‏كل ما لدّت عيونك ، فُتِح للموت باب
‏من يعلّم اجمل الحتف .. للسيف الصقيل ؟

‏لا تقول إن عاد الايام .. جلّابة عذاب
‏وقّفت سود الليالي على الطرف الكحيل

‏أوّاه يا قلبٍ عثت فيه المودّه و الولا
‏لو تعترف باللي؛ نساك انساه .. ما ترقب مسج

‏اللي بكى احبابه على المنديل سج من الغلا
‏واللي مسح دمعه طرف كمّه يموت ولا يسج!
- طلال الصقيه

"تغيّرت! يمكن.. بس ماني عديم إحساس
‏لهالحين نفسي متعبتها مشاعرها

‏أدوّر ملامح وجهها في وجيه الناس
‏أنا خايف أنساها ماني خايف أذكرها."

"حمدتك على خير وحمدتك على مكروه
‏وسبحانك اللي لا ألتجى عبدك، أنصفته

‏أجي لك بـ وجهٍ ساير الناس ما شافوه
‏على شان وجهٍ ساير الناس.. عارفته."

"احب اطول مع الغيمه مشاويري
‏واحب ريح الهوى و السيل له خنه

‏و احس لون السما يشبه تباشيري
‏و يشبه قدر ربي اللي ما اعرف عنه

‏ يا جعلني مثل لونه في نظر غيري
‏و الطيب ظنون يا جعلي على ظنه

‏رب المطر لا تحاسبني بتقصيري
‏حاسبني برحمتك لين أدخل الجنه

يا الله سحابه بخت تروي مقاديري
‏الين وجهي يوصف في ضّحْك سنه

‏و أعيش نفسي عزيزه في كنف خيري
‏اكبر من الحاجه و اكرم من المنه"

"أنا ادري إنّي كل ما نزلت راسي للسجود
‏يرفعني الله بالقبول الزين لأعلى، مرتبه"
‏__زايد بن ذعار.

‏"جل شان اللّي خضوعي له و ذلي و أنكساري
‏كل ما يخضع له المؤمن رفع قدره و شانه"
‏__حزمي سعد.

"كلهم عاشقين ويدعّون الصلاح
‏الا انا بالفم المليان.. أحبك جهر"

"أنا دايم أشوف إن: الجزء يقدر يفوق الكُل
‏ إذا قارنت خلق الله العريض بضحكة فلانة"
__عبدالملك الخربوش.

"تنفّس الصبح
‏مدري الليل يتثاوب؟
‏مدري رياح الحنين تسابق الذكرى؟

‏احس
‏صدري حوافر خيل تتناوب
‏وأصوات قومٍ تغير خيولها وتدرا!"

__‏فلاح الجربا.

«أبي -كلمةٍ- تجلى صدى الهم والكابوس
‏عن الخاطر اللي فيه ضيقة وفيه عمّاس»

"قبل اعرفك كنت اخاف الحلم، واخاف أتجلّى
‏ومن عرفتك صرت أعيش العمر وأرد إعتباره"

‏__عبدالملك الخربوش.

‏سرد الحكايه .. بـ ابتديها منين و انهيها منين ؟
‏الحب قد قالوا هله ، من ظلمه اشتق اعدِله

‏وإن المُحب ولو يصبّح بالسما .. يمسي سجين
‏في ذمّة الراويين و الراويين في ذمة هله

‏اللي قدر يكسب رضى الابداع.. قبل المبدعين
‏تستخسرين رضاه ليه ؟ و تستهينين زْعله

‏لا يا عنيده والعذر ماهوب لك لوّه سمين
‏لك في حنايا الصدر ما يجعلك .. أسمّى منزله

‏انتي ذبحك الكبر .. لو مابه من يحاليك زين
‏وانا اشوف عيوبك الواجد ، وأغني ( مُذهله )

‏كلن يجازى بـ عْمله .. ماهوب سلم العاشقين
‏انا معاك اجزي بوادر حبك .. بـ فوق عْمله

‏قبل لا تسرقني الظروف الغامضه في ظرف حين
‏تغانميني حاضرٍ .. يجهل عنا مستقبله

‏الشك لو ياخذ من الانسان .. مُهلة طرف عين
‏ينقل حياته كلها .. من مرحله لا مرحله

‏يمكن يطول البعد ، وتزيد المسافه و الحنين
‏لكّنْ حبك واقعن مفروض .. ما استبدله

‏ما فيه احب من الشكوك اللي يخالطها اليقين
‏ولا فيه أجلّ من الوكاد إن صار .. للحب أسئله

‏كل ما اقول إنها؛ بتزين ، أبطت وعيّت لا تزين
‏عزاي بـ إني كل صعبٍ في هواك .. استسهله

"كل هذا الجمال أمام قلبٍ وحيد
‏ليه يا مذهل العالم محد يذهلك

‏أنت لو ترفع الغطوة يذوب الجليد
‏ويخجل البدر ياخذ دورته فـ الفلك

‏ماتشوف الغصون وفارعات الجريد
‏تنثني لـك تـقول انها تبايع ملك

‏ان كتب ربي اطيح بعيونك شهيد
‏وين بهرب؟ وليه اهرب؟ وليه اسألك؟"

«موت الإنسان فالإنسان هو المطمّه
‏وأنا مانيب ميّت فيك.. ميّت قليلة»
‏
__فهد قطنان.

"انا أكبر من الحضور اللي ملاني غياب
‏وانا أكبر من الكلام اللي يهز الضمير"
‏
__جابر البطحي.

"يا لذة أحلام الليال ونشوة حروف القصيد
‏خذني تحت جنحانك بليلة مودّة من.. إلى

‏صبيت لك من قهوة سنيني عسى عمرك يزيد
‏وأوعدك فنجالك إلى آخر حياتي ما امتلا"

"خمر ! ولاّ شهد ! ولاّ ماء سحابة !
‏ريقك يرّد المقفّي عن دروبه

‏ أبرد مْن المزن في وقت انسكابه
‏وأكثر مْن الجدول الجاري عذوبه

‏يفقد الضامي على عدّك صوابه
‏أنت بس اللي تفّز الروح صوبه

‏كيف أتوبك وأنت لأسئلتي إجابة ؟
‏كل تايب ودّه أنّك من ذنوبه"

‏__سعود مهدي.