"طفلٍ بصدري يجي ويروح متهالك
‏أضرمه قيض الحياة وما بعد عيّا

‏يا رب ظلّ القلوب البيض بظلالك
‏محتاج يا رب قلبي فيك.. يتفيّا"
— عبدالله الرشاش

١:٠٧ صَ

"غفت كل الجروح الساكنه فالدور
‏وانا جرحي نفض عن رمشه نعاسه

‏سرى فالبال والذكرى شجر مكسور
‏له النسيان حطاّبٍ نسى فاسه

‏تبرّت يا شجر منك البلاد البور
‏جفل منك الزمان وعلّق اجراسه

‏تحت ظلك وانا بين الدجى والنور
‏طفل تايه حبس عنك اكثر انفاسه."

__‏عبد الرحمن الرزيني.

«كل الوجيه اللي يدور الشِّعر عنها
‏تضحك عيونك على غفله وننساها.»

"ليه اترك الحلم واذرف من وراه الدموع
‏واحلام الانسان توخذ غصب ما تنعطى

‏تشكّلي ياظروف الدهر ومن أي نوع
‏بجيك هادي ومتوازن وواثق خُطى

‏القلب ضد الكسر والراس ضد الخضوع
‏والمتن للشيل واليمنى لبذل العطا

‏يا اللي شعارك مع الايام (لا للرجوع)
‏كل الاماكن ترحّب فيك غير الوطى."
__جمال بندر.

"إنتي ملّيتيني جمال، وجمايل"
— محمد الكريدي.

"انا البارح أنظم في الكواكب خرز مسباح
ولا أصبحت غير بحبل الافكار مصطكه."

— سلطان بن بتلاء.

"أنا ماني بلا مشرك ولا فاسد ولا عربيد
‏أنا اللي لا عصى و أخطى تجهّم و أقلقه ثوبه"

__نايف صقر.

‏"تحت ظِلّ الجروح وفوق رمضاء الحنين
‏الألم: حي/ يرزق، والأمل: حي/ مات."

"ظنوا إن الصمت في وجهي رضى
‏مادروا بالصمت في وجهي جدال

‏نظرتي أوسع من حدود الفضا
‏والسكوت أبعد من حدود الخيال

‏شف على كثر الكلام اللي مضى
‏ما عطيت مدور الزله مجال

‏من نوى صدي فـ أنا جمرة غضى
‏ومن نوى وصلي فـ أنا ماءٍ زلال."

هاللّيله لها لون قصيدة العنود الواصليّه،
اللي مطلعها:

"يا نَجْد ماني غَرِيبه لو شعوري غريب
أنا قصيدة، تغنّت بك و صارت مَرَه!"

ومنها:
"وشلون أرجع معك ضحك الزمان الرحيب؟
و لـ الضيق بين الضلوع العوج مستَعمره

خلاني أحسد مطيح الشمّس يم المغيب
وعلى شعور السّكون أحسد هَل المقبرة.."

وصولاً إلى:
"أسرّي مع اللّيل كني يوم أخاويه ذِيب..
و أنا حمامة، لا جات السرب طار أكثره!"
- الله أكبر!

"لا فتّح الليل جفنه و الشتا شتّى
‏على دفا صورتك ضميت جنحاني

‏لايق عليك المطر يا حلوتي حتى
‏حسيت كنّ المطر فستانك الثاني."

__عبدالرحمن الرزيني.

"ليت طعنات المقادير برماح و سيوف
‏ودّي إن الطعن مَلموس.. ماهو معنوي"
‏
__جمال بندر.

"اتركوني في متاهات الخيال الجرهدية
‏لين اسوي صلح بين الممكنة والمستحيلة."

‏__حزمي بن سعد.

"يا رقيقة مدّي الحسْن وتمادي
‏واشرحي لليل مفهوم الوسامه

‏وافتحي شبّاك تفكيري ونادي
‏كل نجم اخايله تارك علامه

‏اضحكي للغيم دام الجو هادي
‏مثلك انتي؟ له غلاه وله مقامه

‏رافقتْك الشمس يا قمرة فوادي
‏لو تدور الارض، عدّتك الملامه

‏القصايد مالها موقف حِيادي
‏في عيونك يعلن الشعر انهزامه."
🤍

"لو تمتلي الدنيا من أهل الأقاويل
‏ما تلحق الشكّة صدور النشاما."
‏ __علي آل صبيح.

"معي ذاكرة ما ينقفل بابها المفتوح
لا ساد الظلام يعنّها الليل.. وتعنّه"
__بدر بندر.

"ومجدلٍ ماله على أحدٍ معاريف
إلا يديك الّي تليّم عتيمه

الفقر ماهو فقر قل المصاريف
الفقر فقر الّي ماحطّك نديمه"
__مطلق بن شويه.

"لو أحزنّي إني في سبيل الهوى مقتول
‏يعزّيني إني كنت عن مقتلي.. داري"

‏__بندر الدويش.