የኢትዮጵያ ሙስሊሞችን የጋራ ትብብር የሚያጠናክረው ፍኖተ ካርታ በኢስላሚክ ልማት ባንክ ድጋፍ ተጠናክሮ እንደሚቀጥል ምክትል ፕሬዝዳንት ሸይኸ ሃሚድ ሙሣ
ገለጸ
•••••••••••••••••••••••••••••••••••••••••
ጥቅምት፣ 5/2019 ዓ.ል | ጁማደል አወል 4፣ 1448 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••

በኢስላማዊ ልማት ባንክ የሙስሊም ማህበረሰብ የትብብር ቻርተር/ሮድማፕ ማዕቀፍ፤ የሙስሊም ተቋማትና የአባል ድርጅቶች አበይት ተወካዮች የልምድ ልውውጥ እና በቀጣይ ስትራቴጂያዊ ውይይት መክፈቻ ስነስረዓትላይ የተገኙት የጠቅላይ ምክር ቤቱ የልማትና ማህበራዊ ጉዳዮች ምክትል ፕሬዝዳንት ሸይኸ ሃሚድ ሙሣ መልዕክት አስተላልፈዋል።

የኢትዮጵያ እስልምና ጉዳዮች ጠቅላይ ምክር ቤት ምክትል ፕሬዝዳንት ሸይኽ ሐሚድ ሙሳ በእስላማዊ ልማት ባንክ (IDB) ድጋፍ የሚተገበረው የሙስሊሙ ማህበረሰብ የጋራ ትብብር ፍኖተ ካርታ ተጠናክሮ እንደሚቀጥል አስታወቁ።
​ሸይኽ ሐሚድ አክለውም ግብረሰናይ ድርጅቶች ተቋሙን ጥላ በማድረግ ለሀገርና ለማህበረሰብ የሚጠቅሙ እሴቶችን ከፍ እንደሚያደርጉ ገልጸዋል። አሰራራቸውና ልምዳቸው ለተቋሙ ትልቅ ግብአት በመሆኑ፣ በቅርቡ በጋራ በመገናኘት ተቋሙ በልማት ላይ ያለው ሚና የላቀ የሚሆንበትን መንገድ ለመምከር ጥሪ እንደሚደረግላቸው ጠቁመዋል። በተጨማሪም፣ በየተሰማሩበት የማህበረሰብ ችግር ፈቺ ስራ ሁሉ
ተቋሙ ከጎናቹህ ይቆማል ብለዋል።

በኢስላማዊ ልማት ባንክ የሙስሊም ማህበረስብ የትብብር ፎኖተ ካርታ የሙስሊም ተቋማት የትብብር አባል ድርጅቶች የልምድ ልውውጥ እና ውይይት ላይ

የጠቅላይ ምክር ቤቱ ስራ አስፈጻሚ ፣ የጠቅላይ ምክር ቤቱ የፕሮጀክት ሀላፊ እና በRCMC የኢትዮጵያ የግብረ ኋይል ዋና አስተባባሪ ኢንጂነር አኑዋር ሙስጠፋ እና

የኢትዮጵያ ልማት ኤጀንሲ ዋና ስራ አስኪያጅ እና የRCMC የኢትዮጵያ የግብረ ኋይል ምክትል አስተባባሪ
አቶ ጂደዲንሰዒድ በጋራ በመሆን የትብብር ፎኖተ ካርታ የሙስሊም ተቋማት የትብብር አባል ድርጅቶች ሂደት የወደፊት አቅጣጫን በተመለከተ ሰፋ ያለ ማብራሪያ ሰጥተዋል።

የጠቅላይ ምክር ቤቱ የትምህርትና ሥልጠና ዳይሬክቶሬት ዳይሬክተር አቶ አልዩ ሰዒድ፣ ከ28 ያላነሱ የሙስሊም ተቋማት የትብብር አባል ድርጅቶች በሩዋንዳ ኪጋሊ ከወሰዱት ተሞክሮ በመነሳት የተዘጋጀ ሪፖርት አቅርበዋል።
​በሪፖርቱም የትብብር ድርጅቶቹ የአቅም ግንባታ፣ የሩዋንዳ ሙስሊሞች ተሞክሮ፣ እንዲሁም ሥልጠናው ለተቋማዊ ግንባታና ለልምድ ልውውጥ ያለውን አስተዋጽኦ የሚዳስሱ የመወያያ ሀሳቦች ቀርበዋል።
ለቀጣይ መሰል መድረኮች አጋዥ የሚሆን ዘላቂ አደረጃጀትና የቅርብ ትስስር ለመፍጠር ስለሚረዳ፣ የጋራ ትብብሩ አሁኑኑ ሊጠናከር እንደሚገባ ከመድረኩ ተሳታፊዎች አጽንኦት ተሰጥቶበታል።
••••••••••••••••••••••••
የኢ.እ.ጉ.ጠ. ም/ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.com/eias

የኢትዮጵያ ሙስሊም የሕግ ባለሙያዎች ማኅበር የህዝበ ሙስሊሙን ንቃተ ህግ ለማሳደግ እየሰራ እንደሚገኝ ተገለጸ።
••••••••••••••••••••••••••••••••••••••••••••••••
ጥቅምት 7/ 2019 ዓ.ል| ጁማደል አወል 6/1448 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••
አዲስ አበባ |

የኢትዮጵያ ሙስሊም የሕግ ባለሞያዎች ማኅበር የሙያ ሥነ ምግባርን ማሳደግ እና የሥራ ዕድገት አቅጣጫዎችን ማሻሻል ላይ ያተኮረ የፓነል ውይይት አካሄደ።

የውይይት መድረኩን የማኅበሩ ሥራ አስኪያጅ ጠበቃ ሙህዲን ጀማል በንግግር የከፈቱት ሲሆን በንግግራቸውም ማኅበሩ በኢትዮጵያ የፍትሐ ብሔር ቁጥር 404 እና በኢትዮጵያ እስልምና ጉዳዮች ጠቅላይ ምክር ቤት የኢስላማዊ ተቋማት ምዝገባ መመሪያ ቁጥር 01/2015 መሠረት በየካቲት ወር 2017 ዓ.ል መቋቋሙን አስታውሰዋል።

ከማኅበሩ ዋና ዋና ዓላማዎች መካከል በሕግ እና ሕግ ነክ ጉዳዮች የሙስሊም ሕግ ባለሙያዎችን እና የአጠቃላይ የህዝበ ሙስሊሙን ሀገራዊ ጥቅም እና ፍላጎት ማስጠበቅ መሆኑን በንግግራቸው የጠቀሱት ጠበቃ ሙህዲ ሰብዓዊ መብቶች እንዲከበሩ ከማድረግ አንጻርም ማኅበሩ በንቃት እንደሚሳተፍ ጠቁመዋል።

የህዝበ ሙስሊሙን ንቃት ሕግ ለማሳደግ በሚረዱ የተለያዩ የሀገራችን ሕግ ማዕቀፎች ዙሪያ ኮንፈረንሶችን፣ ሴሚናሮችን፣ ሥልጠናዎችን እና ትምህርታዊ ፕሮግራሞችን እያከናወነ እንደሚገኝም ሥራ አስኪያጁ አመላክተዋል።

በዉይይት መርሃ ግብሩ ላይ በሙያ ሥነ ምግባር እና በሥራ ዕድገት ዙሪያ የሚያተኩሩ ጥናታዊ ጽሑፎች ቀርበው ሰፊ ውይይት እንደሚደረግባቸው እና በቀጣይም ተመሳሳይ ሕግ-ነክ ሙያዊ መድረኮች ጠናክረው እንደሚቀጥሉን ተመላክቷል።

"ኢኽሳን እንደ ሙያ ስነ ምግባር መለኪያ" በሚል መሪ ሃሳብ በዛሬው ዕለት በተካሄደው የውይይቱ መድረክ ላይ የማኅበሩ አባላት እና ጥሪ የተደረገላቸው እንግዶች እየተሳተፉ ይገኛሉ።
•••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1