Президент “Бирорта муаммо бугундан қолмаслиги керак”

Инвесторларга мурожаат қилган Шавкат Мирзиёев энергетика соҳасидаги муаммоларни ҳал қилиш, давлат ва инвесторлар ўртасидаги ҳамкорликни янги босқичга олиб чиқиш зарурлигини таъкидлади.

Telegram I Facebook I YouTube I Instagram

«Solfy» раҳбари Москвада қўлга олинди

«Solfy» финтех платформаси раҳбари ва «Halva» муддатли тўлов картаси асосчиларидан бири Андрей Басуев Москвадаги Шереметьево аэропортида ушланди. Россия ОАВлари маълумотига кўра, у Ўзбекистон ташаббуси билан халқаро қидирувга берилган.

Ҳодиса «Solfy» ва Ўзбекистон Миллий банки ўртасидаги молиявий низо давом этаётган бир пайтда юз берди. Компания ва унинг инвестори Ўзбекистонга қарши қарийб 100 миллион долларлик халқаро арбитраж даъвосини киритган.

Telegram I Facebook I YouTube I Instagram

Илон Маск уча оладиган Тесла роaдестирини тақдим этди

Тасаввур қилинг: автомобиль нафақат йўлда ҳаракатланади, балки ҳавога кўтарилиб, салто ҳам бажара олади! Тесланинг янги Роадстер спорт автомобили айнан шундай имкониятлар билан эътибор марказига чиқди.

Telegram I Facebook I YouTube I Instagram

16 яшар қиз нега ўз уйида осилган ҳолда топилди

Тошент шаҳрида 16 яшар қиз ўз уйида осилган ҳолатда топилди. Бу ҳақда Бош прокуратура матбуот котиби Ҳаёт Шамсутдинов маълум қилди.

Унинг билдиришича, жорий йилнинг 12 октябрь куни соат 18:12 да “112” рақами орқали келиб тушган хабарга кўра, Тошкент шаҳри Олмазор тумани “Иброҳим ота” МФЙ, Чуқурсой кўчасида жойлашган хонадонда 2010 йил 17 августда туғилган М.Р. нинг вафот этганлиги аниқланган.
Дастлабки маълумотларга кўра, унинг укаси уй эшиги қулфланганлиги сабабли балкон орқали хонадонга кирганида, опасини осилган ҳолатда кўрган. Ҳодиса жойига етиб борган тез тиббий ёрдам ходимлари унинг вафот этганини қайд этган.

Telegram I Facebook I YouTube I Instagram

Фарғона туманида қишга тайёргарлик: газ ва электр таъминоти яхшиланадими?

Эски қувурлар янгиланмоқда, замонавий қурилмалар ўрнатилмоқда, ҳисоблагичлардаги алоқа тикланмоқда. Аммо бу ишлар аҳолига қандай натижа беради?
16 октябрь куни Фарғона вилояти ҳокимлиги ташкил этган матбуот анжумани ва пресс-турда туманда куз-қиш мавсумига тайёргарлик ҳамда энергия таъминотини яхшилаш ишлари тақдим этилди.
Газ таъминоти бўйича қандай ишлар қилинди?

Фарғона туманида 17 та замонавий газ тақсимлаш қурилмаси ўрнатилди, 283 та қурилма техник кўрикдан ўтказилди. 25,4 километр газ тармоғи синовдан ўтказилиб, тозаланди, 86,9 километр ер ости қувури текширилди.

Шунингдек, 2 234 та хонадонга регулятор ўрнатилди, 1 217 та электрон ҳисоблагичда алоқа тикланди. Қўшқатор газ қувурларини тартибга келтириш натижасида 201 минг куб метр газ тежалгани маълум қилинди.

Вилоятда эски тармоқлар муаммоси ҳам бор
Фарғона вилоятида 7 838 километр газ тармоғи ва 4 479 та газ тақсимлаш қурилмаси мавжуд. Ер ости қувурларининг 1 118,8 километри 20 йилдан ортиқ вақтдан бери ишлатиб келинмоқда.

Қишда аварияларни тезкор бартараф этиш учун вилоятда 19 та махсус авария-тиклаш гуруҳи ташкил этилган.
71 та маҳалланинг энергетик паспорти шакллантирилган
Фарғона туманида «Янгийўл тажрибаси» асосида 71 та маҳалланинг энергетик паспорти тузилган. Бу муаммоларни аниқлаш ва уларни манзилли ҳал этишга хизмат қилиши кутилмоқда.

Кўрилган чоралар қишда газ босимининг барқарор бўлишига, электр узилишларининг камайишига ва носозликларнинг тезкор бартараф этилишига қанчалик таъсир қилиши ҳали олдинда.

Чунки аҳоли учун энг муҳими — бажарилган ишлар сони эмас, балки хонадонларда газ ва электр таъминотининг барқарорлигидир.

Telegram I Facebook I YouTube I Instagram

Саида Мирзиёеванинг Туркияга ташрифи: самимият ва қардошлик акс этган лаҳзалар

Президент Администрацияси раҳбари Саида Мирзиёеванинг Туркияга ташрифи давомидаги илиқ учрашувлар, ўзаро ҳурмат ва самимиятга йўғрилган лаҳзалар.

Telegram I Facebook I YouTube I Instagram

Укасини тириклайин кўмишга уринганми?

Шербек Рахмоновнинг ўлими билан боғлиқ воқеада марҳумнинг акаси оғир иддаоларни илгари сурмоқда. Унинг айтишича, укасига арматура билан зарбалар берилган, кейин эса тириклиги сезилганидан сўнг ҳам зўравонлик давом этган. Бу даъволар ҳали холис текширилиши керак.

Марҳумнинг акаси билдиришича, 2026 йил 24 июль куни укаси дўсти билан чойхонадан қайтаётганда оқ рангли «Spark» йўлини тўсган. Машинадан тушган бир неча киши уларга арматура билан ҳужум қилган. Ака бу ҳужум олдиндан режалаштирилган бўлиши мумкинлигини айтмоқда.

Унинг даъвосига кўра, оғир жароҳатланган Шербекни бошқа жойга олиб кетишган ва ўлган деб ўйлаб, кўмишга ҳаракат қилишган. Тириклиги сезилгач, унга яна зарбалар берилгани ва сим билан бўғилгани ҳам айтилмоқда.

Шербек шифохонага олиб борилган, аммо комадан чиқмай вафот этган. Марҳумнинг акаси терговнинг ҳозирги йўналишидан норози. Унинг маълум қилишича, иш Жиноят кодексининг 104-моддаси бўйича олиб борилмоқда. Ака воқеада қасддан одам ўлдириш аломатлари бўлган-бўлмаганига ҳам ҳуқуқий баҳо беришни талаб қилмоқда.

Асосий саволлар очиқ қолмоқда: ҳужум олдиндан режалаштирилганми? Марҳумни кўмишга уриниш ва сим билан бўғиш ҳақидаги даъволар текширилдими? Видеокузатув ёзувлари ва гувоҳлар кўрсатмалари тўлиқ ўрганилдими? Жиноятнинг ҳуқуқий таснифи қандай далиллар асосида белгиланган?

Бу саволларга тергов натижалари асосида аниқ жавоб берилиши, барча даъволар холис текширилиши ва иштирок этган бўлиши мумкин бўлган шахсларнинг ҳаракатларига қонуний баҳо берилиши шарт.

EFFECT.UZ ушбу иш юзасидан воқеалар ривожи ва тергов жараёнини ёритишда давом этади. Марҳумнинг яқинлари эса адолат ва жавобсиз қолмаган саволларни кутмоқда.

Telegram I Facebook I YouTube I Instagram

Ўзбекистонга 9 ойда 10,3 миллион турист келди

2026 йилнинг январь–сентябрь ойларида Ўзбекистонга туристик мақсадларда 10,3 миллиондан ортиқ чет эл фуқароси ташриф буюрди. Бу ҳақда Миллий статистика қўмитаси маълум қилди.

Энг кўп туристлар Қирғизистон (2,84 млн), Қозоғистон (2,4 млн) ва Тожикистондан (2,27 млн) келган. Россиядан 983 минг, Афғонистондан 380 минг, Хитойдан эса 374 минг нафарга яқин сайёҳ ташриф буюрган.

Telegram I Facebook I YouTube I Instagram

Беморлардан асоссиз ундирилган 934 млн сўм: тиббиёт муассасаларида қонунбузилишлар аниқланди

Рақобат қўмитаси Қорақалпоғистон, Самарқанд ва Сирдарёдаги тиббиёт муассасаларида пуллик хизматлар нархларини ўрганиб, қонунбузилиш ҳолатларини аниқлади.

Маълум бўлишича, айрим тиббиёт муассасаларида хизматлар нархи асоссиз оширилган. Натижада фуқаролардан жами 934 миллион сўмга яқин ортиқча маблағ ундирилган.

Қонунбузилишларга йўл қўйган муассасаларга нисбатан ишлар қўзғатилиб, ортиқча ундирилган маблағларни истеъмолчиларга қайтариш бўйича мажбурий кўрсатмалар берилди. Қорақалпоғистонда айрим тиббий хизматлар тарифлари ўртача 16,22 фоизга пасайтирилди.

Telegram I Facebook I YouTube I Instagram

Ўзбекистонда қишда грипп ва ОРВИ кўпайиши кутилмоқда

Ноябрь ойидан февралгача Ўзбекистонда грипп ва ўткир респиратор вирусли инфекциялар билан касалланиш ҳолатлари ортиши прогноз қилинмоқда. Айниқса, болалар ва 65 ёшдан ошганлар орасида хавф юқори.

Соғлиқни сақлаш вазирлиги пневмония каби асоратлар юзага келиши мумкинлигидан огоҳлантирмоқда. Тиббиёт муассасалари ва тез ёрдам хизматлари беморлар сони ортишига тайёргарлик кўрмоқда.

Telegram I Facebook I YouTube I Instagram