في وصف الإنسان الوحيد، يقول عمر العمودي:
‏"من فرط وحدته؛ كان يمشي دون ظل"

عاذرْك لو مالك من البارح اعذار
‏الليل فرصة وانت في ليل حالك

‏خلّيت لك في محجر العين تذكار
‏امّا تجي ترعاه ولّا سعالك

حبيبي الآسف، انا الآسف البار
‏لا زاد حبّيلك، يزيد انشغالك

‏لا تعتذر وانت المسايير والدار
‏والموت ما بيني وبين اتّصالك.

"ما بين يمكن تزين وبين ربك يعين
‏هذي تراتيل نفسي وسط محرابها" _الجوير

"على عوج الدورب أقبلت لك ظامي و وجهك ماي
‏وتعبت أطرد وراك وما سقى هتّانك الظامي"
__عبدالله المجلاد.

"وفاه مقيّدٍ شوفي، وأنا وافي ومن وافين"
‏- محمد بن فطيس

من أتعابي احس ان الأرض فوقي وهي تحتي
‏وأحس اني ضعت ومستاحشه دربي وانا بـ نصّه

"تركتك للراضين بالسهل ومحبين البقايا
‏واخترت اتجاوز سوادك.. لا الطخ بياضي"

تفقدي قلبي.. تراه مخلاّ
مافي أحد غيرك بيسأل عنه

شوفيه بين رموش عينك ولّا؟
فالمبسم اللي عينك أكبر منه

"ترى الأمل ماهو علاجك على طول
‏أحيان لأجل تطيب تحتاج للياس"
‏- سليمان المانع

ما مل الأمل لحظة وجوده في عمري
‏عارف بعد الظلام نهارٍ يسترق خوفي
Cv

يشوفون السهر من كثرة الكافيين
‏وانا اشوف السهر لا حان موضوعك

‏حبيبة خاطري، ماعادنا حيّيين
‏بعد مات الشعر متوسّد ضلوعك

‏انا ذاك الشعور المرهق المسكين
‏تعبت اضماك واترجّاك وآجوعك

‏انا ماخاف عذري كان ما ترضين
‏انا خايف على خدّك من دموعك
__البحّا.

"طبعنّا وطبوع أهلنا، على مر الزمان
نحفظ المعروف لو كان فنجال قهوه"

"وما بين التجاهل والضجيج و دوشة الادراك
‏أفتش عن مفاتيح الطريق .. و ألقاك قدامي"