«Formula 35» фестивалида тарих ва санъатга саёҳат

Тошкент Ботаника боғида ўтказилган «Formula 35» фан фестивалида ёшлар нафақат замонавий илм-фан ютуқлари, балки тарих ва санъат соҳасидаги илмий изланишлар билан ҳам танишди.

21 октябрь куни Ўзбекистон Фанлар академияси томонидан ўқувчи-ёшларнинг илм-фанга қизиқишини ошириш ва уларни замонавий илмий технологиялар билан таништириш мақсадида «Формула 35» фан фестивали ташкил этилди.
Фестиваль доирасида Ўзбекистон Фанлар академияси Тарих институти илмий котиби, тарих фанлари бўйича фалсафа доктори (ПҳД), доцент Одил Зарипов ўзининг илмий ишлари ва китоблари ҳақида сўзлаб берди.

Шундан сўнг Санъатшунослик институти «Саҳна санъати» бўлими катта илмий ходими, санъатшунослик фанлари бўйича фалсафа доктори (ПҳД) Бахтишод Ғайбуллоев ҳам ўз китобларини фестиваль иштирокчиларига тақдим қилди.

Тадбир давомида тарих ва санъатга оид илмий изланишлар, китоблар ҳамда уларнинг мазмун-моҳияти ҳақида маълумот берилди. Фестиваль ёшларнинг илм-фанга қизиқишини ошириш, миллий тарих ва санъатни чуқурроқ англаш учун мулоқот майдони вазифасини бажарди.

Гулбиби Эшматова

Telegram I Facebook I YouTube I Instagram

Тошкент ҳавоси яна хавфли даражада ифлосланди: PM2,5 миқдори ЖССТ тавсиясидан 13 баравар юқори

Бугун эрталаб Тошкент шаҳри ҳавоси энг ифлос йирик шаҳарлар рейтингида 158 US AQI кўрсаткичи билан олтинчи ўринни эгаллади. Бу ҳақда IQAir платформаси маълумотларида қайд этилган.

Соат 09:53 даги рейтингга кўра, Лаҳор, Кучинг, Дакка, Мумбай ва Карачи шаҳарларида ҳаво Тошкентга нисбатан кўпроқ ифлосланган. Ўзбекистонда эса тонгда ҳавоси тоза шаҳарлар сифатида фақат Урганч ва Термиз қайд этилган.

Маълумотларга кўра, шу вақтда пойтахт ҳавосидаги PM2,5 майда заррачалари миқдори Жаҳон соғлиқни сақлаш ташкилоти тавсия этган даражадан 13 баравар юқори бўлган.

Telegram I Facebook I YouTube I Instagram

Тошкентда ИИО ходимлари шарафига дрон шоу ўтказилди

Тошкент шаҳри осмонида Ўзбекистон Ички ишлар органлари ташкил этилганининг 35 йиллиги муносабати билан махсус дрон-шоу ўтказилди.

Telegram I Facebook I YouTube I Instagram

⚡️“Афтингга, башарангга қ****им” – Сурхондарёда ҳоким фермерларни бўралатиб сўкиб, ҳақорат қилди
 
Effect.uz ихтиёрига Сурхондарё вилояти Шўрчи туманида фермерлар иштирокида ўтказилган йиғилишлардан бирида туман ҳокими Акбарали Ишмурзоевга тегишли экани айтилган аудиоёзув етиб келди. Аудиода фермерга нисбатан ҳақоратомуз ва таҳқирловчи иборалар ишлатилгани эшитилади.

Воқеа 2026 йил октябрь ойида Шўрчи туманидаги кимё корхонаси биноси ҳамда туман ҳокимлигида ўтказилган йиғилишлар давомида содир бўлган. Аудиоёзувда ҳоким сифатида таништирилган шахс фермердан давлатга топширилиши керак бўлган ҳосил ва ердан фойдаланиш масалалари бўйича ҳисобот сўрайди.

Суҳбат давомида эса фермерга нисбатан “муттаҳам”, каби ўта жиддий ҳақоратомуз сўзлар ишлатилгани эшитилади. Афсуски, ҳоким фермерларнинг шахсият чегарасини шунчаки хатлаб ўтганига ҳам гувоҳ бўлиш мумкин.

Жумладан, аудиода:

«Сен, муттаҳам, кредит ўғрилашни биласан, давлат ерида бошқа нарса экишни биласан, арпани халталаб сотишни биласан... Ер кодексини билмайсан. Энди мен сенга уни билдираман, муттаҳам!» — деган мазмундаги сўзлар янграйди.

👉 https://effect.uz/n/335

Telegram I Facebook I YouTube I Instagram

Афғонистондаги зилзила Ўзбекистоннинг учта вилоятида сезилди

25 октябрь куни соат 22:44 да Афғонистоннинг Бадахшон вилоятида 5,4 магнитудали зилзила содир бўлди. Ер силкинишлари 149 километр чуқурликда қайд этилди.

ФВВ Сейсмопрогностик мониторинг маркази маълумотига кўра, зилзила Ўзбекистоннинг қуйидаги ҳудудларида 2 балл куч билан сезилган:

— Сурхондарё вилоятида — эпицентрдан 344 км масофада; — Фарғона вилоятида — 465 км масофада; — Қашқадарё вилоятида — 539 км масофада.

Зилзила эпицентри Тошкент шаҳридан 577 километр жануби-шарқда жойлашган.

Telegram I Facebook I YouTube I Instagram

Тошкентнинг олтита туманида сув таъминоти вақтинча тўхтатилади

26 октябрь соат 09:00 дан 27 октябрь соат 14:00 гача Тошкентнинг олтита туманида қиш мавсумига тайёргарлик доирасида сув тармоқларида таъмирлаш ишлари олиб борилади.

Вақтинча узилишлар Мирзо Улуғбек, Яшнобод, Бектемир, Сергели, Мирабод ва Янгиҳаёт туманларидаги турар жой массивлари, маҳаллалар, бозорлар, корхоналар ҳамда ижтимоий объектларга таъсир қилиши мумкин.

Шунингдек, айрим ҳудудларда иссиқ сув таъминотида ҳам узилишлар кузатилиши эҳтимоли бор.

Telegram I Facebook I YouTube I Instagram

Наманганда ака-укалар 5,6 млрд сўмлик 412 турдаги дори воситалари билан ушланди

Наманган вилоятининг Учқўрғон туманида фармацевтика маҳсулотлари савдоси билан шуғулланувчи хусусий корхона раҳбари ва унинг ишчиси бўлган ака-укаларнинг фаолияти текширилмоқда.

Аниқланишича, уларнинг ертўласидан хорижда ишлаб чиқарилган, умумий қиймати 5,6 млрд сўмлик 412 турдаги дори воситалари топилган.

Ҳолат юзасидан текширув ҳаракатлари олиб борилмоқда.

Telegram I Facebook I YouTube I Instagram

Ўзбекистонда илк бор Исломий банк фаолияти учун лицензия берилди

Ўзбекистонда исломий молия тизимини ривожлантириш йўлида муҳим қадам ташланди. Марказий банк қарори билан «Open bank» акциядорлик жамиятига исломий банк фаолиятини амалга ошириш ҳуқуқини берувчи илк лицензия топширилди.

2026 йил 23 октябрдаги 28/1-сонли қарор асосида берилган 1-I-сонли лицензия «Банклар ва банк фаолияти тўғрисида»ги Қонуннинг 5¹-моддасида назарда тутилган исломий молия операцияларини амалга оширишни қамраб олади.

Бу Ўзбекистонда исломий банк фаолиятини йўлга қўйиш борасидаги муҳим воқеалардан бири ҳисобланади.

Telegram I Facebook I YouTube I Instagram

Эрон элчихонаси Самарқанд ҳақидаги постни ўчирди

Ўзбекистон ТИВнинг қатъий талабидан сўнг Эроннинг Арманистондаги элчихонаси Самарқанднинг тарихий-маданий мероси ҳақида баҳсли постини ўз саҳифасидан олиб ташлади.

Аввалроқ АҚШ Давлат котиби Марко Рубио Самарқандда бўлиб, Регистон майдонидан видеомурожаат йўллаган эди. Шундан сўнг Эроннинг Арманистондаги элчихонаси мазкур видеога изоҳ қолдириб, Рубио турган жойни «форс цивилизацияси ва меъморчилигининг бир қисми» дея талқин қилган.

23 октябрь куни Ўзбекистон Ташқи ишлар вазирлиги Эрон элчиси Муҳаммад Али Искандарийни чақиртирди. Унга Ўзбекистоннинг қатъий эътирози билдирилган норозилик нотаси топширилди.

Ташқи ишлар вазирлиги бундай муносабатга Эроннинг хориждаги айрим дипломатик ваколатхоналари томонидан Самарқанднинг тарихий-маданий меросини бирёқлама ва сиёсий мақсадларда талқин қилувчи материаллар тарқатилганини сабаб сифатида кўрсатган.

Ўзбекистон томони Эрондан баҳсли постларни олиб ташлаш ва бундай ҳолатларни келгусида такрорламасликни талаб қилган. 26 октябрь ҳолатига кўра, Эроннинг Арманистондаги элчихонаси Самарқанд ҳақидаги баҳсли постни ўз саҳифасидан ўчирган.

Telegram I Facebook I YouTube I Instagram

Самарқандда суюлтирилган газ маҳсулотларини ноқонуний сотганлар ушланди

Ички ишлар вазирлиги ва Самарқанд вилояти ИИБ ходимлари томонидан ўтказилган тезкор-қидирув тадбирлари давомида суюлтирилган газ маҳсулотларини ноқонуний равишда ўзлаштириш ҳамда сотиш билан шуғулланиб келган шахсларнинг жиноий қилмишларига чек қўйилди.

Telegram I Facebook I YouTube I Instagram

Шўрчи ҳокимига оид аудиолар юзасидан ўрганиш бошланди – Сурхондарё ҳокимлиги
 
Effect.uz’да Шўрчи тумани ҳокими Акбарали Ишмурзоев ва фермер хўжаликлари раҳбарлари ўртасидаги мулоқотларга оид экани айтилган аудиоёзувлар тарқалганди. Сурхондарё вилоят ҳокимлигининг маълум қилишича, ҳолат юзасидан расмий ўрганиш бошланганини маълум қилди.

Маълум қилинишича, ҳолатни ҳар томонлама, холис ва тўлиқ ўрганиш ҳамда унга ҳуқуқий баҳо бериш мақсадида тегишли ваколатли идоралар вакилларидан иборат ишчи гуруҳ тузилган.

Айтилишича, Сурхондарё вилояти ҳокими Улуғбек Қосимов давлат хизматчилари фаолиятида қонун устуворлиги, инсон қадри, ўзаро ҳурмат ва хизмат этикаси талабларига қатъий риоя этилиши зарурлигини таъкидлаган.

Вилоят ҳокимлиги ўрганиш натижалари асосида қонунчиликда белгиланган тартибда тегишли қарор қабул қилинишини маълум қилган. Effect.uz ўрганиш якуни юзасидан эълон қилинадиган қарорни омма эътиборига тақдим этади.

Telegram I Facebook I YouTube I Instagram

“Ҳеч нарса инсоннинг шаъни ва қадр-қимматини камситиш учун асос бўлиши мумкин эмас” – Фермерлар кенгаши Шўрчи ҳокимининг ҳаракати ортидан прокуратурага мурожаат қилди

Шўрчи тумани ҳокими Акбарали Ишмурзоевга тегишли экани айтилган ва ижтимоий тармоқларда тарқалган аудиоёзувлар юзасидан яна бир расмий муносабат билдирилди. Ўзбекистон Фермерлари кенгаши ҳокимнинг хатти-ҳаракатларига ҳуқуқий баҳо беришни сўраб прокуратурага мурожаат қилган.

Кенгаш баёнотида инсоннинг шаъни ва қадр-қиммати дахлсиз экани таъкидланган. Конституциянинг 26-моддасига кўра, ҳеч нарса инсоннинг шаъни ва қадр-қимматини камситиш учун асос бўлиши мумкин эмаслиги қайд этилган.

Шунингдек, баёнотда Маъмурий жавобгарлик тўғрисидаги кодекснинг 41-моддасига ҳавола қилиниб, ҳақорат қилиш учун маъмурий жавобгарлик белгилангани эслатилган.

Фермерлар кенгаши бундай ҳолатлар тадбиркорлик субъекти фаолиятига ноқонуний аралашув сифатида баҳоланиши ва мамлакатнинг халқаро имижига салбий таъсир кўрсатиши мумкинлигини билдирган.

Кенгаш маълумотига кўра, 2026 йил 26 октябрь куни Сурхондарё вилояти прокуратурасига Шўрчи тумани ҳокимининг хатти-ҳаракатларига ҳуқуқий баҳо беришда амалий ёрдам сўраб мурожаат қилинган.

Эслатма: аввалроқ ижтимоий тармоқларда Шўрчи тумани ҳокими ва фермерлар ўртасидаги мулоқотларга оид аудиоёзувлар тарқалган эди. Ҳолат юзасидан ваколатли идоралар вакилларидан иборат ишчи гуруҳ томонидан ўрганиш ишлари бошлангани маълум қилинган.

Telegram I Facebook I YouTube I Instagram

Тошкентда аҳолига огоҳлантириш ишлари олиб борилмоқда

Пойтахт маҳаллаларида аҳоли хавфсизлигини таъминлашга қаратилган профилактик тадбирлар ўтказилмоқда.

Тошкент шаҳар ФВББ ҳудудий бошқарма бўлимларининг қутқарув техникалари, туман ФВБ профилактика инспекторлари ҳамда ҳамкор ташкилотлар вакиллари иштирокида барча маҳаллаларда аҳоли ўртасида огоҳлантириш ва тушунтириш ишлари олиб борилмоқда.

Тадбирлар давомида фуқароларга ёнғин ва бошқа фавқулодда вазиятларнинг олдини олиш, хавфсизлик қоидаларига риоя қилиш бўйича зарур тавсиялар берилмоқда.

Telegram I Facebook I YouTube I Instagram

Тошкентда иситиш мавсуми қачон бошланади? Ҳокимлик изоҳ берди

Тошкентда ҳаво совиши ортидан аҳоли иситиш мавсуми қачон бошланиши билан қизиқмоқда. Шаҳар ҳокимлигига кўра, иситиш мавсумини бошлаш учун асосий мезон — ўртача суткалик ҳаво ҳарорати беш кун давомида кетма-кет +8 даражадан паст бўлиши.

Шу билан бирга, мавсумни бошлашда амалдаги об-ҳаво шароити ҳам ҳисобга олинади. Ҳаво кескин совиб кетса, тегишли қарорни қабул қилиш кечиктирилмаслиги билдирилди.

Ҳозирда шаҳар хизматлари ва «Veolia Energy Tashkent» мутахассислари томонидан иситиш тизимларини мавсумга тайёрлаш ишлари олиб борилмоқда.

Иссиқлик беришнинг аниқ санаси ҳақида қўшимча маълумот берилади.

Telegram I Facebook I YouTube I Instagram

Шаҳноза Мирзиёева: болалар ҳимояси эртадан эмас, бугундан бошланиши керак

Самарқандда болалар фаровонлиги ва хавфсизлигига бағишланган халқаро саммитда сўзга чиққан Шаҳноза Мирзиёева болаларнинг саломатлиги, фаровонлиги ва хавфсизлигини таъминлаш ҳар бир давлатнинг устувор вазифаларидан бири эканини таъкидлади.

«Ота-она учун фарзанд шунчаки келажак эмас. Фарзанд — бугунги кунимиз. Бугун болаларимизнинг бахти, саломатлиги ва хавфсизлиги бизнинг қўлимизда. Шунинг учун болалар олдидаги масъулиятимиз эртага эмас, айнан бугундан бошланади», — деди Шаҳноза Мирзиёева.

👉 https://effect.uz/n/336

Telegram I Facebook I YouTube I Instagram

Фарғонадаги учта боғчада 51 нафар бола захарланди

Маълум қилинишича, 2,7 ва 47-сонли боғчалар тарбияланувчиларида иситма, қорин оғриғи, кўнгил айниши ва ич кетиши каби аломатлар кузатилган.

Telegram I Facebook I YouTube I Instagram

Ўзбекистонда илк бор исломий банк фаолияти учун лицензия берилди

Қайд этилишича, бу Ўзбекистонда исломий банк фаолиятини амалга ошириш учун берилган илк лицензия ҳисобланади.

Telegram I Facebook I YouTube I Instagram

Ўзбекистон ва Қатар етакчилари учрашди

Ўзбекистон Республикаси Президенти Шавкат Мирзиёев ва Қатар Давлати Амири Шайх Тамим бин Ҳамад Ол Соний ўртасида учрашув бўлиб ўтди.

Telegram I Facebook I YouTube I Instagram

Президент кино соҳаси ижодкорлари билан учрашади

Бугун, 26 октябрь куни Президент Шавкат Мирзиёев кино соҳаси вакиллари билан учрашиб, улар билан мулоқот ўтказади.

Telegram I Facebook I YouTube I Instagram