Қирғизистондаги зилзила Ўзбекистонда ҳам сезилди

Зилзила эпицентри Тошкентдан жануби-шарқ томонда 251 километр масофада, Қирғизистоннинг Боткен вилояти ҳудудида жойлашган.

Бугун, 14 октябрь куни Қирғизистоннинг Боткен вилоятида содир бўлган зилзила Фарғона водийсининг айрим ҳудудларида ҳам сезилди. Бу ҳақда Республика Сейсмопрогностик мониторинг маркази хабар берди.

Маълум қилинишича, ер силкиниши соат 13:50 да қайд этилган. Зилзила магнитудаси 3,4 ни, ўчоқ чуқурлиги эса 10 километрни ташкил этган.

Зилзила эпицентри Тошкентдан жануби-шарқ томонда 251 километр масофада, Қирғизистоннинг Боткен вилояти ҳудудида жойлашган. Эпицентр координаталари 40,16 даража шимолий кенглик ва 71,82 даража шарқий узунликни ташкил этган.

Зилзила Ўзбекистон ҳудудида қуйидаги куч билан сезилган:

— Фарғона туманида — 2–3 балл (18 километр);
— Қувасой шаҳрида — 2–3 балл (20 километр);
— Фарғона шаҳрида — 2 балл (25 километр);
— Марғилон шаҳрида — 2 балл (34 километр).

Telegram I Facebook I YouTube I Instagram

Қурилишда лицензия олиш учун 30–40 та ҳужжат талаб қилиниши бекор қилиниши мумкин

Қурилиш соҳасида лицензия олиш жараёнини кескин соддалаштириш таклиф этилмоқда. Энди тадбиркорлардан 30–40 тагача ҳужжат талаб қилиш амалиётидан воз кечилиши мумкин.

ОАВ учун Контент тайёрлаш марказида ўтказилган брифингда Қурилиш ва уй-жой коммунал хўжалиги вазирлиги Ахборот хизмати раҳбари Саидносир Усмонов соҳада лицензиялаш тизимига киритилаётган ўзгаришлар ҳақида маълумот берди.

Вазирлик томонидан Ҳукуматга киритилган қарор лойиҳасига кўра, лойиҳа-қидирув, қурилиш-пудрат ва хусусий экспертиза фаолияти учун лицензия олиш ёки лицензия тоифасини оширишда аризага 30–40 тагача ҳужжат илова қилиш талаби бекор қилинади.

Зарур маълумотлар тегишли ахборот тизимларидан ўзаро интеграция орқали автоматик равишда олинади.
Янги тартиб лицензиялаш жараёнини инсон омилини минималлаштирган ҳолда рақамли маълумотлар асосида ташкил этиш, ортиқча ҳужжатбозликни камайтириш ва тадбиркорларнинг вақтини тежашга қаратилган.

Натижада аввал 2–3 ойгача давом этган лицензия олиш жараёнини онлайн тарзда 2–3 кун ичида амалга ошириш имконияти яратилиши кутилмоқда. Аризаларни кўриб чиқиш муддатларини эса 50–60 фоизгача қисқартириш режалаштирилган.

Шунингдек, лицензия талабларига мос мутахассисларни излаётган ташкилотлар учун иш қидираётган мутахассислар ҳақида маълумот жойлаш имконияти ҳам яратилади.

Telegram I Facebook I YouTube I Instagram

Металлургия саноати ҳажми 243,6 трлн сўмга етди

Мазкур кўрсаткич 2025 йилнинг мос даврига нисбатан 7,8 фоизга ошган.

👉 https://effect.uz/n/284

Telegram I Facebook I YouTube I Instagram

Китоб ўқиган аскар хизматдан бир ой олдин қайтиши мумкин

Ўзбекистонда республика миқёсидаги китобхонлик танловларида ғолиб бўлган муддатли ҳарбий хизматчиларнинг хизмат муддатини 30 кунга қисқартириш таклиф этилмоқда.

Ташаббус аскарлар ўртасида китобхонликни рағбатлантиришга қаратилган. Ҳозирча бу таклиф бўлиб, унинг амалга оширилиши расмий қарорга боғлиқ.

Telegram I Facebook I YouTube I Instagram

20 йиллик уйим фирибгарлар қўлига тушиб қолди

Таҳририятимизга адолатсизликка учраётган яна бир фуқародан мурожаат келиб тушди.

У шундай дейди: "Олий суддан норозиман. Олий суд раисига учрашиш учун 7-8 маротаба ариза ёздим, эшигида сарсон бўлдим лекин очиқчасига айнан сизларни киритмайман деб ҳайдаб чиқарди.

22 йилдан бери яшаб келаётган уйимни сохта ҳужжатлар қилиб бир фирибгар аёл бошқа бир шахсга сотиб юборди. Менда барча ҳужжат ва далилларим бўлса-да жиноят ишлари бўйича Наманган шаҳар суди томонидан инобатга олмасдан, фирибгарни оқлаб юборди.

Фирибгар аёл муқаддам жиноят кодексининг 168-моддаси 4-қисми ва 228-моддалари билан 3-4 маротаба судланган. Ҳақиқат қарор топишида ёрдам беришингизни сўрайман".

Telegram I Facebook I YouTube I Instagram

Самарқандда 7,4 минг қалбаки доллар савдоси аниқланди

Самарқанд шаҳрида 7 400 АҚШ доллари миқдоридаги қалбаки хорижий валютани муомалага киритишга уриниш ҳолати аниқланди. Бу ҳақда Давлат хавфсизлик хизмати маълум қилди.

ДХХ, Божхона ва Ички ишлар органлари ходимлари ҳамкорлигида ўтказилган тезкор тадбирда Тойлоқ туманида яшовчи, 1996, 2002 ва 2003 йилларда туғилган уч нафар фуқаро 100 долларлик қалбаки банкнотлардан иборат жами 7 400 АҚШ долларини шартли харидорга 44 млн сўмга сотаётган вақтда ушланган.

ДХХ маълумотига кўра, ушбу шахсларнинг икки нафари аввал судланган. Шунингдек, қалбаки купюралар Туркиядан олиб келингани аниқлангани билдирилган. Ҳолат юзасидан терговга қадар текширув ҳаракатлари олиб борилмоқда. Ноқонуний фаолиятга алоқадор бошқа шахсларни аниқлаш бўйича ҳам чоралар кўрилмоқда.

Telegram I Facebook I YouTube I Instagram

Актёр суд биносида акасини уришганини айтиб, Президентга мурожаат қилди

У Мирзо Улуғбек тумани ички ишлар органлари ва туман прокуратураси фаолиятидан норози эканини ҳам билдирди.

👉 https://effect.uz/n/285

Telegram I Facebook I YouTube I Instagram

Бухорода ишга жойлаштириш ваъдаси 2 500 долларга тушди

Бухорода танишлари орқали ҳамширалик лавозимига ишга киритиб қўйишни ваъда қилган шахс 2 500 АҚШ долларини олаётган вақтида ушланди.

Бош прокуратура ҳузуридаги Департамент ва ички ишлар органлари ҳамкорлигида ўтказилган тезкор тадбирда аниқланган ҳолат юзасидан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Ўзбекистонда янги газ кони топилди: кунига 400 минг куб метргача газ олинди

Қашқадарё вилоятининг Ғузор туманидаги Шўртан ҳудудида «Бўрисой» янги газ кони аниқланди. Дастлабки синовларда қудуқдан бир кеча-кундузда 300–400 минг куб метр табиий газ ва конденсат оқими олинди.

Қидирув ишлари 5 августда бошланган. Қудуқ 3159 метр чуқурликкача бурғиланган.

Ҳозирда мутахассислар коннинг имкониятларини баҳоламоқда. Режага кўра, синовлар якунлангач, 15 октябрдан газни қайта ишлашга юбориш кўзда тутилган.

Telegram I Facebook I YouTube I Instagram

Қурилишда 3 166 та қоидабузарлик бартараф этилди

2026 йил 1 октябрь ҳолатига кўра, республика бўйича назоратга олинган 28 708 та қурилиш объектида 301 мингдан ортиқ мониторинг ўтказилди.

Аниқланган камчиликларни бартараф этиш учун 215 907 та мажбурий кўрсатма берилди. Қоидабузарликларни буздириш ишлари орқали бартараф этиш бўйича 3 166 та ҳолат қайд этилди.

Шунингдек, назорат талабларини бузган қурилиш иштирокчиларига нисбатан 348 та тақдимнома киритилди, сифатсиз қурилиш материаллари бўйича эса тегишли ташкилотларга 1 650 та тақдимнома юборилди.

Telegram I Facebook I YouTube I Instagram

Боланинг ўлимига сабаб бўлган жиноятлар учун берилган жазо асло енгиллаштирилмайди — Саида Мирзиёева

Педофиллар учун энди умрбод қамоқ жазоси ҳам кучга киради.

👉 https://effect.uz/n/287

Telegram I Facebook I YouTube I Instagram

CITY TOWER – Тошкентдаги муаммолар минораси

Тошкент шаҳри Мирзо Улуғбек туманидаги «CITY TOWER» лойиҳаси атрофидаги можаро бир неча йилдан бери давом этмоқда. Бир томонда — хонадон учун маблағ тўлаган ва уйига кўчиб киришни кутаётган фуқаролар.

Иккинчи томонда — қурилишни амалга оширган «IQBOL ZAMIN SERVIS» МЧЖ. Кейинчалик ишга банк кредитлари, гаровдаги мол-мулк, судлар, прокуратура ва жиноят иши ҳам қўшилди.

EFFECT.UZ аввалроқ 1700 нафар фуқаронинг мурожаатлари асосида ушбу мавзуни ёритган эди. Шундан кейин Мирзо Улуғбек тумани ҳокимлигида фуқаролар билан учрашув ўтказилиб, масала ишчи гуруҳ томонидан ўрганилаётгани маълум қилинган. Бироқ орадан вақт ўтиши билан саволлар камайиш ўрнига кўпайди.

👉 https://youtu.be/wLq5DnB91eM

Шавкат Мирзиёев Озарбайжонга жўнаб кетди

Ўзбекистон Республикаси Президенти Шавкат Мирзиёев Озарбайжон Республикаси Президенти Илҳом Алиевнинг таклифига биноан 14 октябрь куни амалий ташриф билан Боку шаҳрига жўнаб кетди.

Давлат раҳбари Осиёда ҳамкорлик ва ишонч чоралари бўйича кенгашнинг еттинчи саммитида иштирок этади. Хорижий делегациялар раҳбарлари билан қатор учрашув ва музокаралар ўтказилиши ҳам кўзда тутилган.

Telegram I Facebook I YouTube I Instagram

Болаларга жинсий тажовуз қилганлар умрбод қамалиши мумкин

Президент Шавкат Мирзиёев болаларни зўравонликдан ҳимоя қилиш ва уларга қарши жиноятлар учун жазони кучайтиришга қаратилган қонунни имзолади.

Янги қонунга кўра, 14 ёшга тўлмаган болаларга нисбатан жинсий зўравонлик учун 25 йилгача ёки умрбод озодликдан маҳрум қилиш жазоси қўлланилиши мумкин. Бундай жиноятлар бўйича жавобгарликка тортиш муддати ҳам бекор қилинади.

Шунингдек, боланинг ўлимига сабаб бўлган жиноятларда енгиллаштирувчи ҳолатлар жазони камайтириш учун асос бўлмайди.

Ҳужжат билан бешта кодекс ва олтита қонунга ўзгартиришлар киритилди.

Telegram I Facebook I YouTube I Instagram

Фарғонада BMW ҳайдовчиси юқори тезлик сабаб вафот этди

Ҳайдовчилик гувоҳномаси бўлмаган 28 ёшли ҳайдовчи воқеа жойида ҳалок бўлган.

👉 https://effect.uz/n/288

Telegram I Facebook I YouTube I Instagram