Суд фақат жазолаш учунми?

Суд деганда кўпчиликнинг кўз олдига жарима, жазо ва турли чекловлар келади. Аммо Косонсойдаги бир суд мажлиси суднинг яна бир муҳим вазифаси — қонунни инсон манфаатларини ҳам инобатга олган ҳолда тўғри қўллаш эканини кўрсатди.

Бундан ташқари, судья Нодир Кимсановнинг бу қарорга келиши эътирофга сазовор бўлиб, жамоатчилик эътиборини тортди.

Нима учун бундай деганимизни эса видеода кўришингиз мумкин.

Telegram I Facebook I YouTube I Instagram

Фарғонада хавф оёқ остида: 3 та очиқ қудуқ, лекин маъсулят қаерда?

Инсон ҳаёти хавф остида қолиши учун фожиа юз бериши шартми?

Фарғона шаҳри, Ал-Хоразмий МФЙ, 11-уй атрофида ичимлик суви тармоқларига тегишли учта қудуқ қопқоғисиз қолган.

Telegram I Facebook I YouTube I Instagram

Мирободдаги “новостройка”да катта ёнғин чиқди

Тошкент шаҳри Мирабод туманидаги қурилиш майдонида ёнғин содир бўлди. 31 октябрь куни соат 23:31 да Авлиё Ота кўчасида қурилаётган бинонинг опалубкаси ёнгани ҳақида хабар келиб тушган.

Фавқулодда вазиятлар хизмати қутқарув бўлинмалари воқеа жойига тезкор етиб борган. Тошкент шаҳар ФВБ маълумотига кўра, вазият тўлиқ назоратга олинган.

Дастлабки маълумотларга кўра, ёнғин оқибатида жабрланганлар ҳақида хабар келиб тушмаган. Ҳодиса сабаблари ва бошқа тафсилотлар аниқланмоқда. Қўшимча маълумотлар кейинроқ тақдим этилади.

Telegram I Facebook I YouTube I Instagram

Ички ишлар вазирлиги тун ярмида ҳам фуқаролар билан мулоқотни давом эттирмоқда

Вақт алламаҳал бўлганига қарамай, Ички ишлар вазири Азиз Тошпўлатов сайёр қабулни давом эттириб, фуқаролар билан юзма-юз мулоқот қилишда давом этяпти.

Effect.uz журналисти Муҳаммадали Қазақовнинг маълум қилишича, қабулда фуқароларнинг мурожаатлари, муаммолари ва уларни ҳал этиш бўйича таклифлари тингланмоқда.

Ушбу жараён «Халқ давлат идораларига эмас, давлат идоралари халқимизга хизмат қилиши керак» тамойилининг амалий ифодаси сифатида баҳоланмоқда. Тун ярмига қадар фуқаролар билан мулоқот қилиб, уларнинг мурожаатларини тинглаш — масъулият ва халқ билан очиқ мулоқотга интилишнинг бир кўриниши.

EFFECT.UZ сайёр қабул жараёнларида кўтарилаётган масалаларни кузатиб боради.

Telegram I Facebook I YouTube I Instagram

03:00. Тунги соат учда ҳам ИИВнинг қабули давом этмоқда

Соат тунги икки яримдан ошган. Аммо Ички ишлар вазири қабули ҳали ҳам давом этмоқда. Фуқаролар навбат билан кириб, ўз муаммоларини баён қилмоқда.

Қабулда Тергoв департаменти бошлиғи, вазир ўринбосари ҳам иштирок этмоқда.
Effect.uz мухбири Муҳаммадали Қозоқов суҳбатлашган фуқаролардан бири икки йилдан бери жиноят иши бўйича жабрланувчи сифатида ҳақиқат излаб келаётганини айтди.

«Икки йилдан бери сарсон бўлиб келаётгандик. Жиноий иш бўйича жабрланувчиман. Ҳақиқатни тополмаётгандим. Шу Халқ қабули бор экан, вазирники, “замминистр”ники — шунга келдим, ишониб», — деди у.

Унинг айтишича, Тергoв департаменти ходимлари мурожаатга оид ҳужжатларни синчиклаб ўрганиб, келтирилган далиллар билан танишган ва зарур кўрсатмаларни берган.

«Ҳужжатларимнинг ҳаммасини синчковлаб кўриб чиқдилар. Исботлаб бердим, кўрсатдим. Тингладилар, эшитдилар, тушундилар. Керакли буйруқларни бердилар. Хулоса, дедилар. Худо хоҳласа, натижасини кутиб қоламиз», — деди фуқаро.

Фуқаро қабул натижасидан умидвор эканини билдириб, масъулларга миннатдорчилик билдирди.

Telegram I Facebook I YouTube I Instagram

17 соат: Ички ишлар вазирининг сайёр қабули ваниҳоят якунланди

«Жар» спорт мажмуасида Ички ишлар вазири Азиз Тошпўлатов бошчилигида ўтказилган фуқаролар қабули 17 соат давом этди. Қабулда вазирнинг барча ўринбосарлари ҳам иштирок этди.

Қабул давомида фуқароларнинг тергов, йўл ҳаракати хавфсизлиги, мурожаатлар билан ишлаш ва ички ишлар тизимининг бошқа йўналишларига оид масалалари кўриб чиқилди.

Мурожаатларнинг барчаси бир хил якун топмади. Айрим фуқаролар муаммоси ҳал этилганидан хурсанд бўлиб чиқиб кетган бўлса, баъзилари норози ҳолда зални тарк этди.

Бунинг сабабларидан бири — фуқароларнинг ички ишлар органлари ваколатига кирмайдиган масалалар, жумладан, прокуратура, адлия ёки судга тааллуқли мурожаатлар билан келгани бўлган.

Қабул жараёнида айрим фуқароларга иши терговдан прокуратурага ёки судга ўтказилганидан сўнг ички ишлар органлари суд жараёнига ёки суд қарорларига аралаша олмаслиги тушунтирилган.

17 соат давом этган қабулда турли ҳолатларга гувоҳ бўлдик: кимдир миннатдор бўлиб чиқди, кимдир кўзда ёш билан, яна кимдир норози ҳолда кетди. Аммо мурожаатлар қонун доирасида кўриб чиқилгани таъкидланди.

EFFECT.UZ воқеа жойидан кузатишларни давом эттирди. Қабулда нималар бўлди? Кимлар муаммосига ечим топди, кимлар норози бўлиб чиқди? Видеода — батафсил.

Фикрларингизни изоҳларда ёзиб қолдиринг.

Telegram I Facebook I YouTube I Instagram

“Халқнинг қарғишидан қўрқамиз” – Марат Ҳамдамов тилга олган Жасур Азизовнинг отаси мурожаат билан чиқди

Imarat’ми Imtiyaz’ми? Сўнгги кунларда Imarat Development бренди атрофида тарқалаётган видеолар ва турли хабарлар жамоатчиликда жиддий хавотир уйғотмоқда. Айниқса, уй-жой учун маблағ тўлаган фуқаролар қурилишлар тақдири ҳақида жавоб кутаяпти.

Ижтимоий тармоқларда эса вазиятга турлича баҳо берилмоқда. Айримлар уйлар белгиланган муддатларда битмаслиги, Марат Ҳамдамовнинг қаердалиги ва компаниянинг кейинги тақдири ҳақида саволлар бермоқда.

Хўш, воқеаларнинг иккинчи томонида нима бор?

EFFECT.UZ можароли видеолар ортидаги вазиятга ойдинлик киритиш мақсадида собиқ Imarat Development, ҳозирда Imtiyaz Group фаолияти билан боғлиқ офисга борди.

Офисда Марат Ҳамдамов кўринмади. Бироқ лойиҳаларга инвестиция киритиш ва қурилиш жараёнларига масъул эканини билдирган Imtiyaz Group вакиллари билан мулоқот қилинди.

Шунингдек, Марат Ҳамдамовнинг мурожаатида номи тилга олинган Жасур Азизовнинг отаси Дилшод Азизов ҳам ўғли номидан муносабат билдириб, ижтимоий тармоқларда тарқалаётган айрим талқинлар воқеанинг асл моҳиятини акс эттирмаётганини таъкидлади.

Унинг айтишича, одамларнинг уй-жой бўйича хавотирларини тушуниш мумкин. Шу билан бирга, уйлар белгиланган муддатларда топширилиши ва компаниядан норози бўлган фуқароларнинг хавотири бартараф этилишига ишонч билдирди. Дилшод ака Марат Ҳамдамов билан юзага келган тушунмовчиликларни ўзаро ҳал қилиш мумкинлигини айтди.

Азизовнинг таъкидлашича, Жасур Азизов томонидан Марат Ҳамдамовга таҳдид ёки босим ўтказилмаган.

«Ўғлимга бу каби нобоп тарбия бермаганман. Сизлар ҳам отасиз-онасиз, турли миш-мишларга ишонмасликларингизни истайман. Халқнинг қарғишига қолиб кетишдан қўрқамиз. Уйларингизни албатта қуриб битказамиз», — дейди Жасур Азизовнинг отаси Дилшод Азизов.

Айни пайтда жамоатчилик учун асосий масала битта — уй-жой учун маблағ тўлаган фуқаролар ўз хонадонларини қачон олади?
EFFECT.UZ ушбу масалада компания вакиллари, фуқаролар ҳамда бошқа томонларнинг позицияларини ўрганишда давом этади.

«Imarat Development» раҳбариятига жиноят иши қўзғатилди

Сўнгги кунларда жамоатчилик эътиборида бўлиб турган «Imarat Development» фаолияти юзасидан жиноят иши қўзғатилди. Тергов компания раҳбарияти фаолияти билан боғлиқ ҳолатларга ҳуқуқий баҳо беради.

Тошкент шаҳар ИИББ маълумотига кўра, Сергели туманидаги Буюк авлод шоҳ кўчасида офиси жойлашган «Imarat Development» МЧЖ фаолияти юзасидан бир қатор фуқаролар мурожаат қилган.

Мурожаатларда компания фаолиятига ишончсизлик билдирилиб, хонадонлар учун амалга оширилган тўловларни қайтариш сўралгани, бироқ маблағлар қайтарилмагани айтилган.

Ўрганиш жараёнида компания томонидан қурилиши режалаштирилган кўп қаватли турар жойлар Тошкент вилояти Қуйичирчиқ тумани ҳудудида жойлашгани аниқланган.

Мазкур ҳолатлар юзасидан Тошкент шаҳар ИИББ ҳузуридаги Тергов бошқармаси томонидан Жиноят кодексининг 168-моддаси — «Фирибгарлик» ҳамда 192¹¹-моддасида назарда тутилган ҳуқуқбузарлик аломатлари бўйича жиноят иши қўзғатилган.

Тошкент шаҳар ИИББ маълум қилишича, тергов ҳаракатлари шаҳар ИИББ бошлиғи ҳамда прокуратура томонидан назоратга олинган.

Тергов натижаларига кўра, қонуний қарор қабул қилиниши таъминланади.

Айни пайтда жиноят иши бўйича якуний ҳуқуқий баҳо тергов натижалари ва қонуний қарор асосида берилади.

Фарғонада давлат ери қазилмоқда: аҳоли хавфсизлиги кимнинг зиммасида?

Аҳоли юрадиган ҳудуд қазилиб, пиёдалар йўлаги абгор ҳолатга келган. Энди савол оддий: бу ер кимга ва қандай ҳуқуқий асосда берилган?

Фарғона шаҳри Меҳрбонлик МФЙ, Қирғили мавзеси, Шифокорлар кўчаси, 14-Б-уй ёнидаги умумий фойдаланиш ҳудудларида олиб борилаётган қазиш ишлари аҳоли эътирозига сабаб бўлмоқда.

👉 https://effect.uz/n/380

Telegram I Facebook I YouTube I Instagram

«Халқ давлат идораларига эмас, давлат идоралари халққа хизмат қилиши керак» – ИИВдаги қабул тафсилотлари

Ички ишлар вазирининг навбатдаги сайёр қабулида мамлакатнинг деярли барча ҳудудларидан келган фуқароларнинг мурожаатлари кўриб чиқилди. Айрим масалалар жойида ҳал этилган бўлса, қўшимча ўрганиш талаб этган мурожаатлар масъулларга ижро учун берилди.

Қабул Тошкент шаҳридаги мажмуада ўтказилиб, Тошкент шаҳри ва вилояти аҳолиси учун соат 18:00 гача давом этди. Қорақалпоғистон Республикаси ва бошқа вилоятлар аҳолиси мурожаатлари эса соат 18:00 дан 22:00 гача видеоконференсалоқа орқали қабул қилинди.

Мурожаатлар мазмуни турлича. Фуқаролар ички ишлар органларига ишга кириш, хизматга тикланиш, ходимларнинг хатти-ҳаракатлари, тергов жараёнлари ва бошқа масалалар бўйича мурожаат қилди.

Қабул давомида фуқаролар билан юзма-юз мулоқотлар ўтказилиб, уларнинг муаммолари ўрганилди. Қўшимча муддат талаб қиладиган ҳолатлар ижрога қабул қилиниб, масъулларга аниқ вазифалар белгиланди. Айрим мурожаатлар бўйича эса ҳуқуқий тушунтиришлар берилди.

Шунингдек, вазир ўринбосарлари ва соҳавий хизматлар раҳбарлари томонидан алоҳида қабуллар ташкил этилди.
Қабулда иштирок этган айрим фуқаролар муаммоларига ечим изланаётгани ва масъуллар томонидан мурожаатлари эшитилаётганини таъкидлади.

«Тез вақтда масаламни ҳал қилиб беришди», — дейди мурожаатчилардан бири.

Яна бир фуқаро эса қабулдаги очиқ мулоқот ва масъул ташкилотлар раҳбарларининг мурожаатларни бевосита эшитаётганини ижобий баҳолади.

Telegram I Facebook I YouTube I Instagram

⚡️«Дўконларимиз ўзимизда қолсин, Россияга кетишни истамаймиз»: Навоийда тадбиркорлар мурожаати EFFECT.UZ нигоҳида

Президент қарори ёки фармонига қарши эмасмиз, дейишмоқда Навоий савдо комплексида кўп йиллардан буён ишлаб келаётган тадбиркорлар. Аммо уларнинг хавотири — дўконлари аукционга чиқарилса, ўз иш жойларини қайта сотиб олишга молиявий имконияти етмаслигида.

EFFECT.UZ таҳририятига Навоий шаҳридаги Навоий савдо комплексида фаолият юритувчи бир гуруҳ тадбиркорлар мурожаат қилди.

Уларнинг айтишича, уларга тегишли савдо дўконлари аукционга чиқарилиши мумкин. Тадбиркорлар эса қарорга қарши эмаслигини, бироқ аукционда қатнашиб, йиллардан буён ишлаб келаётган дўконларини қайта сотиб олиш имконияти ҳаммада ҳам мавжуд эмаслигини таъкидламоқда.

«Бола-чақамизни шу дўконлар орқасидан боқамиз. Дўконларимизни олиб қўйишса, қаерга борамиз, Россиягами? Бизга шу жойларда ишлаш имкониятини беринглар», — дейди мурожаатчилар.

Тадбиркорларнинг маълум қилишича, савдо комплексида 250 нафардан ортиқ тадбиркор фаолият юритади. Уларнинг айримлари учун ушбу савдо жойи асосий ва доимий даромад манбаи ҳисобланади.

Шу боис дўконлардан айрилиш масаласи фақат тадбиркорнинг бизнесига эмас, балки уларнинг оиласи ва тирикчилик манбаига ҳам таъсир қилиши мумкин.

👉 Батафсил – EFFECT.UZ мақоласида

👉 Тўлиқ видеони ютубда томоша қилиш

Telegram I Facebook I YouTube I Instagram

Расул Кушербаев: «Мен Маратнинг ёнида кўринганман, буни инкор қилмайман»

IMarat Development атрофидаги можаролар ортидан Расул Кушербаевга ҳам саволлар кўпайди. У эса Марат Ҳамдамов билан аввалдан ҳамкорлик қилганини яширмаслигини, бироқ унга ишониб уй олган фуқароларнинг ҳуқуқлари таъминланиши учун қонуний йўл билан ёрдам беришга тайёрлигини билдирди.

Telegram I Facebook I YouTube I Instagram

⚡️Қизларига коньяк ичирган ота: болалар нега унда қолди?

Беш марта ҳомиладорлик, учта аборт, икки нафар қиз ва бир-бирига зид суд қарорлари. Бу оилавий низо ортида 12 ва 7 ёшли икки нафар боланинг тақдири турибди. Энг оғир савол эса: онанинг хатти-ҳаракатлари судда текширилган бир пайтда, отанинг болаларга нисбатан хатти-ҳаракатлари ҳақидаги даъволар қай даражада ўрганилган?

Лола Баҳодированинг даъволарига кўра, собиқ турмуш ўртоғи қизларига коньяк ичирган, уларнинг олдида яланғоч ҳолда юрган. У, шунингдек, аввалги ҳомиладорликлари давомида босим ва тазйиққа учраганини билдирмоқда.

Энг оғир даъволардан яна бири — Лоланинг беш марта ҳомиладор бўлгани, уч ҳолатда ҳомиланинг қиз экани маълум бўлгач, аборт қилингани ҳақидаги баёноти. Албатта, бу ҳолатлар ҳозирча онанинг даъволари. Уларнинг ҳар бирига тегишли далиллар асосида ҳуқуқий баҳо берилиши керак.

Айни пайтда Лола Баҳодированинг собиқ турмуш ўртоғига тан жароҳати етказгани учун судлангани суд ҳужжатлари билан тасдиқланган. Бироқ бу ҳолатнинг ўзи онани автоматик равишда фарзандлари учун хавфли шахс сифатида баҳолашга етарлими?

👉 Батафсил – EFFECT.UZ материалида

👉 Видеолавҳа

Telegram I Facebook I YouTube I Instagram

⚡️Бошига арматура билан уриб, овлоқ жойга обориб кўмилган – Паяриқда одам ўлимига боғлиқ фожиага панжа ортидан қараляпти...

Шербек Раҳмонов ишида нега жиноятга бошқача ҳуқуқий баҳо бериш талаб қилинмоқда? Инсон ҳаётига зомин бўлган воқеада фақат оқибатни қайд этишнинг ўзи етарлими? Ёки воқеа қандай тайёрлангани, ҳужум қандай содир этилгани, одамзотга нисбатан қандай ҳаракатлар амалга оширилгани ва воқеадан кейин иштирокчилар ўзини қандай тутгани ҳам жиноятнинг ҳуқуқий таснифини белгилашда ҳал қилувчи аҳамият касб этадими?

Самарқанд вилояти Паяриқ туманида Шербек Раҳмонов ва Нодир Матиевга нисбатан содир этилган ҳужум билан боғлиқ жиноят иши юзасидан ана шу саволлар очиқ қолмоқда.

Марҳум Шербек Раҳмоновнинг оиласи эса ишга берилган ҳуқуқий баҳодан норози бўлиб, қилмишни қасддан одам ўлдириш нуқтаи назаридан ҳам қайта кўриб чиқиш зарурлигини талаб қилмоқда.

👉 Батафсил – EFFECT.UZ журналисти Моҳинур Ҳамдамова материалида

👉 Ютубда томоша

Telegram I Facebook I YouTube I Instagram

Президент: «Чет элда ишлаётган юртдошларимиз — ҳақиқий мард инсонлар»

Хорижда меҳнат қилаётган ўзбекистонликлар нафақат оилаларининг ризқини топмоқда, балки фарзандлари келажаги учун ҳам машаққатли меҳнат қилмоқда. Давлат раҳбари уларнинг ҳуқуқ ва манфаатларини қаерда бўлишидан қатъи назар ҳимоя қилиш давлатнинг доимий вазифаси эканини таъкидлади.

Президент Шавкат Мирзиёев хорижда меҳнат қилаётган юртдошларимиз ҳақида тўхталиб, уларнинг ҳар бири давлат ҳимоясида бўлиши шартлигини қайд этди.

«Чет элда ишлаётган ҳар бир юртдошимиз оиласининг ризқи, фарзандлари келажаги учун тинимсиз меҳнат қилаётган ҳақиқий мард инсонлардир. Улар ҳам бизнинг фуқароларимиз, бизнинг фарзандларимиз. Қаерда ишлашидан қатъи назар, фуқароларимиз ҳуқуқини ҳимоя қилиш — давлатнинг доимий бурчи ва вазифаси», — деди давлат раҳбари.

Telegram I Facebook I YouTube I Instagram

Мигрантлар нега кам маошга ишлаяпти? Президент ҳокимларни танқид қилди

Хорижга ишлаш учун кетаётган юртдошларимиз камида 2 минг доллар даромад билан қайтиши керак.

Аммо айрим ҳудудларда мигрантлар ойига 400–700 доллар атрофида пул топмоқда. Президент бу ҳолатни танқид қилиб, ҳокимлардан меҳнат миграцияси бўйича тизимли таҳлил ва амалий натижа талаб қилди.

Шавкат Мирзиёев хорижда меҳнат қилаётган фуқароларнинг даромади ҳудудлар кесимида турлича эканига эътибор қаратди.

«Нима қиламиз уларни у ёққа юбориб? Ўзимизда 500 доллар бемалол қилса бўладику. Лекин одамлар юрибди ўша ерда», — деди Президент.

Тил биладиган ёшлар хорижда юқори маошли ишга йўналтирилади

Ўзбекистонда инглиз тилини пухта ўзлаштириб, сертификат олган 200 мингга яқин ёш бор. Энди уларни талаб юқори бўлган касбларга ўқитиб, хорижда муносиб иш ҳақи таклиф этиладиган иш ўринларига йўналтириш вазифаси қўйилмоқда.

Президент Шавкат Мирзиёев тил биладиган ёшларнинг имкониятларидан самарали фойдаланиш, уларни халқаро меҳнат бозори талабларига мос мутахассислар қилиб тайёрлаш зарурлигини таъкидлади.

Хусусан, хорижда ишлаш истагида бўлган ёшларни техникумларда талаб юқори бўлган касбларга ўқитиш ва уларни АҚШ, Канада, Австралия, Янги Зеландия, Сингапур ҳамда Европа давлатларидаги муносиб иш ўринларига йўналтириш мумкинлиги қайд этилди.

Бу борада Германия мисоли келтирилди. Маълум қилинишича, шу йилнинг ўзида Германиядан Ўзбекистонга 45 минг нафар мутахассис бўйича буюртма тушган. Бироқ немис тилини биладиган кадрлар етишмаслиги сабабли атиги 2 минг нафар фуқаро ишга жойлашган.

Давлат раҳбари мактабларда немис тилини ўқитишни кучайтириш, хорижда ишлашни мақсад қилган ёшларни эса 9–11-синфларданоқ тилга тайёрлаш зарурлигини таъкидлади.

Асосий вазифа — ёшларни шунчаки хорижга ишлаш учун юбориш эмас, балки уларни тил ва касбга эга, юқори даромадли иш ўринларига муносиб мутахассис сифатида тайёрлаш.

Telegram I Facebook I YouTube I Instagram

Мигрантлар хориждаги меҳнати учун пенсия олишни бошлайди

Хорижда йиллаб ишлаб, солиқ ва пенсия бадалларини тўлаган юртдошларимизнинг меҳнат стажи Ўзбекистонда пенсия тайинлашда ҳам ҳисобга олиниши керак. Президент бу масалани ҳал этиш учун қатор давлатлар билан музокараларни жадаллаштириш вазифасини қўйди.

Шавкат Мирзиёев хорижда қонуний меҳнат қилаётган фуқароларнинг пенсия таъминоти масаласига тўхталиб, уларнинг чет элда орттирган иш стажини Ватанга қайтгач ҳисобга олиш зарурлигини таъкидлади.

Давлат раҳбари хорижда ишлаётган фуқаролар солиқлар билан бирга пенсия бадалларини ҳам тўлаётганини, бироқ уларнинг меҳнат стажини Ўзбекистонда пенсия тайинлашда ҳисобга олиш масаласи тўлиқ ҳал этилмаганини қайд этди.

Telegram I Facebook I YouTube I Instagram

Хорижга ишга жўнатишда хусусий агентликлар масъул бўлади

Хусусий бандлик агентликлари орқали хорижда ишга жойлашганлар сони икки йилда беш баробар ошди. Энди фуқароларни чет элга ишга юбориш вазифасини хусусий сектордаги энг ишончли агентликларга тўлиқ ўтказиш, уларни эса ишга жойлаштириш натижаси учун рағбатлантириш режалаштирилмоқда.

👉 https://effect.uz/n/387

Telegram I Facebook I YouTube I Instagram

Қорақалпоғистонда келишиб газ нархини кўтарган 22 та газ шохобчасига жарима қўлланилди – Рақобат қўмитаси

Бир вақтнинг ўзида газ нархини оширган 22 та шохобчага нисбатан рақобатга қарши мувофиқлаштирилган ҳаракатлар юзасидан молиявий жарималар қўлланилди. Қўмита қароридан норози бўлган 9 та субъект судга мурожаат қилган, бироқ қарорлар қонунийлиги судда ҳам тасдиқланган.

👉 https://effect.uz/n/389

Telegram I Facebook I YouTube I Instagram