የኢትዮጵያ ሃይማኖት ተቋማት ጉባኤ 15ኛ ዓመት የምስረታ በዓሉን እና 18ኛ መደበኛ ጠቅላላ ጉባኤውን በጋራ እያካሄደ ነው ።
••••••••••••••••••••••••••••••••••••••••••••••••••••••
ነሀሴ 26/2018 ዓ.ል| ረቢዑል አወል 19/1448 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ

••••••••••••••••••••••••••••••••••••••••••••••••••••••••••••

አዲስ አበባ |

የኢትዮጵያ ሃይማኖት ተቋማት ጉባኤ ከምስረታው 15ኛ ዓመት በዓል ጋር በማያያዝ 18ኛ መደበኛ ጠቅላላ ጉባኤውን እያካሄደ ይገኛል።

​ጉባኤው በይፋ ከተመሰረተበት ጊዜ ጀምሮ ያከናወናቸውን ተግባራትና ያመጣቸውን ስኬቶች የሚዘክረው ይህ ጉባዔ ፤ "15 ዓመታት - እምነትን በቀጣይነት፣ ሰላምን ህብረብሔራዊ ልማት በኢትዮጵያ" በሚል መሪ ሀሳብ በልዩ ልዩ መርሃ ግብሮች እየተከናወነ ነው።

በዚሁ ታሪካዊ መርሃ ግብር ላይ ከፍተኛ የመንግሥት የሥራ ኃላፊዎች፣ የየሃይማኖት ተቋማት መሪዎች እና የጉባኤው የበላይ ጠባቂ አባቶች ፣ሚኒስቴሮች እና የዓለም አቀፍ ድርጅቶች ተወካዮች፣የክልል ቤተ እምነት ዋና ጽሕፈት ቤቶች እና ከክልል ጉባኤዎች የተወከሉ የጠቅላላ ጉባኤ አባላት እንዲሁም ሌሎች ባለድርሻ አካላት ጥሪ ተደርጎላቸዋል እንግዶች እየተሳተፉ ይገኛሉ።

የዕለቱ የክቡር እንግዳ የኢፌዲሪ ፕረዚዳንት ክቡር አቶ ታዬ አጽቀስላሴ የእምነት አባቶች የሀገራችን አያሌ ዘመናት የአብሮነትና የመተባበር ና የሰላም ዕሴትን ምዕመናን ሲያስተምሩ መቆየታቸውን ተናግረዋል።

የእምነት አባቶች በጨለማ ብርሀንን ፣በተከፋፈሉ ልቦች ውስጥ አንድነትን የሚያመጡ በመሆኑ መከፋፈልን እንደስኬት የሚቆጥሩ አካላትን እንዲያወግዙ ጥሪያቸውን አስተላልፈዋል።
ከኢትዮጵያዊነት ባህል ውጪ የሆኑ ቅጥፈት ፣ እብለትን ፣ሌብነትን ና ለሰዎች ደንታቢስነትን እንዲታረሙ ማስተማር የተቋማቱ ቀዳሚ ተግባር መሆን እንደሚኖርበት አሳስበዋል።

የኢፌዲሪ የሰላም ሚኒስቴር ሚኒስትር ክቡር አቶ ሙሀመድ ኢድሪስ አባል ቤተ ዕምነቱ ተቋማቱ የሀገራችንን ሰላምና አብሮነት ላይ ላለፉት አስራ አምስት አመታት በመስራት ታሪካዊ ድል ማስመዝገቡን ተናግረዋል።

ተቋማቱ የሀገራዊ ምክክር ኮሚሽን ስኬት ያደረጉት አስተዋፅኦ በምሳሌነት ጠቅሰዋል።በቀጣይም በትብብርና በአንድነት በመቆም በጋራ ጉዳዮች ላይ በማተኮር ውጤታማ ስራ እንዲሰሩ መልዕክታቸውን አስተላልፈዋል።

የኢትዮጵያ የሃይማኖት ተቋማት ጉባዔ ጠቅላይ ፀሐፊ ሊቀ ትጉኅን ታጋይ ታደሰ ሁሉም ሃይማኖቶች የሚሰብኩት ሰላም በመሆኑ ለሀገራችን ዘላቂ ሰላም ሁሉም የበኩሉን አስተዋፅኦ እንዲያበረክት የአደራ መልዕክታቸውን አስተላልፈዋል።

ችግሮችን ለመፍታት በጋራ መስራት አማራጭ የሌለው መፍትሄ መሆኑ በመታመኑ የሃይማኖት አባቶች በጋራ እየሰሩ መሆናቸውን ጠቁመዋል፡፡
የሃይማኖት አባቶች ያላቸውን ተሰሚነትን ተጠቅመው
በተለያዩ አካባቢዎች ግጭቶች እንዳይፈጠሩ በማድረግ፣ ጥያቄዎች ካሉ ደግሞ በውይይት መፍታት እንደሚቻል በማሳየት ስራዎች መስራቱን ገልጸዋል፡
የኢትዮጵያ የሃይማኖት ተቋማት የጠቅላላ ጉባዔና የሥራ አመራር ቦርድ አባል ዑስታዝ ሀሰን ዓሊ ባደረጉትን ንግግር ፣አባል የሃይማኖት ተቋማቱ ከመንፈዊ አገልግሎታቸው ጎን ለጎን በጋራ ሀገራዊ የሰላም ፣ የልማት ስራ ባሻገር በሃይማኖት ተቋማትና የሃይማኖት አባቶች መካከል የእር በእርስ ግንኙነት እንዲጠናከር ማድረጉን ተናግረዋል።

ጉባዔው በአባል ቤተ እምነቶች መካከል ለግጭት መንስዔ የሆኑ ጉዳዮችን በውይይት በመፍታት ፣ማሕበራዊ እድገትን የሚያፋጥኑ የልማት ሥራዎችን በትብብር በመስራት ላይ እንደሚገኝ ተናግረዋል።

በ መርሃ ግብር ላይ ጉባኤው ባለፉት 15 ዓመታት በሀገሪቱ ሰላም፣ አብሮነት እና ህብረብሔራዊ ልማት እንዲጸና ያከናወናቸው አዎንታዊ ተግባራት የሚገመገሙ ሲሆን፣ በቀጣይ አቅጣጫዎችና በ18ኛው መደበኛ ጠቅላላ ጉባኤ ውሳኔዎች ላይም ምክክር ይደረጋል ተብሎ ይጠበቃል።

••••••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

በጠቅላይ ምክር ቤቱ የኡለማ ጉባዔ ዘርፍ ምክትል ፕሬዝዳንት ሸይኽ ጁነይድ ሐምዛ የተመራ ልዑክ ለስራ ጉዳይ ጎዴ ከተማ ገባ።
••••••••••••••••••••••••••••••••••••••••••••••••••••••
ነሀሴ 29 /2018 ዓ.ል| ረቢዑል አወል 22 /1448 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••••••••••••••
ጎዴ |

በኢትዮጵያ እስልምና ጉዳዮች ጠቅላይ ምክር ቤት የኡለማ ጉባዔ ዘርፍ ምክትል ፕሬዝዳንት ሸይኽ ጁነይድ ሐምዛ ዩሱፍ የተመራው የስራ ልዑክ በሶማሌ ክልል ጎዴ ከተማ ገባ።
​
ልዑኩ በጎዴ ኡጋዝ ሚራድ ኤርፖርት ሲደርስ በሶማሌ ክልል እስልምና ጉዳዮች ከፍተኛ ምክር ቤት የዳዕዋ ዘርፍ ተጠሪ ሸይኽ አብዱሽኩር ሸይኽ አብደላ፣ የጎዴ ከተማ እስልምና ምክር ቤት ሰብሳቢ ሸይኽ ኢስማኢል ሙዓሊም እንዲሁም የሃይማኖት አባቶችና የአካባቢው አመራሮች ደማቅ አቀባበል ተደርጎለታል።

​ልዑኩ ጎዴ ከተማ የገባው የኢትዮጵያ እስልምና ጉዳዮች ጠቅላይ ምክር ቤት ዑለማ ጉባዔ ከቡኒያን ዓለም አቀፍ ዩኒቨርስቲ ጋር በመተባበር በጎዴ ከተማና በሸበሌ ዞን ለሚገኙ አንድ መቶ ኢማሞችና አሳቲዞች የሚሰጠውን የአቅም ግንባታ ስልጠና በማስተባበር ውጤታማ ሆኖ እንዲጠናቀቅ የስራ አቅጣጫ እና መመሪያ ለመስጠት ነው።

ጠቅላይ ምክር ቤቱ ከቡኒያን ዓለም አቀፍ ዩኒቨርስቲ ጋር በመተባበር ከዚህ በፊትም በተለያዩ ከተሞች ለኢማሞችና ለኡስታዞች ተመሳሳይ የአቅም ግንባታ ስልጠና መስጠቱ ይታወሳል።
••••••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

በአይን ሞራ ግርዶሽ ተጠቂ ለሆኑ ዜጎች ነጻ የህክምና አገልግሎት ሊሰጥ መሆኑ ተገለጸ::
••••••••••••••••••••••••••••••••••••••••••••••••••••••
ጳጉሜ 4/2018 ዓ.ል| ረቢዑል አወል 27 /1448 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••••••
አዲስ አበባ |

​የኢትዮጵያ እስልምና ጉዳዮች ጠቅላይ ምክር ቤት የልማት ክንፍ የሆነው አወሊያ ዕርዳታና ልማት ድርጅት ከአል በስር ኢንተርናሽናል ፋውንዴሽን ጋር በመተባበር ነጻ የአይን ሞራ ግርዶሽ ቀዶ ህክምና ሊሰጥ ነው።

ነጻ ህክምናው በአይን ሞራ ግርዶሽ ምክንያት በከፊልና ሙሉ በሙሉ ለሙሉ የእይታ እክል ላጋጠማቸው ወገኖች የሚሰጥ ሲሆን ለህክምናው አስፈላጊ የሆኑ ቅድመ ዝግጅቶች ከወዲሁ መጠናቀቃቸውን የአወልያ እርዳታ እና ልማት ድርጅት ዋና ሥራ አስኪያጅ ሐጅ ሰዒድ አስማረ ተናግረዋል።

የመጀመሪያው ዙር ነጻ የህክምና አገልግሎት በአዲስ አበባ ከተማ በአወሊያ ጤና ጣቢያ ከመስከረም 4 እስከ መስከረም 7 /2019 እንደሚሰጥም ዋና ስራ አስኪያጁ ገልጸዋል።

​የህክምናው ተጠቃሚ መሆን የሚፈልጉ የአዲስ አበባ እና አካባቢዋ ነዋሪዎች በተጠቀሱት ቀናት በአወሊያ ጤና ጣቢያ በመገኘት የነጻ ህክምና አገልግሎቱ ተጠቃሚ እንዲሆኑም ሐጅ ሰዒድ አስማረ ጥሪ አቅርበዋል።

​ነጻ የአይን ሞራ ግርዶች ህክምናው በቀጣይም በጅማ እና በወሎ አካባቢዎች እንደሚሰጥ ተመላክቷል።
•••••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1