"ماني مع الشعر مثل اول بوجهه ضحوك
‏كنت احسبه من منابع خافقي قد نضب

‏مدري تجمّلت بافكاري عليّ واكتبوك
‏ولّا تجمّلت فيني.. وانت كلّك سبب"

"ما يغريني الألماس لو زادوا القيراط
‏ولا فاد دمع المحتسر عقب تفريطه

‏وأنا لو شريت قماش ثوبي من الخياط
‏يحسبونه من أغلى مكاينهم امخيطه

‏أنا الفكرة اللي عمقها يؤخذ استنباط
‏أصيغ الشعور الصعب وآعيد تنميطه

‏على كثر ما نفسي عزيزة مانيب احتاط
‏وعلى كثر ما اخشى حزني.. أحسنت تبسيطه"

مذلة رفيقي بالخطا ما هيب فيني
‏و لا أحب شوف شذرة السيف منثلمة

‏انا ما أحدّ المخطي على أنه يراضيني
‏لا صار الخطا ما هوب طبعه و لا سلمه

‏إليا شفت عنده نيّة العذر تكفيني
‏عذرته ولوّه ما تكلم و لا كلمة.

"أنا الجريح.. اللي فهم نفسه خطا
‏ وأنتي فهمتيني صحيح"
‏- عمر المسفر

يسيل من غرّ السحاب المراويح
‏صوتك و يحيي يابسات الحشايش

‏و انا بعد ليل العنا و التباريح
‏مستغرب انّي كيف للحين عايش

‏في ليلةٍ غبتي بها كانت الريح
‏تْعاتب الباب الخشب و الدرايش

‏و النار و اغصان الشجر و المراجيح
‏و قلبٍ رزين احيان واحيان طايش

إليّا طرقلي برمشه ثم ضحك سنّه
‏غدا له القلب طبلٍ عند طقاقه

الكبد مجروحه والاحساس ملهود
‏والصدر ضايق والعذاب متواصل

‏والقلب يبغى شي ماهوب موجود
‏والعين تبغى شي ماهوب حاصل

__خالد مبارك.

"لو تقتحمني عاصفة وتزلزل أركاني ريـاح
‏صوت الأمل فيني يقول: إن العواصف بتهدأ.."

"ما تقدر الدنيا على أحلام الكبير
‏لا صار له قلبٍ على المر صبّار

‏يا رب وأحلامي تبي منك تدبير
‏خلقتها مثلي وجت مثلي كبار"

أبي منك تشوف إني وطن يغنيك عن الأوطان
‏ويصير الكون بغيابي، بقايا أرض مهَّجوره.

فمان الله والعذر السمين أبلغ من التبرير
‏عفى الله عن خطايا اللي خطايانا على شانه
‏
‏فمان الله يالغصن اللّيان اللي هَجرك الطير
‏هذا طيرك يبلغك السلام بروس جنحانه

‏سمحت من المحبه وسامحني على التقصير
‏وصلنا آخر حدود العشره.. اللي مالها خانه

‏__علي الدعيه

Vs
رح فمان الله من شكّي وظنّي
‏وانا في وجهه من جروحك وطبّك

‏وان خذتك المغريات يكفي اني
‏كان عندي كل شيّ.. وكنت احبّك

‏__فهد الحمّاد.

"وأجيك بلهفة الصبح القديم، وحسرة ظروفي"
‏__عبدالعزيز الدوسي.

رميت آخر محطاتي حجر سجّيل
‏وصافحت السما هاقي بـ مسباقي

‏كفرت بكل حاجه تقبل التقليل
‏وقفت وما وقفت الا على ساقي
‏__احمد البحّا

قل للظروف اللي خذت وجهّك الزين
‏والله انّ ياتي يوم .. واخذك منها

انتظر والليل ولهان و شغوف
‏موعدٍ يضحك على أطراف الفجر

‏في أمانك ما بقى بالصدر خوف
‏و ابتسامك بين تطمين.. و أجر

كل الدروب استقبلت خطوتي ويل
‏وعبرت معها وأحتزمت بقراري

‏ما عاد هي ياصاحبي تصهل الخيل
‏الا إذا جاها من الأمس طاري

‏ولا عزت الشيمه مقام الرجاجيل
‏ولا بلّت الغيمه جفاف الصحاري

‏كلي ظما وانا تحت رجلي السيل
‏وكلي تعب وأرفض أوقف مساري