishlar xodimi, mayor Feruza Sobirova bilan uyni 88 ming AQSh dollariga sotib olishga kelishiladi.

Mayor unvonidagi xodimning gap-so‘zlariga, obro‘siga ishongan jabrlanuvchi tomon bosqichma-bosqich, guvohlar va tilxatlar orqali umumiy hisobda 80 400 dollar pulni beradi: 2025-yil 5-fevralda — 100 dollar dastlabki garov, 6-fevralda — 5 000 dollar tilxat asosida, 26-fevralda — 3 000 dollar tilxat asosida, 15-mayda — 2 000 dollar, 16-iyulda — 65 000 dollar tilxat asosida, 26-iyulda notarius oldida — yana 5 400 dollar miqdoridagi pullar berilgan.

Biroq vaqt o‘tgani sari turli bahonalar boshlanadi. Uy nomga rasmiylashtirilmaydi, olingan ulkan mablag‘ ham qaytarilmaydi.

2025-yil 29-iyul kuni ichki ishlarning «102» raqamiga qilingan murojaatdan so‘ng ish tergov organlariga o‘tadi.

Natijada, 2026-yil 20-yanvarda Yunusobod tuman prokuraturasi tomonidan A.Sobirovga nisbatan O‘zbekiston Respublikasi JKning 168-moddasi 4-qismi “a” bandi (juda ko‘p miqdorda firibgarlik) bilan jinoyat ishi qo‘zg‘atiladi. Ammo tergov davomida tushunarsiz holatlar yuzaga keladi

Tergov Yunusoboddan Olmazor tuman IIO FMB Tergov bo‘limiga o‘tkaziladi. Jabrlanuvchining so‘zlariga ko‘ra, tuman mas’ullari huzuriga borganida muammo tez orada hal bo‘lishi va’da qilingan. Eng qizig‘i, 2026-yilning 22-sentyabrida Prezident Xalq qabulxonasidan kelgan javob xatida jinoyat ishi 2026-yil 18-maydayoq Olmazor tuman prokurori tomonidan JPKning 83-moddasi 2-bandiga (qilmishida jinoyat tarkibi bo‘lmaganligi) asosan tugatilgani ma’lum bo‘ladi.

Naqd 80 400 dollar mablag‘ tilxatlar va guvohlar ishtirokida olinib, evaziga na uy berilmasa, na pul qaytarilmasa — qanday qilib bu yerda jinoyat tarkibi bo‘lmasligi mumkin?

Ishda gumonlanuvchining turmush o‘rtog‘i ichki ishlar mayori ekanligi tergovning boshqa tumanga o‘tib, oxir-oqibat jinoyat ishining shubhali tarzda to‘xtatilishiga ta’sir ko‘rsatdimi?

Ikkinchi guruh nogironi, qariyb bir yildan beri sarson bo‘layotgan oilaning qonuniy huquqlarini kim tiklaydi?

Savollar ko’p ammo javoblar hali topilgani yo’q

Bosim o‘tkazish holatiga qanday izoh beriladi? Oilaning turmush o‘rtog‘idan 21-sentabr kuni olingan majburiy tilxat qay darajada protsessual normalarga mos ravishda rasmiylashtirilgan?

Bugun soat 16:00 da ushbu xonadonda qanday harakatlar amalga oshiriladi? Adolat faqat qog‘ozdagi moddalarda emas, insonlar hayotida ham aks etishi kerak. Bosh prokuratura va Majburiy ijro byurosi rahbariyatidan ushbu masalani shaxsan nazoratga olishlarini so‘raymiz.

To'liq reportajni bugun kun davomida ko'rib borishingiz mumkin.

Telegram I Facebook I YouTube I Instagram

Боғчада яна фожиа: Оҳангаронда 3 ёшли бола боғчада заҳарланиб, вафот этди

Тошкент вилоятининг Оҳангарон шаҳрида 3 ёшли бола боғчада ҳашаротларга қарши қўлланиладиган кимёвий воситани ичиб юбориб, вафот этгани хабар қилинди.

Ҳодиса 28 август куни 6-сонли давлат мактабгача таълим ташкилотида содир бўлган.
Маълум қилинишича, 27 август куни боғчада дезинфекция ишлари ўтказилган. Ишлардан ортиб қолган кимёвий аралашма белгиланган тартибда сақланмаган. Оқибатда бола уни сув деб ўйлаб ичиб юборган.

Шундан сўнг 3 ёшли бола оғир аҳволда шифохонага ётқизилган. Бироқ шифокорлар саъй-ҳаракатларига қарамай, унинг ҳаётини сақлаб қолишнинг иложи бўлмаган.

Ҳолат юзасидан тегишли тартибда текширув олиб борилмоқда.

Telegram I Facebook I YouTube I Instagram

Саида Мирзиёева Абу-Дабида БАА Президенти билан учрашди

Президент Администрацияси раҳбари Саида Мирзиёева Абу-Даби шаҳрида Бирлашган Араб Амирликлари Президенти Шайх Муҳаммад бин Зоид Ол Наҳаён билан учрашди.

Telegram I Facebook I YouTube I Instagram

Болаларга тажовуз қилганларга умрбод қамоқ таклиф этилди

Вояга етмаганларга нисбатан жинсий зўравонлик содир этган шахсларга жазони кучайтириш бўйича таклифлар илгари сурилмоқда.

Қонунчиликка тегишли ўзгартиришлар киритиш бўйича таклифлар тайёрланиб, кўриб чиқиш учун тақдим этилган. Унда бундай жиноятлар учун умрбод озодликдан маҳрум қилиш жазосини жорий этиш масаласи кўтарилган.

Шунингдек, болалар хавфсизлигига бепарво муносабатда бўлган ота-она ва педагогларнинг жавобгарлигини кучайтириш ҳам таклиф қилинмоқда.

Telegram I Facebook I YouTube I Instagram

Маст ҳолдаги ЙҲХБ инспектори ЙТҲ содир этди — бир киши ҳалок бўлди

Жиззах вилоятининг Зомин туманида ЙҲХБ инспектори иштирокида оғир йўл-транспорт ҳодисаси содир бўлди.

Дастлабки маълумотларга кўра, инспектор автомобиль бошқарувида маст ҳолатда бўлган. Ҳолат юзасидан суриштирув ҳаракатлари олиб борилмоқда.

Telegram I Facebook I YouTube I Instagram

Оҳангарондаги 3 ёшли боланинг ўлими юзасидан жиноят иши қўзғатилди

Тошкент вилояти Оҳангарон шаҳридаги давлат мактабгача таълим ташкилотида тарбияланувчининг вафот этгани юзасидан жиноят иши қўзғатилди.

Бош прокуратура маълумотига кўра, 2026 йил 28 август куни 2023 йил 16 июлда туғилган ўғил бола ташкилот ошхонасида турган ҳашаротларга қарши воситани истеъмол қилиб, заҳарланган.

Болага шаҳар тиббиёт бирлашмасида зарур тиббий ёрдам кўрсатилган. Бироқ кўрсатилган муолажаларга қарамай, у 30 август куни вафот этган.

Ҳолат юзасидан Жиноят кодексининг 116-моддаси 3-қисми билан, яъни касб юзасидан ўз вазифаларини лозим даражада бажармаслик факти бўйича жиноят иши қўзғатилган.

Тергов доирасида бир шахс гумон қилинувчи тариқасида жалб этилган. Ҳозирда тергов ҳаракатлари давом этмоқда.

Аниқланган ҳар бир ҳолатга қонунчиликда белгиланган тартибда ҳуқуқий баҳо берилиши, тергов натижалари бўйича қўшимча маълумот тақдим этилиши билдирилди.

Telegram I Facebook I YouTube I Instagram

Қурилиши чала қолган уй, 4 фарзанди билан ижарада яшаётган она ёрдам сўрамоқда

Effect.uz таҳририятига Бухоро шаҳридаги 13-Жўйбор МФЙ да яшаган Гулмира Қодирова томонидан мурожаат келиб тушди.

Мурожаатчининг айтишича, у Асака туманидан Бухоро шаҳрига турмушга чиққан. Оилавий келишмовчиликлар сабаб никоҳи бузилган. Ҳозирда унинг қарамоғида тўрт нафар фарзанди бор, уларнинг уч нафари ногирон.

Оилада тез-тез келишмовчиликлар юзага келиб турганлиги сабабли, оилани сақлаб қолиш мақсадида Жўбор МФЙ раиси ва хотин-қизлар фаоли томонидан мунтазам равишда тушунтириш ишлари олиб борилган. Мазкур оила Жўбор МФЙ томонидан низоли оила сифатида рўйхатга олиниб, маҳалла назоратида бўлган.

Жўбор МФЙ томонидан оилани сақлаб қолиш мақсадида олиб борилган чора-тадбирларга қарамасдан, 2025 йил май ойида Қодирова Гулмира Ибрагимовна 4 нафар фарзандини олиб, Андижон вилояти Асака туманида яшовчи онасининг уйига кетган.

Telegram I Facebook I YouTube I Instagram

Пахта теримида мажбурий ва болалар меҳнатига қарши мониторинг бошланди

Ўзбекистонда пахта йиғим-терими мавсуми бошланиши муносабати билан меҳнат қонунчилигига риоя этилишини назорат қилиш бўйича махсус ишчи гуруҳлар фаолияти йўлга қўйилди.

Камбағалликни қисқартириш ва бандлик вазирлиги маълум қилишича, тегишли ташкилотлар вакилларидан иборат штаб мажбурий меҳнат ва болалар меҳнатининг олдини олиш, шунингдек, теримчиларнинг меҳнат ҳуқуқларини таъминлаш масалаларини назорат қилади.

Иш берувчилар ва фермер хўжаликлари пахта теримига ҳеч кимни мажбуран жалб қилмаслиги, болалар меҳнатидан фойдаланмаслиги ҳамда теримчилар билан меҳнат муносабатларини қонунчилик талаблари асосида расмийлаштириши шарт.

Шунингдек, иш вақти, дам олиш ва меҳнатга ҳақ тўлаш бўйича белгиланган талабларга риоя қилиниши лозим. Ота-оналардан ҳам мактаб ўқувчиларининг пахта теримига жалб қилинишига йўл қўймаслик сўралган.

Меҳнат ҳуқуқлари бузилган ёки мажбурий меҳнат ҳолатига дуч келган фуқаролар Давлат меҳнат инспекциясига @munosibmehnat_bot орқали ёки 1176 қисқа рақамига мурожаат қилиши мумкин.

Telegram I Facebook I YouTube I Instagram

Қидирувдаги шахсга 200 млрдлик активларга эга жамият улуши қандай расмийлаштирилди?

Суратдаги шахс Президент администрацияси раҳбари Саида Мирзиёеванинг имзосини қалбакилаштириш, йирик миқдорда фирибгарлик ва бошқа жиноятларни содир этганликда айбланаётгани сабабли Интерпол қидирувига берилган.

Айни пайтда, даъвога кўра, у халқаро қидирувда бўлган даврида бошқа бир хорижлик инвесторга тегишли, қарийб 200 миллиард сўмлик активларга эга жамиятдаги 50 фоизлик улушни гўёки сотиб олгани ҳақида қалбаки шартнома расмийлаштирган. Кейинчалик ушбу улуш ўз номи­га расмийлаштириб олингани айтилмоқда.

👉 https://effect.uz/n/246

Telegram I Facebook I YouTube I Instagram

4 йилдан бери ёрдам сўраётган бир оила мурожаати

Effect.uz таҳририятига Хоразм вилояти Хива туманидан мурожаат келиб тушди. Мурожаатчининг сўзларига кўра, қарийб тўрт йилдан буён унинг оиласи, хусусан, онасига нисбатан отаси томондан қариндошлар томонидан босим ва зўравонлик ҳолатлари содир бўлиб келмоқда.

Telegram I Facebook I YouTube I Instagram

Ичкаридаги ҳаётни бировга раво кўрмайман – Real Sanjik суди тугаш арафасида

Бугун, 28 сентябрь куни Санжар Каримовга оид жиноят иши бўйича суд мажлисида тарафларнинг музокара нутқлари тингланди. Жараёнда прокурор иш материалларидаги аудиоёзувлар ҳамда Жиноят кодексининг 112-моддаси — «Ўлдириш ёки зўрлик ишлатиш билан қўрқитиш» бўйича ўз позициясини билдирди.

Прокурорнинг таъкидлашича, Санжар Каримовга 112-модда бўйича қўйилган айбловни рад этиб бўлмайди. Бу ҳақда судда иштирок этган EFFECT.UZ журналисти Комила Қобилова хабар бермоқда.

«Мени ҳам тушунинглар, мен пул берганман-ку», — деди Каримов суд ҳайъатига мурожаат қилиб.

Каримов қамоқдаги ҳаётини ҳеч кимга раво кўрмаслигини айтди. Унинг сўзларига кўра, 10 ой давомида 17 килограмм вазн йўқотган.

Шунингдек, у қамоқда бўлган даврида тадбиркорлик фаолияти ҳам жиддий зарар кўрганини билдирди. Каримовнинг айтишича, аввал унинг корхоналарида минглаб одамлар меҳнат қилган бўлса, ҳозир ишчилар сони 800 нафаргача камайган.

Суд мажлиси 7 октябрь кунига қолдирилди. Суд жараёнининг чўзилиши иш материалларини ҳар томонлама ва объектив ўрганиш зарурати билан изоҳланди.

👉 Мақола

👉 Видео

Telegram I Facebook I YouTube I Instagram

Тошкентда онлайн қиморга хизмат кўрсатган жиноий гуруҳ фош этилди

ИИВ Кибержиноятларга қарши курашиш департаменти томонидан Тошкент шаҳрида ўтказилган тезкор тадбирда онлайн қимор ўйинларига хизмат кўрсатиб келган жиноий гуруҳ фаолиятига чек қўйилди.

Тадбир Яшнобод туманидаги «Чўлпон» МФЙ ҳудудида жойлашган бизнес марказлардан бирида ўтказилган. Аниқланишича, гуруҳ компьютер технологиялари соҳасида консультация хизматлари кўрсатиш ниқоби остида фаолият юритган.

Тезкор тадбирда гуруҳ аъзолари Ўзбекистон, Саудия Арабистони, БАА, Уммон, Баҳрайн, Қатар, Қувайт ва бошқа давлатларнинг 60 мингга яқин фуқаросини бир нечта онлайн қимор платформаларига жалб қилиш ва уларнинг қимор ўйинларида иштирок этиши учун шароит яратиб бергани аниқланган.

Гуруҳ фаолияти қатъий иерархия асосида ташкил этилган. Бино ичида операторлар, супервайзерлар, кассачилар, ҳисоботчи-аналитиклар ва менеджерлардан иборат бўлимлар ташкил қилинган.

Тадбир давомида бинодан серверлар, компьютерлар, ноутбуклар, мобил телефонлар, банк карталари, SIM-карталар, пул маблағлари ҳамда ишга алоқадор бошқа ашёвий далиллар расмийлаштирилиб олинган.

Telegram I Facebook I YouTube I Instagram

Нурободда туғруқхонада аёллар ерда ётгани акс этган видео тарқалди: ходимга босим ўтказилгани айтилмоқда

Самарқанд вилояти Нуробод туманидаги туғруқхонада жой етишмаслиги сабаб аёллар коридор ва полда ётгани акс этган фото ва видеолар ижтимоий тармоқларда тарқалди.

Ҳолат жамоатчилик орасида кенг муҳокамаларга сабаб бўлди. Айни пайтда, ушбу ҳолатни тасвирга олган ёки тарқатган ходимга нисбатан босим ўтказилгани ҳақида ҳам маълумотлар тарқалмоқда. Ҳолат юзасидан расмий муносабат кутилмоқда.

Telegram I Facebook I YouTube I Instagram

Шавкат Мирзиёев таълимда янги дарсликлар ва дуал таълимни кўриб чиқди

Шавкат Мирзиёев мактаб таълимида янги авлод дарсликларини жорий этиш, шунингдек, олийгоҳ ва корхоналар ҳамкорлигида дуал таълимни ривожлантириш бўйича тақдимотлар билан танишди.

Янги дарсликларда қуруқ ёдлашдан кўра танқидий фикрлаш, ижодкорлик ва амалий кўникмаларга урғу берилади. Бошланғич синф дарсликлари Финляндия, 5–7-синф аниқ фанлари эса Сингапур тажрибаси асосида тайёрланган.

2027 йилгача 1 342 номдаги ўқув адабиёти нашр этилади. Дастурларга молиявий, рақамли ва экологик саводхонлик бўйича 300 дан ортиқ мавзу киритилади.

Дуал таълим доирасида талабаларни амалиётга қабул қилиб, кейин ишга жойлаштирган корхоналарни рағбатлантириш чоралари ҳам таклиф қилинди. Жумладан, талабага тўланган иш ҳақининг 50 фоизини субсидия қилиш ва айрим имтиёзлар бериш кўзда тутилмоқда.

Шунингдек, Хивада Ляонин педагогика университети филиалини ташкил этиш масаласи кўриб чиқилди. Филиалда хитой тили таълими, халқаро бизнес, туризм бошқаруви ва сунъий интеллект йўналишлари очилиши режалаштирилган.

Telegram I Facebook I YouTube I Instagram

14 ҳарбий ўлими ортидан вазир кетди

14 ҳарбий ҳалок бўлган Каспийдаги фожиадан сўнг, Қозоғистонда Мудофаа вазири лавозимидан озод этилди. Президент Қосим-Жўмарт Тоқаев 27 сентябрь куни Дәурен Косановни вазирлик лавозимидан олиб, унинг ўрнига Айдос Мирзахметовни тайинлади.

Telegram I Facebook I YouTube I Instagram

Nega davlat xodimlari ish joyida yurak xurujiga uchramoqda?

Oʻzbekistonda davlat xizmatchilari orasida ogʻir ish yuklamasi sabab yurak xurujiga uchrash va vafot etish holatlari koʻpaymoqda. Bu haqda "Effect.uz" sayti muxbiri Muhammad Ali Qozoqov oʻz munosabatini bildirdi.

«Kuni kecha Turizm qoʻmitasi kadrlar boʻlimi boshligʻi ish vaqtida yurak xurujiga uchrab, vafot etdi. Hududlardan ham bu kabi xabarlar uchrab turibdi.

Haddan tashqari yuklama, ortiqcha ish soatlari va stress infarkt hamda insultga olib keladi. Xoʻsh, Mehnat inspeksiyasi buni nega nazoratga olmayapti? Vazirdan tortib oddiy xodimgacha mehnat huquqlari qonunan himoya qilingan. Ortiqcha yuklamalar oilalarning buzilishiga ham sabab boʻlmoqda.

Bu kabi hollarga chek qoʻyish, xodimlarni oʻz vaqtida tibbiy koʻrikdan oʻtkazish zarur. Malakali kadrlar kamayayotgan bir paytda, borlarini asrab-avaylashimiz va huquqlarini ta'minlashimiz shart".

Telegram I Facebook I YouTube I Instagram