"كيف الفجر ما يلاقي في مجيْك إختيال؟
‏إذا جبينك: سناه.. وضحكك أغنيّته

‏كان الهدى عن عيْونك ما يُسمّى ظلال؟
‏وش يُسمّى العمر لو منتي.. أمنيّته"
‏
__صالح بن حمد.

"ترك لك قلب في راحت يدْك.. وانتي
‏تركتي فيه جرحٍ يشبه لـ اسمه!"
‏
__خالد المقاطي.

Vs
"‏يا "حزني" يوم صرت تمون ويش تكون
‏عشان حروفك تشابه حروف اسمي؟"

‏ __حزمي بن سعد.

‏"شخصٍ ما أجيه إلا وقت الفراغ
‏وشخصٍ أتفرغ له عشان أقابله"

🤍

"صار السهر يتعّب اكثر من اول
‏اخاف تطلع روحي بطلعة الشمس."

‏أنا أدري وضعك أصعب/والكلام أسهل من الأصغاي
‏تماسك لو عشاني .. لين أشتت زحمة أفكاري

‏بنيّات العيون إن سالت بـ خدك تجيب أقصاي
‏لا تنثرها.. واحارب لك زماني طالبٍ ثاري

‏لا تهزمني دموعك، والزمن لا مثلي وْ شرواي
‏تشيّم عن مطيحي، صد دمعاتك عن انظاري

‏أجيك؛ المنهك اللي ما يبي منّك رجّاحة راي
‏أبيك؛ المنصت اللي جاوبت شرهاته، أعذاري

‏ترا صدور الرجال بحور و الغلطه على الشكاي
‏و أنا ما يدري،إلا ملاحظاتي و أنت .. بأسراري

‏تراي اشوف ظرفي ريح و الهاجوس جوف الناي
‏كثر ما زادت ظروفي، كثر ما زانت أشعاري ..

__طلال الصقيه.

‏"ياما حضنت المتعبين بهالحياة
‏حتى غدا صدري مخيّم لاجئين"

‏__سعد الخلاوي.

‏Vs
‏"وانا علشان غيري موجعٍ روحي
‏ولاحدٍ موجعٍ روحه علشاني"

__‏جابر النشيرا.

‏"من المستحيل أنساك وأنت الأمل بالذات
‏خطيتك تدمح والغلط منك مرجوعي"

__ابن شايق.

"تعدّيت مرحلة التحسّف على اللي طاف
‏أنا هالسنة صرت آتحسّف على الباقي"

‏__محمد بن هرشان.

"اتحرّى يمكن الليل يطلع منه نور
ولّا يمكن تنطق شفاك: لبّيه وهلا"

__بندر الدويش.

"أسامر طيوفك.. كل ما غابوا السمّار
‏مع إني وحيد شلون ما أحس بالوحدة

‏ورى كل بسمة فاتنة.. تلفت الأنظار
‏عليها المشاعر فـ آخر الليل متحدة

‏حبيبي لا تخشى ضيعتي والحياة أقدار
‏ضياعي حقيقة عمر ماهيب منجحدة

‏تبيها وصل، ولا تبيها ( فراق ) اختار
‏أنا ما قدرت أختار منها — ولا وحدة"

__عبدالله السراهيد.

"يا نجمك اللي سهرت الليل أتسوّله
‏وأمر ّ في كل وادي للقصايد وأهيم

‏سلكت خوف الطريق اللي التعب طوّله
‏ليت الغمايم تمرّك أو أجي لك بـ غيم

‏أو ليتني، ضحكةٍ في الروح متجوّله
‏لا ضيق يبقى بصدر ولا بعينك سديم

‏قم نمسك النور، نتهجّاه من أوّله
‏ونقرا ملامحك فجر ٍ ما يمرّه عتيم"

"أدري كبرت و صارت أحلامي كبار
وبديت أحس إن الليالي عجوله

واللي أكتشفته بعد هالعمر دار
ان أجمل سنين الحياة.. الطفولة"

"ماعاد عندي فرصة تهدر من العمر الثمين
‏واللي بينشده من أسباب الفراق يخبره

‏حيث إنه أول شخص يسقط من عيوني مرتين
‏وأنا عيوني من سقط منها — ماعاد تعبرّه."

"وصل الكلام.. آخر حدود الميانة
‏واللي تعثر قام واللي.. قسى حنّ

‏مافيه احد، يستاهل انّك عشانه
‏تعيش راجي فضل وتموت ممتنّ

‏تقدر ترجّع، ( كلّ شيّ ) بـ مكانه
‏بسّ المسير لوين والخطوة لمنّ

‏لا خانك اللي كنت خوفه وأمانه
‏بـ يخونك التعبير ويخونك الظنّ"

"ألاقيك في مطلع قصيدة ونسمة نود
‏وفي البدر لا ضوّى وفي الورد لا ندّى"
‏
__سعود مهدي.

"تضاحك لو إن عيونها السود فيّاضة"
‏
__مهمهية.

"ماعاد لي في باقي العمر غيبه
‏وأنا القريب اللي بعيد المراميس

‏وجهٍ رجع بعد الغياب لحبيبه
‏يلعن غيابه، مثل ما يلعن إبليس

‏ما اقول ساورني من البعد ريبه
‏أقول عاثت بي شكوك الهواجيس

‏فقدت وجهٍ؛ فقد مثله مصيبه
‏ومافيه مثله في جميع المقاييس

‏نور الوجيه النيّره .. يلتجي به
‏ويلامسه -ضيّ أوّل الشمس- تلميس

‏لو مارجع لي في الليال القريبه
‏والله لا ألحّق جرته حادي العيس

‏رماد.. الأيام الطوال العصيبه
‏وتلوّنت بألوان ريش الطواويس

‏عوّد، وقلبي كل نبضٍ يصيبه
‏يدّق.. كنّه في بطون المراويس

‏حيّا قدومه كل شوقٍ يجيبه
‏والله يلوم اللي يلوم الأحاسيس

‏كفّين الأرض المبسطات الرحيبه
‏أشوفها من قبل ياتي محابيس

‏يمشي عليها، كنّها من نصيبه
‏وهي تزفّه مثل زفّ المعاريس

‏لو نجد.. ماهي في غيابه غريبه
‏ماصارت أوفى من مشاوير باريس"

__سلمان بن محمد.