اللي تقفّاني من العمر قد مات
‏والله ماهو راجعٍ لي لو إشتقت

‏هذا شهر مقبل، وهذا شهر فات
‏أطيبهم اللي فيه صمت و تصدقت

‏زانت لي الدنيا و راحت ولا جات
‏و أنا مثل غيري وراها تعلقت

‏وش الحياه إلا مجاميع حاجات
‏تخاف لا تفقد بعضها مع الوقت

فيك يحييّني التواصل و يذبحني البطا
‏إلى متى و وعودنا من شباط، اليّا شباط
‏
"يا كثر ناسٍ علينا تبي تمسك خطا
‏بصراحه شيء مؤسف، و قمّه الإنحطاط
‏
لا تشاورني بشيٍ من يشاور ما عطا
‏الوصل لا جا بوقته، مثل تين الحماط

حطّ لي صدرك فراش ومجدولك غطا
في شنبي، لاصير سجّادة فوق البَلاط

والله مافوق الوطا شخص أو تحت الوطا
يعشقك مثلي من حدود سلوى ، للرباط

يا كثر ما جيت لك ساريٍ، مسرى القطا
قد بعمرك شفتني عنّك ضيّعت السراط؟

مع كثر ما سيف هجرك بمعلوقي سِطا
دافنٍ حزني بصدري غلا .. ماهو هياط"

"والله لو أحط قلبي في قفص صدرك
‏ما راح تستوعب.. اللي ودي أقوله"
‏Vs
‏"والكلام الفوضوي منك؟ له عندي مقام
‏أنت قوله يا حبيبي.. و أنا برتّبه"

"تمطر، وأشوفك شبيه الغيم قدّامي
‏أصفى من القطرة اللي بين كفّيني"

طلِّي علي مثل الشفق يومه يويق من السحاب
‏أحتاج أبدد ظلمت الليل العتيم، بطلِّتك

"لا جاحده نفسي ولاهي شاكره
‏رح بالتدرّج .. لا وصل ولا اجتثاث

‏العين ، ثم القلب ، ثم الذاكره
‏لاطحت من الأولى تطيح من الثلاث"
‏- سعد علوش

"من حلاك ومن غلاك ومن وفاك ونبلك
‏أعتبرتك حلم مستقبل واصالة ماضي"

"ما كنّك إلا هلا من مبسم الطيِّب
‏تشوفها في عيونه قبل ينطقها" – سعد المطرفي

عن ملحها.. ياما البحر حدّث الملح
‏نايف صقر

علام الناس تشكي من هدبك العوق
‏وهو لامن جرح يجرح على فاله

‏اجل كيف الوساع ان سلهمت برفوق؟
‏هدبك لحاله، وسلهامك لحاله

"تذكرت الجديل اللي تموّج كنّه الشلال
‏وخدٍ يجهر البدر بسناه ويجرح غروره"
‏محمد الدحيمي

أنت طيّب والصباح اللي يجيبك طيّب
‏جعل تفداك الليال السود .. ليلة ليلة

أنهب الفرحة، إذا ودك تعيش.

‏لو يكذب اللسان ماتكذب العين
‏والانفس أما بائسة أو سعيدة

‏لا تجرحين وانتي بجرحي ماتدرين
‏مع كل جرحٍ منك مطلع قصيدة.

"ودّي اسلي شوقي اللي كل ما تركد غصونه
‏هبت الذكرى من الماضي القديم وحركتها

‏وإنْ بغيت انسى غرامك وقّفت ذكراك دونه!
‏وردت أركاب المحبه فـ الخفوق وبرّكتها"

"وش البسمة؟ وأنا فيني حزن مترامي الأطراف
‏بدا في وجهي الأنقى من العبرات كم وسمة" ):

"أحبك وأشوف إن العمر في مداك يدور
‏حنيني على لقياك؟ ما يسعفه صبري

‏عسى الليلة اللي تفرش أحلامنا بالدور
‏سماها يتوه الفجر عنها… ولا تسري"
‏__سعود مهدي.