"في داخلي سجن ومنافي وحرّاس
‏وقلبٍ يدوّر ضحكةٍ يغتربها

‏مثل الكلام اللي حبس بين الاقواس
‏قُيّد وهو ماله ذنوب أرتكبها."
‏__عامر بن مبشّر.

"للحين ضحكاتك نواوير وأزهار؟
‏للحين بسماتك بها برد تشرين؟"
__عارف سرور.

“للخوف جرّه تشتت خطوتي فالزحام
‏ من ينتشلني؟ لا أورّث روعتي لولدي

‏رمح الارق لا تفرعن، قَدّ جفن المنام
‏وسيّل من العين جذوة لوعتي وسهدي”
__عامر بن مبشر.

عنوان هذه الليله؛
" فتنة الحفل "

فتنة الحفل زيدي مشيتك بختره
كل خطوه بروق و كل لفحه صهيل

باقيٍ بين عقلي والجنون شعره
اقطعيها يا شينه عاشقٍ مو هبيل

خلي الارض تاخذ شكل غير الكُره
خلي النار تاخذ رمز غير الفتيل

من غدا الليل شعرك قلت أنا بسهره
ومن غدا الصبح وجهك قلت مالي مقيل

ارقصي بين حد الذنب والمغفره
ارحلي في سكونك واسكني في الرحيل

ارجفي كنك الماء فززته حجره
واثبتي كنك الفضه بعين البخيل

وانحني مثل غصنٍ في طرفه ثمره
واوقفي مثل فزعات بدويٍ اصيل

والفحي علمينا .. كيف تقدر مره ؟
تزرع الليل صبح وتزرع الصبح ليل

في عيونك سوادٍ يستحيل آخره
كامنٍ في بياضٍ اوله يستحيل

واحدٍ تخزرين وما يجيك خبره
اشهد انه عزيزٍ واشهد انه ذليل

اترك العقد بين الجد والغشمره
يخبر الناس وش معنى جميل فـ جميل

كن في الصدر ظبي عيوننا تذعره
ينتفض يذعر الي مذعرينه قبيل

و مفرق الصدر حبات العرق تجهره
كن لك عقد در وعقد من سلسبيل

بينهم حسد ربي بعد ما صوره
عقد وده يجف، و عقد وده يسيل

اه و ليا لمحتك مقبله مدبره
شفت مثلي نحيلٍ زم حمل ثقيل

دام ذا عجز وش للناس بالمقدره ؟
دام ذا خصر وش لي بالخواتم بديل ؟

وسط ثوبٍ خيوطه صمت في ثرثره
به قليلٍ كثير .. و به كثيرٍ قليل

كل شيٍ بجسمك يفضحه يستره
فيه فتنة قصير وفيه حشمة طويل

كنه المخطي الي يطلب المعذره
وكنه الدامح الزله عن الي يعيل

في ردونه نقوشٍ له سنابل ذره
الله اعلم لو ان الريح هبت تميل

كل شي ونقيضه فيك بالمسطره
اقرب من النفس وابعد من المستحيل

كنك الكذب لكن ماحدٍ ينكره
وكنك الصدق لكن ما فـ يدينا دليل

باشة الغيد زيدي مشيتك بختره
لاجل أطاول بحرفي شامخات النخيل

شاعرٍ تلمس ايدينك على دفتره
تغرق فـ وسط اوزانه بحور الخليل

__فهد عافت

"يَامَا رسمتك بالسما قمّره تِغيض النجمتين!
يَامَا فقدتك و السهر غَيْهَب وليلي سرمدي،

يَاما سَهرتك فـ اللّيال اللي تبينا غاويّين
ياما رقبتك، و الصبر أنْهَك ثباتي وأجهدي.."
__طَلالْ.

"لكنّ!
بعد ما خنجر الشِكّه.. طعن صدر اليقين
ماتت فُتات آمال بالدنيا، وبْك مات أجودي"):

«محتاج لي واقع ينسيني السهاد
‏خيالي الواسع مسبب لي أرق.»
‏__نايف العطاوي.

"أَحِنّ .. وادْخل محلّ الورد وحداني
واطلع معي وِحْدتين وْلا معي ورده"

__خالد الردادي

لا متى و انا اعشقك ، في حدود الاحترام
المحبه مالها الا ( البساط الاحمدي )

أنا رواية حلم ، منسيّه على غبار الرفوف
أنا قضيه ، تطلب من أهل العقول إنصافها

أنا قصيدة عشق ، ما مرّت على قلب العيوف
أنا أراضي جرد ، ما غاث السحاب أطرافها

"ياللي تزعلّك المواعيد وتراضيك الصدوف
وش يرضي اللي جاته الحاجه، عقب ما عافها ؟"

- سعود مهدي

"اعتبر من يقول فيه منك اربعين
‏ياردّي عقل ولا.. في عيونه عما

‏انت مالله خلق منك سوا نسختين
‏نسخةٍ فوق الارض، ونسخةٍ فالسماء."
‏
‏__صالح النشيرا.

خطَف طيفك من جْيوب الشعور المزدحم بسمه
تحت ظل الظروف / اللي تغيّرني على أحبابي

"محتاج .. وجهٍ يرجّعني أحب الحياه
وأنتي، جميع الحلول الممكنه في يدي"

"طبطب على قلبي .. ترا قلبي سريع الارتباك
يخاف ، بسم الله عليه من الهوى لا هبّ له"

«أنا على نور وجهك.... ليلتي قمرا
‏لو ما يجي الصبح عادي يا قمر عادي.»
__عمر الودعاني.

أَيقِظ شعوركَ بالمحبةِ إِن غَفا
‏لَولا الشُعورُ الناس كانوا كَالدُمى

‏"أَحبِب فَيَغدو الكوخُ كَوناً نيِّراً
‏أبغِض فَيُمسي الكَونُ سِجناً مُظلِما"

"عاد للماضي الجميل اللي رحل فالعين صوره
‏وعاد قلبي مانسى ضحك الوجيه اللي صدفها

‏كن صدري! ديرةٍ من جملة الناس، مْهجوره
‏الدهر؛ جفّف مواردها.. وعشّى في طرفها

‏من كثر ما اقفى ونسْها والشجر ماتت جذوره
‏لوْ وطاها واحدٍ قد حلّ فيها، ما عرفها."

‏__جابر النشيرا.

"كل الجوارح فيك تنطق لي من عيونك كلام
يا حبّذا لو من لسانك تنّطقه يا حبّذا.."
__بن جدلان.