«أنتِ ضماد جروحي اللي من الناس
‏ جروحي اللي منك ساعه وتبْرا»

"انا ادري انك سحاب ماتبل القلوب
مير البلا قلبي اللي من بروقك خضر."
__حَمَد السعيد.

في قَفَلة القصيدة يقول:
"ان كان ما جابك الله مثل رجع النصوب
وابتل غصن المحبة قل تراه انكسر."

"كنت أقول إني لو تضيق الوسيعة ما اضيق
‏واكتشفت أن البني آدم ضعيف ولو قوى

‏كل ماسقت القدم يم السعة ضاق الطريق
‏وكل ماحطيت رجليني على درب التوى

‏امتلت عيني من الماء وفي صدري حريق
‏والطعون اللي من يدين الحبايب مو سوى

‏والله إني كنت أدف طويق و اطيّح طويق
‏لين صرت أطيح لو يلفح طرف ثوبي هوا."

"متصنع السلوه اللي غصب عنّه..قنوع
‏واضح عليه الحزن ..لو ادعى بالطرب"

‏“على إحتياج الارض ليه يشح هتّان الغمام
‏وانا احتياجي قطرتين تبلّ كبد الصابرين“

"ما بقى للرحيل الا صعود السفينه
ليت الاحلام كانت تستحق انتظاري."
__سعود مهدي.

"على صدر السفينه يا بحر لكن بدون شراع
‏تقلّبني رياحك وارتمي في موجك العالي."
__مَطلَع لأحمد البحّا.

"على الذاكرة يغتاض من عِرفك الطوفان
‏ثبت، والقلوب تموت في مدحي وذمَّي
‏
‏تمر الليالي وأنت وجهك هو اللي كان
‏مثل ضحكة من قلب ما بين أبي وأمي."

__صالح بن حمد.

«الله أكبر… كيف مالِك مقدريِّة!
و كل ما تحمّله مِن هَمّي بقايَا»

«ما شفت طرفك في قساه و حنانه
يرقى قصيدي و يتغطرس على يديه.»

—ناصر القحطاني.

وليفي عساني لو عدمته ما أعدم رضاه
‏ولا أعدم نباه وميلة القلب ناحيته
__‏مطلق بن شويه.

"للشعر وجهة نظر في غالب الاحيان
‏وانت اغلب الاحيان والشعر والشاعر"
‏__تركي المشيقح.

"وش يحد المنتمي على الذهاب؟
‏ووش يقيد خطوة اللامنتمي؟

‏دام ما له أرض وأصحاب وقراب
‏ولا حبيب فوق صدره يرتمي

‏ليلة مقيم وليلة في غياب
‏ما ولف قلبه من الخلق ادمي

‏أمست الوديان في عينه سراب
‏والفيافي شوك وعيونه عمي

‏عينك تصيبه ويغشاه ارتياب
‏له بها ميتم وحزن موسمي"

"يا ورد يثّر عليه اللمس
طول العمر ليت من شمّه


احتجت حبّ و صباح و همس
و وردّتني صافي الجمّه"

"لو الكلام يفيد.. من غير الأفعال
يمدي على صوت الرعد تنبت الأرض."
__رايد هلال.

«متولمٍ له بالعتب والمشاريه
‏ومخلّيٍ له باب قلبي مسايف»

__منيف الجراش.

"أجي على صوت الوَعَدْ منِّه وفي نفس المصير
‏وأنا أحسب إنِّي كنت في صدره على ذاك الوَعَدْ"
‏__أبعاد التركي.

"وش بلا قلبك من أيّام متضايق
ليه أحبّك — جاتني بصوت حزين

وين أحبّك ذيك يوم الصوت رايق
ونبرتك فيها فرح مدري حنين

عاتبيني : قولي بـ صدري حرايق
قولي اللي بخاطرك لا تسكتين

قولي أكره .. كل عين بك توايق
وكل مدح اللي بقصيدك طايرين

لا يهمونك .. حواليني .. الخلايق
وحدك اللي وسط قلبي تسكنين

والله ان الحزن أبد ما هو بـ لايق
فاقدك بالحيل وأنتي تضحكين!"
– فيصل القاضي