በጠቅላይ ምክር ቤቱ ፕሬዝደንት ሸይኽ ሀጂ ኢብራሂም ቱፋ የተመራው ልዑክ ተፈጥሯዊውን የሶፍ ዑመር ዋሻ ጎበኘ።
•••••••••••••••••••••••••••••••••••••••••••••••••••••
ነሀሴ 22 /2018 ዓ.ል| ረቢዕ አል አወል 15/1448 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••••••••••••••
ባሌ ሮቤ|

በኢትዮጵያ እስልምና ጉዳዮች ጠቅላይ ምክር ቤት ፕሬዝዳንት የክቡር ዶክተር ሸይኽ ሀጂ ኢብራሂም ቱፋ የተመራው ልዑክ በታዋቂው መንፈሳዊ አባት ሸይኽ ሱፊ ዑመር አሕመድ ስም የሚጠራውንና በክቡር ጠቅላይ ሚኒስትር ዶክተር ዐቢይ አህመድ በጻፉት የመደመር ትውልድ መፅሀፍ ሽያጭ የለማውን ሶፍ ዑመር ዋሻ ጎበኘ።

​ታሪካዊውና ተፈጥሯዊው የቱሪዝም መዳረሻ ሶፍ ዑመር ዋሻ ለሀገር እና ለህዝብ እየሰጠ ያለውን ኢኮኖሚያዊና ባህላዊ ጥቅም ለማሳደግ ሰፊ የመሰረተ ልማት ግንባታ ስራዎች ተሰርተዋል።

ሶፍ ዑመር ዋሻ ተፈጥሯውዊ እና ባህላዊ እሴቱ ተጠብቆ ለሀገር ውስጥና ለውጭ ሀገር ጎብኚዎች ምቹ እንዲሆን የተሰሩ ስራዎች የአካባቢውን የቱሪዝም ፍሰት ማሳደግ እንደቻሉ በጉብኝቱ ተመላክቷል።

በጉብኝቱ ላይ የጠቅላይ ምክር ቤቱ ተቀዳሚ ምክትል ፕሬዝዳንት ሸይኽ አብዱልከሪም ሸይኽ በድረዲን፣ ምክትል ፕሬዝደንቶች ሸይኽ ሀሚድ ሙሳ እና ዑስታዝ ተምኪን አብዱላሂ፣ የአዲስ አበባ ከተማ እና የኦሮሚያ ክልል መጅሊስ የስራ አስፈፃሚዎች፣ ዱዓቶች፣ የወጣት ካውንስል አመራሮች እና ታዋቂ ግለሰቦች ተሳትፈዋል።
••••••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ቨቨዠፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ከኢትዮጵያ እስልምና ጉዳዮች ጠቅላይ ምክር ቤት የተሰጠ የሀዘን መግለጫ

​"ኢና ሊላሂ ወኢና ኢለይሂ ራጂዑን"

​"ሁላችንም የአላህ ነን፤ ወደ እርሱም ተመላሾች ነን።"

በሀገረ አሜሪካ ሙስሊም ኢትዮጵያዊያንን ያሰባሰበው የፈርስት ሂጅራ ፋውንዴሽን መሥራችና ለአርባ ዓመታት በመሪነት ያገለገሉት ሐጂ ነጂብ ሙሐመድ ወደ አኺራ ተሻግረዋል።

ሐጂ ነጂብ ከፈርስት ሂጅራ መሥራችነት ባሻገር ለኢትዮጵያውያን ሙስሊሞች መብት መከበር በተለያዩ መልኩ ታግለዋል፤ ከቅድመ ድምጻችን ይሰማ ትግል ወቅት ጀምሮ የህዝበ ሙስሊሙን ጥያቄዎች በድፍረት ለመንግስት ግልጽ አድርገዋል።

የድምጻችን ይሰማ የመብት ማስከበር ትግል 2004 ላይ ሲጀመርም በሚዲያዎችና በሰላማዊ ሰልፎች ላይ በመገኘት የህዝበ ሙስሊሙን የመብት ጥያቄዎች ትክክኛነት አስረድተዋል። የመንግሥትን የሀሰት ፕሮፓጋንዳና ስም ማጥፋት በማክሸፍም ግንባር ቀደም ሚና ተጫውተዋል።

የሐጂ ነጂብ ሙሐመድ ሰላተል ጀናዛ በኒውሃምፕሻየር MCC መስጂድ ኦገስት 30/2016 በ1:30 PM የሚሰገድ ሲሆን ስርዓተ ቀብራቸው ደግሞ በአል ፊርደውስ መታሰቢያ ጋርደን ይፈጸማል።

ቤተሰቦቹ በፈርስት ሂጅራ ፋውንዴሽን ታዕዚያ የሚቀመጡ ሲሆን ሐጂ ነጂብ ሙሐመድ የአራት ልጆች አባትና የአምስት የልጅ ልጆች አያት ነበሩ።

የኢትዮጵያ እስልምና ጉዳዮች ጠቅላይ ምክር ቤት በሐጂ ነጂብ ሙሐመድ ህልፈተ ሕይወት የተሰማውን ጥልቅ ሐዘን እየገለፀ አሏህ ሱብሀነሁ ወተዓላ ለሟቹ ምሕረቱን ለግሶ ማረፊያቸውን ጀነት እንዲያደርግላቸው እንዲሁም ለቤተሰቦቻቸውና ለወዳጅ ዘመዶቻቸው መፅናናትን እንዲሰጥ ይመኛል።

የኢትዮጵያ እስልምና ጉዳዮች ጠቅላይ ምክር ቤት

ነሀሴ 24/2018 ዓ.ል
ረቢዑል አወል 17/1448 ዓ.ሒ

ከኢትዮጵያ እስልምና ጉዳዮች ጠቅላይ ምክር ቤት ፕሬዝደንት ከክቡር ዶክተር ሸይኽ ሀጂ ኢብራሂም ቱፋ የተሰጠ የሀዘን መግለጫ

"እኛ የአላህ ነን፤ ወደ እርሱም ተመላሾች ነን።" ( አል-በቀራህ፡ 156)

​የፈርስት ሂጅራ ፋውንዴሽን መስራች አባል እና አመራር የነበሩት የተከበሩ ሀጂ ነጅብ ሙሀመድ ወደ አኺራ በመሻገራቸው የተሰማኝን ጥልቅ ሀዘን እገልጻለሁ።

​ሀጂ ነጅብ ሙሀመድ ህይወታቸውን ሙሉ ለእስልምና እና ለህዝበ ሙስሊሙ ሲታገሉ ያሳለፉ፣ በሰብዓዊ እና በማህበረሰባዊ የልማት ስራዎች ላይ ግንባር ቀደም ተሳታፊ የነበሩ ታላቅ ሰው ነበሩ።

ሀጂ ነጅብ ሙሀመድ በፈርስት ሂጅራ ፋውንዴሽን መስራችነታቸው እና አመራርነታቸው የኢስላማዊ እሴቶችን ለማስፋፋት፣ የታሪክ እና የቅርስ ጥበቃን ለማሻሻል እንዲሁም የህዝበ ሙስሊሙም አንድነት ለማጠናከር ሰርተዋል። ይህ በጎ ተግባራቸው በታሪክ እና በምእመናን ልብ ውስጥ ሲታወስ የሚኖር ነው።

​ለሟቹ ወንድማችን አላህ (ሱ.ወ) ሰፊ እዝነቱን እና ምህረቱን ለግሶ ጀነተል ፊርደውስን እንዲያጎናጽፋቸው እንዲሁም ለቤተሰቦቻቸውና ለወዳጅ ዘመዶቻቸው አላህ መፅናናትን እና ሰብርን እንዲሰጥ እየተመኘሁ ህዝበ ሙስሊሙ በየመስጂዶቹ ሶላተል ገይብ (የሩቅ ሶላት) እንዲሰግድላቸው ጥሪዬን አቀርባለሁ።

​የክቡር ዶክተር ሸይኽ ሀጂ ኢብራሂም ቱፋ - የኢትዮጵያ እስልምና ጉዳዮች ጠቅላይ ምክር ቤት ፕሬዝደንት